Президент Таджикистана Эмомали Рахмон и министр иностранных дел Афганистана Салохиддин Раббони

Баҳси Раҳмону Раббонӣ аз истирдоди 80 зиндонӣ ба Афғонистон

349
Эмомалӣ Раҳмон бо вазири умури хориҷаи Афғонистон Салоҳуддин Раббонӣ аз интиқоли 80 зиндонии афғон ба кишварашон гуфтаанд

ДУШАНБЕ, 17 май — Sputnik. Мулоқоти ҷонибҳо 16 май дар ҳошияи конфронси сатҳи баланд дар Душанбе баргузор гардид.

Дар ин мулоқот ҷонибҳо масъалаи баргардонидани 80 маҳбуси афғонро ба кишварашон низ, баррасӣ кардаанд.

Эмомалӣ Раҳмон изҳор доштааст, ки зиндониҳо барои адои ҳукм ба кишварашон фиристода хоҳанд шуд.

Ҳарчанд дар ин бора дар гузориши дафтари матбуоти раисҷумҳури Тоҷикистон аз мулоқоти Эмомалӣ Раҳмон бо Салоҳуддин Раббонӣ чизе гуфта намешавад, аммо дар хабаре дар сайти Вазорати умури хориҷаи Афғонистон ишора шудааст.

"Ду тараф дар ин дидор дар бораи хати интиқоли барқи CASA - 1000, нерӯгоҳи Роғун, ҳамкориҳои амниятӣ ва сарҳадӣ миёни ду кишвар, интиқоли 80 тан аз зиндониёни афғон, интихоботи раиси ҷумҳури Афғонистон баҳс ва табодули назар доштанд", - гуфта мешавад дар гузориши сайт дар бораи мулоқоти Раҳмону Раббонӣ.

Бештари зиндониёни афғон, ки дар ҳудуди Тоҷикистон адои ҷазо мекунанд, ба иллати интиқоли ғайриқонунии маводи мухаддир маҳбас шудаанд.

349
Встреча Посла Республики Таджикистан в Королевстве Саудовская Аравия Акрама Карими с Государственным министром иностранных дел Королевства Саудовская Аравия Аделем Аль-Джубейром

Ҳамкориҳои Тоҷикистону Арабистони Саудӣ тақвият меёбад

29
(Таҷдидшуда 15:43 20.10.2020)
Сафири Тоҷикистон дар Арабистони Саудӣ Акрам Каримӣ бо вазири давлатии корҳои хориҷии Подшоҳии Арабистони Саудӣ Одил Ал-Ҷубайр дидору мулоқот кард

ДУШАНБЕ, 20 окт — Sputnik. Рӯзи 19 октябр  дар шаҳри Риёз мулоқоти сафири  Тоҷикистон дар Арабистони Саудӣ Акрам Каримӣ бо вазири давлатии корҳои хориҷии Подшоҳии Арабистони Саудӣ Одил Ал-Ҷубайр баргузор гардид.

Дар ин бора Сафорати тоҷикистон дар Арабистони Саудӣ хабар медиҳад.

Гуфта мешавад, ки дар ин дидор, ҳамкриҳои дуҷонибаи Тоҷикистону Арабистони Саудиро баррасӣ кардаанд.

Хатмкардаи “Ал-азҳар”, донандаи 5 забон: сафири Тоҷикистон дар Арабистони Саудӣ кист?

"Дар вохӯрӣ масъалаҳои ҳамкориҳои дуҷониба ва роҳҳои таҳкими онҳо дар арсаҳои сиёсӣ, иқтисодию тиҷоратӣ, фарҳангӣ ва дигар самтҳои мавриди эҳтимоми муштарак баррасӣ ёфтанд", - омадааст дар хабарнома.

Маросими ҳаҷҷи умра дар Арабистони Саудӣ аз сар гирифта шуд

Ёдрас мешавем, ки Акрам Каримӣ ба тозагӣ - моҳи августи соли равон, сафири фавқулодда ва мухтори Тоҷикистон дар Шоҳигарии Арабистони Саудӣ, яке аз кишварҳои калидии олами ислом таъин шуд.

Каримӣ Акрам Муҳаммадрасул соли 1978 дар деҳаи Овчии ноҳияи Деваштичи вилояти Суғд ба дунё омада, хатмкардаи бахши забони арабии факултаи шарқшиносии Донишгоҳи миллии Тоҷикистон буда, дипоматияро дар Донишгоҳи “Ал – азҳар” – и Мисри Араб омӯхтааст.

29
Барчаспҳо:
гуфтугӯ, дидор, сафорат, Ар-Риёз
Президент Республики Таджикистан Эмомали Рахмон

Президенти АМА Эмомалӣ Раҳмонро шодбош гуфт

109
(Таҷдидшуда 18:46 19.10.2020)
Алифа бин Зойид Оли Наҳён саломатии бардавому хушбахтӣ ва ба Ҳукумату мардуми дӯсти Ҷумҳурии Тоҷикистон рушду шукуфоии минбаъдаро таманно кард

ДУШАНБЕ, 19 окт — Sputnik. Президенти Аморати Муттаҳидаи Араб Алифа бин Зойид Оли Наҳён раисҷумҳури Тоҷикистон Эмомалӣ Раҳмонро ба муносибати дигарбора интихоб шуданаш ба мансаби президентӣ шодбош гуфт. Дар ин бора дафтари матбуоти раисҷумҳури Тоҷикистон иттилоъ медиҳад.

"Боиси хушҳолии беинтиҳо ва шарафи бузурги ман аст, ки Шуморо ба муносибати муҷаддадан интихоб шуданатон ба давраи нави президентӣ самимона табрик намоям. Ба Ҷаноби Олӣ саломатии бардавому хушбахтӣ ва ба Ҳукумату мардуми дӯсти Ҷумҳурии Тоҷикистон рушду шукуфоии минбаъдаро хоҳонам”, - омадааст дар номаи шодбошии президенти АМА.

Президенти Бонки Исломии Рушд Др.  Бандар М. Ҳ. Ҳаҷҷор низ кишвардори Тоҷикистонро ба ин муносибат табрик гуфтааст.

Ба бисёрзанӣ иҷозат медиҳам: нахустин номзад ба президентӣ кадом ваъдаҳоро додааст?

Ӯ омодагии худро ҷиҳати тақвияти ҳамкорӣ бо Ҷумҳурии Тоҷикистон, махсусан дар доираи тадбирҳои таъхирнопазири дастёбӣ ба истиқрору рушди иқтисодӣ дар марҳилаи пас аз пандемияи COVID-19 изҳор доштааст.

109
Офис в здании МИА Россия сегодня в Москве.

Тоҷикистон мехоҳад дуркориро қонунӣ кунад

0
(Таҷдидшуда 16:03 20.10.2020)
Вакилони Маҷлиси намояндагон масъалаи қонунӣ намудани кори фосилавӣ дар ҷумҳуриро баррасӣ намуданд

ДУШАНБЕ, 20 окт — Sputnik. Дар ҷаласаи рӯзи 19 - уми октябр вакилони парлумон лоиҳаи Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи мусоидат ба шуғли аҳолӣ" - ро мавриди баррасӣ қарор доданд, хабар медиҳад котиботи Маҷлиси намояндагони МО Тоҷикистон. 

Дар ҷаласа қарор қабул гардид, ки бар асоси он ба як қатор қонунҳо тағйирот ворид гардид.  Аз ҷумла ҷорӣ намудани мафҳуми "кори фосилавӣ" мебошад.

Вобаста ба тағйироти пешниҳодгардида ба моддаи 1 қонуни амалкунанда сархатҳои якум, ҳаштум ва дувоздаҳум, ки фарогири мафҳумҳо оид ба "бекорӣ", "кори мувофиқ" ва "мақомоти ваколатдори давлатӣ дар соҳаи меҳнат ва шуғли аҳолӣ" мебошанд, дар таҳрири нав  баён карда шуда, ҳамзамон сархати нуҳум бо мазмуни "кори фосилавӣ" илова карда шудааст. Ин чунин маъно дорад, ки дар оянда фаъолияти меҳнатии онҳоро Кодекси меҳнати Тоҷикистон муайян мекунад.

Вазъи шадиди COVID - 19 дар Русия: 16 ҳазор мариз ва фавти 179 кас дар як рӯз

Зимнан, дар шаҳри Маскав бар тибқи қарори Сергей Собянин низоми дуркориро тамдид карда шуд.

"Аз 28 сентябр ба сокинони солхӯрдаи шаҳри Маскав ва ашхоси гирифтори бемориҳои музмин хонашинӣ ва ба раҳбарияти ташкилоту корхонаҳо ба низоми дуркорӣ гузаронидани коргарон, тавсия дода мешавад", - таъкид мешуд дар қарори Собянин

Ба гуфти раиси шаҳр, барои баромадан аз хона ягон намуди ҷарима ҷорӣ намешавад. Кортҳои нақлиётии одамони солхӯрда дар нақлиёти ҷамъиятӣ бекор нашуда, варзиши оммавӣ низ иҷоза дода мешавад.

0
Барчаспҳо:
кор, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон