Рустам Эмомали в Ташкенте

Нахустин сафари Рустам ба ҳайси шаҳрдор: ӯ озими Тошканд шуд

582
(Таҷдидшуда 15:12 03.12.2019)
Рустами Эмомалӣ бо сафари корӣ озими Тошканд шуд. Ин нахустин сафари Рустам ба ҳайси раиси шаҳри Душанбе мебошад

ДУШАНБЕ, 3 дек — Sputnik. Шаҳрдори Душанбе Рустами Эмомалӣ бо сафари расмӣ озими шаҳри Тошканд шуд, хабар медиҳад Sputnik Узбакистон.

Бар хабари манбаъ, раиси шаҳри Душанбе Рустами Эмомалиро ҳокими шаҳри Тошканд Ҷаҳонгир Ортиқхоҷаев дар фурудгоҳ пешвоз гирифт.

Бояд зикр кард, ки ин нахустин сафари Рустами Эмомалӣ ҳамчун шаҳрдори Душанбе,  берун аз Тоҷикистон ба ҳисоб меравад.

Супориши Рустами Эмомалӣ: муовинон ва раисони ноҳияҳои пойтахт навбатдор меистанд

Гуфта мешавад, шаҳрдорони Душанбе ва Тошканд масъалаҳои татбиқи созишномаи роҳбарони ду пойтахт, ки моҳи марти соли гузашта ҳангоми сафари  Мирзиёев ба Тоҷикистон имзо шуда буданд, баррасӣ мекунанд.

Гузашта аз ин, ҷонибҳо масъалаҳои ҳамкориҳои тиҷоративу иқтисодӣ, фарҳангӣ ва гуманитарӣ байни Душанбе ва Тошканд, инчунин тасдиқи барномаи ҳамкорӣ байни ду шаҳр барои соли 2020- ро мавриди муҳокима қарор медиҳанд.

Иқдоми ҳукумат барои поин овардани арзиши гӯшту шир дар Тоҷикистон

Рустами Эмомалӣ, ки ҳамагӣ 31 - сол дорад сар аз 4 - уми апрели соли 2017 бо фармони раисҷумҳури Тоҷикистон Эмомалӣ Раҳмон раиси шаҳри Душанбе интихоб гардид.

582
Барчаспҳо:
шаҳрдор, Тошканд, сафар, Рустами Эмомалӣ
Вазири корҳои хориҷии Тоҷикистон Сироҷиддин Муҳриддин ва Сарпарасти Вазорати умури хориҷаи Афғонистон Ҳаниф Атмар

Натиҷаи музокироти Тоҷикистону Афғонистон: баёнияи ВУХ аз натиҷаи мулоқоти ҳайатҳо

55
(Таҷдидшуда 01:57 18.09.2020)
Тоҷикистон ба густариши бештари ҳамкории мутақобилан судманд бо Афғонистон таваҷҷуҳи хосса зоҳир менамояд

ДУШАНБЕ, 18 сен — Sputnik. Дар Душанбе мулоқоти ҳайатҳои Тоҷикистон ва Афғонистон дар сатҳи вазирони корҳои хориҷии ду кишвар баргузор гардид.

Бино бар иттилои дафтари матбуоти вазорати умури хориҷаи Тоҷикистон, Ҳайатҳоро мутаносибан Вазири корҳои хориҷии Тоҷикистон Сироҷиддин Муҳриддин ва Сарпарасти Вазорати умури хориҷаи Афғонистон Ҳаниф Атмар роҳбарӣ карданд.

“Баррасии масъалаҳои муносибатҳои дуҷониба ва ҳамкории ду кишвар дар соҳаҳои гуногун, инчунин табодули афкор дар мавриди вазъи минтақа ва ҷаҳон меҳвари мулоқоти Душанберо ташкил доданд”, - таъкид доштааст ВУХ Тоҷикистон.

Тибқи иттилои манбаъ, роҳбарони ҳайатҳо аз сатҳи баланди робитаҳои сиёсӣ байни ду кишвар изҳори қаноатмандӣ карданд.

Ҳамзамон, дар мулоқот зикр шуд, ки муносибатҳои дӯстӣ, ҳамкорӣ ва шарокат байни ду кишвари ҳамҷавор ва ҳамзабон имкон медиҳад, ки Душанбе ва Кобул дар масъалаҳои мубрами байналмилалӣ ва минтақавӣ мавқеи яксон ё наздик дошта бошанд.

Қайд карда шудааст, ки ҷонибҳо изҳор карданд, ки муборизаи муштарак бо терроризм, ифротгароӣ ва қочоқи маводди мухаддир самти муҳимми ҳамкорӣ байни ду кишвар мебошад.

“Таъкид шуд, ки ҷиҳати рафъи паёмадҳои ҳамагирии Ковид-19 ҳамкорӣ ва ҳамёрӣ байни ду кишвар бояд афзояд”, - зикр кардааст ВУХ Тоҷикистон

Гуфта шудааст, ки Тоҷикистон кӯшишҳои Ҳукумати Афғонистонро дар таъмини амният ва сулҳу субот дар кишвар ҷонибдорӣ мекунад.

“Дар ин робита, ҷониби Тоҷикистон аз раванди музокироти сулҳи байниафғонӣ, ки 12 сентябри 2020 дар Давҳа оғоз гардид, истиқбол мекунад. Ҷониби Тоҷикистон умедвор аст, ки музокироти сулҳи байниафғонӣ заминаи муҳкамро барои барқарорсозии сулҳу оромӣ дар кишвари азияткашида гузорад”, таъкид доштааст вазорати хориҷаи Тоҷикистон.

Инчунин Тоҷикистон нақши калидии Афғонистонро дар таъмини амният дар тамоми минтақаи Осиёи Марказӣ хуб дарк намуда, аз ташаббусҳои созандаи ҷомеаи ҷаҳонӣ ҷиҳати таъмини сулҳу субот дар Афғонистон ва барқарорсозии иқтисодиву иҷтимоии он ҳамеша пуштибонӣ мекунад.

Тоҷикистон зарур медонем, ки барои нобуд сохтани пойгоҳҳои террористон, гурӯҳҳои муташаккили ҷинояткор ва қочоқчиёни маводди мухаддир иқдомҳои муштарак роҳандозӣ хоҳад шуд.

Вазорати хориҷа афзудааст, ки Тоҷикистон моил аст, ки заминаи ҳуқуқию қарордодии ҳамкории дуҷониба бо Афғонистонро таҳким ва вусъат бахшад.

“Ҳоло дар баррасии ҷонибҳо пешнависи чандин санади нави ҳамкорӣ дар соҳаҳои гуногун қарор доранд”, - зикр кардааст ВУХ.

Ҳамчунин манбаъ қайд кардааст, ки дар ҳамкории ду кишвар соҳаи энергетика аз самтҳои авлавиятнок ба шумор меравад.

“Тоҷикистон омода аст барои таъмин ва афзоиши интиқоли мунтазами нерӯи барқ ба Афғонистони ҳамсоя тадбирҳои лозимро андешад. Дар ин замина ҳамкории ду кишвар дар амалисозии муштарак ва ҳарчи зудтари пружаи минтақавии КАСА-1000 аҳаммияти фаровон дорад”, - афзуд манбаъ.

Мақомоти Тоҷикистон талош дорад, ки долонҳои нави нақлиётӣ байни ду кишвар сохта шаванд ва лоиҳаҳои мутақобилан судманди минтақавӣ амалӣ гарданд.

Дар робита ба ин, эҷоди долони транзитии KTAI (Қирғизистон, Тоҷикистон, Афғонистон ва Эрон)-ро ҳаматарафа ҷонибдорӣ карда, баҳри фаъолияти босамари он ҳамаи шароитҳои заруриро муҳайё менамояд. 

Дар чаҳорчӯби барномаи роҳи оҳани Тоҷикистон-Афғонистон-Туркманистон ВУХ Тоҷикистон зикр кардааст, ки тарҳи роҳи оҳани қитъаи Ҷалолиддини Румӣ - Панҷи Поён ва пули роҳи оҳан дар болои дарёи Панҷ то Қундуз мувофиқат гардидааст ва ба қарибӣ сохтмони он шурӯъ мешавад.

“ Он як ҷузъи роҳи оҳани байни Тоҷикистон, Афғонистон ва Эрон гардида, ба долони байналмилалии нақлиётии “Шимол-Ҷануб” пайваст мешавад”,- таъкид кардааст манбаъ.

Инчунин вазорати хориҷа илова кардааст, ки Тоҷикистон ва Афғонистон дар чаҳорчӯби созмонҳои байналмилалӣ ва минтақавӣ, аз қабили Созмони Милали Муттаҳид, Созмони ҳамкории Шанхай, Созмони ҳамкории исломӣ ва ғайра бомуваффақият ҳамкорӣ мекунанд.  

Манбаъ қайд кардааст, ки Тоҷикистон ва Афғонистон кишварҳои дорои пайвандҳои амиқи таърихӣ, фарҳангӣ, забонӣ, маънавӣ ва ҳунарӣ мебошанд. Тоҷикистон омода аст ёрии худро ба Афғонистон дар таҳия намудани кадрҳои миллӣ идома диҳад.

Ҳоло дар донишгоҳҳои Тоҷикистон садҳо донишҷӯи афғон дар асоси бурсияҳои ҳукумати Тоҷикистон дар риштаҳои гуногун таҳсил мекунанд.

ВУХ иттилоъ додааст, ки дар поёни мулоқот дар ҳузури роҳбарони ду ҳайат Ёддошти тафоҳум байни Кумитаи ҳифзи муҳити зисти Тоҷикистон ва Идораи миллии ҳифзи муҳити зисти Ҳукумати Афғонистон оид ба ҳамкорӣ дар соҳаи ҳифзи муҳити зист ба имзо расид.

55
Барчаспҳо:
натиҷа, музокирот, баёния, густариш, ҳамкорӣ, таваҷҷуҳ, Афғонистон, Тоҷикистон

Вазири Чин аз талошҳои инқилобҳои ранга, интихоботи Тоҷикистон ва мавқеи Пекин гуфт

1269
(Таҷдидшуда 17:41 17.09.2020)
Ван И, вазири умури хориҷии Чин, дар пайи ҷаласаи вазирони хориҷии Созмони Ҳамкории Шанхай, ба хабаргузории Синхуа мусоҳиба дод, ки дар он аз ҷумла аз талошҳо барои “инқилобҳои ранга”, дастгирии ҳамдигарии кишварҳои минтақа ва интихоботи Тоҷикистону Қирғизистон гуфт

ДУШАНБЕ, 17 сен — Sputnik. Вазири Чин гуфтааст, ки вақтҳои охир ҳолатҳои дахолати бархе бозингарони сиёсати хориҷӣ ба корҳои дохилии дигар кишварҳо ва таҳрик ба “инқилобҳои ранга” зиёд шуда истодаанд.

Ӯ дар суҳбат изҳор доштааст, ки барои ҳифзи яккатозияшон дар ҷаҳон ин нерӯҳо аз таҳрифи далелҳо, дурӯғи рӯирост истифода карда, ба ҳамин восита мехоҳанд дигар давлатҳо аз ҷумла Русия ва Чинро бадном созанд. Ван И ин иқдомро ҳамчун таҳрик ба “ҷанги сарди нав” арзёбӣ кардааст.

Ӯ таъкид намудааст, ки Чин дар ҳамкорӣ бо кишварҳои минтақа ба се бахш аҳамияти аввалиндараҷа медиҳад.

Ба гуфтаи вазири чинӣ, нахуст ин муносибати муштарак ба масоили амниятӣ,  дуюм мубориза бо терроризми экстремизм, ҷудоихоҳӣ, нашъаҷаллобӣ ва бехатарии вертуалӣ мебошад.

Ван И: якҷоя зидди ҳар нерӯе, ки талоши дахолат мекунад

Дар мавриди бахши сеюм Ван И изҳор доштааст, ки бояд якҷоя бо нерӯҳое, ки бо ҳар баҳона қасди дахолат ба корҳои давлатҳои мустақилро доранд, мубориза бурд.  Ӯ аз ҷумла интихоботи қарибулвуқуъ дар Тоҷикистону Қирғизистонро зикр кардааст.

“Бисёр вазнин мешавад”: Раҳмон мақсади сафарҳояш дар даври "короно"-ро гуфт-видео

“Сеюм дастгирии қотеъонаи ҳамдигар дар роҳи интихобкардаи рушд, ки ба шароити миллӣ ва интихоби мустақилонаи халқ асос ёфтаанд. Ва бояд бо ҳар нафар ё нерӯе муқобилият кард, ки бо ҳар баҳона ба кори давлатҳои мустақил дахолат мекунад. Чин барои табодули таҷрибаи идора давлатӣ бо дигар кишварҳо барои таъмини амнияти сиёсии якдигар омода мебошад. Ҳамсояҳои дӯсте чун Тоҷикистону Қирғизистон ба наздикӣ маъракаҳои муҳими сиёсӣ доранд ва Чин дар ин бахш ба онҳо муваффақият таманно дорад”, - изҳор дошт Ван И.

1269
Барчаспҳо:
инқилобҳои ранга, интихобот, Тоҷикистон
Визит Эмомали Рахмона в Согдийскую область

Ширкати Президент дар маъракаи пахтачинӣ дар Ҳисор

0
Дар рафти сафари корӣ Эмомалӣ Раҳмон дар Ҳисор дар маъракаи ҷамъоварии пахта ва кишти тирамоҳии ғалладона ширкат кардааст

ДУШАНБЕ, 18 сен — Sputnik. Раисҷумҳур Эмомалӣ Раҳмон дар маъракаи пахтачинӣ дар Ҳисор иштирок кард, хабар медиҳад дафтари матбуоти президент.

"Дар идомаи сафари корӣ дар шаҳри Ҳисор Эмомалӣ Раҳмон дар Кооперативи тиҷоратии ба номи Латиф Муродов дар маъракаи ҷамъоварии пахта ва кишти тирамоҳии ғалладона иштирок кард", - менависад манбаъ.

Иттилоъ дода шуд, ки дар мавсими ҷорӣ хоҷагидорони ин Кооператив бо роҳандозии тадбирҳои иловагии коркарди агротехникии зироат, истифодаи тухмиҳои хушсифати маҳалливу хориҷӣ ба нишондиҳандаҳои баланди истеҳсолӣ, аз ҷумла дар самти ҷамъоварии ҳосили пахта ноил хоҳанд шуд.

Зеро ба тахмини хоҷагидорон, соли равон аз ҳар гектар ба ҳисоби миёна тахминан бештар аз 35-сентнерӣ ҳосил ба даст хоҳанд овард.

Хоҷагии мазкур серсоҳа буда, дорои 1147 гектар замини корами обӣ ва лалмӣ мебошад. Имсол аз масоҳати умумии заминҳои дар ихтиёрдошта, хоҷагидорон дар масоҳати 250 гектари он навъҳои пунбадонаи “Дӯстӣ”, “Флеш”, “Флора” ва “Хуҷанд-67” кишт карданд.

Ба иттилои мутахассисон, боду ҳаво ва заминҳои серҳосили ин минтақа барои парвариши ин навъҳои пахта мувофиқу муносиб буда, ҳосили дилхоҳ ба даст меояд.

Президент роҳбарияти хоҷагиро бобати бештар ҳавасманд сохтани чинакчиён ва дигар саҳмдорон вазифадор намуда, таъкид карданд, ки аз боду ҳавои мусоид самаранок истифода бурда шавад.

 Эмомалӣ Раҳмон инчунин дар маъракаи кишти тирамоҳии зироат иштирок кардааст.

“Бисёр вазнин мешавад”: Раҳмон мақсади сафарҳояш дар даври "короно"-ро гуфт-видео

Дар ҳамин рӯз дар майдони бештар аз 32 гектар замине, ки аз ҳосили кишти асосиву такрорӣ холӣ шуда буд, кишти тирамоҳии гандум гузаронида шуд.

0