Ҷаласаи Ҳукумат, акс аз бойгонӣ

Қарори Ҳукумат: Раҳмон пулситонӣ аз мошинҳои Қирғизистонро бекор кард

3932
(Таҷдидшуда 13:44 21.10.2019)
Эмомалӣ Раҳмон, раисиҷумҳури Тоҷикистон, қарори Ҳукумат барои ситондани молиёти экологӣ аз мошинҳои Қирғизистонро, ки аз 62 то 300 сомонӣ буд, бекор кард

ДУШАНБЕ, 21 окт — Sputnik. Бар асоси қарори Ҳукумати Тоҷикистон, ки Эмомалӣ Раҳмон моҳи равон имзо кард, қарори қаблӣ барои гирифтани молиёти экологӣ аз мошинҳои Қирғизистон ҳангоми вуруд ба Тоҷикистон бекор гардид.

Пардохтҳои экологӣ барои мошинҳои Қирғизистон моҳи ноябри соли 2017 роҳандозӣ шуда буданд ва далели он ҳифзи ҳавои ҷумҳурӣ арзёбӣ шуда буд.

Аз ҷумла ҳаҷми пардохтҳои экологӣ барои мотосиклҳо 62 сомонӣ, воситаҳои нақлиёти сабукрав – 124 сомонӣ, мусофирбарҳои хурд – 250 сомонӣ ва мошинҳои боркашу автобусҳо – 300 сомонӣ муқаррар шуда буд.

Ҷамъоварии маблағи мазкур ба Хадамоти гумруки Тоҷикистон вогузор шуда, таъкид шуда буд, ки даромад аз он ба буҷаи ҷумҳуриявӣ ворид карда шавад.

Талаби Раҳмон аз Жээнбеков барои зудтар имзо кардани созишномаи марзӣ

Бекор шудани ин қарор дар ҳолест, ки Тоҷикистону Қирғизистон беш аз 970 километр марзи муштарак доранд, ки аз ин танҳо 520 километр аломатгузорӣ шуда, боқимонда намуайян мебошад. Ин номуайянӣ боис шудааст, ки дар марз муноқишаҳо миёни сокинони наздисарҳадӣ рух медиҳанд, ки баъзан бо ҳалокати одамон меанҷомад.

3932
Барчаспҳо:
бекор кардан, пардохт, экология, қарори ҳукумат, Эмомалӣ Раҳмон, Тоҷикистон-Қирғизистон
Мавзуҳо:
Фармон, амр ва қарорҳои тозатарини Эмомалӣ Раҳмон (39)