ДУШАНБЕ, 7 фев — Sputnik. Вазорати адлияи Тоҷикистон мегӯяд, “Маркази фарҳангии Украина” –ро барҳам додаанд
Муҳаммадбашир Раҳмонзода, масъули бақайдгирии иттиҳодияҳои ҷамъиятӣ ва ҳизбҳои сиёсӣ имрӯз зимни нишасти матбуотии Вазорати адлияи Тоҷикистон иттилоъ дода, гуфт:"Маркази фарҳангии Украина" бо сабаби муддати тулонӣ иҷро накардани талаботҳои қонунгузории Тоҷикистон баста шуда".
Ба гуфти ҷаноби Раҳмонзода "Маркази фарҳангии Украина" ҳамчун ташкилоти ҷамъиятӣ дар вилояти Суғд фаъолият дошт ва бо талаби вазорат ва қарори додгоҳ баста шуд.
Ҷаноби Раҳмонзода гуфт, кормандонашон чанд маротиба ба масъулини ташкилоти мазкур оид ба риояи қонунгузорӣ огоҳӣ супоридаанд.
Ба иттилои манбаъ, "Маркази фарҳангии Украина" аз ҷониби шаҳрвандони украинитабори Тоҷикистон таъсис дода шуда, муассиси он дар хориҷ қарор дорад.
