Визит Эмомали Рахмона в Астану на переговоры с президентом Казахстана Нурсултаном Назарбаевым

Сӯҳбати Раҳмон бо Назарбоев: умед ба идомаи фаъолияти пешво ва изҳори омодаи ҳамкорӣ бо ӯ

660
Эмомалӣ Раҳмон дар сӯҳбати телефонӣ бо Нурсултон Назарбоев изҳори қаноатмандӣ кардааст, ки пешвои Қазоқистон фаъолияти худро дар арсаи сиёсат идома хоҳад дод ва Тоҷикистон омода аст, ки бо ӯ дар оянда ҳамкориҳояшро давом диҳад

ДУШАНБЕ, 20 мар — Sputnik. Дафтари матбуоти раисҷумҳури Тоҷикистон аз сӯҳбати телефонии раисҷумҳури Тоҷикистон Эмомалӣ Раҳмон ва аввалин раисҷумҳури Қазоқистон Нурсултон Назарбоев хабар додааст.

Бино бар иттилои манбаъ, сӯҳбати ҷонибҳо, имрӯз, 20 март пас аз як рӯзи ба истеъфо рафтани Нурсултон Назарбоев сурат гирифтааст.

Президенти Тоҷикистон барои ҳамкориҳои самараноки чандинсолаи ҷумҳуриҳо ба Назарбоев изҳори сипос карда, умед ба идомаи фаъолияти собиқ ҳамтояш дар арсаи сиёсат кардааст.

"Раисҷумҳур изҳори қаноатмандӣ кард, ки пешвои Қазоқистон фаъолияти созандаи худро дар арсаи сиёсат ба нафъи мардуми бародари Қазоқистон ва тамоми минақа идома хоҳад дод", - менависад дафтари матбуотӣ.

Остона. Акс аз бойгонӣ
© Flickr / Ken and Nyetta

Ҳамчунин, Эмомалӣ Раҳмон гуфтааст, ки омодаи идомаи ҳамкориҳо бо Нурсултон Назарбоев аст.

"Эмомалӣ Раҳмон ҳамчунин қайд намуд, ки аз дидори Нурсултон Назарбоев - дӯсти боэътимоду бародари худ - дар Тоҷикистон ҳамеша хушнуд хоҳад буд", - омадааст дар иттилои манбаъ.

Ёдрас мешавем, шоми 19 март раисҷумҳури ҳамакнун пешини Қазоқистон Нурсултон Назарбоев дар муроҷиат ба мардум эълом кард, ки ба истеъфо меравад.

Феълан, то интихоботи президетӣ дар Қазоқистон симати раисҷумҳур дар дӯши раиси пешини сенати парлумон Қосим-Ҷомарт Тоқаев аст. Дертар маълум шуд, ки духтари Назарбоев - Дариға Назарбоева  дар парлумони кишвар ҷойгузини Тоқаев гашт.

660
Президент России Владимир Путин

Муносибати Владимир Путин ба танқиди тунд: ӯ гуфт кадом нақд хуб аст

9
(Таҷдидшуда 18:53 12.07.2020)
Президенти Русия Владимир Путин гуфт, ба танқид чӣ гуна муносибат мекунад. Ӯ гуфт танқид набояд фақат ба хотири танқид бошад

ДУШАНБЕ, 12 июл — Sputnik. Президенти Федератсияи Русия Владимир Путин гуфт, гӯш кардан ба пешниҳодҳоро аз вазифаи худ медонад.

Дар баробари ин президент қайд кард, ки танқид бояд конструктивӣ бошад.

"Агар аҷоиб намояд, ман ба пешниҳодҳо гӯш медиҳам. Агар дар баробари танқид чизе пешниҳод шавад. Чунки агар  танқид танҳо ба хотири танқид бошад, пас аҷоиб нест", - гуфт Владимир Путин дар мусоҳиба бо шабакаи "Россия 1".

Ба гуфти Путин дар дунё доим ҳастанд одамоне, ки дигар фикр доранд.

"Онҳо фикр мекунанд, ки роҳи ҳалле, ки онҳо пешниҳод доранд аз оне, ки мақомоти давлатӣ аз ҷумла преизедент пешниҳод мекунад, беҳтар аст", - шарҳ дод раисиҷумҳури Русия.

Путин иқрор шуд, ки ба танқиди ба ҷо ва пешниҳодҳои хуб "бо хушнудӣ гӯш медиҳад".

"Ҳама зид буданд": Путин дар бораи боздид аз Коммунарка

Дар баробари ин ӯ қайд кард, ки амалӣ кардани он чандон муҳим нест.

"Донистани ҳамагуна фиркҳо, пешниҳодҳо ва арзёбиҳо, фоида дорад", - хулоса кард президент.

9
Барчаспҳо:
президент, посух, вокуниш, Владимир Путин
Эмомали Рахмон подписывает документы на заседание глав государств СНГ в Душанбе

Се қарори Ҳукумат: Раҳмон сардори Донишкадаи олии сарҳадии КДАМ - ро аз вазифа озод кард

491
Раисиҷумҳури Тоҷикистон Эмомалӣ Раҳмон се қарори Ҳукуматро имзо карда, чанде аз масъулини баландпояро ҷо ба ҷо кард

ДУШАНБЕ, 10 июл — Sputnik. Раисиҷумҳури Тоҷикистон Эмомалӣ Раҳмон се қарори Ҳукуматро имзо карда, дар мақомоти қудратӣ тағйироти кадрӣ амалӣ кард.

Бино ба гузориши котиботи раисиҷумҳур, бо қарори Ҳукумати Тоҷикистон, Мирзоев Бадриддин Қиёмиддинович бо сабаби ба кори дигар гузаштанаш аз вазифаи сардори Донишкадаи олии сарҳадии Кумитаи давлатии амнияти миллии Ҷумҳурии Тоҷикистон озод гардид.

Тағйироти кадрӣ: Раҳмон масъулини мақомоти қудратӣ ва давлатиро ҷо ба ҷо кард

Бо қарори дигар Пиракзода Ҳикматулло ба ҷойи ӯ, сардори Донишкадаи олии сарҳадии Кумитаи давлатии амнияти миллии Ҷумҳурии Тоҷикистон таъин шуд.

Тибқи қарори сеюми Ҳукумат, Нурализода Нуриддин Файзиддин директори муассисаи давлатии қароргоҳи «Искандаркӯл»-и Дастгоҳи иҷроияи Президенти Ҷумҳурии Тоҷикистон таъин гардид.

491
Барчаспҳо:
Ҳукумат, тағйироти кадрӣ, Эмомалӣ Раҳмон, Тоҷикистон