Очередное заседание Совета национальных координаторов государств-членов ШОС

Бо мақоми вижа: Ализода дар нишасти Шӯрои ҳамоҳангсозони СҲШ ширкат кард

62
(Таҷдидшуда 12:42 23.08.2019)
Дар шаҳри Маскав ҷаласаи Шӯрои ҳамоҳангсозони миллии давлатҳои узви Созмони ҳамкории Шанхай баргузор шуд

ДУШАНБЕ, 23 авг — Sputnik. Рӯзҳои 20-23 август, дар шаҳри Маскав ҷаласаи навбатии Шӯрои ҳамоҳангсозони миллии давлатҳои узви Созмони ҳамкории Шанхай таҳти раёсати ҷониби Русия баргузор гардид.

Бино ба гузориши Вазорати корҳои хориҷии Тоҷикистон, дар ҷаласа ҳайати Тоҷикистон бо роҳбарии сафир оид ба супоришҳои махсус, Ҳамоҳангсози миллии Ҷумҳурии Тоҷикистон оид ба корҳои СҲШ Назирмад Ализода иштирок намудааст.

Очередное заседание Совета национальных координаторов государств-членов ШОС
Очередное заседание Совета национальных координаторов государств-членов ШОС

 

Ҷаласаро муовини вазири корҳои хориҷии Федератсияи Русия И. Моргулов ифтитоҳ намуда, ҳозиринро бо самтҳои авлавиятноки раёсати кишвараш дар Созмон (2019-2020) шинос кардааст.

Назирмад Ализода, сафир оид ба супоришҳои махсуси Тоҷикистон, ҳамоҳангсози миллӣ оид ба корҳои Созмони Ҳамкории Шанхай
акс аз сомонаи Вазорати умури хориҷии Тоҷикистон

Манбаъ афзуда, ки дар ҷаласа ҳамоҳангсозони миллии кишварҳои узви Созмон масоили омодагӣ ба ҷаласаи Шӯрои сарони ҳукуматҳо (сарвазирон)-и кишварҳои узви СҲШ (ноябри соли 2019, Тошканд) ва Нақшаи чорабиниҳои асосии СҲШ-ро барои соли 2020 баррасӣ намудаанд.

Душанбе боз мизбони президентҳо: Ҳукумат барои омодагӣ Расулзодаро роҳбар монд

Ёдрас мешавем, ки Назирмад Ализода, ки аввали соли равон бо фармони раисиҷумҳури Тоҷикистон аз вазифаи сафир дар Қазоқистон ва Муғулистон барканор шуд, моҳи март мақоми вижа гирифта сафир оид ба супоришҳои махсус, ҳамоҳангсози миллӣ оид ба корҳои Созмони Ҳамкории Шанхай шуд.

62
Барчаспҳо:
СҲШ, СҲШ, нишаст, Маскав, Русия, Тоҷикистон