Президент Таджикистана Эмомали Рахмон на заседании Совета коллективной безопасности ОДКБ

Раҳмон аз хатару таҳдидҳо ба амнияти кишварҳои узви СААД ҳушдор дод

357
Раисҷумҳури Тоҷикистон Эмомалӣ Раҳмон дар иҷлоясияи навбатии Шӯрои амнияти дастаҷамъии СААД суханронӣ намуд

ДУШАНБЕ, 28 ноя — Sputnik.  Эмомалӣ Раҳмон, ки дар иҷлосияи кишварҳои узви СААД дар шаҳри Бишкек қарор дорад, дар ҳузури сарони 5 кишвари узви ин созмон суханронӣ намуд.

Ба иттилои котиботи раисҷумҳури Тоҷикистон, Эмомалӣ Раҳмон аз хатару таҳдидҳо ба амнияту суботи давлатҳо, аз ҷумла кишварҳои шомили СААД изҳори нигаронӣ кард.

Раҳмон озими нишаст шуд: ҳамла ба постгоҳи "Ишқобод" мавзӯи меҳварии ҷаласа мебошад

Сарвари давлат афзудаст, ки бо дарназардошти вазъи ба амаломада аз давлатҳои аъзои созмон тақвияти бештари ҳамгироӣ дар мубориза ба ин зуҳуроти номатлуби аср тақозо мегардад.

"Соли оянда 75 — солагии Ғалаба дар Ҷанги бузурги ҷаҳонӣ ҷашн гирифта мешавад ва мо барои таҷлили ин санаи муҳими таърихӣ дар чаҳорчӯби СААД тамоми тадбирҳоро меандешем"”, — таъкид доштанд Эмомалӣ Раҳмон.

Гуфта мешавад, дар иҷлосияи мазкур аз ҷониби сарони давлатҳо беш аз 15 қарори дахлдори Шӯрои амнияти дастаҷамъӣ доир ба ҳамгироии минбаъда дар самтҳои гуногун ба имзо расид.

Маврид ба ёдоварист, ки ба узвияти СААД Тоҷикистон, Русия, Қирғизистон, Қазоқистон, Белорус ва Арманистон шомил ҳастанд.

Ҳадафи асосии ин созмон ҳифзи фазои минтақавӣ ва иқтисодии кишварҳои узв аз ҳамалоти таҷовузкорони низомӣ-сиёсӣ, терроризм ва инчунин офатҳои табиӣ мебошад.

357
Барчаспҳо:
суханронӣ, СААД, Эмомалӣ Раҳмон
Пограничный столб. Таджикско-афганская граница.

250 нафар: Тоҷикистон шаҳрвандони Афғонистонро раҳо кард

668
(Таҷдидшуда 15:33 24.05.2020)
Тоҷикистон ҳудуди 250 шаҳрванди Афғонистонро иҷозаи хуруҷ аз марзҳояшро дод. Аксари онҳо донишҷӯёни макотиби олӣ будаанд

ДУШАНБЕ, 24 май — Sputnik. Мӯҷибуллоҳ Маликзода, атташеи фарҳангии сафорати Афғонистон дар Тоҷикистон ба Sputnik Тоҷикистон гуфт, ин афрод рӯзҳои шанбеву якшанбе аз гузаргоҳи марзии "Панҷи поён"-и Тоҷикистон ба "Шерхон Бандар" – и Афғонистон гузаштанд.

Вай афзуд, аксари онҳо донишҷӯёни макотиби олии Тоҷикистонанд.

"Вақте вазорати маорифи Тоҷикистон донишҷӯёнро қабл аз муҳлат рухсат кард, бачаҳои мо ба далели банд будани марзҳо натавонистанд ба хонаҳояшон баргарданд ва мувоҷеҳи мушкилоти молиявӣ шуданд”, - гуфт Мӯҷибуллоҳ Маликзода.

Тибқи иттилои сафорати Афғонистон дар Душанбе, ҳудуди 400 донишҷӯ, унвонҷӯёни магистириву доктори ин кишвар дар макотиби олӣ, магистратураву докторантураҳои Тоҷикистон машғули таҳсилу пажӯҳиш мебошанд. Аз ин теъдод таҳсили 70 нафар бо бурсияи давлати Тоҷикистон сурат мегирад.

Донишҷӯёни Афғонистон дар риштаҳои тиб, иқтисод, сиёсат, молия, муҳандисӣ, фанновариҳои ҷадид ва дигар фанҳо таҳсил мекунанд.

Вазорати маориф ва илми Тоҷикистон ҳанӯз 30 апрели соли ҷорӣ донишҷӯёни курсҳои 1, 2 ва 3-и муассисаҳои таҳсилоти олии касбиро бар асоси бо як қарори Ситоди ҷумҳуриявии пешгирӣ аз паҳншавии бемории "вируси корона" ё COVID-19 рухсат карда буд. 10 май бо як қарори дигар хатмкунандаҳо низ рухсат шуданд.

Дар ҳамин ҳол, бино ба иттилои атташеи фарҳангии сафорати Афғонистон дар Душанбе, ҳудуди 30 нафари дигар, ки инфиродӣ ва ё бо аҳли хонавода дар Тоҷикистон қарор доштанд ва то ба ҳол банд монда буданд, низ муваффақ ба тарки ин кишвар шуданд.

Омори нигаронкунандаи коронавирус дар Афғонистон: 178 фавт ва беш аз 7 ҳазор дардманд

"Инҳо афроде буданд, ки барои тафреҳ, хабаргирии наздикон ва тадовӣ ба Тоҷикистон омада буданд. Вазъи молиявии эшон низ дар ин миён ба вахомат гароид. Хушбахтона, рӯйхати афродро, ки мо ба вазорати мӯҳтарами хориҷаи Тоҷикистон ироа кардем, қабул шуд ва иҷозаи убури марзро доданд. Ҳарчанд рӯзҳои истироҳат буд, марзбонони тоҷик шаҳрвандони моро ба он сӯи дарё интиқол доданд”, - гуфт Мӯҷибуллоҳ Маликзода.

Дар ҳамин ҳол, ин танҳо мавриди вижаи иҷозаи шаҳрвандони Афғонистон аз сӯи ҳукумати Тоҷикистон аст. Марзҳои ду кишвар то замони номаълум дигарбора баста хоҳанд монд.

Тоҷикистон сар аз 16 март охирин гузаргоҳҳои марзиаш бо Афғонистон – "Панҷи поён" – ро баста буд.

668
Барчаспҳо:
донишҷӯён, шаҳрвандон, Афғонистон, Тоҷикистон
Президент Республики Таджикистан Эмомали Рахмон

Андӯҳгин шудем: ҳамдардии Эмомалӣ Раҳмон бо Ориф Алвӣ

1633
(Таҷдидшуда 22:17 22.05.2020)
Раисиҷумҳури Тоҷикистон Эмомалӣ Раҳмон бо президенти Покистон Ориф Алвӣ дар робита ба суқути ҳавопаймо дар Қарочӣ, изҳори ҳамдардӣ кардааст

ДУШАНБЕ, 22 май – Sputnik. Президенти Тоҷикистон Эмомалӣ Раҳмон ба Президенти Ҷумҳурии Исломии Покистон Ориф Алвӣ барқияи таслият ирсол кард.

Дар ин бора котиботи раисиҷумҳури Тоҷикистон хабар медиҳад.

Эмомалӣ Раҳмон дар номаи таслияташ гуфтааст, ки хабари садамаи фоҷеабори ҳавопаймои мусофирбар дар наздикии фурудгоҳи шаҳри Карочӣ, ки боиси ҳалокати теъдоди зиёди шаҳрвандони Ҷумҳурии Исломии Покистон гардид, раисиҷумҳурро андӯҳгин намудааст.

"Таъзияву тасаллияти амиқи худ ва мардуми Тоҷикистонро ба халқи дӯсти Покистон изҳор намуда, ба наздикону пайвандони қурбоншудагон аз даргоҳи Худованди мутаъол сабри ҷамил хоҳонам", - омадааст дар номаи таслияти раисиҷумҳур.

Суқути ҳавпаймо дар Қарочӣ

Ҳавопаймои ширкати Pakistan International Airlines дар наздики фурудгоҳи Қарочӣ суқут кард. Гуфта мешавад дар дохили он 90 кас будааст.
Ҳавопаймо ба болои манзилҳои истиқоматӣ афтод.

Airbus A320 аз шаҳри Лоҳур ба самти Қарочӣ парвоз мекард. Шоҳидон мегӯянд, киштии ҳавоӣ якбора ба болои чанд манзили истиқоматӣ сарозер шуд.

Дар баробари ин бино ба гузориши расонаҳо, хушбахтона аз ин ҳодисаи нохуш чандин кас ҷон ба саломат бурдааст.

Феълан дар ҷои ҳодиса қувваҳои мусаллаҳ, мошинҳои оташнишонӣ ва ёрии таъҷилӣ кор мебаранд.

Ҳамчунин мақомоти қурдатии Покистон аллакай аз рӯи ин ҳодиса парванда кушода, тафтишотро оғоз кардаанд.

Гуфта мешавад, ки дар гуфтугӯи охирин бо диспечер сарнишинон аз нуқси муҳаррик гуфтаанд.

1633
Барчаспҳо:
изҳори таслият, Эмомалӣ Раҳмон, Тоҷикистон
Главный корпус больницы Истиклол

Поёнравӣ ё оромии қабл аз тӯфон: дар шифохонаҳои Тоҷикистон чӣ хабар аст?

13
(Таҷдидшуда 02:19 25.05.2020)
Маҷмӯаи иттилооти дасти аввал аз шифохонаҳо нишон медиҳад, ки шуюъи “вируси корона” дар Тоҷикистон сайри нузулӣ дорад. Аммо мутахассисин мегӯянд, барои кафкӯбӣ кардан ҳанӯз вақт ҳаст

ДУШАНБЕ, 24 май — Sputnik. Масъулини дасти кам 10 шифохонаи шаҳру навоҳӣ ва вилоят ба Sputnik Тоҷикистон таъйид карданд, ки теъдоди маризон рӯ ба коҳиш оварда, утоқҳои табобатӣ холӣ мешаванд.

Эмомалии Мирзо, сухангӯи вазорати тандурустӣ ва ҳифзи иҷтимоии Тоҷикистон гуфт, 23 май, вазири тандурустӣ ба вилояти Хатлон сафар дошт, то бо вазъ дар маҳалҳо ошно шавад.

Вай афзуд, бино ба иттилое, ки сардухтурон дар ихтиёри вазир гузоштанд, тайи рӯзҳои ахир теъдоди назарраси маризон шифо ёфта, ба хонаҳои худ рухсат шудаанд.

“Масалан, дар шифохонаи марказии ноҳияи Ёвон ҳамагӣ чор мариз бистарӣ буданд. Ҳамин гуна вазъ дар Шифохонаи марказии шаҳри Бохтар, маркази вилоят низ мушоҳида шуд. Дар умум аз садҳо нафаре, ки тайи 20 рӯзи ахир дар шифохонаҳои ин вилоят таҳти тадовии табибон буданд, ҳудуди 200 нафар боқӣ мондаанд. Инҳо ҳам ба зудӣ рухсат хоҳанд шуд”, - гуфт Эмомалии Мирзо.

Ба гуфтаи сухангӯи вазорати тандурустӣ, дирӯз аз шифохонаҳои шаҳри Душанбе дар умум 500 нафар, ки бо маризиҳои мухталиф, аз ҷумла “вируси корона” ва “пневмония” бистарӣ буданд, ба хонаҳои худ рухсат шудаанд.

Бино ба иттилои дарёфтӣ, то лаҳзае, ки ин гузориш омода мешуд, дар корпуси 2 – и Маркази миллии тиббии Тоҷикистон - "Шифобахш", маъруф ба Шифохонаи Қарияи Боло, ҳамагӣ 4 мариз бистарӣ буданд ва дар корпусҳои 4, 6, 8 ва кардиологияи ин марказ, ки тақрибан 500 нафар табобат мегирифтанд, се рӯз ба ин сӯ касе бистарӣ нашуда, теъдоди онҳое, ки таҳти назоратанд, аз 100 поён шудааст.

Бино ба манобеъи мо, бештари маризон ба Маҷмааи тандурустии “Истиқлол” муроҷиат мекунанд ва он ҷо низ теъдоди муроҷеин аз садҳо нафари даҳаҳои аввалу дуюми моҳи равон ба 20 – 30 нафар коҳиш ёфта, рӯзщои ахир то 30 - 40 нафар аз шифохона рухсат мешаванд.

Омори мудҳиш: шумори гирифторини COVID-19 дар ҷаҳон аз 5 миллион нафар гузашт

Вазъи ҳамсон дар Шифохонаи маризиҳои сироятӣ ва ҳам Маркази гастроэнтрологияи Душанбе низ мушоҳида мешавад. Сухангӯи вазорати тандурустӣ ва ҳифзи иҷтимоии Тоҷикистон вазъи Вилояти Мухтори Кӯҳистони Бадахшон ва Навоҳии тобеъи ҷумҳуриро низ рӯ ба беҳбудӣ арзёбӣ кард.

“Хушбахтона, Вилояти Мухтори Кӯҳистони Бадахшон дар қиёс бо дигар вилоёт садамаи камтар расида, ҳоло теъдоди маризон бамаротиб коҳиш ёфтааст. Иттилое, ки аз Навоҳии тобеъи ҷумҳурӣ дар ихтиёри мо гузошта мешавад, низ аз поёни омадани мавориди сироят ва фавт ривоят мекунад”, - гуфт Эмомалии Мирзо.

Ду – се рӯз пас

Вилояти Суғд, ки дар баробари пойтахт – Душанбе дуввумин нуқтаи доғи шуюъи “вируси корона” ба ҳисоб мерафт, низ ҳоло шоҳиди беҳбуди вазъ аст.

Ҳанӯз 20 май хабаргузории “Ховар” аз коҳиши муроҷиати маризон ва тадриҷан холӣ шудани шифохонаҳо дар ин вилоят хабар дода буд. Яке аз минтақаҳои доғ ноҳияи Бобоҷон Ғафуров буд, ки бино ба иттилои дарёфтӣ, дирӯз 24 май, охирин гирифторонро рухсат намудааст.

Вазъ дар Хуҷанду Истаравшан, шаҳрҳое, ки мавориди бештари гирифторӣ ба “вируси корона” ва “пневмония” – ро таҷриба кардаанд, низ аз ҳамин қарор аст.

Як манбаъ дар Шифохонаи маризиҳои сироятии шаҳри Хуҷанд, ки бори аслии табобати маризони вазнинро мекашид, ба Sputnik Тоҷикистон гуфт, агар вазъ ба ҳамин минвол идома пайдо кунад, то чанд рӯзи дигар ин шифохона холӣ хоҳад шуд.

Нишонаҳои коронавирус мушоҳида намешуд: сабаби марги раиси Тоҷикобод муйаян шуд

Нигора Наимҷонова, муовини раиси Истаравшан як рӯзи қабл, 24 май, ба Sputnik Тоҷикистон гуфт, ҳоло дар Шифохонаи марказии шаҳр ҳудуди 30 нафар табобат мегиранд.

“Муроҷеъин кам шудаанд ва умедворем, ки то ду – се рӯзи дигар тамоми маризон рухсат шаванд. Аз сӯи дигар, онҳоеро, ки ҳолати сабуку миёна доранд, тариқи гаштҳои хонагӣ ошкор намуда, духтуронро масъули нигоҳубини онҳо кардаем”, - гуфт Нигора Наимҷонова.

Иттилоъе аз ин қабилро дар Шифохонаи марказӣ ва Маркази физиотерпевтии воқеъ дар ноҳияи Ҷаббор Расулов, ки шоҳиди аввалин мавориди расонаишудаи маргумирҳо аз “пневмония” буданд, низ дар ихтиёри мо гузоштанд. Маъруф Ҳоҷибоев, муовини сардори Раёсати тандурустии вилояти Суғд, гуфт, дар ҳоли ҳозир дар 18 ноҳияи вилоят ҳудуди 400 нафар таҳти муроқибати табибон қарор доранд.

“Ҳолати аксарияти кул рӯ ба беҳбудӣ оварда, мавориди вазнин хеле кам шудаанд. Теъдоди фавт низ сахт коҳиш ёфта, ин умедворӣ ба вуҷуд омадааст, ки ба ҳамин қарибӣ вилоят аз ин вабо озод шавад”, - гуфт Маъруф Ҳоҷибоев.

“Мавҷи дуюм”

Дар ҳамин ҳол, ҳамсӯҳбатони мо коҳиши муроҷиати маризон ба шифохонаҳои Тоҷикистонро ҳанӯз анҷоми ин набарди пур аз талафот бо “вируси корона” намебинанд.

Ба қавли онҳо, таҷрибаи кишварҳои дигар нишон медиҳад, ки сайри нузулӣ ё коҳиши мавориди гирифторӣ ҳанӯз комилан аз миён рафтани “вируси корона” буда наметавонад. “Эҳтимол дорад, ки ба истилоҳ, “мавҷи дуюм” моро дар пеш бошад.

Аз ин хотир, мардум набояд фирефтаи ахбори хуш шаванд, балки ҳамоно аз эҳтиёт кор гиранд, пойбанди қавонини беҳдоштиву гигиенаи шахсӣ ва дар хона бимонанд.

Агар вазъ ба ҳамин минвол идома пайдо кунад, тақрибан 20 рӯзи дигар зарур аст, то бигӯем, ки кор тамом шуд ва итминони хотир пайдо кунем”, - гуфт яке аз онҳо.

Дар ҳамин ҳол, оморе, ки вазорати тандурустии Тоҷикистон рӯзи 24 май нашр кард, ҳикоят аз коҳиши ками мавориди гирифторӣ ба “вируси корона” мекунад.

Роҳандозии озмоишгоҳи вирусологӣ дар Хуҷанд барои муайян кардани коронавирус

Бино ба ин манбаъ, аз соати 17 – и рӯзи 22 ба ҳамин соати 23 май дар кишвар 191 (рӯзи қабл 187) ҳолати нави гирифторӣ ба ин маризӣ сабт шуда, теъдоди умумии ибтило ба 2929 маврид расидааст. Масъулин мегӯянд, ин натиҷаи санҷиш ё тестҳоест, ки як ҳафтаи қабл гирифта, ҳоло таъйид шудаанд ва ин бозгӯи вазъи рӯзҳои ахир нест.

13