Раҳматилло Зоиров, акс аз бойгонӣ

Эътироф намекунем: ҲСДТ аз митингҳо алайҳи натиҷаи интихобот гуфт

832
(Таҷдидшуда 17:27 06.03.2020)
Раҳматилло Зоиров, раиси Ҳизби сотсиал-демократии Тоҷикистон, бо нашри изҳороти раёсати Шӯрои сиёсии ҳизбаш аз ҷонибдорон хостааст, ба эътирозҳои мувофиқанашуда даст назананд ва таъкид кардааст, ки дар 10 рӯзи оянда баргузории митингҳои мувофиқашударо баррасӣ мекунад

ДУШАНБЕ, 6 мар – Sputnik. Раёсати Шӯрои сиёсии ҲСДТ ба чунин хулоса омад, ки натиҷаҳои интихобот на ҳуқуқӣ, балки сиёсӣ ва комилан тақаллубӣ аст, аз ин рӯ ин натиҷаҳоро эътироф намекунад, омадааст дар изҳороти нашркардаи Зоиров.

Ба иттилои манбаъ, 14 созмони ноҳиявию шаҳрии ҲСДТ ва теъдоди зиёди ҷонибдорони ҳизб пешниҳод намудаанд, ки ҳамчун шакли эътирози мардумӣ ба эълони пешакии натиҷаҳои интихобот, гирдиҳамоӣ доир карда шавад.

Раёсати Шӯрои сиёсӣ таъкид намудааст, ки ҲСДТ як созмони мутамаддини сиёсист ва аз аъзои ҳизбу ҷонибдоронаш хоҳиш намудааст, ки аз баргузории ҳама гуна шаклҳои эътирози мардумӣ, бахусус гирдиҳамоии бидуни мувофиқа, худдорӣ намоянд.

“Раёсати Шӯрои сиёсии ҲСДТ баргузор намудани ҳама гуна шаклҳои эътирози мардумӣ, бахусус гирдиҳамоиҳои бидуни мувофиқаро дар шароити имрӯз намепазирад, зеро, ки ҲСДТ созмони сиёсии қонунпазир ва мутамаддин аст, ки тартиби муқарраршударо риоя ва аз халалдор гардидани амнияти шаҳрвандон худдорӣ менамояд”, - илова намудаст раёсати Шӯрои сиёсӣ.

Ин ҳизб таъкид намудааст, дар мувофиқа дар 10 рӯзи оянда баргузории гирдиҳамоиҳоро дар 5 маркази минтақавии Тоҷикистон баррасӣ хоҳад кард.

"Дар давоми 10 рӯзи оянда гузаронидани гирдиҳамоиҳои (митингҳои) яквақта дар панҷ маркази минтақавии ҷумҳурӣ бо риояи тартиби муқарраршуда дар робита ба натиҷаҳои интихобот баррасӣ хоҳад шуд. ҲСДТ аз пешниҳоди шикоят ба Суди Олии Ҷумҳурии Тоҷикистон худдорӣ менамояд, зеро ки дар Тоҷикистон дар шароити муосир адолати судӣ вуҷуд надорад", - омадааст дар изҳорот.

ҲСДТ афзудааст, ҳамаи далелҳои дастрасро ҷамъоварӣ намуда ба КМИР, Созмони Милали Муттаҳид, САҲА, Шӯрои сарони давлатҳои ИДМ ва Иттиҳоди Авруосиёии иқтисодӣ пешниҳод мекунад. Дар моҳи май Анҷумани ғайринавбатии ҲСДТ даъват карда шуда, дар он масъалаи мазкур баррасӣ ва чораҷӯӣ карда мешавад, омадааст дар идома.

Интихобот 2020: кӣ бурду кӣ бохт

Интихоботи парлумонии Тоҷикистон 1 марти соли равон баргузор гардида, ҲСДТ ягона ҳизб дар кишвар мебошад, ки намояндагонаш вориди парлумон нашуданд. КМИР интихоботро баргузоршуда эълон намуда, нозирон аз кишварҳои ИДМ ва СҲШ онро шафофу демократӣ хонданд.  

832
Барчаспҳо:
парлумон, интихобот, ҲСДТ, Тоҷикистон
Прилет президента Таджикистана Э. Рахмона в Москву

Эмомалӣ Раҳмон бо даъвати Владимир Путин ба Маскав сафар мекунад

6368
(Таҷдидшуда 17:15 01.06.2020)
Президенти Тоҷикистон Эмомалӣ Раҳмон барои таҷлили Рӯзи Пирӯзӣ ба пойтахти Русия шаҳри Маскав сафар мекунад

ДУШАНБЕ, 1 июн — Sputnik. Эмомалӣ Раҳмон президенти Ҷумҳурии Тоҷикистон барои ширкат дар гузашти низомӣ ба муносибати 75-умин солгарди Рӯзи Пирӯзӣ ба Маскав меравад, хабар медиҳад РИА Новости.

Қайд мешавад, ки Эмомалӣ Раҳмон даъвати кишвардори Русия Владимир Путинро барои ширкат дар гузашти низомӣ ба муносибати Рӯзи Пирӯзӣ, қабул кардааст.

"Президенти Тоҷикистон рӯзи 24 июн гузашти низомиро ба муносибати 75-умин солгарди Рӯзи Пирӯзӣ тамошо хоҳад кард", - омадааст дар хабарнома.

Бино ба иттилои манбаъ, феълан дипломатҳои ду кишвар масъалаҳои ташкилотии ин сафарро ҳал мекунанд.

Пештар хабар дода шуд, ки Владимир Путин ҳамаи сарони кишварҳои Иттиҳоди Давлатҳои Мустақилро барои таҷлили Рӯзи Пирӯзӣ ба Маскав даъват кард.

Сооронбой Жээнбеков барои таҷлили Рӯзи Пирӯзӣ ба Маскав меравад

Имсол ба далели паҳншавии коронавируси навъи COVID - 19 таҷлили оммавии Рӯзи Пирӯзӣ дар Русия, ки ҳамасола рӯзи 9 май, баргузор мешуд, лағв шуд.

Президенти Русия Владимир Путин, рӯзи 26 май фармон дод, ки омодагӣ барои таҷлили 75-умин солгарди Пирӯзӣ дар Ҷанги Бузурги Ватаниро дар пойтахти Русия шаҳри Маскав ва дигар шаҳрҳо оғоз шавад.

Беш аз миллион нафар аз 60 кишвари ҷаҳон суруди "Рӯзи Пирӯзӣ" - ро сароиданд - видео

Ӯ қайд кард, ки рӯзи 24 июн барои таҷлили ин иди бузург рӯзи мувофиқ аст, чун маҳз дар ҳамин таърих нахустин бор соли 1945 гузашти низомии қаҳрамонон баргузор шуда буд.

Дар баробари ин президент ба вазири дифоъ Сергей Шойгу фармуд, то замони таҷлили ид амнияти шаҳрвандон қатъиян таъмин шавад ва хатари сироятёбӣ ба коронавирус дар он рӯз кам карда шавад.

6368
Барчаспҳо:
ҷашни рӯзи Ғалаба, сафар, Маскав, Эмомалӣ Раҳмон
Свечка, архивное фото

Сайфиддин Тӯраев собиқ номзади президентӣ аз олам даргузашт

1539
(Таҷдидшуда 12:26 30.05.2020)
Сайфиддин Тӯраев, сиёсатмадори варзидаи тоҷик ва аз номзадҳои собиқи курсии президентӣ дар Тоҷикистон, имрӯз дар синни 75 солагӣ дар зодгоҳаш шаҳри Истаравшан даргузашт

ДУШАНБЕ, 30  май — Sputnik. Хабари даргузашти Сайфиддин Тӯраевро, дар ҳукумати шаҳри Истаравшан тасдиқ карданд.

Акбар Маърупов, роҳбари дастгоҳи раиси шаҳри Истаравшан дар суҳбат ба Sputnik Тоҷикистон гуфт, Тӯраев бар асари бемории қалб дар синни 75 солагӣ дар манзилаш даргузашт.

"Вақтҳои охир аз бемории қалб ранҷ мебурданд. Имрӯз рӯзашон буд шуд ва дунёро падруд гуфтанд", - гуфт Маърупов.

Сайфиддин Тӯраев, аз элитаҳои сиёсии Тоҷикистон дар солҳои 1990 - ум дониста мешавад. Ӯ ҳамроҳ бо Раҳмон Набиев, Давлат Худоназаров, Бурихон Салимов, Бобишо Шоев ва чанде дигар аз сиёсатмадорони вақт аз номзадҳои аввалин интихоботи президентӣ дар соли 1991 ба ҳисоб мераванд, ки шумори аз овози тарафдорони худро ба даст овардаанд.

Тӯраев дар интихоботи соли 1999 бори дигар ҳам номзад баргузида шуд, вале барои иштирок дар ин маъракаи сиёсӣ комёб нашуд.

Баъди ин ӯ, аз саҳнаи сиёсат канор рафт ва рӯ ба тиҷорат овард.

Бино ба иттилоъи сарчашмаҳои таърихӣ Сайфиддин Тӯраев, дар соли 1945 дар шаҳри Истаравшан ба дунё омада, соли 1973 Донишакадаи нассоҷии Маскав ва Академияи хоҷагии халқи вобастаи Шӯрои Вазирони СССР-ро хатм кардааст.

То солҳои 1986 ба сифати коргари оддӣ, устои баст ва мудири Фабрикаи трикотажи шаҳри Ӯротеппа кор кардааст.

Солҳои 1986-89 вазири хидмати маишии Тоҷикистон буд.

Солҳои 1991-92 – ноиби аввали раиси Шӯрои Олии Тоҷикистон интихоб шуда, моҳи октябри соли 1999 – номзади интихоботи раёсатҷумҳурии Тоҷикистон.

Ӯ оиладор ва соҳиби 6 фарзанд аст. Бино ба гуфтаи роҳбари дастгоҳи шаҳри Истаравшан қарор аст, имрӯз маросими хоксупории Тӯрев соати 16:00 баргузор гардад.

1539
Барчаспҳо:
Тоҷикистон, даргузашт
Учения МЧС РФ в Ростове-на-Дону

Мубориза бо КОВИД-19: дар Бӯстон маҳлули хлор тақсим мекунанд

0
Дар ҳудуди шаҳр, кӯчаву хиёбонҳо, ҷойҳои ҷамъиятӣ, бозору марказҳои хизматрасонӣ, коргоҳу муассисаҳо ва манзилҳои аҳолӣ ҳамарӯза ҷиҳати безараргардонӣ тадбирҳо амалӣ гардида истодаанд.

ДУШАНБЕ, 5 июн — Sputnik. Дар шаҳри Бӯстони вилояти Суғд дар баробари ба роҳ мондани корҳои безараргардонӣ дар ҳудуди шаҳр тариқи нақлиёти махсуси хизматӣ ва дастгоҳҳои безараргардонӣ, инчунин Маркази назорати санитарию эпидемиологӣ ба аҳолӣ маҳлули хлорро ройгон дастрас менамояд.

Дар ин бора шаҳрдории Бӯстон гузориш медиҳад.

Дар ҳудуди шаҳр, кӯчаву хиёбонҳо, ҷойҳои ҷамъиятӣ, бозору марказҳои хизматрасонӣ, коргоҳу муассисаҳо ва манзилҳои аҳолӣ ҳамарӯза ҷиҳати безараргардонӣ тадбирҳо амалӣ гардида истодаанд.

Бино бар иттилои манбаъ, шурӯъ аз охирҳои моҳи апрели соли 2020,  ба зиёда аз 780 нафар сокинони шаҳри Бӯстон, ки хоҳиши шахсан дар манзилҳояшон гузаронидани корҳои безараргардонӣ доранд ва ё тариқи пешниҳоди раисони маҳаллаҳо беш  аз 11 тоннаву 700 литр маҳлули хлор дастрас карда шуд.

Тибқи иттилои директори Маркази назорати санитарию эпидемиологии шаҳри Бӯстон Зайнулло Тешаев, дар Марказ захираи кофии маҳлулҳои безараргардонӣ мавҷуд аст.

Сокинон бемамониат имкон доранд ройгон маҳлули хлор дастрас намоянд.

Ҷаҳиши нархи хлору ниқоб дар Суғд

 

0