Прилет президента Казахстана  К.-Ж. Токаева в Москву

Чаро Владимир Путин раисҷумҳури нави Қазоқистонро пешвоз нагирифт?

897
(Таҷдидшуда 14:30 05.04.2019)
Зимни сафари нахустини раисҷумҳури Қазоқистон Қосим Ҷомарт Тоқаев ба Русия, президенти ин кишвар Владимир Путин ӯро пешвоз нагирифт, ки баҳсҳои зиёдеро миёни корбарони интернет барангехт.

ДУШАНБЕ, 5 апр – Sputnik. Раҳбари Вазорати рушди иҷтимоӣ Даврон Абаев ин масъаларо тавзеҳ дод. 

Чуноне Sputnik Қазоқистон бо такя ба мусоҳабаи вазир Абаев дар барномаи "Открытый диалог"-и шабакаи "Хабар" менависад,  Абаев гуфтааст, ки ин масъала боиси баҳси оммавӣ нест.

"Ин овозаҳо дар ҳоле сар заданд, ки бархе аз расонаҳо миёни пешвозгирандагон ҳузур доштани муовини вазири умури хориҷаи Русия-Александр Панкин фаромӯш карданд",-қайд кард вазир.

Ӯ ёдоварӣ кард, ки сафарҳои кишвардорон ба давлатӣ, расмӣ, корӣ ва ғайрирасмӣ ҷудо мешаванд. Ва ҳар яки онҳо расми пешвозгирии худро дорад, ки бояд риоя шавад.

"Дирӯз сафари расмӣ буд, ки зимни он президентро бояд сафирон ва раҳбарони протоколӣ пешвоз гиранд. Вале ҳатто дар ин сурат ҳам ҷониби Русия барои истиқбол гирифтани Тоқаев, муовини вазири умури хориҷаашро равон кард. Ин аз эҳтироми хосса нисбати меҳмон шаҳодат медиҳад,-гуфт Абаев. Раҳбарон танҳо ҳангоми сафарҳои давлатӣ ҳамтоёнашонро пешвоз мегиранд".

Дар баробари ин вазир қайд кард, ки сафари нахустини Тоқаев ба ҳайси президент барояш бисёр бобарор буд.

"Дидори кишвардорони мо чӣ дар шакли васеъ ва чӣ дуҷониба дар фазои дӯстона ва ҳамдигарфаҳмӣ сурат гирифт",-таъкид кард вазири рушди иҷтимоӣ.

Қосим Ҷомарт Тоқаев рӯзҳои 3-4 апрел барои бори аввал ба ҳайси раисҷумҳур ба Русия сафар кард.

897
Мавзуъ
Эмомалӣ Раҳмон бо Қосим-Ҷомарт Тоқаев суҳбат кард
Қосим-Ҷомарт Токаев - иҷрокунандаи вазифаи раисҷумҳури Қазоқистон