Дворец наций в Таджикистане

Дар Қасри миллат: Эмомалӣ Раҳмон Мануэл Загерро ба ҳузур пазируфт

229
(Таҷдидшуда 12:38 06.09.2019)
Дар ҷараёни мулоқот ҷонибҳо ҳамкории зичу пурсамари ҳукуматҳоро оид ба муборизаи муштарак бар зидди терроризм, ифротгароӣ, қочоқи маводи мухаддир ва ҷинояткории муташаккили фаромиллӣ, баррасӣ кардаанд

ДУШАНБЕ, 6 сен — Sputnik. Имрӯз, Президенти Тоҷикистон Эмомалӣ Раҳмон мудири кулли Агентии Швейтсария оид ба рушд ва ҳамкорӣ Мануэл Загерро ба ҳузур пазируфтааст.

Бино ба гузориши котиботи раисиҷумҳур, дар ҷараёни мулоқот маҷмуъи васеи масоили ҳамкории Тоҷикистон ва Агентии Швейтсария оид ба рушд ва ҳамкорӣ мавриди баррасӣ қарор дода шудааст.

Эмомалӣ Раҳмон аз дастгирии  Швейтсария, ки тавассути фаъолияти самарабахши Агентии Швейтсария оид ба рушд ва ҳамкорӣ, амалӣ мегардад, изҳори сипос кардааст.

"Ҷонибҳо зимни мулоқот масъалаҳои ҳамкорӣ дар соҳаҳои таъмини об ва беҳдошт, тағйирёбии иқлим, маориф, тандурустӣ ва шуғли аҳолӣ, волоияти қонун, инчунин рушди бахшҳои воқеии иқтисод ва хусусиро муҳокима намудаанд", - омадааст дар хабарнома.

Ҳавасмандии ҳар ду ҷониб оид ба густариши робитаҳо дар татбиқи лоиҳаҳои соҳавӣ, тавсеаи тиҷорат, сармоягузорӣ, такмили низоми бонкии кишвар, ифтитоҳи корхонаҳои муштараки истеҳсолӣ, аз ҷумла дар бахшҳои мухталифи саноат, таъкид гардидааст.

Аз ҳамкории ду давлат дар чаҳорчӯби созмонҳои байналмилалӣ ва минтақавӣ, аз ҷумла Созмони Милали Муттаҳид, Созмони амният ва ҳамкорӣ дар Урупо ва ниҳодҳои молиявии Бреттон-Вудс, Бонки ҷаҳонӣ, Хазинаи байналмилалии асъор, Бонки таҷдид ва рушди Урупо, изҳори қаноатмандӣ гардида, ҷоннок намудани фаъолияти кори Комиссияи байниҳукуматӣ оид ба ҳамкориҳои иқтисодӣ зарур шумурда шудааст.

Дар ҷараёни мулоқот ҳамчунин ҷонибҳо ҳамкории зичу пурсамари ҳукуматҳоро оид ба муборизаи муштарак бар зидди падидаҳои харобиовари терроризм, ифротгароӣ, қочоқи маводи мухаддир ва ҷинояткории муташаккили фаромиллӣ, муҳокима кардаанд.

229
Барчаспҳо:
баррасӣ, суҳбат, дидор, Қасри миллат, Душанбе, Тоҷикистон
Мавзуҳо:
Раисҷумҳури Тоҷикистон Эмомалӣ Раҳмон (222)
Национальный флаг Китая

Қарор шуд: Чинро даҳдаста буғӣ мекунанд, оё Русия ҳам даъват мешавад?

406
(Таҷдидшуда 18:44 05.08.2020)
Дар заминаи дарк намудани ногузирии Ҷанги сард бо Чин, ки эҳтимолан таҳримҳо, маҳдудиятҳои равобити иқтисодӣ ва муқовиматро дар пай хоҳад дошт, ҷомеаи коршиносони ғарбӣ, дар ҷустуҷӯи роҳи пирӯзӣ бар Пекин ҳастанд

ДУШАНБЕ, 5 авг — Sputnik. Қариб ҳама имконоти "буғӣ кардани Чин", ки дар Вашингтон, Брюссел ва Лондон баррасӣ мешаванд, созмони эътилофи бузургеро дар назар дорад, ки бо қувваи коллективӣ барои нест кардани Чин равона мешавад, чуноне бо ИҶШС шуда буд.

Аммо, агар дар сатҳи баъзе принсипҳои роҳнамо ҳеҷ гуна гуногунӣ мушоҳида нашавад, дар сатҳи татбиқи мушаххаси ин принсипҳо мушкилии ҷиддӣ ба миён меояд, ки ҳалли онҳо найзаҳои президентҳо, сарвазирҳо, дипломатҳо ва таҳлилгаронро мешиканад.

Гап сари ин, ки дар бахре аз пойтахтҳои кишварҳои Урупо ва дар "марказҳои пажӯҳиши" - и ИМА аллакай дарк мешавад, ки баъзе аз давлатҳои Иттиҳоди Урупо (аз қабили Олмон, Фаронса ва Италия) ва ҳамчунин чанде аз кишварҳои Осиё аз чӣ бошад, намехоҳанд дар Ҷанги сард бар зидди Чин чун пешоҳангҳои ИМА ширкат кунанд.

Зиёда аз ин, онҳо намехоҳанд, ки барои пирӯзии ИМА дар ин ҷанг пул пардохт кунанд (ки он дар ҷанҷолҳои абадии Олмон ва Фаронса барои пардохти ду фоизи ММД барои "боми низомии" Амрико хуб мушоҳида мешавад) ва онҳо ҳатто омода нестанд, ки қатъиян содироти Huawei - и Чин барои шабакаҳои 5G - ро манъ кунанд, ки албатта Вашингтон ва Лондонро  бениҳоят ба хашм меорад.

Дар заминаи изҳороти урупоӣ дар бораи созмони қувваҳои мусаллаҳи худӣ ва Декларатсияи Макрон оиди хоҳиши бурдани сиёсати мустақил (яъне на бо Чин ва на бо Амрико) гумонҳо оиди он, ки ташкили эътилофи зидди Чин бисёр душвор ва гарон хоҳад буд, рӯз аз рӯз афзун мешавад ва дар баробари ин ҷустуҷӯи ҳалли ин мушкил низ тақвият меёбад.

Нашриёти бонуфузи Foreign Affairs, ки таҳти назорати маркази Council on Foreign Relations ("Шӯрои муносиботи байналмилалӣ") ду роҳи ҳалли ин масъаларо нишон медиҳад, ки якеро роҳи "Доналд Трамп" ва дигареро "Борис Ҷонсон" номидан мумкин аст.

Бо назардошти таъсири бузурги Council on Foreign Relations ба тафаккури элитаи амрикоӣ ва ҷонибдорони онҳо дар Урупо (худи маркази "фикрҳо" қариб чун "сояи ҳукумати ИМА" пиндошта мешавад), бояд ба методҳое назар кард, ки барои ҳалли ин бӯҳрон пешниҳод мешаванд, чун ба Русия муносибат дорад.

Ба мақолаи нави Foreign Affairs, ки таҳти унвони "Шӯрои демократия метавонад гуногуниро дар муносиботи байналмилалӣ ҳифз кунад", роҳҳои пешниҳодшуда ба нигоҳ доштани қудрати Амрико камаш дар ҷаҳони Ғарб нигаронида шудааст.

Муаллифони нашриёти бонуфузи Амрикоӣ баҳсро аз ҷое оғоз мекунанд, ки тартиботи кунунии ҷаҳонӣ гулӯгир мешавад ва таҳдиди аслӣ имрӯз на коронавирус, балки Русия ва Чин мебошад.

"Вале то ҳамагирии коронавирус низ, он низоми гуногунҷабҳае, ки бо кумаки Амрико пас аз хотимаи Ҷанги дуюми ҷаҳонӣ сохта шуд, базӯр аз уҳдаи ҳалии мушкилот мебарояд. COVID - 19 нишон дод, ки подшоҳ - бараҳна аст, вале дар асл подшоҳ чанд вақт боз либоси тунук дошт".

G7, ки пас аз шоки нафтии соли 1973 созмон дода шуд, то ҳол берун аз минтақаи Урупо як аъзо - Ҷопонро дорад. "Бистгонаи бузург", ки пас аз бӯҳрони соли 1997 дар Осиё созмон ёфт, қадру қиммати худро замони буҳрони иқтисодии соли 2008 нишон дода, аз нигоҳи сиёсӣ ва нуқтаи назари қобилияти ҳалли мушкилоти байналмилалӣ хеле номувофиқ дониста шуд. Дар ҳамин ҳол, эҳё шудани авторитаризм дар Русия ва Чин  Шӯрои амнияти СММ - ро аз пой зад".

Ин бисёр ташхиси ҷасурона аст, ки бо суханони зер гуфа мешавад: Ҳамаи чиз аз даст рафт ва чизе кор намекунад!.

Ва албатта ду роҳи ҳал пешниҳод мешавад, яке аз ҷониби Ҷонсон ва дигаре аз тарафи Трамп.

"Ҷонсон нахустин шуда моҳи май пешниҳод кард, эътилофе иборат аз даҳ кишвари демократӣ созмон дода шавад, ки аз кишварҳои узви G7 ва Австралия, Индия ва Куреи Ҷанубӣ ташкил шуда D10 номгузорӣ шавад, то дар соҳаи алоқа алтернативаи Huawei - ро дошта бошад. Пасон Трамп вохӯрии  G7-ро, ки бояд моҳи июн баргузор мешуд, лағв кард ва ба ҷои он баргузории формати  G11 дар тирамоҳро пешниҳод кард. Аз пешниҳоди Ҷонсон пеш гузашта Трамп хостори воридшавии ҳамаи кишварҳои зикршуда ва боз Русия шуд".

Коршиносони Foreign Affairs ворид кардани Русияро ба ин эътилоф тавсия намедиҳанд, вале онҳо формати  "D10" - ро хуш доранд, яъне пешниҳоди Ҷонсонро. Маънои тавсия ин аст, ки ҳатто агар Русияро барои дар барномаи зидди Чин ширкат кардан бовар кунонанд ҳам, пешниҳоди Трамп бисёр бад аст ва дар оянда бенатиҷа хоҳад буд, чун бар зидди Чин аст, вале пешниҳоди Ҷонсон беҳтар менамояд чун ин эъттилоф на бар зидди Чин, балки "эътилоф ба хотири хубиҳо" хоҳад шуд.

Албатта ин ҷо сухан дар бораи шиорҳои хушки "Демократия", "Озодӣ" ва "Ҳуқуқи инсон" хоҳад рафт. Аҷибаш ин, ки ин пешниҳод муқобили сиёсати ҳозираи хориҷии Вашингтон гузошта шудааст: "ИМА метавонад бар зидди барномаи сармоягузории чинии "Як камарбанд-як роҳ" ва тарҳи "Северный поток — 2", ки Русия дастгирӣ мекунад, муқобилият нишон диҳад, вале барои онҳо ба ҷонибдории худ кашидани дигар кишварҳо мушкил хоҳад буд, агар барномаеро пешниҳод насозанд. Вашингтон наметавонад бидуни истифодаи ҳеҷ чиз бар чизе пирӯз шавад".

Мушкили ин равиш дар он аст, ки намешавад "Демократия" ва "Озодӣ"- ие, ки дар ИМА сохта мешавад барои Олмон гази Русия ва барои Италия сармоягузории чиниро иваз кунад.

Ин ҷо маблағи амрикоиҳо ба кор меомад, вале ба Вашингтон чунин муносибат лозим нест, новобаста аз насаби президенти оянда: ба Байден ва Трамп мустамлика лозим аст, ва бозгардонии Иттиҳоди Урупо ба ин сатҳ чӣ дар доираи D10 ва чӣ  G11, номумкин аст, дар бораи Русия умуман бояд чизе нагуфт.

406
Барчаспҳо:
буғӣ кардан, Русия, Чин

Байден ба Трамп: Голфбозӣ бас аст, коратро анҷом бидеҳ

250
Номзади Ҳизби демократ дар интихоботи раёсатҷумҳурии Амрико бо интиқоди шадид аз амалкарди раиси ҷумҳури ин кишвар дар муқобила бо вируси корона аз ӯ хост ба ҷои голфбозӣ кардан вазифаҳояшро анҷом диҳад

ДУШАНБЕ, 2 авг — Sputnik. Ҷо Бойден дар як паёми твиттерӣ бо интиқоди шадид аз амалкарди Доналд Трамп навиштааст "дарёфти мукофотпулии бекорӣ барои миллионҳо нафар нимашаб ба поён мерасад. 

Мо як барномаи муассир дар сатҳи миллӣ барои гирифтани тест (корона) ё ҳатто як барнома барои контроли ин вирус надорем. Коркунони ҳавзаи саломат ва беҳдошти мо ҳануз таҷҳизоти кофии ҳифозати шахсӣ надоранд. Сафарҳои охири ҳафта барои голфбозӣ кардан дигар бас аст. Оқои раиси ҷумҳур коратро анҷом бидеҳ", менависад шабакаи Алъолам.

Бойден ҳамчунин навишт: Имрӯза иҷораҳо боло рафтааст. Доналд Трамп масъулияти раҳбарӣ кардани мо барои хориҷ шудан аз буҳрони КОВИД-19-ро раҳо кардааст ва мо акнун ба хотири ҳамин бо буҳрони маскан ва иҷора мувоҷеҳ ҳастем. Оқои раиси ҷумҳур ҳамин алъон иқдом бикун то амрикоиҳо маҷбур набошанд байни боми болои сарашон ё ғизо рӯи мизашон, якеро интихоб кунанд.

Пешгӯии Трамп амалӣ мешавад? фавти 865 маризи коронавирус дар Амрико давоми як шабонарӯз

Трамп ва аъзои давлати Амрико, ба иллати амалкарди заиф дар муқобила бо вируси корона дар рӯзҳои ахир ба шиддат мавриди интиқод қарор гирифтаанд.

Омори  донишгоҳи Ҷонз Ҳопкинз нишон медиҳад маҷмуъи мубталоён ба КОВИД-19 дар Амрико ба 4 миллиону 620 ҳазору 239 нафар расида ва шумори қурбониён аз 154 ҳазору 360 нафар гузаштааст.

250

Ҷашнҳои рӯзи 6 август дар Тоҷикистон ва ҷаҳон

0
(Таҷдидшуда 19:42 05.08.2020)
Рӯзи шашуми август Рӯзи байналхалқии «табибон барои сулҳ» ва Рӯзи ҷаҳонии мубориза барои манъи силоҳи ҳастаӣ. буда, дар Русия – Рӯзи неруҳои роҳи оҳан дар Аргентина Рӯзи кӯдакон ва дар Боливия ва Ямайка Рӯзи истиқлолият мебошад

Рӯзи 6 август дар ҷаҳон чӣ рух дод

Соли 1889 дар ИМА охирин маротиба муҳорибаи бокс бидуни дастпӯш баргузор гашт.

© Sputnik / Стас Этвеш / Вишнякова Мария

Соли 1889 дар Лондон меҳмонхонаи «Савой» кушода шуд, ки аввалин маротиба дар таърихи ҷаҳон ҳамчун меҳмонхонаи ҳамаи ҳуҷраҳояш дорои ҳаммом ном баровард.

Соли 1914  Чин нисбат ба ҷанги якуми ҷаҳон бетарафии худро эълон кард.

Соли 1929 аввалин маротиба дар Британияи Кабир курсҳои омӯзиши ронандагӣ роҳандозӣ гардиданд.

Соли 1945  америкоиҳо ба шаҳри Хиросимаи Ҷопон бомбаи атомӣ партофтанд.

Соли 1991 Бангладеш аз шакли идоракунии президентӣ даст кашида, ба шакли идоракунии парламентӣ гузашт.

Соли 1991 пайдоши аввалин интернет-сервис WWW (World Wide Web).

Соли 2000 истгоҳи байналмилалии ҳавонавардӣ киштии кайҳонии борбарандаи «Прогресс»-ро ба кайҳон сар дод.

День 4 августа
© Sputnik / Стас Этвеш / Вишнякова Мария

Рӯзи 6 август дар Тоҷикистон чӣ рух дод 

Соли 2001 бо қарори Суди олӣ фаъолияти ҳизби сиёсии “Адолатхоҳ” қатъ гардид.

Соли 2003 баъд аз танаффуси дусола Тоҷикистон ба Қазоқистон дубора барқ дод.

Соли 2009 дар шаҳри Душанбе Президенти Ҷумҳурии Тоҷикистон Эмомалӣ Раҳмон ва Вазири корҳои хориҷии Ҷумҳурии Қирғизистон Қадирбек Сарбаев масоили ҳамкории дуҷонибаи Тоҷикистону Қирғизистонро баррасӣ карданд.

Соли 2011 дар Тоҷикистон қонун “Дар бораи масъулияти падару модар дар таълиму тарбияи фарзанд” қабул шуд.

Соли 2011  дар шаҳри Хуҷанд бо иштироки Эмомалӣ Раҳмон маҷмааи варзишии обӣ мавриди баҳрабардорӣ қарор гирифт.

Соли 2014 аз номи Федератсияи байналмилалии таэквондо (ITF) ба Президент Эмомалӣ Раҳмон ҳамчун нишони эҳтиром камарбанди сиёҳи дани 9-ум бо сертификати он ва кимоно супорида шуд.

Соли 2016 Эмомалӣ Раҳмон дар ноҳияи Варзоб аз иншооти Маҷмааи лижаронию сайёҳии «Сафеддара» боздид ба амал оварда, бо шароити ин мавзеи  варзишию  сайёҳӣ шинос шуда, аз ҷумла аз меҳмонхонаи 4-ошёнаи барҳавою замонавӣ, нуқтаи нигоҳдории барфгардҳо, тарабхонаю  марказҳои савдо ва  мавзеъҳои  лижаронию  барфгардӣ  дидан  карда, ба шароити муҳайёгардидаи ин маҷмаа баҳои баланд дод.

Ҷашнҳои рӯзи 6 август

  • Рӯзи байналхалқии «табибон барои сулҳ».
  • Дар Русия – Рӯзи неруҳои роҳи оҳан.
  • Рӯзи ҷаҳонии мубориза барои манъи силоҳи ҳастаӣ.
  • Рӯзи кӯдакон дар Аргентина.
  • Рӯзи истиқлолияти Боливия ва Ямайка.

Рӯзи 6 август дар Тоҷикистон кӣ ба дунё омадааст

Аюб Раҳим (1951) – шоир.

екзода Хушбахт (1945)- нависанда.

Дамир Дўстмуҳаммадов (1941 – 2003) – оҳангсоз, Ходими шоистаи ҳунари Тоҷикистон.

Имомназари Холназар (1952 – 2007) – нависандаи ҳаҷвнигор.

Виталий Колберг (1913-1989)- доктори илми тиб, профессор.

Нуриддини Амриддин (1956) – шоир.

Толиб Муинов (1932 – 2000) – доктори илмҳои физикаю математика.

Манзура Улҷабоева (1953) – рассом – ороишгар.

Абдураҳмон Ҳакимов (1940) – доктори илми иқтисод, профессор.

Юлдош Ҳоҷибоев (1945) – доктори илми химия.

0
Барчаспҳо:
Тоҷикистон, Ҷаҳон, ҷашн
Мавзуъ
Ҷашнҳои рӯзи 4 август дар Тоҷикистон ва ҷаҳон
Ҷашнҳои рӯзи 1 август дар Тоҷикистон ва ҷаҳон
Ҷашнҳои рӯзи 2 август дар Тоҷикистон ва ҷаҳон
Ҷашнҳои рӯзи 5 август дар Тоҷикистон ва ҷаҳон
Ҷашнҳои рӯзи 3 август дар Тоҷикистон ва ҷаҳон