Министр иностранных дел РФ Сергей Лавров

Лавров: Амрико мехоҳад Сурияро ба ду қисм ҷудо кунад

175
(Таҷдидшуда 17:09 13.11.2019)
Ба ақидаи дипломати рус, кӯшишҳои ИМА ин талаю тороҷи Сурия ва зери тасарруфи худ даровардани минтақаҳои дорои нафти ин кишвар мебошанд

ДУШАНБЕ, 13 ноя — Sputnik. Мақомоти Амрико кӯшиш карда истодааст, ки ҳудуди Сурияро ба ду ҷузъ тақсим кунад, то ки дар соҳилҳои шарқии дарёи Фурот “давлати нав” созмон ёбад, гуфт Сергей Лавров, вазири корҳои хориҷаи Русия дар форуми дуюми ҷаҳонӣ дар Париж.

“ИМА аз кишварҳои Халиҷи Форс талаби сармоягузорӣ кардааст, то  дар ин қисмати Сурия дар асоси қувваҳои демократии кишвар, курдҳо – гуруҳҳои мудофеи халқӣ маъмурияти маҳалӣ созмон диҳаду минтақаҳои нафтии ин маҳалро идора кунад”, - гуфт Вазир.

Лавров ҳамчунин таъйид кард, ки Амрико аз кишварҳои минтақа талаб кардааст, ки барои барқарор намудани Сурия ва махсусан маҳалҳое, ки таҳти идораи мақомоти Димишк қарор доранд сармоягузорӣ накунанд.

“Мо дар якҷоягӣ бо ҳукумати Сурия кӯшиш мекунем, ки ин кишварро ба ҳолати аввалааш барқарор намоем ва ҳарчӣ барои навсозӣ ва баргардонидани гурезаҳо лозим аст мекунем, то ки кишвар ба ҳолати хуб баргардад”, - гуфт вазири умури хориҷаи Русия. 

Лавров ҳамчунин ёдовар шуда буд, ки кӯшишҳои ИМА, ки ин талаю тороҷи Сурия ва зери тасарруф худ даровардани минтақаҳои нефтии он мебошанд оқибати хуб надоранд.

Ҷанг дар Сурия

Тайи 8 сол аст дар қаламрави Сурия ҷанги хонумонсӯз рафта истодааст, ки даҳшати он як қисмати аҳолии ин кишвар ба дигар мамлакатҳо муҳоҷир шуданд. Ин ҷанг аз худ ҳалокати зиёд низ боқӣ гузошт.

Вазъ дар Сурия дар аввалҳои моҳи октябр баъди эълони роҳбари Туркия Раҷаб Тайиб Эрдуғон аз баргузории амалиёти “Сарчашмаи сулҳ”, ки бар муқобили курдҳо равона шуда буд муташаниҷ гашт.

Амрико бошад дар навбати худ нахост дар амалиёти мақомоти Анқара шарик шавад ва эълони баровардани низомиёни худ аз хоки Сурияро кард.

Аммо баъдан Трамп эълон кард, ки як қисмати низомиёнаш дар Сурия мемонанд, то ки мавзеъҳои дорои нефтро аз ҷангиёни ДОИШ ҳимоя кунанд. Ба гуфтаи ӯ вақти он омадааст, ки курдҳои Сурия ба минтақаи нефтхези кишвар биёянд, чунки ба онҳо пул лозим аст.

Мувофиқи созишнома бо Амрико маҷомоти Анқара аз амалҳои ҷангияш дар Сурия даст кашид. 

175
Барчаспҳо:
Доналд Трамп, Лавров, Туркия, Амрико, Сурия, Русия
Валентина Ивановна Матвиенко

"Маскав бароят шаҳри бегона нест": пазироии Матвиенко аз Рустами Эмомалӣ- навор

1277
(Таҷдидшуда 20:23 24.11.2020)
Рустами Эмомалӣ раиси Маҷлиси миллии Маҷлиси Олии Ҷумҳурии Тоҷикистон, ки бо нахустин сафари кории худ озими Русия шуд, бо ҳамтои русаш Валентина Матвиенко вохӯрд

ДУШАНБЕ, 24 ноя - Sputnik. Дар Маскав мулоқоти рӯбарӯи Рустами Эмомалӣ ва Валентина Матвиенко баргузор шуд. Ин мулоқот дар доираи сафари расмии ҳайати Маҷлиси Миллии Маҷлиси Олии Ҷумҳурии Тоҷикистон ба Федератсияи Русия бо даъвати раиси Шӯрои Федератсия баргузор гардид.

Встреча Валентины Матвиенко с Эмомали Рахмоном
© Официальная страница пресс-службы президента РТ в Facebook

Дар мадҳ, Матвиено, Рустами Эмомалиро ба пойтахти Русия шаҳри Маскав хушомадед гуфта, изҳор дошт, ки "Маскав барои ӯ шаҳри бегона нест, чун ин ҷо таҳсил карда, маълумоти олӣ гирифта буд".

Гузашта аз ин, раиси Шӯрои Федератсияи Русия аз он изҳори хушнудӣ намуд, ки Рустами Эмомалӣ барои нахустин сафари кории худ маҳз Русияро интихоб намуд.

Ба гуфтаи ӯ, дар замони пандемия ташриф овардан ба кишвари дигар боиси таҳсину офарин аст.

"Ҳоло, аксар мулоқоту вохӯриҳо дар шароити видеоӣ мегузаранд, вале мулоқоти мо на фосилавӣ, балки бевосита рӯбарӯ баргузор мегардад, ки ин барои ман бисёр хуш аст", - тавзеҳ додааст Матвиенко.

Зимнан, Матвиенко афзуд, ки Рустами Эмомалиро мулоқот бо шаҳрдори Маскав Сергей Собянин, раиси Думаи давлатӣ Вячеслав Володин ва чанд мақомдори дигари Русия интизор аст.

Ёдовар мешавем, дар ин сафар Рустами Эмомалиро раисони кумитаҳои Маҷлиси миллии Маҷлиси Олии Ҷумҳурии Тоҷикистон, роҳбари Дастгоҳи Маҷлиси миллии Маҷлиси Олии Ҷумҳурии Тоҷикистон ва дигар шахсони расмӣ ҳамроҳӣ мекунанд.

1277
Барчаспҳо:
Валентина Матвиенко, Рустами Эмомалӣ
Самолет на закате, архивное фото

Парвозҳо миёни Тоҷикистону Миср имкон аст, роҳандозӣ шавад

72
(Таҷдидшуда 18:38 24.11.2020)
Азсаргирии парвозҳо байни Душанбе ва Шарм-аш-Шайх масъалаи марказии мулоқоти намояндагони ду кишвар буд

ДУШАНБЕ, 24 ноя — Sputnik. Дар шаҳри Қоҳираи Миср сафири Тоҷикистон дар Миср Заробиддин Қосимӣ бо вазири туризм ва осори бостонии ин кишвар Холид Ал-Инонӣ мулоқот кард, хабар медиҳад хадамоти матбуотии Вазорати корҳои хориҷии Тоҷикистон.

Ба иттилои манбаъ, дар вохӯрӣ масоили ҳамкорӣ дар соҳаҳои сайёҳӣ, омӯзиши осори таърихию фарҳангӣ ва осорхонадорӣ баррасӣ шуданд.

"Бо дарназардошти имкону захираҳои фаровони мавҷуда ҳар ду ҷониб омодагии худро ба таҳким ва густариши ҳамкорӣ таъкид доштанд", - афзудааст манбаъ.

Вазорат ҳамзамон мегӯяд, зимни мулоқот зикр гардид, ки хатсайри ҳавоии Душанбе - Шармушшайх ва давраҳои кӯтоҳмуддати бозомӯзӣ дар Миср барои кормандони соҳаҳои сайёҳӣ ва осорхонадории Тоҷикистон бояд аз нав ба роҳ монда шаванд.

Дар поёни нишаст, Косимӣ ва Ал-Инонӣ омодагии худро барои таҳким ва тавсеаи ҳамкорӣ таъкид карданд. Ҳамин тариқ, Тоҷикистон ва Миср дар соҳаҳои сайёҳӣ, мероси таърихию фарҳангӣ ва корҳои осорхонаҳо ҳамкорӣ хоҳанд кард.

Хотиррасон мекунем, ки муносибатҳои дипломатии байни ҷумҳуриҳо 1 апрели соли 1993 барқарор карда шуд. Миср 1 январи соли 1992 истиқлолияти Тоҷикистонро эътироф кард. Дар давраи ҳамкориҳои байни кишварҳо нӯҳ санад ба имзо расидааст.

Рӯз ба рӯз: нашри ҷадвали нави парвозҳо аз Русия ба Тоҷикистон

Душанбеу Қоҳира дар соҳаҳои иқтисод, тиҷорат ва илму техника ҳамкорӣ мекунанд. Ғайр аз ин, дар соҳаи маориф табодули донишҷӯён сурат мегирад.

72
Барчаспҳо:
парвозҳо, ҳамкорӣ, Миср, Тоҷикистон

Низомиёни тоҷику рус дар кӯҳҳои Тоҷикистон "террористон" - ро маҳв карданд - навор

0
(Таҷдидшуда 19:19 24.11.2020)
Низомиёни пойгоҳи 201-уми Русия дар кӯҳҳои Тоҷикистон тамрин карда, террористони шартиро дар паи амалҳои вижа нобуд карданд

Сарбозони пойгоҳи низомии 201-и Русия ва Қувваҳои Мусаллаҳи Тоҷикистон дар тамрингоҳи Лоҳур як тамрини навбатӣ баргузор карданд.

Дар ҷараёни тамрин, онҳо маҳви террористҳои шартиро дар шароити кӯҳистон нишон доданд.
Задухӯрд пас аз рахна шудани марзи давлатӣ аз ҷониби террористон оғоз ёфт.

Дар ин асно, экипажи ҳавопаймои бесарнишин бо миномётҳо ва мошинҳои зиреҳпӯш якчанд сутунҳои душманро пайдо карда, фавран макони ҷойгиршавии онҳоро ба пости фармон интиқол дод.

Шойгу ба низомиёни Тоҷикистон медал тақдим кард

Дар видео маълум аст, ки душман тавасути "Гвоздика" ва чархболҳои Ми-24  иҳота гардида, ҳамин тариқ гурӯҳҳои мусаллаҳи ғайриқонунӣ шикаст дода шуданд.

Ёдовар мешавем, дар тамринҳои муштарак беш аз 3 ҳазор низомии Русия ва беш аз 550 адад силоҳу таҷҳизот ба кор бурда шуд.

Аз ҷумла, аз БМП-2М, зиреҳпӯшҳои БТР-82А, БТР-80, системаҳои артиллерии "Град", "Ураган", гаубитсаи худгарди "Гвоздика" ва "Акатсия" истифода бурда шуд.

0
Барчаспҳо:
навор, маҳв, террористон, рус, тоҷик, низомиён