Кахраман Сулеймани председатель Центр персидской культуры в Москве

Қаҳрамон Сулаймонӣ: Тоҷикистон кишварест зуҳураш барои Эрон иттифоқи хуҷаставу муборак буд

173
(Таҷдидшуда 20:26 17.10.2019)
Мо бо тоҷикон мероси тамаддуни муштарак дороем ва ногузерем бе ҳам зиндагӣ кунем. Мо ҳатто қаламрави фарҳангии ягона дорем ва бояд бо ҳам бошем

ДУШАНБЕ, 17 окт — Sputnik. Қаҳрамон Сулаймонӣ, раиси Ройзании фарҳангии Эрон дар Маскав аз беҳ шудани муносибатҳои дипломатӣ миёни Тоҷикистону Эрон  то ба муштаракоти халқияти ҳарду кишвар суҳбат карад.

Ӯ дар мусоҳибаи ба Sputnik Тоҷикистон якдигарнофаҳмиҳои солҳои охирро миёни ҳарду кишвар аз шикебу каҷиҳои равобити сиёсӣ хонд.

“Корҳои сиёсӣ ва равобити сиёсӣ дар ҳама ҷои дунё фарозу фуруд доранд. Тасавури ин, ки дар кори сиёсӣ ҳамеша як сатҳе вуҷуд дорад, миқдоре душвор аст. Хушбахтона итифоқоте, ки ба миён омадаанд, дар чанд моҳи охир махсусан, итифоққоти мубораке ҳастанд. Ман умедворам, ки ин ду кишвар масири равобити густардаву гарму дӯстонаро дубора аз сар бигиранд”, мегӯяд Сулаймонӣ.  

Он дар идомаи суҳбат қайд кард, ки Эрону Тоҷикистон ду пораи як пайкарвораи воҳид ҳастанд. Мо ногузир ҳастем аз ин, ки бе ҳам кору зиндагӣ кунем. Ва сарнавиштамон дар қаламравҳои таърихӣ бо ҳам вобаста аст. Ҳар осебе, ки Тоҷикистон бубинад бегумон ин осеб моли Эрон ҳаст ҳамон гунае, ки осебе ба Эрон расад дӯстони тоҷикамон ҳам осеб хоҳанд дид. Пайвастагиҳои таърихиамон аз замони устураҳо ва қабл аз таърих аст, ва ҳоло мо наметонем аз ҳам бегона бошем ва равобити номатлуб дошат бошем.   

Мутаассифона дар чанд соли охир иттифоқоти номатлубе уфтода буд. Тақрибан ҳамаи касоне, ки дар риштаҳои фарҳангию сиёсӣ дар Эрон кор мекунанд барояшон вазъи розикунандае набуд. Аммо бо хуб шудани вазъ мо умедворем, ки дубора бо гуфтугӯю ҳамроҳӣ ва ҳамдилӣ масири мусолиматро пеш  мебарем.

Фикр мекунам вожаи якдигарнофаҳмӣ метавонад ин вазъиятро тавзеҳи хубе дода бошад. Шояд гоҳо мо дар масири корҳоямон фирефтаи якдигарнофаҳмӣ шавем, аммо ин ба маънии он нест, ки мо метавонем аз якдигар ҷудо бошем, балки бояд барои ҳали ихтилофҳо чораҷӯи кунем.

Тоҷикистон кишвари ҳамзабонӣ мост, кишварест, ки барои мо ирониҳо зуҳураш дар маҷмӯаи ҷаҳони муосир як иттифоқи бисёр хуҷаставу муборак буд.

Мо бо тоҷикон мероси тамаддуни муштарак дороем ва ногузирем бе ҳам зиндагӣ кунем. Мо ҳатто қаламрави фарҳанги ягона дорем ва бояд бо ҳам кор кунем ва бо ҳам бошем.

Як ҷамъияти калоне аз азизони тоҷикамон дар Русия ба сар мебаранд ва эрониҳо низ дар ин ҷо ҳастанд. Эрон дар ин ҷо маркази фарҳангӣ дорад ва маҳз ин марказ метавонад ҳалқаи пайвандгар бошад барои ин маҷмӯаҳои муштарак. Хушбахтона дар Маскав Сафорати Тоҷикистон масири хуберо ба кор гирифтааст ва мо метавонем барномаҳои муштараке дошта бошему баргузор намоем.   

173
Барчаспҳо:
ҳамкорӣ, Теҳрон, Душанбе, фарҳанг, Маскав, Русия, Эрон, Тоҷикистон

"Муҳаббат бояд дуҷониба бошад": Путин дар бораи муносибати Русия бо Аврупо

78
(Таҷдидшуда 18:07 27.01.2021)
Раҳбари Русия инчунин вазъи кунунии ҷаҳонро тавсиф карда, онро бо солҳои сиюми асри гузашта муқоиса кард

ДУШАНБЕ, 27 январ - Sputnik. Президенти Русия Владимир Путин мутмаин аст, ки Русия ва Аврупо бояд ҳаросҳои гузаштаро дур кардаву "якҷоя бошанд".

"Муносибатҳои Федератсияи Русия ва Аврупо ҳоло муқаррарӣ нестанд, мо бояд ба муколама ва рӯзномаи мусбат баргардем. <...> Федератсияи Русия ва Аврупо шарикони комилан табиии иқтисод ва илм мебошанд, аммо муколама бояд ростқавл бошад, мо бояд ҳаросҳои гузаштаро дур кунем",-гуфт Путин.

Ба гуфтаи ӯ, Маскав омода аст муколама барқарор кунад, мехоҳад ва талош мекунад, аммо "муҳаббат бояд дуҷониба бошад."

Сарвари давлат ин суханонро дар Форуми умумиҷаҳонии иқтисодӣ дар Давос - ва бори аввал пас аз соли 2009 гуфт.

Путин вазъи кунунии ҷаҳонро бо солҳои 30-юм муқоиса кард: ба ақидаи ӯ, табақабандии иҷтимоӣ шиддат гирифта, радикализми рост ва чап афзоиш меёбад ва равандҳои сиёсӣ дар кишварҳои пешрафта шадидтар мешаванд.

Кушиши Аврупо барои ҳифзи муносибат бо Русия ва ояндаи худ

Дар ҳамин ҳол, раҳбари Русия қайд кард, ки "робитаи мутақобилаи кишварҳои гуногун дар ҳалли мушкилоти кунунӣ метавонад ба афзоиши эътимоди тарафайн имкон диҳад".

"Ҳоло муҳим аст, ки аз як изҳороти умумӣ ба тиҷорат гузарем, саъй ва захираҳои воқеиро барои ноил шудан ба ҳам коҳиши нобаробарии иҷтимоӣ дар дохили кишварҳои алоҳида ва ҳам тадриҷан ба ҳам наздик шудани сатҳи иқтисодҳои кишварҳои мухталиф ва минтақаҳои сайёра равона кунем. Пас аз он бӯҳрони муҳоҷират нахоҳад буд ",-илова кард ӯ.

Кишвардори Русия инчунин дар бораи яке аз мушкилоти муҳимтарини сайёра - пандемияи COVID-19 истода гузашт.

Ба гуфтаи Путин, мубориза бо коронавирус дар ҷаҳон бояд муштарак бошад.

"Ҷомеаи ҷаҳонӣ бояд шароит фароҳам оварад, то олимон ва мутахассисон якҷоя кор кунанд, то фаҳманд, ки чаро ва чӣ гуна мутатсия ба амал меояд, масалан, коронавирус чӣ гуна намудҳо дорад ва аз ҳамдигар чигуна фарқ мекунанд", - шарҳ дод президент.

Нахустин гуфтугӯи телефонии Путин бо Байден: сарони кишварҳои қудратманд аз чӣ гуфтанд?

Раҳбари Русия мӯътақид аст, ки "акнун тамаркуз ба рафъи мушкилоти на хаёлӣ, балки воқеӣ дар ҷаҳон муҳим аст".

78
Барчаспҳо:
иқтисод, Аврупо, муносибат, Владимир Путин
Эмомалӣ Раҳмон, раисиҷумҳури Тоҷикистон, акс аз бойгонӣ

Раҳмон гуфт, дар интихобот ба ӯ аксарият занон овоз додаанд

481
(Таҷдидшуда 14:12 27.01.2021)
Эмомалӣ Раҳмон, раисиҷумҳури Тоҷикистон, дар бораи интихоботи гузаштаи парлумонию президентӣ гуфта, таъкид намуд, ки ба ҷонибдорияш аксарият занон овоз додаанд

ДУШАНБЕ, 27 янв — Sputnik. Эмомалӣ Раҳмон гуфт, бо иштироки фаъолонаи халқ соли гузашта ду чорабинии бисёр муҳимми сиёсӣ, якум – интихоботи вакилони Маҷлиси намояндагон, маҷлисҳои маҳаллии вакилони халқ ва дуюм – интихоботи Президенти Тоҷикистон баргузор гардид.

Эмомалӣ Раҳмон дар паёми имсолааш таъкид намуд, ки ин ду маъракаи муҳими сиёсӣ дар фазои сулҳу оромӣ, суботи комили сиёсӣ ва ваҳдати миллӣ баргузор гардиданд.

Раҳмон илова намуд, ки дар интихоботи президенти Тоҷикистон, аксарияти занону бонувони тоҷик, онҳое, ки ҳаққи овоздиҳӣ доранд, ба ҷонибдории раисиҷумҳури феълии Тоҷикистон овоз доданд.

Ӯ  бо изҳори миннатдорӣ афзуд, ки то вақте ҳастам, ҳамин сиёсати худро дар мавриди дастгирии занону бонувон идома медиҳам ва шумо содиқона хизмат кунед.

Эмомалӣ Раҳмон ба Кумитаи кор бо занон ва оила супориш дод, ки лоиҳаи қарори Ҳукумати мамлакатро дар бораи “Стратегияи миллии фаъолгардонии нақши занон дар Ҷумҳурии Тоҷикистон барои солҳои 2021 – 2030” ва нақшаи амалисозии онро барои солҳои 2021 – 2025 таҳия ва пешниҳод намояд.

481
Барчаспҳо:
президент, интихобот, Эмомалӣ Раҳмон, Тоҷикистон
Мужчина с автоматом в руке, архивное фото

Ҳимояи худу фарзандон: шарҳи дастгиршуда дар Турсунзода дар бораи нигоҳдории силоҳ - видео

0
(Таҷдидшуда 20:55 27.01.2021)
Вазорати умури дохилии Тоҷикистон аз парвандаи ҷиноӣ алайҳи сокини шаҳри Турсунзода барои нигоҳдории ғайриқонунии силоҳ ва лавозимоти ҷангӣ хабар додааст

ДУШАНБЕ, 27 янв — Sputnik.  Бар асоси гузориши ВУД, маъмурини Раёсати кофтукоби ҷиноӣ дар пайи як амалиёт Маъбурҷон Таҳоров, сокини кӯчаи Айнии шаҳри Турсунзодаро дастгир кардаанд.

Дар пайи кофтукоб дар боми хонаи падари дастгиршуда, дар деҳаи Шукурови шаҳри Турсунзода як автомати Калашников бо 29 дона тир ва норинҷак пайдо карда шуд. Таҳоров дар гузориш изҳор медорад, ки ин аслиҳаро солҳои 1997 ё  1998 ба ивази 300 доллар бо ҳадафи ҳимоя харид.

Ӯ тавзеҳ дод, ки ин силоҳро он замон барои ҳимояи худу фарзандонаш гирифта буд.

Вазорати умури дохилии Тоҷикистон таъкид намуд, ки феълан алайҳи Таҳоров парвандаи ҷиноӣ оғоз шудааст. Ин ниҳод зикр намуд, афроде, ки ихтиёран ба мақомоти умури дохилӣ силоҳи оташфишон месупоранд аз ҷавобгарӣ озод мешаванд.

0
Барчаспҳо:
силоҳ, шаҳри Турсунзода, Тоҷикистон