Генерал Қосим Сулаймонӣ, акс бойгонӣ

Ман суннию шумо шиа: нашри номаи дастнависи Сулаймонӣ ба як хонавода дар Сурия

5925
(Таҷдидшуда 15:12 26.01.2020)
Расонаҳо номаи дастнависи Қосим Сулаймонӣ, фармондеҳи кушташудаи нерӯҳои “Қудс”-и Эронро ба як хонаводаи суриягӣ нашр кардаанд, ки хонаашон бидуни иҷозат барои мубориза бо “ДОИШ” истифода шудааст

ДУШАНБЕ, 26 янв — Sputnik. Қосим Сулаймонӣ номаро барои хонаводае дар ҷанубу шарқи Сурия навишта, ки нерӯҳои Муқовимат аз хонаи онҳо дар амалиёти озодсозии минтақаи Албукамол ба унвони қароргоҳи фармондеҳӣ истифода карда буд, хабар додаст Парстудей бо такя ба бахши тоҷикии радиои Садои Хуросон.

Ба иттилои манбаъ, сардор Сулаймонӣ дар ин нома аз соҳиби хона талаби ҳалолият карда ва бо додани шумораи хонааш дар Теҳрон, аз соҳибхона хостааст дар сурати тамоюл барои ҷуброни хасорат тамос бигирад.

“Ман бародари кучаки шумо Қосими Сулаймонӣ ҳастам, ки ба яқин маро мешиносед. Мо ба бародарони аҳли суннатамон дар саросари ҷаҳон хидмат мекунем. Ман шиа ҳастам ва шумо суннӣ ҳастед. Аммо ман ҳам ба навъе суннӣ ҳастам, зеро ба суннати расули Худо (с) эътиқод дорам ва иншоАллоҳ дар роҳи ӯ ҳаракат мекунам ва шумо ҳам ба навъе шиа ҳастед, зеро аҳли байт (а)-ро дӯст доред. Аз Қуръони карим ва Саҳиҳи Бухорӣ ва дигар китобҳои хонаи шумо мутаваҷҷеҳ шудам, ки шумо инсонҳои боимоне ҳастед”, - омадааст дар номаи Сулаймонӣ, ки нусхаи онро расонаҳо нашр кардаанд.

Ӯ дар идома аз хонавода барои истифодаи бидуни иҷозаи хона узр хоста, таъкид намудааст, ки дар сурати талаб кардани ин хонавода омодаи ҷуброни хисоротанд.

“Ман дар хонаи шумо намоз хондам ва ду ракъат намоз ҳам ба нияти шумо хондам ва барои шумо аз Худованди субҳон ва мутаол талаби оқибат ба хайрӣ кардам”, - навиштааст Сулаймонӣ.

Эрон пойгоҳҳои низомии Амрикоро дар Ироқ ҳадаф қарор дод

Албукамол охирин шаҳри таҳти контроли ДОИШ буд, ки ба иттилои расонаҳо ду солу ду моҳ пеш ба фармондеҳии Қосими Сулаймонӣ аз тасарруфи ин гуруҳи террористӣ озод шуд.

Қосим Сулаймонӣ, фармондеҳи нерӯҳои Қудси сипоҳи посдорони инқилоби исломии Эрон 3 январ дар пайи ҳамлаи ҳавоии нерӯҳои ИМА дар наздикии фурудгоҳи байналмилалии Бағдод кушта шуд.

Эрон расман эътироф намуд, ки ҳавопаймои украиниро бо ду мушак сарнагун кардаст

Раисҷумҳури Амрико Доналд Трамп Қосим Сулаймониро террористи бераҳм хонд, ки дар маргу ҷароҳати ҳазорҳо нафар даст дорад. Дар Эрон дар маросими видоъ бо Сулаймонӣ , ки қаҳрамони миллии ин кишвар дониста мешавад, садҳо ҳазор нафар иштирок карданд ва мақомоти Эрон барои гирифтани қасоси марги ӯ ваъда доданд.

5925
Барчаспҳо:
мубориза бо теруризм, мубориза, ДОИШ, Сурия, Эрон
Ҷо Байден кишвардори феълии Амрико бо Ллойд Остин. 8 апрели соли 2009

Бори нахуст сиёҳпӯст роҳбари Пентагон шуд: Ллойд Остин кист?

986
(Таҷдидшуда 13:48 23.01.2021)
Ллойд Остин 67 сол дорад ва дорои рутбаи генерали чаҳорситора аст. Ӯ ҳанӯз соли 2016 ба нафақа баромада буд

ДУШАНБЕ, 23 янв — Sputnik. Сенати Амрико номзадии Ллойд Остинро ба мақоми раҳбари Пентагон тасдиқ кард, хабар медиҳад РИА Новости.

Бар хабари манбаъ, ба ҷонибдорӣ аз Остин 93 сенатор раъй дода танҳо ду нафар мухолиф баромаданд. Як рӯзи пеш, аз номзадии ӯ кумитаи соҳавии сенатҳо пуштибонӣ кард.

Зимнан, ба довталабони ҳарбие, ки камтар аз ҳафт сол пеш ба нафақа баромадаанд, тасдиқи махсуси Конгресс зарур аст. Остин бошад, соли 2016 ба нафақа баромада буд.

Ллойд Остин 67 сол дорад ва дорои рутбаи генерали чаҳорситора аст. Остин аввалин сиёҳпӯст мебошад, ки ба вазорати мудофиаи ИМА роҳбарӣ мекунад.

Номбурда дар Олмон ва сартосари Амрико хидмат намуда, дар ҳайати фармондеҳи дивизия буд ва то соли 2006 ба рутбаи генерал-лейтенант расид.

Пентагон: коронавирус миёни низомиёни афғон густариши шадид ёфтааст

Соли 2010 Остин фармондеҳи қувваҳои Амрико дар Ироқ таъйин шуд ва масъули аз қаламрави ин кишвар берун овардани низомиёни амрикоӣ буд. 

Моҳи декабри соли 2011, ӯ муовини фармондеҳи Ситоди артиш таъин шуд ва аз соли 2013–2016 фармондеҳии марказии Амрикоро раҳбарӣ кард. Вай дар ин вазифа дар таҳияи стратегияи Вашингтон дар мубориза бо "Давлати Исломӣ" нақши калидӣ дошт.

Пас аз ба нафақа баромадан дар 2016, ӯ дар ҳайати Шӯрои директорони бузургтарин истеҳсолкунандаи силоҳ Raytheon кор мекард.

986
Барчаспҳо:
роҳбар, Амрико, Пентагон
Первые политические консультации между Таджикистаном и Оманом

Баргузории нахустин ройзаниҳои сиёсӣ миёни Тоҷикистону Умон

78
(Таҷдидшуда 19:39 20.01.2021)
Ҳайати дипломатҳои Тоҷикистон таҳти роҳбарии ноиби аввали вазири умури хориҷии кишвар, Хусрав Нозирӣ нахустин машваратҳои сиёсӣ бо Салтанати Умонро баргузор кард

ДУШАНБЕ, 20 янв — Sputnik. Тибқи иттилои Вазорати умури хориҷӣ, нахустин даври ройзаниҳои сиёсӣ байни вазоратҳои корҳои хориҷии Тоҷикистон ва Салтанати Умон дар шакли маҷозӣ баргузор шуд.

“Ҳайатҳои тарафҳоро муовини якуми вазири корҳои хориҷии Тоҷикистон Хусрав Нозирӣ ва Муовини вазири корҳои хориҷии Салтанати Умон Шайх Халифа бин Алӣ ал- Ҳорисӣ роҳбарӣ намуданд”, - омадааст дар иттилоия.

Манбаъ афзуд, дар ройзаниҳо масъалаҳои марбут ба ҳолати кунунӣ ва дурнамои таҳкими ҳамкориҳо байни Тоҷикистону Умонро баррасӣ намуданд. Аз ҷумла  дар соҳаҳои сиёсӣ, иқтисодӣ, тиҷоратӣ, сармоягузорӣ, энергетика, сайёҳӣ, кишоварзӣ, саноат, алоқаи ҳавоӣ, таҳкими пояи шартномавӣ ва ҳуқуқӣ, ҳамкории ду кишвар дар чаҳорчӯби созмонҳои байналмилаливу минтақавӣ ва дигар мавзӯъҳои мавриди эҳтимоми муштарак баррасӣ шуданд.

Афзоиши содироти ширинӣ ва шакалоти Эрон ба Тоҷикистон

Ҷонибҳо барқарорсозии тамосҳои сатҳи олӣ ва табодули боздидҳоро дар рушду нумӯи ҳамкориҳои дуҷониба муҳим арзёбӣ намуда, зимнан зарурати татбиқи Барномаи иҷроӣ байни Вазоратҳои корҳои хориҷии ду кишвар барои солҳои 2020-2022-ро, ки ҳангоми сафари расмии Вазири корҳои хориҷии Ҷумҳурии Тоҷикистон ба Масқат 19 декабри 2019 ба имзо расида буд, таъкид карданд.

78
Барчаспҳо:
Вазорати умури хориҷии Тоҷикистон, ҳамкорӣ, Тоҷикистон-Уммон
День 24 января

Аз рӯзи байналмилалии эскимо то фавти 50 ҳазор нафар дар Чилӣ: имрӯзи таърих

0
(Таҷдидшуда 19:43 23.01.2021)
Рӯзи бистучоруми январ ҳамчун Рӯзи байналмилалии эскимо мебошад. Зимнан дар ин рӯз дар Ҳиндустон аз Рӯзи миллии духтарон ва дар Британияи Кабир Рӯзи ёдбуди қурбониёни генотсид дар Ҷанги дуюми ҷаҳонӣ таҷлил мегардад

Рӯзи 24 январ дар ҷаҳон чӣ рух дод

Соли 1939 дар Чили заминҷунбии шадид ба амал омад, ки дар натича зиёда аз 50 ҳазор нафар ба ҳалокат расиданд.

 

Последствия землетрясения и цунами в Чили 16 сентября 2015 года
Pablo Ovalle Isasmendi/AGENCIA UNO via AP
Последствия землетрясения и цунами в Чили 16 сентября 2015 года

Соли 1946 Комиссияи СММ оид ба энергияи атомӣ таъсис дода шуд.

Рӯзи 24 январ дар Тоҷикистон чӣ рух дод

Соли 2013 дар шаҳри Душанбе таҳти раёсати раисҷумҳури Тоҷикистон Эмомалӣ Раҳмон ҷаласаи Шӯрои амнияти Ҷумҳурии Тоҷикистон доир ба натиҷаҳои фаъолият дар соли 2012 ва вазифаҳо барои соли 2013 баргузор гардид.

День 3 января
© Sputnik/ Стас Этвеш/ Мария Вишнякова

Соли 2014 дар шаҳри Душанбе масоили вақт ва дурнамои ҳамкории мутақобиланд судманду гуногунҷанбаи Тоҷикистону Русия муҳокима карда шуданд.Соли 2014 пас аз анҷоми ҷаласаи 12-уми байниҳукуматии Тоҷикистону Русия оид ба ҳамкории тиҷоратӣ-иқтисодӣ шартномаи муштарак оид ба ҳамкории дуҷониба ба имзо расид.

Соли 2008 Стратегияи мубориза бо коррупсия дар Ҷумҳурии Тоҷикистон барои солҳои 2008-2012 қабул гардид.

Соли 2010 намояндагии дипломатии Шоҳигарии Арабистони Саудӣ фаъолияти худро дар Ҷумҳурии Тоҷикистон оғоз намуд.

Соли 2014 дар шаҳри Санкт-Петербурги Федератсияи Русия бозии кушодашавии Ҷоми "Иттиҳод-2014" миёни дастаҳои Тоҷикистон ва Эстония бо натиҷаи мусовӣ  2:2 ба анҷом расид.

Ҷашнҳои рӯзи 3 январ дар Тоҷикистон ва ҷаҳон

Соли 2017 дар Сафорати Япония дар Душанбе маросими баимзорасии 10 лоиҳаи нави Барномаи Ҳукумати Япония оид ба кумаки бебозгашт ва бехатарии гуманитарӣ барои ҳамаи қишрҳои аҳолӣ ба имзо расид.

Ҷашнҳои рӯзи 24 январ

  • Рӯзи байналмилалии эскимо.
  • Дар Британияи Кабир – Рӯзи ёдбуди қурбониёни генотсид  (қатли ом бо баҳонаҳои нажодӣ, миллӣ ва динӣ)  дар Ҷанги дуюми ҷаҳон.
  • Дар Ҳиндустон – Рӯзи миллии духтарон.
0
Барчаспҳо:
ҷашн, ҷаҳон, Тоҷикистон