Номзад ба мақоми раисиҷумҳури ИМА, Ҷо Байден

Ҷо Байден ваъда дод, ки иқтисоди ИМА-ро нобуд месозад

338
Ҳадафи ваъдаҳои Байден ин аст, ки дар баробари онҳо Трамп чун соҳибкори молдӯсту “қотили бобою бибӣ”-ҳо намудор шавад

ДУШАНБЕ, 24 авг— Sputnik. Расонаҳои амрикоӣ аз қотеият ва иродаи Ҷо Байден, ки дар мусоҳибаи ахираш бо АВС нишон дод, ба ваҷд омадаанд. Аз он дар ҳаяҷонанд, ки Байден ваъда дод,  дар сурати идомаи пандемия ният дорад, бори дигар қарантинаи  умумимиллиро  бо маҳдудиятҳо барои фаъолияти иқтисодӣ ҷорӣ хоҳад кард.

Бо ҳамин изҳорот, мавқеи комилан мухолифи Доналд Трампро ба намоиш гузошт. Барои дарки пайомади ин мавқеъгириҳо бояд ба назар гирифт, ик коронавирус дар Иттиҳоди Аврупо, Русия, Бангладеш ё Чин пеш аз ҳама масъалаи беҳдоштӣ мебошад ва танҳо дар ИМА ин масъалаи дорои сирф хусусияти сиёсист.

Нашрияи  Politico хабар дод, ки “номзад ба президентӣ аз демократҳо Ҷо Байден гуфт, “ҳар чизи лозим” барои ҷилавгирӣ аз коронавирус дар кишварро анҷом хоҳад дод, аз ҷумла боздоштани иқтисоди ИМА-ро, агар зарур ояд.

“Ман масдуд мекардам, ба олимон гӯш медодам. Ман тамоми корро барои наҷоти ҷонҳо анҷом медиҳам ”, - гуфт Байден дар суҳбат бо хабарнигори АВС, Дэевид Мюиру. Дар ин суҳбат Байденро шарикаш сенатор Камала Ҳаррис, номзад ба мақоми ноиби президент ҳамроҳӣ кард.

Шарҳи Байден бозгӯи сангинтарин чораҳои эҳтимолие мебошад, номзад ба мақоми раисиҷумҳур аз Ҳизби демократӣ алайҳи коронавирус пешниҳод кардааст. Ин вирус дар ИМА ҳадди ақал ҷони 175 ҳазор нафарро гирифт.

Ҳизби демократ ва Байден талош доранд,  худро муборизони бемуросо бо коронавирус ҷилва диҳанд, ки ба ҳар чора қодиранд, то ин бемориро боздоранд. Ҳадаф ин аст, ки дар баробари онҳо Трамп чун соҳибкори молдӯсту “қотили бобою бибӣ”-ҳо намудор шавад, дасташ олудаи хуни афроде, ки дар пайи худдории раёсати феълии кишвар аз тамдиди чораҳои қатъӣ алайҳи коронавирус, ҷон доданд.

Дар манотиқи ИМА, ки зери назорати Ҳизби демократӣ қарор доранд, васвосаи мақомдорон аз ҳад гузаштааст, аз ҷумла дар Лос-Анҷелес шаҳрдорӣ на танҳо шабнишиниҳо дар хонаро мамнӯъ кард, балки инчунин таъминоти барқ, об ва корези афроди вайронкунандаро қатъ месозад.  

Барои гуруҳи бошандагони  сайёра, ки аз фазои хабарии ИМА берунанд, дарки ин чораҳо мушкил аст, аммо расонаҳои ИМА, ( ки зидди Трамп кор мекунанду мардумро бо зарбаҳои хабарӣ дар ҳаҷми саноатӣ ба воҳима меандозанд)  ба натиҷаҳои ҳайратовар ноил шудаанд. Барои мисол ширкати молиявии  Franklin Templeton назарпурсии оммавӣ дар мавриди пандемияро фармоиш дод, ки бо чунин хулоса анҷомид:

“Муайян шуд, ҳиссаи афроде, ки аз пайомадҳои ҷиддии COVID-19 барои саломатияшон сахт нигаронанд, барои ҳамаи гуруҳҳои синнусолӣ аз 25 то 64-сола тақрибан якхела мебошад, ки аз сатҳи нигаронии афроди аз 65-сола боло хеле кам поинтар аст. Духӯрагиҳо дар омори маргумир низ ҳайратоваранд. Миёни 18-24-солаҳо ҳиссаи афроди нигарон аз пайомадҳои коронавирус барои саломатияшон аз омори фавт миёни ин гуруҳи синнусолӣ 400 баробар зиёд мебошад. Барои 25-34-солаҳо ин нишондод 90 баробар зиёд мебошад.

Инро метавон эҳтиёткории муқаррарӣ маънидод кард, аммо ин ҷо нозукие аст, ки ин ҳама афроди нигарон ҷонибдори истифодаи маводи беҳдоштӣ, пӯшидани ниқоб нестанд, аммо тарафдори бастани макотиб, тиҷорат, муассисаҳои давлатӣ ва умуман маҳдудсозиҳои беҳудуд то таъмини бехатарии комиланд.

“Масдудсозии як кишвар ба андозаи то 3 дарсади ММД дар як моҳ баҳо хоҳад дошт, бинобар ин ҳатто сарватмандтаринҳои кишвар наметавонанд ба худ ду-се моҳи масдудсозиҳои комилро иҷозат диҳанд”, - изҳор дошт дар суҳбат бо шабакаи телевизионии CNBC Хартмут Иссел, мудири шуъбаи саҳмияҳои минтақаи Осиёю Уқёнуси Ороми бонки Швейтсария.

Дар кишварҳое, ки масъалаи мубориза бо пандемия сахт сиёсатзада нашудаасту ба мавзӯи маъракаи интихоботӣ табдил наёфтааст, бархӯрд ба вазъ якмаром аст: масдудсозии комили иқтисод аллакай мумкин нест. Дар ин бора сиёсатмадорҳои гуногуну намояндагони бахши соҳибкорӣ, аз ҷумла собиқ нахуствазири Бритониёи Кабир, Тони Блэр, роҳбари ширкати Siemens Ҷо Кэзер ва нахуствазири Фаронса,  Жан Кастекс изҳорот доданд.

Дар ин масъала ИМА аз дигарон ҳеч фарқе надораду зиёда аз ин дар вазъияти бадтар мебошад, чун баъди масдудсозии аввал ҳанӯз иқтисодашон барқарор нашудааст. The New York Post хабар дод, ки “сокинони гуруснаи Ню-Йорк дар навбати тӯлаш чоряк мил барои ғизои бепул дар Квинс меистанд”.

Иқтисодшиноси шинохта, сармушовири абарширкати суғуртавии Allianz, Муҳаммад Эл-Эриан бар ин аст, ки “харобсозии соҳибкории хурд аз ҷониби коронавирус ба низоми сармоядории ИМА таҳдид мекунад”.

Бар асоси баҳогузории расмии давлатӣ, ки шабакаи молиявии CNBC ба он такя мекунад, “қариб нисфи аҳолии (болиғ) ИМА бекор мебошанд”.

Дар ҳамин ҳол Ҷо Байден, дақиқтараш политтехнологҳояш ба он такя доранд, ки ҷомеаро аз таҳдидҳои коронавирус ба воҳима андозанду бо ваъдаи чораҳои шадид мардумро ба тарафи худ кашанд. Ба гуфтаи калонтарин ширкати байналмилалии машварати сиёсии Eurasia Group, Ян Бремер, ягона масъалае, ки интихобкунанда дар он ба Трамп бештар аз Байден боварӣ доранд, иқтисод мебошад ва чунин изҳороти Байден барои маъракаи пешазинтихоботии раисиҷумҳури феълӣ имкониятҳои иловагӣ медиҳад.

Каме таассуфовар хоҳад буд, агар ин имкониятҳо амалӣ карда шаванд. Ҷолиб аст, ки чӣ гуна иқтисоди амрикоӣ боз як қарантини сартосариро (муҳим нест, ки чӣ қадар кӯтоҳ) паси сар хоҳад кард.

338
Барчаспҳо:
номзадҳо, беморӣ, арафаи интихобот, ИМА

Лукашенко ба иттиҳомот дар барои инаугуратсияи пинҳонӣ посух гуфт

206
(Таҷдидшуда 17:21 24.09.2020)
Инаугуратсия субҳи чоршанбе баргузор шуд, вале аз ин маросим хабар надода буданд. Лукашенко имрӯз вокуниши бархе аз кишварҳоро дар ин робита шарҳ дод

ДУШАНБЕ, 24 сен — Sputnik. Президенти Белорус Александр Лукашенко ба иттҳиомот дар бораи инаугуратсияи пинҳонӣ посух гуфт, хабар медиҳад Sputnik Белорус.

Дар вохӯрӣ бо сафири Чин Тсуй Тсимином ӯ изҳор дошт, ки "кишвар вазифадор нест касеро аз баргузории инаугуратсия огаҳ кунад".

Инаугуратсия субҳи чоршанбе баргузор шуд. Ожонсии давлатии БелТА бидуни анонс хабар дод, ки Лукашенко ба президентӣ шурӯъ кард ва маросими савгандёдкунӣ дар Қасри истиқлол баргузор шуд.

Вазорати адлия гуфт дар баргузории маросим ягон қонунвайронкунӣ рух надодааст ва ҳамааш мутобиқи қавонин иҷро шудааст.

Ба гуфти Лукашенко бархе аз давлатҳо нисбати Белорус мавқеъи ғайри созандаро пеша кардаанд.

"Аҷибаш ин ки ҳамсояҳо. Ҳамсояҳо атои Худоянд, онҳоро интихоб намекунанд ва мо тақдиран бояд бо дӯстӣ ба сар барем. Вале, на ҳамеша чунин мешавад. Шумо медонед, давлатҳои ҳамсоя бахусус Полша чӣ мавқеъгирӣ кардааст", - гуфт президент ба сафири чинӣ.

Ӯ ҳадз зад, ки ҳамсояҳо муттаҳид шудаанд, ки ҳукумати Белорус "ба лаҳистониҳо, литвагиҳо, украиниҳо ва боз ба ким -киҳо" аз баргузории инаугуратсия хабар надод. Дар баробари ин раҳбари кишвар қайд кард, ки тибқи қонун, ҳукумати Минск вазифадор нест намояндгони дигар кишварҳоро аз савгандёдкунӣ хабар кунад.

"Ин кори дохилии кишвари мо аст. Нақд танҳо як аст: пинҳонӣ буд... Медонед, ба маросими савгандёдкунӣ наздики 2 ҳзаор нафар аз ҷумла низомиён даъват шуда буданд. Дар пинҳонӣ нигоҳ доштани ин номумкин аст", - изҳор дошт Лукашенко.

Интихоботи президентӣ дар Белорус 9 август доир шуд. Бино ба гузориши КМИ дар ин раъйдиҳӣ 5,8 миллион нафар ширкат кард.

Бар асоси эълони натоиҷи  интихоботӣ Александр Лукашенко, президенти кунунии ин кишвар бо ба даст овардани 80,23% овозҳо дар интихобот пирӯз шуд.

Бетартибиҳо дар ин кишвар пас аз эъломи намтоиҷи интихобот оғоз шуд, ки то кунун идома дорад.

206
Барчаспҳо:
инаугуратсия, маросими савгандёдкунӣ, савгандёдкунӣ, Белорус, Александр Лукашенко
Президент Таджикистана Эмомали Рахмон на красной дорожке

Номзад ба президентӣ Эмомалӣ Раҳмон: шарҳи ҳол ва барномаи пешазинтихоботӣ

508
(Таҷдидшуда 20:09 24.09.2020)
Кишвардори кунунии Тоҷикистон Эмомалӣ Раҳмон боз барои курсии президентӣ дар интихоботи рӯзи 11 октябр, қувва меозмояд

26 сол мешавад, ки Эмомалӣ Раҳмон Тоҷикистонро раҳбарӣ мекунад. Раисиҷумҳури кунунӣ қарор кард бори панҷум дар фаъолияти сиёсиаш, дар интихоботи президентӣ ширкат кунад.

Шарҳи ҳоли Эмомалӣ Раҳмон 

Ҷаноби Раҳмон, ки аз соли 1992 ба ин сӯ, зимоми қудрат дар Тоҷикистонро дар даст дорад, 5 октябри соли 1952 дар ноҳияи Данғараи вилояти собиқи Кӯлоб (алъон вилояти Хатлон) дар оилаи деҳқон ба дунё омадааст.

Ӯ фаъолияти кории худро соли 1969, баъд аз хатми Омӯзишгоҳи касбию техникии № 40-и шаҳри Калининобод (ҳоло Сарбанд), ба ҳайси устои барқ дар Корхонаи равғанкашии шаҳри Қӯрғонтеппа оғоз кардааст.

Инаугуратсияи Эмомалӣ Раҳмон дар соли 2013
© Официальная страница пресс-службы президента РТ в Facebook.

Солҳои 1971-1974 дар Флоти уқёнуси Ором адои хидмат карда, пас аз хидмати ҳарбӣ ба зодгоҳи худ бар мегардад ва дар совхози ба номи Ленини ноҳияи Данғара корро шуруъ мекунад.

Ба иттилоъи Хадамоти матбуотии президент, оқои Раҳмон соли 1982 факултети иқтисоди Донишгоҳи миллии Тоҷикистонро хатм карда, солҳои 1976-1987 дар вазифаҳои котиби раёсат ва раиси Кумитаи иттифоқҳои касабаи совхози ба номи Ленини ноҳияи Данғара кор кардааст.

Аз соли 1987 то соли 1992 директори совхози ба номи Ленини ноҳияи Данғара буд.

Оиладор ва падари нӯҳ фарзанд — ду писар ва ҳафт духтар мебошад.

Фаъолияти сиёсии Эмомалӣ Раҳмон

Соли 1990 Эмомалӣ Раҳмон вакили мардумӣ дар Шӯрои Олии Тоҷикистон даъвати ХII интихоб шуда, тирамоҳи соли 1992 раиси Кумитаи иҷроияи Шӯрои намояндагони халқи вилояти Кӯлоб баргузида мешавад.

19 ноябри соли 1992 дар иҷлосияи XVI Шӯрои Олии Тоҷикистон Эмомалӣ Раҳмон раиси ин шӯро интихоб гардида, 6 ноябри соли 1994 дар интихоботи президентии кишвар иштирок ва барандаи он эълон мешавад.

Инчунин ӯ барандаи интихоботи президентии 1999-и Тоҷикистон эълон шуда, бори дигар ба муҳлати 7 сол ба курсии раҳбарии Тоҷикистон такя мезанад.

Ҳамин тариқ дар интихоботҳои президентии солҳои  2006 ва 2013 ҳам ин курсиро ҳифз кард.

Дар пайи имзои Созишномаи сулҳ моҳи декабри соли 1999 ба ӯ ба хотири хидматҳояш дар рванди барқарории сулҳу субот дар кишвар унвони Қаҳрамони Тоҷикистон дода мешавад.

Мувофиқи Қонуни конститутсионии Ҷумҳурии Тоҷикистон "Дар бораи Асосгузори сулҳу ваҳдати миллӣ – Пешвои миллат ба тасвиб расидааст, Президенти Ҷумҳурии Тоҷикистон Эмомалӣ Раҳмон ба сифати Асосгузори сулҳу ваҳдати миллӣ – Пешвои миллат эътироф карда шудааст.

Барномаи пешазинтихоботии Эмомалӣ Раҳмон

Шиор: Барои рушди устувори иқтисодӣ ва зиндагии шоистаи мардум.

Се вазифаи асосӣ:

1. Таъмин намудани рушди устувор бо роҳи баланд бардоштани гуногунсамтӣ ва рақобатнокии иқтисоди миллӣ;

2. Афзоиш додани ҳиссаи табақаи миёнаи аҳолии мамлакат;

3. Расидан ба сатҳи рушди иҷтимоиву иқтисодии кишварҳои даромадашон миёна.

Мувофиқи нақшаҳои пешбинишуда ҳаҷми маҷмӯи маҳсулоти дохилии кишвар ва таносуби он ба ҳар сари аҳолӣ дар 7 соли оянда 2 баробар афзоиш меёбад.

Ҳиссаи табақаи миёнаи аҳолӣ то 45 фоиз афзуда, сатҳи камбизоатӣ то 18 фоиз коҳиш дода мешавад.

Дар назар аст:

сатҳи дастрасии аҳолии кишвар ба маҳсулоти озуқа, бахусус, ғизои хушсифати мутобиқ ба меъёрҳои тавсияшуда афзоиш дода шавад;

вобастагии иқтисоди кишвар аз воридот кам карда мешавад;

сифати хизматрасониҳо дар соҳаҳои маорифу тандурустӣ ва ҳифзи иҷтимоии аҳолӣ тадриҷан баланд бардошта, аз ҳисоби ҳамаи сарчашмаҳои маблағгузорӣ ба ин бахш бо дарназардошти нафақа ва суғуртаи иҷтимоӣ зиёда аз 123 миллиард сомонӣ равона шавад;

ҳамкории давлат бо бахши хусусӣ ва ҷомеаи шаҳрвандӣ густариш ёбад.

Нақшаҳо:

  • мунтазам зиёд намудани ҳаҷми даромадҳои пулии аҳолӣ ва музди меҳнати кормандон;
  • тавсеа бахшидан ба сиёсати «иқтисоди сабз», вусъатдиҳӣ ва дастгирии давлатии низоми соҳибкории экологӣ;
  • идома додани сохтмони НБО-и «Роғун», НБО-и «Себзор», хатти интиқоли барқи байналмилалии Осиёи Марказӣ-Осиёи Ҷанубӣ – «CASA — 1000», таҷдиди НБО-ҳои «Норак», «Қайроққум» ва «Сарбанд»;
  • идома додани сохтмон ва таҷдиди инфрасохтори нақлиётиву коммуникатсионӣ ва бунёди долонҳои транзитии нақлиётӣ, аз ҷумла дар роҳҳои автомобилгарди Душанбе-Бохтар, Бохтар-Данғара, Данғара-Гулистон, Кӯлоб-Муъминобод, Хуҷанд-Конибодом, Восеъ – Темурмалик -Кангурт, Гулистон-Кӯлоб, Кӯлоб-Шамсиддини Шоҳин, Балҷувон-Сари Хосор, Шкев-Қалъаихумб, Қалъаихумб-Ванҷ, қитъаи Обигарм-Нурободи шоҳроҳи Ваҳдат-Қарамиқ, Гулистон – Фархор – Панҷ — Дӯстӣ, Хуҷанд-Ашт ва дигар роҳҳои дохилӣ;
  • амалӣ намудани лоиҳаҳои бунёди шабакаи нуриву нахии байналмилалӣ, таъмин намудани дастрасӣ ба хизматрасониҳои телекоммуникатсионӣ;
  • густариш бахшидан ба раванди ташаккули низоми шаҳрҳои миёна ва хурд ҳамчун «марказҳои устувори рушд» дар деҳоти кишвар;
  • ташкил кардани инфрасохтори муосир дар деҳоти кишвар ҷиҳати таъмин намудани рушди устувори иҷтимоиву иқтисодӣ ва баланд бардоштани сатҳи некуаҳволии мардум;
  • таваҷҷуҳи авваландараҷа зоҳир намудан ба соҳаҳоиилмумаориф, идома бахшидани ислоҳот дар ин самт, даврабадавразиёд намудани маоши кормандон ва таҳкими пояҳои моддивутехникиионҳо, аз ҷумла таъминот бо технологияҳои иттилоотиву коммуникатсионӣ;
  • тақвият бахшидан ба фаъолнокии иқтисодии аҳолӣ, таъсис додани бозори меҳнати қобили рақобат ва ташкил кардани ҷойҳои нави корӣ;
  • тадриҷан зиёд намудани маблағгузории соҳаҳои тандурустӣ ва хизматрасонии иҷтимоӣ;
  • ҳифз кардани мероси фарҳанги миллӣ, васеъ тарғибу ташвиқ  намудани дастовардҳои даврони соҳибистиқлолии мамлакат;
  • тавсеа бахшидан ба фарҳанги сиёсии шаҳрвандон, таъмин намудани иштироки шаҳрвандон ва ниҳодҳои ҷомеаи шаҳрвандӣ дар идоракунии корҳои давлатӣ, эҳтироми Конститутсия ва садоқат ба давлат;
  • тавсеа додани фарҳанги сулҳ ва тақвият бахшидан ба ваҳдати миллӣ ҳамчун дастоварди нодири мардуми Тоҷикистон;
  • ҳифз намудани суботу оромии ҷомеа, таҳким бахшидан ба қонунияту тартиботи ҳуқуқӣ, яъне таъмин кардани волоияти қонун, ҳимоя кардани ҳуқуқу озодиҳои инсон ва шаҳрванд ва дар ин самт таҳия ва қабул намудани «Стратегияи рушди низоми ҳуқуқии кишвар барои давраи то соли 2030»;
  • таъмин кардани амнияти миллӣ барои ҳифзи суботу оромӣ, дастовардҳои истиқлол ва мустаҳкам намудани пояҳои давлатдории миллӣ;
  • таким бахшидани ҳифзи сарҳади давлатӣ, муҳайё сохтани шароити беҳтар барои сарҳадбонон ва риояи талаботи санадҳои меъёрии ҳуқуқии танзимкунандаи фаъолияти соҳа;
  • пурзӯр намудани мубориза бар зидди ҷинояткорӣ, хусусан, ҷиноятҳои муташаккили фаромиллӣ — терроризм, ифротгароӣ, муомилоти ғайриқонунии маводи мухаддир, силоҳ ва кибертерроризм, инчунин, ба роҳ мондани шаклу усулҳои муосири муқовимат ба дигар хатару таҳдидҳои нави ҷаҳонӣ;
  • тақвият бахшидани муқовимат бар зидди коррупсия ва андешидани чораҳои муассир барои аз байн бурдани сабабу омилҳои ба содиршавии он мусоидаткунанда, амалӣ намудани тадбирҳои иловагӣ ҷиҳати ба вуҷуд овардани рӯҳияи зиддикоррупсионӣ дар ҷомеа;
  • таҳким бахшидани ҳамкориҳои сиёсӣ,  иқтисодиву тиҷоратӣ ва сармоягузорӣ бо кишварҳои Осиёи Ҷанубӣ, Осиёи Ҷануби Шарқӣ,  Ховари Миёна, Амрико, Иттиҳоди Аврупо ва Африқо;
  • устувор намудани мақом ва нуфузи сиёсии Ҷумҳурии Тоҷикистон  дар арсаи  байналмилалӣ ва татбиқи ташаббусҳои глобалии кишвар дар ҳалли масъалаҳои марбут ба захираҳои об;
  • идома ва такмил додани сиёсати "дарҳои кушода";
  • ба таври шоиста муаррифӣ кардани Ҷумҳурии Тоҷикистон,  роҳандозӣ намудани дипломатияи фарҳангӣ ва инсонӣ бо  дарназардошти ҷанбаҳои мусбат ва манфии раванди ҷаҳонишавӣ;
  • ҳимоя намудани ҳуқуқу манфиатҳо, шаъну шараф ва эътибори шаҳрвандони Ҷумҳурии Тоҷикистон дар хориҷи кишвар.
508
Барчаспҳо:
ироъаи барномаи пешазинтихоботӣ, интихобот, сиёсат, Эмомалӣ Раҳмон, Тоҷикистон
Игор Черевченко, акс аз бойгонӣ

Cобиқ футболбози тими миллии Тоҷикистон, сармураббии “Химки” шуд

0
(Таҷдидшуда 19:28 25.09.2020)
Дастаи “Химки” дар пайи қатъи шартнома бо сармураббӣ Дмитрий Гунко хабар дод, ки Игор Черевченко сармураббии нави тим таъйин гардид

ДУШАНБЕ, 25 сен - Sputnik. Собиқ сармураббии тими “Арсенал”-и Тула, Игор Черевченко ба мақоми сармураббии дастаи “Химки” таъйин шудааст, хабар дод бошгоҳ дар саҳифааш.

Рӯзи 21 сентябр маълум шуд, ки бошгоҳи “Химки” ҳамкориро бо мураббии собиқ Дмитрий Гунко қатъ мекунад, ки дар ин бора хадамоти матбуоти даста хабар дод.

Черевченко дар тӯли камтар аз як сол чорумин мураббии клуби вилояти Маскав шуд.

Дмитрий Гунко тавонист камтар аз ду моҳро дар даста гузаронад. Таҳти роҳбарии Гунко, “Химки” ба зинаи охир дар ҷадвали “РПЛ” фаромад.

Черевченко 46-сол дошта, писари Геннадий Черевченко, аз бозингарони маъруфи дастаи “Помир”-и Душанбе аст, ки то кӯч бастани хонаводааш аз кишвар дар солҳои 1993-1994 дар ҳайати мунтахаби Тоҷикистон бозӣ мекард.

Номбурда тавонист ҳам дар тими мунтахаби кишвар ва ҳам дар бошгоҳҳои футболи Русия бозӣ кунад.

Ӯ ба ҳайси мураббӣ дар дастаҳои "Локомотив"-и Маскав, "Балтика"-и Калининград ва "Арсенал" -и Тула фаъолият кардааст.

0
Барчаспҳо:
Футбол, Русия