Эмомали Рахмон и Сооронбай Жээнбеков

Раҳмон бо Жээнбеков масъалаи марзро баррасӣ кард

276
(Таҷдидшуда 09:16 28.11.2019)
Раисҷумҳури Тоҷикистон Эмомалӣ Раҳмон аснои мулоқот бо ҳамтои қирғизи худ Сооронбой Жээнбеков, масоили сарҳадоти ду кишварро ба миён гузошт

ДУШАНБЕ, 28 ноя — Sputnik. Эмомалӣ Раҳмон, ки бегоҳи дирӯз ба хотири иштирок дар иҷлосияи  навбатии Шӯрои амнияти дастаҷамъии СААД озими Қирғизистон гардид, бо раисҷумҳури ин кишвар Сооронбой Жээнбеков  дидору мулоқот намуд.

Ба иттилои котиботи раисҷумҳури Тоҷикистон, дар доираи мулоқоти кишвардорони ду давлат маҷмуъи васеи масоили ҳамкорӣ дар сатҳи дуҷониба ва ҳам дар ҷаҳорчуби СААД мавриди баррасӣ қарор дода шуд.

Эмомалӣ Раҳмон дар мулоқот бо ҳамтои қирғизи худ таъкид доштаст, ки Тоҷикистон бо такя ба принсипҳои дӯстӣ ва ҳамҷаворӣ, ба масъалаи тавсеа ва таҳкими ҳамаи ҷанбаҳои ҳамгироӣ бо Ҷумҳурии Қирғизистон, аҳамияти махсус медиҳад.

Баҳси масоили дохилӣ: Раҳмон баъди Бишкек ба Тошканд меравад

"Ҷонибҳо зимни мулоқот ҳамкории кишварҳоро дар соҳаҳои сиёсӣ, иқтисодӣ, илмӣ-техникӣ ва фарҳангию гуманитарӣ мавриди баррасӣ қарор доданд", - омадааст дар хабар.

Зимнан, дар рафти вохӯрӣ татбиқи тавофуқоти дуҷониба оид ба масъалаҳои марбут ба сарҳади давлатии байни ду кишвар муҳокима гардид.

Қобили зикр аст, ки роҳбари давлатро дар ин сафар муовини сарвазири  Тоҷикистон, вазири корҳои хориҷӣ, ёрдамчии президенти оид ба масъалаҳои робитаҳои хориҷӣ, вазири мудофиа, котиби Шӯрои амнияти Тоҷикистон ва дигар шахсони расмӣ ҳамроҳӣ мекунанд.

Раҳмонро дар фурудгоҳи Манас бо орзуқ пешвоз гирифтанд

Зимнан, раисиҷумҳури Тоҷикистон, баъди мулоқоти сарони кишварҳои узви Созмони аҳдномаи амнияти дастаҷамъӣ дар Бишкек озими шаҳри Тошканд хоҳад шуд.

276
Барчаспҳо:
мулоқот, Сооронбой Жээнбеков, Эмомалӣ Раҳмон
Брифинг, посвященый председательству Республики Таджикистан в Шанхайской организации сотрудничества в 2020-2021 гг.

Санаи ҳамоиши президентҳои давлатҳои узви СҲШ дар Душанбе маълум шуд

527
(Таҷдидшуда 21:01 15.01.2021)
Ҷаласаи сарони кишварҳои узви Созмони ҳамкории Шанхай дар шаҳри Душанбе нимаи моҳи сентябри соли равон дар назар аст

ДУШАНБЕ, 15 янв — Sputnik. Ҷаласаи сарони кишварҳои узви СҲШ рӯзҳои 16 – 17 сентябр дар шаҳри Душанбе ба нақша гирифта шудааст, хабар дод Аҳмад Саидмуродзода, сардори раёсати кишварҳои ИДМ-и Вазорати умури хориҷии Тоҷикистон.

Раёсат дар СҲШ-ро соли равон Тоҷикистон ба уҳда дорад. Имсол инчунин ҳамоиши ҷашнӣ - 20-умин солгарди таъсисёбии созмон мебошад.

Нахустин мулоқоти ҳамоҳангсозони миллии кишварҳои узви СҲШ дар соли ҷорӣ 26-29 январ дар шаҳри Душанбе дар нақша аст.

“Дар Вазорати корҳои хориҷӣ барои баргузории саммити СҲШ, ки 16-17 сентябр дар назар аст, ситоди махсус ташкил шуда, нахустин ҷаласаи ҳамоҳангсозони миллӣ 26-29-уми январ дар Душанбе баргузор мешавад”, - изҳор дошт Аҳмадзода зимни мулоқот бо хабарнигорон.

Ӯ афзуд, ки сомонаи махсус ташкил дода мешавад, ки иттилоъ дар бораи чорабиниҳои асосии Созмони ҳамкории Шанхай дар соли равонро фаро хоҳад гирифт.

Баробари мулоқоти сарони кишварҳои узви СҲШ ва вазирони умури хориҷии давлатҳои созмон, инчунин мулоқотҳои роҳбарони идораҳои соҳавӣ – аз мудофиа то иқтисоду тиҷорат ба нақша гирифта шудаанд.

Ба гуфтаи намояндаи ВУХ Тоҷикистон, имсол барои бори аввал дар Душанбе Анҷумани иқтисодии СҲШ ба нақша гирифта шуда, инчунин ташкили мулоқоти намояндагони бахши сайёҳию расонаҳо дар назар аст.

СҲШ созмони байналмилалие мебошад, ки Тоҷикистон, Русия, Ҳинд, Қазоқистон, Қирғизистон, Чин, Покистон ва Ӯзбекистонро дар бар мегирад.

527
Барчаспҳо:
мулоқот, Созмони ҳамкории Шанхай, Тоҷикистон
«Объявили настоящую травлю»: Алла Березовская о задержаниях русскоязычных журналистов в Латвии - YouTube

Березовская аз боздошту бозҷӯии рӯзноманигорони русзабон дар Латвия гуфт

37
(Таҷдидшуда 17:07 15.01.2021)
Алла Березовская, рӯзноманигори муқими Латвия дар бораи бозҷӯияш аз ҷониби мақомоти ҳифзи ҳуқуқи ин кишвар нақл кард

ДУШАНБЕ, 15 янв — Sputnik. Алла Березовская аз ҷумлаи рӯзноманигороне мебошад, ки мақомоти Латвия онҳоро ба далели ҳамкорӣ бо расонаҳои Русия мавриди бозҷӯӣ қарор доданд. Мақомоти ин кишвар муътақиданд, ки чунин ҳамкорӣ хилофи таҳримоти Иттиҳоди Аврупо мебошад.

“Маро дар вайрон кардани таҳримот айбдор мекунанд, аммо ман қатъиян розӣ нестам. Касе ин расонаҳоро ҷиноӣ эътироф накардааст. Мо дар кишвари озод иқомат дорем ва ҳуқуқ дорем дар расонае нашр кунем, ки лозим мешуморем”, - изҳор дошт Алла Березовская.

Ба гуфтаи рӯзноманигор, бозҷӯӣ дар хонааш сурат гирифта, ҳамаи техникаи компютерӣ, аз ҷумла планшети набераашро гирифтаанд.

Ӯ афзуд, ки алайҳи рӯзноманигорони расонаҳои расмии Русия мақомоти Латвия таҳқиботи густурдае роҳандозӣ кардаанд.

“Мехоҳанд ба тамоми ҷаҳон гӯянд, нафароне, ки бо расонаҳои давлатии Русия ҳамкорӣ мекунад, рӯзноманигор нест, пропагандист – тарғибгар мебошанд. Ин ба он маъност, ки ба чунин пропагандистҳо на демократия, на озодии баён ва на ҳуқуқи инсон дахл надоранд”, - тавзеҳ дод ӯ.

Фишор ба Sputnik ва Baltnews

Sputnik қаблан хабар дода буд, ки рӯзноманигорони русзабон, аз ҷумла онҳое, ки бо Baltnews ва Sputnik Латвия ҳамкорӣ мекунанд, дар нақзи таҳримоти Иттиҳоди Аврупо муттаҳам мешаванд ва онҳо мавриди бозҷӯӣ қарор гирифтанд. Манбаъ афзуд, иттиҳомот бар асоси моддаи 84-и қонуни ҷиноии Латвия – нақзи таҳримоти Иттиҳоди Аврупо эълон шудаанд, ки ҷазо дар намуди ҷарима ва ё маҳрумият аз озодиро пешбинӣ мекунад.

Sputnik Латвия ва Baltnews марбути Ожони байналмилалии хабарии "Россия сегодня" мебошанд. Аммо рӯзноманигороне, ки барои ин расонаҳо матлаб таҳия мекунанд, кормандашон набуда, муаллифони ғайриштатӣ мебошанд.

Вазорати умури хориҷии Русия амали мақомоти Латвияро маҳкум карда, онҳоро хилофи демократияю озодии баён хонд. Ин ниҳод таъкид кард, ки таҳримоти Иттиҳоди Аврупо хусусияти инфиродӣ дошта, шахсан ба мудири кулли "Россия сегодня" Дмитрий Киселёв дахл доранд ва наметавонанд ҳамаи кормандони ин идораро фаро гиранд.

Сармуҳаррири хабаргузории байналмилалии  "Россия сегодня" ва RT,  Маргарита Симонян изҳори умед кард, ки Русия ба ифтитоҳи парвандаҳои ҷиноӣ алайҳи рӯзноманигорони русзабон вокуниш хоҳад дод.

37
Барчаспҳо:
рӯзноманигор, Латвия, русзабон
Вакцинация против COVID-19 в Москве

Марги 55 нафар дар Амрико пас аз гирифтани ваксина

0
(Таҷдидшуда 15:56 17.01.2021)
Тибқи иттилои расмӣ, даҳҳо нафар дар Амрико пас аз м гирифтан алайҳи маризии вирус ҷони худро аз даст доданд

ДУШАНБЕ, 17 янв — Sputnik. Системаи ҳисоботдиҳии федералии ваксинаҳои Vaccine Adverse Event Reporting System гузориш медиҳад, ки 55 нафар пас аз ваксинаи Moderna ва Pfizer гирифтан, фавтидаанд.

Дар байни фавтҳо, онҳое низ сабт шуданд, ки пас аз ду соат ваксина гирифтанд. Марги як пизишки амрикоӣ бошад, ки  низ ваксина гирифта буд, резонанс шуд.

Доктор Григорий Майкл рӯзи 18 декабр эм карда шуд ва пас аз се рӯз дастҳо ва пойҳояш бо доғҳои сурх пӯшида шуданд. Пас аз муоина маълум шуд, ки ӯ гирифтори бемории Верлхоф шудааст, яъне вақте организм ба тромбоситҳо ҳамла карда, онҳоро хаёли ҷисмҳои бегона мекунад. Ба ҳамин минвол, пизишк 3 январ аз хунравии мағзӣ даргузашт.

Дар ҳамин ҳол, хадамоти матбуоти Pfizer таъкид кард, ки онҳо ин қазияро таҳқиқ мекунанд, аммо то ҳол иртиботи мустақим байни ваксина ва марги табибро дақиқ накардаанд.

Ваксинаи Трамп: чаро дар нокомиҳои тибби ИМА президенти равандаро айбдор мекунанд

Нашрияи исроилии Ynet бо такя ба Вазорати тандурустии кишвар, дар бораи аломати нохуш пас аз эмкунӣ бо Pfizer хабар дод.

Пас аз ворид кардани ваксина, 13 исроилӣ ба фалаҷи рӯй гирифтор шуданд. Таъсири манфии дору пас аз чанд соат хотима ёфт, гарчанде ки дар якчанд нафар он бештар аз як рӯз тӯл кашид.

0
Мавзуҳо:
Пайомадҳои COVID-19 дар Тоҷикистон ва ҷаҳон