Раҳмон шумораи миллиардҳои додаи Чин, сирри рушд ва интизориҳо аз сафар ба Пекинро гуфт

Обуна шудан
Эмомалӣ Раҳмон, раисиҷумҳури Тоҷикистон дар суҳбат бо се расонаи маъруфи чинӣ аз ҳаҷми сармоягузориҳо, теъдоди корхонаҳои муштарак, сирри рушди босуръати Чин ва интизориҳояш аз сафар ба Пекин гуфтааст

ДУШАНБЕ, 22 апр - Sputnik. Эмомалӣ Раҳмон изҳор доштааст, ки Чин тайи 70 соли охир санҷишҳои зиёде паси сар карду ба масири рушди устувори иқтисодию иҷтимоӣ баромад.

Суҳбати Эмомалӣ Раҳмон, раисиҷумҳури Тоҷикистон бо шабакаи телевизиони “CCTV”, хабаргузории “Синхуа” ва нашрияи “Женмин Жибао”-и Чин  - Sputnik Тоҷикистон
Суҳбати Эмомалӣ Раҳмон бо хабарнигорони се расонаи маъруфи Чин

Ӯ изҳор доштааст, ки ҳар бори сафараш ба Чин аз дастовардҳои ин мардум дар бахши ислоҳоти иҷтимою иқтисодӣ ва муосирсозӣ ба ваҷд меояд.

Раисиҷумҳури Тоҷикистон рушди миёнаи 9,5 дарсадии Чинро тайи 10 соли охир зикр карда, таъкид намудааст, ки бидуни шак ин ҳама дастовардҳо натиҷаи меҳнати "титанӣ"-и тамоми мардуми Чин ва роҳбарияти кишвар мебошад.

Эмомалӣ Раҳмон илова намудааст, ки Чин феълан шарики калидии иқтисодии Тоҷикистон мебошад.

Визит президента Таджикистана в Китай - Sputnik Тоҷикистон
Си Ҷин Пин даъват кард: Эмомалӣ Раҳмон ба Чин меравад

“То имрӯз ҳаҷми маблағгузории Чин дар иқтисодиёти кишвари мо зиёда аз 2,5 миллиард долларро ташкил медиҳад, ки қисми зиёди он сармоягузории мустақим мебошад. Феълан дар Тоҷикистон ҳудуди 350 ширкат бо саҳми Чин фаъолият доранд”, - изҳор доштааст Эмомалӣ Раҳмон.

Ӯ зикр намудааст, ки соли гузашта ҳаҷми додугирифти мол миёни ду кишвар 10 дарсад боло рафтааст, ки ин ба гуфтааш қаноатбахш нест.

“Мо бояд ҳар имконро барои густариши додугирифти мол истифода барем”, - изҳор доштааст Эмомалӣ Раҳмон ва таъкид намудааст, ки солҳои охир соҳибкорони зиёди тоҷикистонӣ талоши баромадан ба бозори Чинро доранд.

Министр иностранных дел Таджикистана Сироджиддин Мухриддин  - Sputnik Тоҷикистон
Садҳо миллион доллар: Тоҷикистон аз сармояҳои Чин розӣ аст

Дар мавриди сафари қарибулвуқуяш ба Чин, барои иштирок дар ҳамоиши “Як камарбанд – як роҳ”, ҳафтаи равон дар назар аст, Эмомалӣ Раҳмон гуфтааст, ки онро яке аз чорабиниҳои муҳими сол медонад ва натиҷаҳои муҳимро интизор аст. Ӯ омодагиро барои густариши ҳамкориҳо баён дошта, таъкид намудааст, ки Тоҷикистон дорои сармояи бузурги инсонӣ, аҳолии ҷавону афзоянда, захираҳои обу энержӣ, куҳкорӣ, манзараҳои зебо, мавқеъи мусоиди ҷуғрофӣ буда, ба бозорҳо наздик мебошад.

Эмомалӣ Раҳмон ҳамоиши қарибулвуқӯи сарони давлатҳоро дар Пекин майдони муҳим барои баррасии густариши муносибот ва рушд хонд.

Лентаи хабарҳо
0