Курсӣ бо ҷузвдон, акс аз бойгонӣ

Таъсиси клуби дӯстони Тоҷикистон ва интихоби раис дар Санкт-Петербург

77
(Таҷдидшуда 15:13 08.09.2019)
Дар арафаи таҷлили Истиқлолияти давлатии Тоҷикистон дар шаҳри Санкт-Петербурги Русия Клуби дӯстони Тоҷикистон таъсис дода шуд

ДУШАНБЕ, 8 сен - Sputnik. Давлаталӣ Назризода, консули генералии Тоҷикистон дар Санкт Петербург аз таърихи муносибатҳои Тоҷикистон бо Русия, сафарҳои нависанда ва мутафаккири тоҷик Аҳмади Дониш ба Санкт-Петербург, саҳми олимони рус дар омӯзиши табиату наботот, таъриху фарҳанги халқи тоҷик, саҳми халқи рус дар рушди Тоҷикистон гузориш додаст, навиштааст “Ховар”.

Дипломати тоҷик зикр кардаст, ки ҳамкории минтақавии Тоҷикистон бо субъектҳои Русия,  хусусан Санкт-Петербург, ки бо Душанбе бародаршаҳр мебошад, ба таваҷҷуҳи бештар ниёз доранд, ки дар ин ҷода Клуби дӯстони Тоҷикистон метавонад фаъолияти назаррас дошта бошад.

Манбаъ афзуд, ректори Донишкадаи Смолний, доктори илмҳои таърих Виктор Прокопевич Казантсев аз солҳои фаъолияташ дар Тоҷикистон ба некӣ ёдовар шуда, рушди ҳамкориро дар соҳаи маориф, алалхусус омода кардани олимони ҷавон муҳим арзёбӣ намуд. Ӯ зикр кард, ки омода аст барои тайёр кардани олимони ҷавони соҳаи таърих ва дастрасӣ ёфтани онҳо ба бойгониҳои Русия кумаки худро расонад.

Вероника Евгеневна Нуждина, директори ширкати “Спансет” дар бораи сафараш ба Тоҷикистон ёдовар шуда, дар бораи табиат, шароити сайёҳӣ, имкониятҳои рушди муносибатҳои иқтисодӣ ва тиҷоратӣ тавассути тавсеаи робитаҳои тиҷоратии Клуби дӯстони Тоҷикистон ҳарф зад ва иброз дошт, ки ин, бешубҳа, ба муаррифии беҳтари Тоҷикистон дар пойтахти фарҳангии Россия таъсири худро гузошта метавонад.

Мудири кулли ширкати “STI Inernational” Олга Владимировна Ходаковская, ки ҳамзамон раиси ТОП-50 соҳибкори муваффақи Санкт-Петербург мебошад, гуфт моҳи октябр дар анҷумани соҳибкорон ҳамкасбони тоҷикистонии худро роҳандозии робитаҳои мустақим бо Санкт-Петербург даъват менамояд.

Тибқи гузориши “Ховар” дар ҳамоиш Вероника Нуждина якдилона роҳбари Клуби дӯстони Тоҷикистон интихоб гардид.

77
Барчаспҳо:
ҳамкорӣ, клуб, дӯстон, Санкт-Петербург, Русия, Тоҷикистон
Мавзуҳо:
9 сентябр - рӯзи Истиқлол: 28 соли мустақилияти Тоҷикистон (49)
Урна для голосования на одном из избирательных участков в Таджикистане. Архивное фото

Интихоботи президентӣ: Ҳизби аграрӣ ҳам номзад пешниҳод мекунад

432
(Таҷдидшуда 19:35 13.08.2020)
Ҳизби аграрии Тоҷикистон анҷумани ғайринавбатии худро даъват кардааст, то номзади худро дар интихоботи президентӣ пешниҳод кунад

Душанбе, 13 август - Sputnik. Рустам Латипов, раиси Ҳизби аграрӣ, дар таъйиди ин хабар ба Sputnik Тоҷикистон гуфт, ин анҷуман қарор аст соати 09:00 – и рӯзи шанбе, 15 август дар толори Академияи миллии илмҳои Тоҷикистон баргузор шавад.

"Мо ҳудуди 130 намояндаи худро аз шуъбаҳои Ҳизби аграрӣ дар саросари кишвар даъват кардаем. Ду масъала дар рӯзномаи маҷлис аст. Яке, ширкати ҳизб дар интихоботи президентӣ ва дигаре, пешниҳоди номзад", - гуфт Рустам Латипов.

Ҳизби аграрии Тоҷикистон 15 ноябри соли 2005 таъсис ёфта, дар интихоботҳои президентии солҳои 2006 ва 2013 низ ширкат кардааст.

Дар интихоботи президентии соли 2006 номзади ҳизб раиси он Амир Қароқулов буд, ки бино ба иттилои Комиссияи марказии интихобот ва раъйгирии Тоҷикистон, 5,2 дарсади раъйи мардумро ба даст оварда буд.

Таъйини интихобот ба рӯзи 13 сентябри соли 2020

Дар интихоботи президентии соли 2013 Ҳизби аграрӣ номзадии Толиббек Бухориев, муовини раиси ҳизбро пешниҳод кард, ки 4,61 дарсад раъй гирифт.

Интихоботи президентии Тоҷикистон 11 октябри соли равон баргузор мешавад. То ба ҳол ҳеҷ як аз номзадҳо маълум нестанд.

432
Барчаспҳо:
ҳизб, чор ҳизб, Тоҷикистон, интихобот
Мэр Душанбе Рустам Эмомали

Рустами Эмомалӣ интизориҳояшро аз интихоботи президентӣ эълон кард

6430
(Таҷдидшуда 15:09 12.08.2020)
Рустами Эмомалӣ, раиси Маҷлиси миллии Тоҷикистон интизороташро аз интихоботи президентии 11 октябр баён дошт

ДУШАНБЕ, 12 авг — Sputnik. Рустами Эмомалӣ таъкид кард, ки интихобот бояд шаффофу демократӣ бо иштироки ҳамаи ҳизбҳои сиёсии Тоҷикистон баргузор шавад.

Ӯ изҳори умед кард, ки интихоботи раисиҷумҳур омили муттаҳидкунандаи мардуми кишвар ва таҳкими ваҳдату субот дар ҷомеа хизмат намояд.

"Сахт андӯҳгин шудем": ҳамдардии Вазорати фарҳанг бо хонаводаи Баҳром Ғафурӣ

“Ин чорабинии муҳими сиёсӣ бояд дар доираи талаботи Конститутсия ва қонунгузории Ҷумҳурии Тоҷикистон, дар сатҳи баланди ташкилӣ, ба таври демократӣ ва озоду шаффоф, бо иштироки фаъолонаи халқи Тоҷикистон ва ҳизбҳои сиёсӣ гузаронида шуда, он ҳамчун омили муттаҳидкунандаи мардуми кишвар ва таҳкими ваҳдату субот дар ҷомеа хизмат намояд”, - хабар дод нашрияи парлумонии “Садои мардум” аз қавли раиси Маҷлиси миллӣ.

Рустами Эмомалӣ таъкид намуд, ки “ин интихобот бояд сатҳи баланди маърифати ҳуқуқӣ ва сиёсии мардуми шарифи Тоҷикистонро нишон дода, ба тақвияти боз ҳам бештари нуфузу обрӯи давлати мо дар сатҳи байналмилалӣ мусоидат намояд”.

Кӯдакистонҳо низ дар Тоҷикистон 17 август ба кор оғоз мекунанд

Ӯ дар ҷаласаи ахири муштараки ду палатаи парлумон борҳо аз вакилон суол кард, ки оё дар бораи интихобот пешниҳодҳое доранд, аммо посухе нагирифт.

Дар охир Рустами Эмомалӣ аз аъзои Маҷлиси миллӣ ва вакилони Маҷлиси намояндагон хоҳиш кард, ки барои дар сатҳи баланд баргузор гардидани ин маъракаи сиёсӣ саҳмгузор бошанд.

6430
Барчаспҳо:
интихобот, Рустами Эмомалӣ, Тоҷикистон

Русия дар ҷаҳон аввалин шуда, ваксини зидди коронавирус сохт - видео

0
Кишвардори Русия Владимир Путин рӯзи 11 - уми август аз сабти ном шудани нахустин ваксина алайҳи коронавирус, ки сохти Русия мебошад, хабар дод

Зимнан, раисҷумҳури Русия изҳор дошт, ки ваксинаи мазкурро яке аз духтарони ӯ дар худ озмоиш намуд ва дар рӯзҳои аввал ҳарорати бадани ӯ аз 37 дараҷа баланд буд.

Ваксинаи алайҳи коронавирус, ки Русия дар ҷаҳон аввалин шула сохт номи "Спутник V" - ро гирифт.

Мутахассисон мегӯянд, дар сурати ду маротиба ваксин шудан, инсон алайҳи ин маризӣ то 2 сол масуният пайдо мекунад.

Русия аз омода шудани нахустин ваксина алайҳи коронавирус хабар дод

Ваксинаи мазкур сар аз моҳи сентябр мавриди истифода қарор мегирад.

Аммо кишварҳои Ғарб ваксини сохти Русияро мавриди танқид қарор додаанд, вале Вазорати тандурустии Русия дар ҷавоб изҳор доштааст, ки "эҳтимол ҳамкорони хориҷӣ, бартариҳои доруи русиро эҳсос мекунанд".

0
Барчаспҳо:
маризӣ, дору, ҷаҳон, Русия