Эмомалӣ Раҳмон, раисиҷумҳури Тоҷикистон ва Солеҳа Холмаҳмадзода, ноиби раиси шаҳри Турсунзода

Пешниҳоди номзадии Холмаҳмадзода ба вакилӣ дар парлумон

1254
(Таҷдидшуда 16:52 09.01.2020)
Ҳизби халқии демократии Тоҷикистон номзадии Солеҳа Холмаҳмадзодаро аз ҳавзаи интихоботии якмандатии Турсунзода №5 ба вакилии Маҷлиси намояндагон пешбарӣ кардааст

ДУШАНБЕ, 9 янв — Sputnik. Солеҳа Холмаҳмадзода, ки аз соли 2015 дар мақоми муовини раиси шаҳри Турсунзода фаъолият мекунад, аз ҷониби ҲХДТ дар интихоботи парлумонии 1 марти 2020 ба ҳайси номзад ба вакилӣ пешбарӣ шудааст.

Номзадии Гавҳар Шарофзода ба вакилии парлумон пешбарӣ гардидаст

Бар асоси ҳолномаи Холмаҳмадзода, ӯ хатмкардаи Донишгоҳи техникии Тоҷикистон бо ихтисоси муҳандис ва Донишгоҳи миллии Тоҷикистон бо ихтисоси ҳуқуқшинос мебошад. Ба иттилои сомонаи мақомоти иҷроияи шаҳри Турсунзода, Солеҳа Холмаҳмадзода забонҳои русӣ ва англисиро медонад. Ӯ соли гузашта бахшида ба 28-умин солгарди Истиқлолияти давлатӣ бо медали "Хизмати шоиста" қадрдонӣ шуд.

Солеҳа Холмаҳмадзода, ноиби раиси шаҳри Турсунзода
акс аз сомонаи мақомоти иҷроияи шаҳри Турсунзода
Солеҳа Холмаҳмадзода, ноиби раиси шаҳри Турсунзода

Холмаҳмадзода дар гузашта ба ҳайси вакили дифоъ ва мудири шуъбаи ташкилию ҳуқуқии Кумитаи кор бо занон ва оилаи назди Ҳукумати Тоҷикистон кор кардааст.

Пешниҳоди номзадии Холмаҳмадзода аз сӯи ҲХДТ дар ҳолест, ки раиси ин ҳизб, Эмомалӣ Раҳмон – раисиҷумҳури Тоҷикистон дар паёми ахираш ба парлумон изҳори боварӣ намуд, ки дар интихоботи оянда теъдоди намояндаҳои мардумӣ аз ҳисоби занон бештар хоҳад шуд.

1254
Барчаспҳо:
номзади ҲХДТ, сиёсат, Тоҷикистон
Президент Республики Таджикистан Эмомали Рахмон

Президенти АМА Эмомалӣ Раҳмонро шодбош гуфт

105
(Таҷдидшуда 18:46 19.10.2020)
Алифа бин Зойид Оли Наҳён саломатии бардавому хушбахтӣ ва ба Ҳукумату мардуми дӯсти Ҷумҳурии Тоҷикистон рушду шукуфоии минбаъдаро таманно кард

ДУШАНБЕ, 19 окт — Sputnik. Президенти Аморати Муттаҳидаи Араб Алифа бин Зойид Оли Наҳён раисҷумҳури Тоҷикистон Эмомалӣ Раҳмонро ба муносибати дигарбора интихоб шуданаш ба мансаби президентӣ шодбош гуфт. Дар ин бора дафтари матбуоти раисҷумҳури Тоҷикистон иттилоъ медиҳад.

"Боиси хушҳолии беинтиҳо ва шарафи бузурги ман аст, ки Шуморо ба муносибати муҷаддадан интихоб шуданатон ба давраи нави президентӣ самимона табрик намоям. Ба Ҷаноби Олӣ саломатии бардавому хушбахтӣ ва ба Ҳукумату мардуми дӯсти Ҷумҳурии Тоҷикистон рушду шукуфоии минбаъдаро хоҳонам”, - омадааст дар номаи шодбошии президенти АМА.

Президенти Бонки Исломии Рушд Др.  Бандар М. Ҳ. Ҳаҷҷор низ кишвардори Тоҷикистонро ба ин муносибат табрик гуфтааст.

Ба бисёрзанӣ иҷозат медиҳам: нахустин номзад ба президентӣ кадом ваъдаҳоро додааст?

Ӯ омодагии худро ҷиҳати тақвияти ҳамкорӣ бо Ҷумҳурии Тоҷикистон, махсусан дар доираи тадбирҳои таъхирнопазири дастёбӣ ба истиқрору рушди иқтисодӣ дар марҳилаи пас аз пандемияи COVID-19 изҳор доштааст.

105
Абдулла Абдулла со сторонниками, на церемонии приведения к присяге на пост президента Афганистана в Кабуле

Абдуллоҳ Абдуллоҳ ба Теҳрон сафар кард

149
(Таҷдидшуда 16:31 18.10.2020)
Раиси Шӯрои олии мусолиҳаи миллии Афғонистон пеш аз ин сафар ҳам ба Ҳинд ва Покистон сафар карда буд

ДУШАНБЕ, 18 окт — Sputnik. Раиси Шӯрои олии мусолиҳаи миллии Афғонистон субҳи имрӯз якшанбе дар садри ҳайате озими Ҷумҳурии Исломии Эрон шуд.

Абдуллоҳ Абдуллоҳ қарор аст дар ин сафар бо раисиҷумур, вазири умури хориҷа, раиси маҷлис ва дабири Шӯрои амнияти миллии Ҷумҳурии Исломии Эрон дидор ва дар бораи охрин таҳаввулоти Афғонистон, раванди музокироти сулҳ ва зарурати иҷмоъ ва ҳимояти минтақаӣ аз ин раванд гуфтугӯ кунад.

Раиси Шӯрои олии мусолиҳаи миллии Афғонистон пеш аз ин ҳам ба Ҳинд ва Покистон сафар карда буд.

Абдуллоҳ Абдуллоҳ бозгашти “низоми иморати Толибон”- ба Афғонистонро рад кард

Музокироти сулҳ миёни давлати Афғонистон ва Толибон дар Қатар аз ҳудуди як моҳи пеш оғоз шуда ва то кунун ҳеч дастоварде надошта ва ҳамин мавзӯ боиси нигаронии мардум шудааст.

Огоҳони сиёсии Афғонистон бар ин боваранд, ки нақши Ҷумҳурии Исломии Эрон дар раванди сулҳи Афғонистон роҳгушо аст ва Эрон метавонад дар сулҳ ва таъмини суботи пойдори Афғонистон нақши таъйинкунанда дошта бошад.

149
Медики транспортируют пациента с подозрением на коронавирусную инфекцию

Вазъи шадиди COVID - 19 дар Русия: 16 ҳазор мариз ва фавти 179 кас дар як рӯз

0
(Таҷдидшуда 13:08 20.10.2020)
Теъдоди дардмандони нави коронавирус дар Русия давоми як шабонарӯзи ахир наздик ба 16 ҳазор расидааст

ДУШАНБЕ, 20 окт — Sputnik. Шабонарӯзи гузашта дар Русия 15 982 мавриди нави гирифторшавии шаҳрвандон ба маризии коронавирус сабт гардид, хабар медиҳад Ситоди фаврии коронавирус дар ин кишвар.

Ба ҳамин минвол, ҳоло теъдоди умумии мубталоёни ин дард дар Русия ба 1 415 316 нафар баробар шудааст. Аз ин миён 1 075 904 нафар шифо ёфта, 24 366 мариз ҷон аз даст доданд.

Манбаъ меафзояд, шаҳри Маскав аз лиҳози шумораи бештари маризон дар ҷойи аввал қарор дошта, дар як рӯз ахир 5 376 нафар тоза ба коронавирус мубтало гардиданд.

Зимнан, давоми як шабонарӯзи ахир дар Русия 179 бемор ба ҳалокат расиданд.

Омори нави коронавирус дар Тоҷикистон: 80 қурбонӣ ва бештар аз 10 ҳазор мубталошуда

Дар робита ба авҷ гирифтани ин беморӣ, ҳукумати Русия аз тамоми сокинони кишвар даъват мекунанд, ки ба риояи чораҳои пешгирикунанда, аз ҷумла пӯшидани ниқобу дастпӯш, бодиққат бошанд.

Гузашта аз ин, дар аксар манотиқҳои Русия маҳдудиятҳо ҷорӣ гардиданд. Аз ҷумла дар вилояти Тулский баргузории тамоми чорабиниҳо танҳо бо ҳузури 20 нафар иҷозат дода шудааст. Дар Курган бошад, кӯдакони ноболиғ бидуни калонсолон наметавонанд савори нақлиёти ҷамъиятӣ шаванд.

Бо қарори раиси шаҳри Маскав, ҳудуди 30 дарсади кормандони идораҳо ба реҷаи дуркорӣ фиристода шуданд.

Дар макотибҳо бошад хонандагони синфҳои миёна ва боло низ ба таҳсили фосилавӣ фаро гирифта шуда, танҳо толибилмони аз синфи 1 то 5 таҳсилашро дар синфхонаҳо идома ммедиҳанд.

0
Барчаспҳо:
маризӣ, омор, Русия
Мавзуҳо:
Пайомадҳои COVID-19 дар Тоҷикистон ва ҷаҳон