Ҳамоиши бузурги роҳбарон дар Душанбе: Путин гуфт, “иштирок мекунем”

Обуна шудан
Владимир Путин, раисиҷумҳури Русия гуфт, ки кишвараш роҳбарии Тоҷикистонро дар Машварати ҳамкорӣ ва тадбирҳои боварӣ дар Осиё (МҲТБО) ҳаматарафа ҷонибдорӣ мекунад

ДУШАНБЕ, 18 апр — Sputnik. Путин зимни нишасти хабарӣ дар Маскав гуфт, ба зудӣ дар шаҳри Душанбе нишасти роҳбарони кишварҳои узви МҲТБО дар назар аст.

Президент РФ В. Путин встретился с президентом Таджикистана Э. Рахмон - Sputnik Тоҷикистон
Раҳмон: муҳоҷирон кам шудаанд. Путин: 1,2 миллионанд: суҳбат аз теъдоду пулашон – видео

“Хеле қариб, аллакай моҳи июн дар Душанбе нишасти Машварати ҳамкорӣ ва тадбирҳои боварӣ дар Осиё – МҲТБО дар назар аст ва мо бо камоли майл дар он иштирок мекунем”, - изҳор дошт Путин 17 апрел дар анҷоми гуфтушунидҳо бо ҳамтои тоҷикистонияш Эмомалӣ Раҳмон.

Машварати ҳамкорӣ ва тадбирҳои боварӣ дар Осиё – МҲТБО, анҷумани байнидавлатиест, ки бо ибтикори Қазоқистон ва дастгирии СММ таъсис ёфтааст. Дафтари марказии МҲТБО дар шаҳри Остона - Нурсултони феълӣ воқеъ аст.

LIVE_Спутник: Совместное заявление для прессы Путина и Эмомали Рахмона - Sputnik Тоҷикистон
Маросими имзои созишномаҳо ва изҳороти муштараки Раҳмону Путин - навор

Узви ин созмон 27 кишвар аз ҷумла Тоҷикистон, Русия, Қирғизистон, Қазоқистон, Озарбойҷон, Чин, Ҳинд, Эрон, Исроил, Узбакистон, Туркия, Миср, Ироқ, Покистон, Фаластин, Муғулистон, Ветнам, Таиланд ва ғайра мебошанд. Мақомоти олии қабули қарор ҳамоиши нишасти сарони кишварҳо ва ҳукуматҳои узв буда, он дар чор сол як маротиба баргузор мегардад.

Қаблан раисиҷумҳури Тоҷикистон бо имзои як қарор, Қоҳир Расулзода, сарвазири кишварро роҳбари Кумитаи тадорукотии ташкили мулоқоти роҳбарони даҳҳо кишвари Осиё дар Душанбе таъин кард. Раисиҷумҳури Тоҷикистон инчунин даъватномаро барои иштирок дар ҳамоиши Душанбе ба бархе аз роҳбарони давлатҳои Осиё ирсол кард.

Лентаи хабарҳо
0