Председатель Маджлиси милли Маджлиси Оли Республики Таджикистан Махмадсаид Убайдуллоев

Сафири Қазоқистон дар Тоҷикистон Маҳмадсаид Убайдуллоевро ба Нур-Cултон даъват кард

1293
(Таҷдидшуда 13:28 12.09.2019)
Маҳмадсаид Убайдуллоев, раиси палатаи болии Парлумони кишвар зимни мулоқот бо сафири Қазоқистон хостори таҳкими ҳамкориҳо миёни ду кишвар шудааст

ДУШАНБЕ, 12 сен — Sputnik. Маҳмадсаид Убайдуллоев, раиси Маҷлиси миллии Маҷлиси Олии Тоҷикистон бо Сафири Қазоқистон дар Тоҷикистон Аскар Тоҷибоев дидору гуфтугӯ кард, иттилоъ додааст, Наврӯз Қурбонзода Ёвари Раиси Маҷлиси миллӣ.

Бино бар иттилои манбаъ, зимни мулоқот, Маҳмадсаид Убайдуллоев мавсуфро ба ҳайси Сафир таъин гардиданаш шодбош гуфта ба ӯ муваффақиятҳо таманно намуд.

Маҳмадсаид Убайдуллоев, махсусан равобити мутақобилан муфиди парламентиро барои тақвияту тасеаи заминаҳои ҳуқуқии ҳамкориҳо бо татбиқи нақшаҳои мушаххаси бархӯрди ҳадаф ва манофеи тарафҳо муҳим арзёбӣ ва мувофиқи мақсад шуморид.  

Раиси палатаи болии Парлумони кишвар изҳори итминон намуд, ки дар густариши робитаҳои доманфарохи шарикии стратегии кишварҳо, бахусус дар самти саноатию инноватсионӣ ҷаноби сафир тадбирҳои муассир хоҳад андешид.

“Бо дахли масоили ҳамкориҳои байнипарламентӣ дар сатҳи институтҳои минатқавию байналмилалии амалкунанда Маҳмадсаид Убайдуллоев аз мавзеъгириҳои муштарак нек ёдовар шуда, афзуданд, ки баргузории Ҷаласаи чоруми Раисони парламентҳои кишварҳои Авросиё дар моҳи сентябри соли равон дар шаҳри Нур-Cултон собитгари рушди институти парламентаризм дар ҷаҳони муосир мебошад”, - таъкид анмудааст манбаъ .

Аскар Тоҷибоев дар навбати худ зимни мулоқот, омодагии худро барои андешидани чораҳои воқеӣ барои амалӣ намудани сиёсати пешгирифтаи Сарони давлатҳо дар густариши муносибатҳои гуногунҷабҳа баён дошт.

Дар ҳамин ҳол, аз раиси Маҷлиси миллӣ даъват карданд, ки барои таҳкими робитаҳои байнипарламентӣ ба Қазоқистон сафари расмӣ анҷом диҳанд.

Сафири Қазоқистон изҳор намуданд, ки барои татбиқи масъалаҳое, ки зимни мулоқот бо раиси Маҷлиси миллӣ матраҳ шуд, дар доираи ваколатҳояш ҳамаҷониба мусоидат хоҳад кард.

1293
Барчаспҳо:
Маҷлиси миллии Маҷлиси Олии Тоҷикистон, тақвияти ҳамкориҳои байнипарлумонӣ, ҳамкорӣ, сафир, мулоқот, Маҳмадсаид Убайдуллоев, Қазоқистон, Тоҷикистон
Президент России Владимир Путин

Муносибати Владимир Путин ба танқиди тунд: ӯ гуфт кадом нақд хуб аст

352
(Таҷдидшуда 18:53 12.07.2020)
Президенти Русия Владимир Путин гуфт, ба танқид чӣ гуна муносибат мекунад. Ӯ гуфт танқид набояд фақат ба хотири танқид бошад

ДУШАНБЕ, 12 июл — Sputnik. Президенти Федератсияи Русия Владимир Путин гуфт, гӯш кардан ба пешниҳодҳоро аз вазифаи худ медонад.

Дар баробари ин президент қайд кард, ки танқид бояд конструктивӣ бошад.

"Агар аҷоиб намояд, ман ба пешниҳодҳо гӯш медиҳам. Агар дар баробари танқид чизе пешниҳод шавад. Чунки агар  танқид танҳо ба хотири танқид бошад, пас аҷоиб нест", - гуфт Владимир Путин дар мусоҳиба бо шабакаи "Россия 1".

Ба гуфти Путин дар дунё доим ҳастанд одамоне, ки дигар фикр доранд.

"Онҳо фикр мекунанд, ки роҳи ҳалле, ки онҳо пешниҳод доранд аз оне, ки мақомоти давлатӣ аз ҷумла преизедент пешниҳод мекунад, беҳтар аст", - шарҳ дод раисиҷумҳури Русия.

Путин иқрор шуд, ки ба танқиди ба ҷо ва пешниҳодҳои хуб "бо хушнудӣ гӯш медиҳад".

"Ҳама зид буданд": Путин дар бораи боздид аз Коммунарка

Дар баробари ин ӯ қайд кард, ки амалӣ кардани он чандон муҳим нест.

"Донистани ҳамагуна фиркҳо, пешниҳодҳо ва арзёбиҳо, фоида дорад", - хулоса кард президент.

352
Барчаспҳо:
президент, посух, вокуниш, Владимир Путин
Эмомали Рахмон подписывает документы на заседание глав государств СНГ в Душанбе

Се қарори Ҳукумат: Раҳмон сардори Донишкадаи олии сарҳадии КДАМ - ро аз вазифа озод кард

495
Раисиҷумҳури Тоҷикистон Эмомалӣ Раҳмон се қарори Ҳукуматро имзо карда, чанде аз масъулини баландпояро ҷо ба ҷо кард

ДУШАНБЕ, 10 июл — Sputnik. Раисиҷумҳури Тоҷикистон Эмомалӣ Раҳмон се қарори Ҳукуматро имзо карда, дар мақомоти қудратӣ тағйироти кадрӣ амалӣ кард.

Бино ба гузориши котиботи раисиҷумҳур, бо қарори Ҳукумати Тоҷикистон, Мирзоев Бадриддин Қиёмиддинович бо сабаби ба кори дигар гузаштанаш аз вазифаи сардори Донишкадаи олии сарҳадии Кумитаи давлатии амнияти миллии Ҷумҳурии Тоҷикистон озод гардид.

Тағйироти кадрӣ: Раҳмон масъулини мақомоти қудратӣ ва давлатиро ҷо ба ҷо кард

Бо қарори дигар Пиракзода Ҳикматулло ба ҷойи ӯ, сардори Донишкадаи олии сарҳадии Кумитаи давлатии амнияти миллии Ҷумҳурии Тоҷикистон таъин шуд.

Тибқи қарори сеюми Ҳукумат, Нурализода Нуриддин Файзиддин директори муассисаи давлатии қароргоҳи «Искандаркӯл»-и Дастгоҳи иҷроияи Президенти Ҷумҳурии Тоҷикистон таъин гардид.

495
Барчаспҳо:
Ҳукумат, тағйироти кадрӣ, Эмомалӣ Раҳмон, Тоҷикистон
День 13 июля

Ҷашнҳои рӯзи 13 июл дар Тоҷикистон ва ҷаҳон

0
(Таҷдидшуда 20:06 12.07.2020)
Рӯзи сенздаҳуми июл дар Қазоқистон- Рӯзи кормандони мақомоти амнияти миллӣ буда дар Черногория – Рӯзи давлатдорӣ мебошад

Рӯзи 13 июл дар ҷаҳон чӣ рух дод

Соли 1885 дар Амстердам Осорхонаи миллии Голландия ифтитоҳ ёфт.

День 12 июля
© Sputnik / Стас Этвеш / Вишнякова Мария

Соли 1923 Парлумони Англия фурӯши машруботи спиртиро ба шахсони аз 18 -сола поён манъ кард.

Соли 1930 дар пойтахти Уругвай – шаҳри  Монтевидео аввалин Чемпионати ҷаҳон оид ба футбол оғоз гардида, 30 июл ба анҷом расид.

Соли 1935  аввалин Созишномаи тиҷоратӣ миёни Иттиҳоди Шӯравӣ ва ИМА  ба имзо расид.

Соли 2001 пиразани 101-солаи австралиягӣ бо номи Эйми барои давидан ба масофаи 1500 метр рекорди нави ҷаҳонӣ гузошт. Ӯ ин масофаро дар 19 дақиқаю 59 сония паси сар намуд.

Рӯзи 13 июл дар Тоҷикистон чӣ рух дод

Соли 1992 миёни Ҷумҳурии Тоҷикистон ва Ҷумҳурии Сотсиалистии Ветнам муносибатҳои дипломатӣ барқарор карда шуданд.

День 11 июля
© Sputnik / Стас Этвеш / Вишнякова Мария

Соли 2002 дар шаҳри Душанбе дуюмин конференсияи Ҳаракати ваҳдати миллӣ ва эҳёи Тоҷикистон баргузор гардид.

Соли 2011 дар шаҳри Душанбе миёни Ҷумҳурии Тоҷикистон ва Ассотсиатсияи байналмилалии рушд 3 созишнома, аз ҷумла, Созишнома дар бораи маблағгузории «Лоиҳаи мустаҳкам намудани тартиби ҳифзи иҷтимоӣ» ба имзо расид.

Соли 2012 Президенти Ҷумҳурии Тоҷикистон муҳтарам Эмомалӣ Раҳмон дар шаҳри Бокуи Озарбойҷон бо Директори генералии ширкати амрикоии «Сокар Фостер Вилер» (Socar Foster Wheeler) Ҷиамперо Тривелла мулоқот анҷом дода,  масоили ҳамкорӣ дар соҳаи истихроҷ ва коркарди саноатии нафт дар Тоҷикистонро  баррасӣ намуданд.

Соли 2015 дар Маҷмааи давлатии «Кохи Борбад» бо иштироки Президенти Ҷумҳурии Тоҷикистон Эмомалӣ Раҳмон ва Сарвазири Ҷумҳурии Ҳиндустон Нарендра Модӣ Форуми кишоварзии Тоҷикистону Ҳиндустон баргузор гардид.

Соли 2015 дар пойтахти Тоҷикистон-шаҳри Душанбе муҷассамаи шоир, файласуф, мусиқидон ва чеҳрапардози чирадасти ҳиндӣ Робиндранат Такур расман ифтитоҳ ёфт.

Ҷашнҳои рӯзи 13 июл

  • Дар Қазоқистон- Рӯзи кормандони мақомоти амнияти миллӣ.
  • Дар Черногория – Рӯзи давлатдорӣ.

Рӯзи 13 июл дар Тоҷикистон кӣ ба дунё омадааст

Абдулло Субҳон (1955)- шоир.

Басир Расо (1931-2011) – шоир, Корманди шоистаи маданияти Тоҷикистон.

Мўсо Вализода (1937)- шоир.

Қаро Зокиров (1929)- рассом, ҳайкалтарош.

Амонулло Каромов (1970)- актёри театр.

Фотима Куинова (1925) – сароянда, Ҳунарпешаи шоистаи Тоҷикистон.

Бақо Содиқов (1941) – коргардони кино, Ходими шоистаи ҳунари Тоҷикистон, дорандаи Ҷойизаи давлатии ба номи Рўдакӣ.

Собир Хоҷаев (1928 – 2009) – мутарҷим.

Самеъҷон Шодиев (1919-1994)- арбоби давлатӣ, Корманди шоистаи маданияти ТоҷикистонАзиз Эргашев (1922- 1997)- арбоби ҷамиятӣ, Корманди шоистаи маданияти Тоҷикистон.

Ямилов (1934) – актёри театр, Ҳунарпешаи шоистаи Тоҷикистон.

Раҳматулло Ҳошимов (1960)- сароянда.

Равшан Баротов (1972)- оҳангсоз.

0
Барчаспҳо:
ҷашн, Ҷаҳон, Тоҷикистон
Мавзуъ
Ҷашнҳои рӯзи 8 июл дар Тоҷикистон ва ҷаҳон
Ҷашнҳои рӯзи 9 июл дар Тоҷикистон ва ҷаҳон
Ҷашнҳои рӯзи 10 июл дар Тоҷикистон ва ҷаҳон
Ҷашнҳои рӯзи 11 июл дар Тоҷикистон ва ҷаҳон
Ҷашнҳои рӯзи 12 июл дар Тоҷикистон ва ҷаҳон
Ҷашнҳои рӯзи 7 июл дар Тоҷикистон ва ҷаҳон