Шавкат Мирзиёев, раисиҷумҳури Узбакистон ва Эмомалӣ Раҳмон, раисиҷумҳури Тоҷикистон

Суҳбати телефонии Эмомалӣ Раҳмон бо Шавкат Мирзиёев

269
(Таҷдидшуда 19:02 30.12.2019)
Эмомалӣ Раҳмон, раисиҷумҳури Тоҷикистон, имрӯз бо ҳамтои узбакистонияш, Шавкат Мирзиёев суҳбати телефонӣ анҷом дод

ДУШАНБЕ, 30 дек — Sputnik. Мирзиёев ва Раҳмон ҳамдигарро бо фарорасии соли нави 2020 шодбош гуфтаанд, хабар додааст котиботи раисиҷумҳури Узбакистон.

Манбаъ афзуд, соли равон дар таърихи муносиботи ду кишвар ҳамчун соли идомаи рушди ҳамкориҳо, таҳкими ҳамсоядории неку дӯстии бисёрасрӣ ва устувор шудани шарикии стратегӣ сабт мешавад.

“Ҷонибҳо таъкид кардаанд, ки ҳамкориҳо миёни ҳукуматҳо, парлумонҳо ва минтақаҳо, аз он ҷумла миёни Тошканд ва Душанбе дар ҳоли густариш қарор доранд. Афзоиши савдо, амалисозии лоиҳаҳои муштарак дар бахшҳои гуногуни иқтисодӣ ҷой дошта, равобити фарҳангӣ-гуманитарӣ таҳким ёфта истодаанд”, - омадааст дар иттилоияи котиботи раисиҷумҳури Узбакистон.

Ҳаждаҳумин гузаргоҳи марзӣ миёни Тоҷикистону Узбакистон ифтитоҳ мешавад

Роҳбарони ду кишвар ҳамчунин масоили минтақавию байналмилалиро баррасӣ кардаанд, аммо тафсилоти он ироа нашудааст.

Мирзиёев ва Раҳмон махсус муҳимияти мулоқоти машваратии сарони кишварҳои Осиёи Марказиро таъкид намудаанд, ки моҳи ноябри соли равон дар пойтахти Узбакистон баргузор шуд.

269
Барчаспҳо:
Шавкат Мирзиёев, Эмомалӣ Раҳмон, Тоҷикистон-Узбакистон
Канцлер Германии Ангела Меркель и президент Таджикистана Эмомали Рахмон

Deutsche Welle: Тоҷикистон дигар ба дастгирии Олмон ниёз надорад

546
Олмон ҳамкориҳояшро бо кишварҳои Осиёи Марказӣ боздид мекунад, ки Тоҷикистон низ дар ин номгӯй шомил шудааст

ДУШАНБЕ, 6  июн — Sputnik. Олмон стратегияи сиёсати хориҷии худро таҷдиди назар карда, лоиҳаҳои муштаракро бо бисёр кишварҳои шарик, аз ҷумла Тоҷикистон, қатъ мекунад, хабар медиҳад Deutsche Welle.

Вазорати федерали ин кишвар ҳамкориҳои иқтисодӣ ва рушд шумораи шариконро аз 85 ба 60 кам мекунад.

Тибқи изҳороти расмии сардори департамент Герд Мюллер, баъзе кишварҳое, ки аз ҷониби вазорат шомил карда шудаанд, аллакай "чунон рушд кардаанд, ки ба дастгирӣ эҳтиёҷ надоранд".

 Дар дар дигар кишварщо, кӯмаки Олмон "дар пасманзари шарикони дигар" гум мешавад.

Ҳамзамон, вазорат итминон медиҳад, ки онҳо гуфтугӯро бо кишварҳо идома хоҳанд дод, аммо дар шакли нав ва лоиҳаҳои оғозкардаро то анҷом ҳамроҳӣ хоҳанд кард.

Ҳамин тариқ, аз кишварҳои Осиёи Марказӣ, Олмон танҳо бо Узбакистон корашро идома хоҳад дод. Ҳамкорӣ бо Туркманистон ва Қазоқистон комилан қатъ шудааст ва кор бо Тоҷикистон ва Қирғизистон танҳо дар доираи созишномаҳои мавҷуда идома хоҳад ёфт.

Ғайр аз ин, қайд мешавад, ки лоиҳаҳои мавҷуда метавонанд тамдид карда шаванд.

Чунин қарори Вазорати молияи Олмон аз ҷониби вакилони Олмон интиқод шудааст.

Манфред Грунд, вакили парлумон ва роҳбари гурӯҳи парлумонии Бундестаг  “Олмон -Осиёи Марказӣ”, аз ин тасмим изҳори нигаронӣ карда, қайд кард, ки бисёр масъалаҳои минтақа танҳо дар ҳамкорӣ бо Ӯзбекистон, бидуни дигар кишварҳои Осиёи Марказӣ, наметавонанд ҳалли худро ёбанд.

Ин вакили парлумон гуфтааст, бо рафтани Олмон аз ин минтақа замина барои воридшавӣ ба дигар кишварҳо аз ҷумла Чин пеш меорад

546
Прилет президента Таджикистана Э. Рахмона в Москву

Эмомалӣ Раҳмон бо даъвати Владимир Путин ба Маскав сафар мекунад

6428
(Таҷдидшуда 17:15 01.06.2020)
Президенти Тоҷикистон Эмомалӣ Раҳмон барои таҷлили Рӯзи Пирӯзӣ ба пойтахти Русия шаҳри Маскав сафар мекунад

ДУШАНБЕ, 1 июн — Sputnik. Эмомалӣ Раҳмон президенти Ҷумҳурии Тоҷикистон барои ширкат дар гузашти низомӣ ба муносибати 75-умин солгарди Рӯзи Пирӯзӣ ба Маскав меравад, хабар медиҳад РИА Новости.

Қайд мешавад, ки Эмомалӣ Раҳмон даъвати кишвардори Русия Владимир Путинро барои ширкат дар гузашти низомӣ ба муносибати Рӯзи Пирӯзӣ, қабул кардааст.

"Президенти Тоҷикистон рӯзи 24 июн гузашти низомиро ба муносибати 75-умин солгарди Рӯзи Пирӯзӣ тамошо хоҳад кард", - омадааст дар хабарнома.

Бино ба иттилои манбаъ, феълан дипломатҳои ду кишвар масъалаҳои ташкилотии ин сафарро ҳал мекунанд.

Пештар хабар дода шуд, ки Владимир Путин ҳамаи сарони кишварҳои Иттиҳоди Давлатҳои Мустақилро барои таҷлили Рӯзи Пирӯзӣ ба Маскав даъват кард.

Сооронбой Жээнбеков барои таҷлили Рӯзи Пирӯзӣ ба Маскав меравад

Имсол ба далели паҳншавии коронавируси навъи COVID - 19 таҷлили оммавии Рӯзи Пирӯзӣ дар Русия, ки ҳамасола рӯзи 9 май, баргузор мешуд, лағв шуд.

Президенти Русия Владимир Путин, рӯзи 26 май фармон дод, ки омодагӣ барои таҷлили 75-умин солгарди Пирӯзӣ дар Ҷанги Бузурги Ватаниро дар пойтахти Русия шаҳри Маскав ва дигар шаҳрҳо оғоз шавад.

Беш аз миллион нафар аз 60 кишвари ҷаҳон суруди "Рӯзи Пирӯзӣ" - ро сароиданд - видео

Ӯ қайд кард, ки рӯзи 24 июн барои таҷлили ин иди бузург рӯзи мувофиқ аст, чун маҳз дар ҳамин таърих нахустин бор соли 1945 гузашти низомии қаҳрамонон баргузор шуда буд.

Дар баробари ин президент ба вазири дифоъ Сергей Шойгу фармуд, то замони таҷлили ид амнияти шаҳрвандон қатъиян таъмин шавад ва хатари сироятёбӣ ба коронавирус дар он рӯз кам карда шавад.

6428
Барчаспҳо:
ҷашни рӯзи Ғалаба, сафар, Маскав, Эмомалӣ Раҳмон
Смотровая вышка на кыргызско-таджикском участке границы. Архивное фото

“Ҳамлаи мусаллаҳона ба говҳо”: ҳодисаи дигаре дар марзи Тоҷикистону Қирғизистон

38
(Таҷдидшуда 18:19 06.06.2020)
Дар марзи Тоҷикистону Қирғизистон чандин говро бо корд захмӣ карда, пойҳои чандеро ҳам батамом шикастаанд

ДУШАНБЕ, 6 июн – Sputnik. Иқбол Тешаев, сухангӯи ҳукумати шаҳри Исфара ба Sputnik Тоҷикистон гуфт, ин ҳодиса ду рӯз пеш - 4 июн дар мавзеьи Пули Офтобрӯяи мутааллиқи деҳаи Ворух, наздикии марзи Тоҷикистону Қирғизистон иттифоқ афтодааст.

“Ба қавли соҳибони говҳо, марзбонони қирғиз 9 сар моли калони шохдорро бо кордҳои махсуси низомӣ захмӣ кардаанд. Пойҳои чанд говро аз ду ҷой ва чанди дигарро аз 4 ҷой бо корд буридаанд, ки то расидани ба деҳа аз ин ҷароҳатҳо хуни зиёд рафтааст. Бо ин ҳам қаноат карда, ин афрод чор пои ду говро шикастаанд”, - гуфт Иқбол Тешаев.

Ин дуввумин ҳодисаест, ки тайи як ҳафтаи ахир дар марзи Тоҷикистону Қирғизистон иттифоқ меафтад.

Субҳи 2 июни соли 2020 расонаҳои Қирғизистон аз як типарронӣ дар маҳаллаи Кӯктоши ноҳияи Бодканди Қирғизистон, ки бо деҳаи Чоркӯҳи шаҳри Исфараи вилояти Суғди Тоҷикистон ҳаммарз аст, иттилоъ пахш карданд.

Бино ба ин иттилоъ, шахсони номаълум як шаҳрванди Қирғизистонро аз қаламрави Тоҷикистон ҳадафи 11 тири туфанги шикорӣ қарор додаанд.

Вышка на пограничном посту Максат в Лейлекском районе Баткенской области.
© Фото / пресс-служба правительства / Алишер Алиев

Ҷониби Тоҷикистон гуфт, ки ҳамчунин тирандозӣ сурат нагирифта, онро касе ҳам нашунидааст ва дар деҳаҳои марзии Тоҷикистон дар қиёс бо Қирғизистон ҳеҷ кас ҳеҷ гуна силоҳ надорад. 24 май боз дар мавзеьи Пули Офтобрӯяи деҳаи Ворух дар пайи тирандозӣ миёни марзбонони ду кишвар сарбози 19 - солаи тоҷик Давлатёр Зоиров захмӣ шуд.

Пас аз он 28 май Шукрона Шарофоваи, зани 25 – сола, сокини ҷамоати Чоркуҳи Исфара аз тири туфанги шикории Соат Бахтибеков, сокини деҳаи Куктоши ҷамоати деҳоти Оқсойи Бодканд захмӣ гардид.

Сухангӯи ҳукумати шаҳри Исфара ин ҳамаро тавтиаҳои мақомоти Қирғизистон унвон мекунад.

“Онҳо ба ҳар васила мехоҳанд, ки як ҷанҷолеро ба вуҷуд оварда, пойи ду кишварро ба ихтилоф кашонанд ва аз ин ҳисоб замин ғасб намоянд. Ҳатто ба ҳайвоноти хонагӣ ҳам раҳм надоранд. Мо ҳадс мезанем, ки пушти ин ҳама чӣ гап асту кист”, - гуфт Иқбол Тешаев.

Ихтилофҳои марзӣ миёни Тоҷикистону Қирғизистон ҳанӯз аз солҳои 70 – 80 – и асри гузашта идома дорад. Ду кишвар дар ҳоли ҳозир комиссияеро барои таъйин ва аломатгузории марзҳо эъзом кардаанд.

38