Эмомалӣ Раҳмон, раисиҷумҳури Тоҷикистон дар ҷаласаи Ҳукумат, акс аз бойгонӣ

Раҳмон барои мансабдорон санҷишу баҳогузорӣ таъин кард: киҳо озоданд?

4733
(Таҷдидшуда 14:38 08.08.2019)
Эмомалӣ Раҳмон, раисиҷумҳури Тоҷикистон фармон додааст, ки ҳар моҳи декабр натиҷаи кори ҳар мансабдори давлатӣ баҳогузорӣ шаваду дар мавриди таъиноти минбаъдааш тасмимгирӣ сурат бигирад

ДУШАНБЕ, 8 авг — Sputnik. Раисиҷумҳури Тоҷикистон бо имзои фармони нав тартиби баҳогузории фаъолияти хизматчиёни давлатиро дар кишвар тасдиқ карда, роҳбарони ниҳодҳои давлатиро барои анҷом додани ин санҷиш муваззаф намудааст.

Бар асоси тартиби тасдиқкардаи раисиҷумҳур, ходимони давлатии сиёсӣ, мансабдорони категорияи олӣ, хизматчиёни давлатии собиқаи корияшон камтар аз шаш моҳ ва хизматчиёне, ки синнашон ба ҳадди ниҳоии хизмати давлатӣ расидааст, аз санҷишу баҳогузории фаъолият озод мебошанд.

Бо дастури раисиҷумҳур натиҷаҳои фаъолияти яксолаи ҳар хизматчии давлатӣ тариқи мусоҳиба анҷом дода мешавад.

Ҳадаф аз ин иқдом таъмини иҷрои пурсамари вазифаҳои хизматчиёни давлатӣ, ҳавасмандсозии ходимоне, ки фаъолияту натиҷаҳои хуб доштаанду чораандешӣ алайҳи онҳое, ки нишондодҳои манфӣ гирифтаанд.

Мансабдорони дорои натиҷаҳои манфӣ метавонанд ба омӯзишҳои такмили касбӣ ва малакаи хизматчии давлатӣ фаро гирифта шаванд.

Бар асоси тартиби қабулшуда шаффофияти фаъолияти хизматчии давлатӣ баҳогузорӣ шуда, вобаста ба малака, маҳорат ва донишу ихтисос барои корманд пешрафти корӣ фароҳам мешавад.

Масъули баҳогузории фаъолияти хизматчиёни давлатӣ роҳбарони бевоситаи ниҳодашон таъин шудаанд.

4733
Брифинг, посвященый председательству Республики Таджикистан в Шанхайской организации сотрудничества в 2020-2021 гг.

Санаи ҳамоиши президентҳои давлатҳои узви СҲШ дар Душанбе маълум шуд

528
(Таҷдидшуда 21:01 15.01.2021)
Ҷаласаи сарони кишварҳои узви Созмони ҳамкории Шанхай дар шаҳри Душанбе нимаи моҳи сентябри соли равон дар назар аст

ДУШАНБЕ, 15 янв — Sputnik. Ҷаласаи сарони кишварҳои узви СҲШ рӯзҳои 16 – 17 сентябр дар шаҳри Душанбе ба нақша гирифта шудааст, хабар дод Аҳмад Саидмуродзода, сардори раёсати кишварҳои ИДМ-и Вазорати умури хориҷии Тоҷикистон.

Раёсат дар СҲШ-ро соли равон Тоҷикистон ба уҳда дорад. Имсол инчунин ҳамоиши ҷашнӣ - 20-умин солгарди таъсисёбии созмон мебошад.

Нахустин мулоқоти ҳамоҳангсозони миллии кишварҳои узви СҲШ дар соли ҷорӣ 26-29 январ дар шаҳри Душанбе дар нақша аст.

“Дар Вазорати корҳои хориҷӣ барои баргузории саммити СҲШ, ки 16-17 сентябр дар назар аст, ситоди махсус ташкил шуда, нахустин ҷаласаи ҳамоҳангсозони миллӣ 26-29-уми январ дар Душанбе баргузор мешавад”, - изҳор дошт Аҳмадзода зимни мулоқот бо хабарнигорон.

Ӯ афзуд, ки сомонаи махсус ташкил дода мешавад, ки иттилоъ дар бораи чорабиниҳои асосии Созмони ҳамкории Шанхай дар соли равонро фаро хоҳад гирифт.

Баробари мулоқоти сарони кишварҳои узви СҲШ ва вазирони умури хориҷии давлатҳои созмон, инчунин мулоқотҳои роҳбарони идораҳои соҳавӣ – аз мудофиа то иқтисоду тиҷорат ба нақша гирифта шудаанд.

Ба гуфтаи намояндаи ВУХ Тоҷикистон, имсол барои бори аввал дар Душанбе Анҷумани иқтисодии СҲШ ба нақша гирифта шуда, инчунин ташкили мулоқоти намояндагони бахши сайёҳию расонаҳо дар назар аст.

СҲШ созмони байналмилалие мебошад, ки Тоҷикистон, Русия, Ҳинд, Қазоқистон, Қирғизистон, Чин, Покистон ва Ӯзбекистонро дар бар мегирад.

528
Барчаспҳо:
мулоқот, Созмони ҳамкории Шанхай, Тоҷикистон
«Объявили настоящую травлю»: Алла Березовская о задержаниях русскоязычных журналистов в Латвии - YouTube

Березовская аз боздошту бозҷӯии рӯзноманигорони русзабон дар Латвия гуфт

38
(Таҷдидшуда 17:07 15.01.2021)
Алла Березовская, рӯзноманигори муқими Латвия дар бораи бозҷӯияш аз ҷониби мақомоти ҳифзи ҳуқуқи ин кишвар нақл кард

ДУШАНБЕ, 15 янв — Sputnik. Алла Березовская аз ҷумлаи рӯзноманигороне мебошад, ки мақомоти Латвия онҳоро ба далели ҳамкорӣ бо расонаҳои Русия мавриди бозҷӯӣ қарор доданд. Мақомоти ин кишвар муътақиданд, ки чунин ҳамкорӣ хилофи таҳримоти Иттиҳоди Аврупо мебошад.

“Маро дар вайрон кардани таҳримот айбдор мекунанд, аммо ман қатъиян розӣ нестам. Касе ин расонаҳоро ҷиноӣ эътироф накардааст. Мо дар кишвари озод иқомат дорем ва ҳуқуқ дорем дар расонае нашр кунем, ки лозим мешуморем”, - изҳор дошт Алла Березовская.

Ба гуфтаи рӯзноманигор, бозҷӯӣ дар хонааш сурат гирифта, ҳамаи техникаи компютерӣ, аз ҷумла планшети набераашро гирифтаанд.

Ӯ афзуд, ки алайҳи рӯзноманигорони расонаҳои расмии Русия мақомоти Латвия таҳқиботи густурдае роҳандозӣ кардаанд.

“Мехоҳанд ба тамоми ҷаҳон гӯянд, нафароне, ки бо расонаҳои давлатии Русия ҳамкорӣ мекунад, рӯзноманигор нест, пропагандист – тарғибгар мебошанд. Ин ба он маъност, ки ба чунин пропагандистҳо на демократия, на озодии баён ва на ҳуқуқи инсон дахл надоранд”, - тавзеҳ дод ӯ.

Фишор ба Sputnik ва Baltnews

Sputnik қаблан хабар дода буд, ки рӯзноманигорони русзабон, аз ҷумла онҳое, ки бо Baltnews ва Sputnik Латвия ҳамкорӣ мекунанд, дар нақзи таҳримоти Иттиҳоди Аврупо муттаҳам мешаванд ва онҳо мавриди бозҷӯӣ қарор гирифтанд. Манбаъ афзуд, иттиҳомот бар асоси моддаи 84-и қонуни ҷиноии Латвия – нақзи таҳримоти Иттиҳоди Аврупо эълон шудаанд, ки ҷазо дар намуди ҷарима ва ё маҳрумият аз озодиро пешбинӣ мекунад.

Sputnik Латвия ва Baltnews марбути Ожони байналмилалии хабарии "Россия сегодня" мебошанд. Аммо рӯзноманигороне, ки барои ин расонаҳо матлаб таҳия мекунанд, кормандашон набуда, муаллифони ғайриштатӣ мебошанд.

Вазорати умури хориҷии Русия амали мақомоти Латвияро маҳкум карда, онҳоро хилофи демократияю озодии баён хонд. Ин ниҳод таъкид кард, ки таҳримоти Иттиҳоди Аврупо хусусияти инфиродӣ дошта, шахсан ба мудири кулли "Россия сегодня" Дмитрий Киселёв дахл доранд ва наметавонанд ҳамаи кормандони ин идораро фаро гиранд.

Сармуҳаррири хабаргузории байналмилалии  "Россия сегодня" ва RT,  Маргарита Симонян изҳори умед кард, ки Русия ба ифтитоҳи парвандаҳои ҷиноӣ алайҳи рӯзноманигорони русзабон вокуниш хоҳад дод.

38
Барчаспҳо:
рӯзноманигор, Латвия, русзабон

Афзоиши фавтидагон аз COVID-19 дар Эрон

0
Вазорати беҳдошти Эрон мегӯяд, теъдоди ҷонбохтагон аз COVID-19 дар ҷумҳурӣ ба 56 ҳазору 803 нафар расид

ДУШАНБЕ, 17 янв — Sputnik. Тибқи иттилои Вазорати беҳдошт, шабонарӯзи гузашта 86 нафар аз COVID-19 фавтида, теъдоди умумӣ ба 56 ҳазору 803 нафар расид.

Радиои тоҷикии Садои Хуросон аз қавли Вазорати беҳдошт, дармон ва омӯзиши пизишкии Эрон хабар додааст, ки дар 24 соати гузашта 6 ҳазору 16 бемори нави гирифтор ба корона дар Эрон шиносоӣ ва 631 нафар аз онҳо бистарӣ шуданд.

Бар асоси маҷмӯи беморони вируси  COVID-19 дар Эрон ба як миллиону 330 ҳазору 411 нафар расидааст, ки то кунун 1 миллиону 119 ҳазору 137 нафар аз ин беморон беҳбуд ёфта ва ё аз бемористонҳо ҷавоб шудаанд.

Манбаъ афзуд, бемории COVID-19бар асоси омори расмии кишварҳо то кунун беш аз наваду панҷ миллион нафарро дар дунё мубтало карда ва беш аз ду миллион нафар низ бар асари ин беморӣ ҷони худро аз даст додаанд.

0
Барчаспҳо:
Эрон