Председатель Демократической партии  Саидджафар Усмонзода

Зиндагинома ва ваъдаҳои пешазинтихоботии Усмонзода: довталаби курсии президенти Тоҷикистон

931
(Таҷдидшуда 11:46 01.09.2020)
Ҳизби Демократии Тоҷикистон раиси худ Саидҷаъфар Усмонзодаро номзад ба интихоботи президентӣ пешбарӣ кард

Санаи 11октябр дар Тоҷикистон интихоботи президентӣ баргузор мешавад. Ҳизби Демократии Тоҷикистон номзади худро дар ҷаласаи ғайринавбатӣ муаррифӣ кард. Раҳбари он Саидҷаъфар Усмонзода якдилона барои намояндагӣ аз ҳизб интихоб шуд.

Саидҷаъфар Усмонзода 4 ноябри соли 1960 дар ноҳияи Фархор таваллуд шуда, падару модараш муаллимони оддӣ буданд.

Номзад ба мақоми президентӣ соли 1977 мактаби миёнаи маҳаллии №5 ба номи Калининро хатм кардааст.

Пас аз мактаб, Усмонзода ба Донишгоҳи давлатии Тоҷикистон дохил шудаву онро бомуваффақият ҳамчун иқтисоддон хатм кард.

Фаъолияти меҳнатии Саидҷаъфар Усмонзода

Усмонзода пас аз хатми донишгоҳ аз рӯи ихтисоси худ ба кор оғоз кард. Соли 1983 иқтисодчии Бонки сохтмонии Қӯрғонтеппа шуд.

Инчунин, дар тӯли ин солҳо ӯ ба ҳайси раиси кооперативи истеҳсолии “Хатлон” дар минтақаи Ховалинг, инчунин дар Кумитаи гумруки назди Ҳукумати Тоҷикистон низ кор кардааст.

Сипас, соли 1997 роҳбари Иттифоқи ҷавонони Душанбе ва соли 1999 - роҳбари ҳайати БМТ таъин карда шуд.

Ибтидои солҳои 2000-ум Усмонзода вазифаи муовини директори корхонаи минтақавии хӯроквории Октябр дар шаҳри Душанберо ишғол карда ва соли 2002 ба вазифаи директори Маркази техникии Кумитаи телевизион ва радиошунавонӣ гузашт.

Инчунин дар соли 2002 дар Вазорати мудофиаи Тоҷикистон кор карда, соли 2004 сардори полиси андози шаҳри Турсунзода шудааст.

Соли 2005 ӯ муовини ректори Донишгоҳи аграрии Тоҷикистон таъйин шуд.

Инчунин, номзад ба курсии президентӣ фаъолона ба соҳибкорӣ машғул аст.

Карераи сиёсии номзад ба президентӣ дар Тоҷикистон

Усмонзода Сиҷафар аз соли 1984 то 1989 ба ҳайси корманди Кумитаи комсомолии шаҳр ва вилояти Қӯрғонтеппа кор кардааст. Сипас ӯ муддати дароз аз сиёсат дур шуд.

Бояд қайд кард, ки Усмонзода раҳбарии ҳизбро дар давраи душвортарини мавҷудияти он ба даст овардааст. Сарфи назар аз он, ки Ҳизби Демократ яке аз аҳзоби кӯҳантарин мебошад, миёнаи солҳои 2000-ум хавфи барҳамдиҳӣ таҳдид мекард.

Авохири соли 2006 Вазорати адлияи Тоҷикистон Масъуд Собировро раиси нави ҲДТ эътироф кард.

Ин пас аз боздошт ва ҳабси Муҳамадрӯзӣ Искандаров рух дод.

Сипас коршиносон қайд карданд, ки мавқеи сиёсии ҳизб ба таври ҷиддӣ такон хӯрд. Он замон ҲДТ ба ду бол тақсим шуд, ки сарварашон Саидҷаъфар Усмонзода ва Раҳматулло Валиев, муовинони раиси собиқи ҳизб буданд. Соли 2013 Вазорати адлия дар пайи санҷиши якмоҳа ва омӯхтани ҳуҷҷатҳои пешниҳодкардаи ҲДТ Оинномаи нави ҳизбро ба қайд гирифт ва Саидҷаъфар Усмонзодро ба ҳайси раиси ҳизб ба расмият шинохт.

Пас аз ду сол, Саидҷаъфар Усмонзода аз ҳавзаи интихоботии Фархор вакили палатаи поёнии парлумони Тоҷикистон интихоб шуд.

Усмонзода дар интихоботи президентии соли  2013 низ номзад шуд, аммо овозҳои кофӣ ба даст наовард.

Ваъдаҳои пешазинтихоботии Саидҷаъфар Усмонзод

Роҳбар ва номзад ба мақоми президентӣ аз Ҳизби Демократии Тоҷикистон Саидҷаъфар Усмонзода рӯзи 23 август пешбарӣ шуд.

Дар интихобот вай таҳти шиори: "Аз мардум. Дар паҳлӯи мардум. Барои мардум." Баромад мекунад.

Ваъдаҳои пешазинтихоботӣ

  • Баланд бардоштани нақш ва мақоми ҳизбҳои сиёсӣ, ба сохтори ҳокимияти давлатӣ дар ҳама сатҳҳо ворид кардани онҳо;
  • Баланд бардоштани нақш ва мақоми ҳизбҳои сиёсӣ, ба сохтори ҳокимияти давлатӣ дар ҳама сатҳҳо ворид кардани онҳо;
  • Тақвияти нақши парлумони Тоҷикистон;
  • Васеъ намудани ваколатҳои мақомоти маҳаллӣ ва намояндагони ҳукумат;
  • Ҷалби ҷомеаи шаҳрвандӣ дар таҳия ва қабули барномаҳо ва қарорҳои муҳими давлатӣ;
  • Кафолати риояи ҳуқуқҳо, озодиҳо ва амнияти журналистон;
  • 50% кам кардани ҳама намуди пардохтҳои иҷтимоӣ ва тиҷоратӣ барои аҳолӣ;
  • Ба раванди монополизатсияи тиҷорат хотима ва ислоҳоти монополияҳои табииро анҷом додан;
  • Ҷорӣ намудани монополияи давлатӣ оид ба воридоти сӯзишворӣ, хӯрокворӣ, алоқаи мобилӣ ва доруҳои зарурӣ;
  • Дастрасии хидмати ройгони тиббӣ барои оммаи васеъ;
  • Гузариш аз даъвати ҳатмӣ ба хидмати шартномавӣ;
  • Дастгирии ҳамгироӣ ва таҳкими фарҳанги гурӯҳҳои гуногуни этникӣ, омӯхтани забон, урфу одатҳои миллату давлати ташаккулёфтаи тоҷик, таъмини шароити баробар барои рушди фарҳангҳои қавмҳои дигар ва ақаллиятҳои миллии кишвар;
  • Таъмини баробарии ҳуқуқҳо барои ҳама эътиқодоти динӣ дар асоси эътирофи озодии виҷдон ва эътиқод;
  • Риояи принсипҳои демократии муносибатҳои дин ва давлат.
931
Мавзуҳо:
Интихоботи президентӣ - 2020 (28)
премьер-министр Узбекистана Абдулла Арипов

Санаи сафари сарвазири Ӯзбекистон ба Тоҷикистон маълум шуд

278
(Таҷдидшуда 21:34 19.09.2020)
Палатаи савдо ва саноати Тоҷикистон мегӯяд, сафари Абдулло Арипов, сарвазири Ӯзбекистон ба Душанбе ба рӯзҳои 28-30 сентябр рост меояд

ДУШАНБЕ, 19 сен — Sputnik.  Омодагӣ ба сафари Абдулло Арипов дар Палатаи савдо ва саноати Тоҷикистон баррасӣ шуд. Дар доираи ин сафар анҷумани соҳибкорони Тоҷикистону Ӯзбекистон рӯзҳои 28-30 сентябр ба нақша гирифта шудааст.

Инчунин зимни ин сафар ҷаласаи навбатии Комиссияи байниҳукуматии Тоҷикистон ва Ӯзбекистон баргузор мегардад

Дафтари матбуоти вазорати иқтисод ва савдои Тоҷикистон, мегӯяд, ҳоло омодагиҳо ба ҷаласаи навбатии Комиссияи байниҳукуматии Тоҷикистон ва Ӯзбекистон давом доранд.

Тибқи иттилои манбаъ, ин нукта зимни вохӯрии  Вазири рушди иқтисод ва савдои Тоҷикистон Завқӣ Завқизода ва муовини якуми Вазири сармоягузорӣ ва савдои хориҷии Ӯзбекистон Лазиз Қудратов, муовини Вазири иқтисод ва паст кардани сатҳи камбизоатии Ӯзбекистон Акмалхон Ортиқов, ки 18 сентябр дар шаҳри Душанбе баргузор гардид, мавриди баррасӣ қарор гирифт.

Ҳамзамон манбаъ таъкид доштааст, ки зимни вохӯрӣ ҷонибҳо инчунин вазъ ва дурнамои ҳамкории дуҷонибаро дар соҳаи тиҷоратию иқтисодӣ, аз ҷумла зиёд намудани нишондиҳандаҳои ҳаҷми гардиши савдои дуҷониба, таъсиси корхонаҳои муштарак дар минтақаҳои озоди иқтисодии Тоҷикистон баррасӣ намуданд.

278
Барчаспҳо:
ҷаласа, ҳамкорӣ, Ӯзбекистон, Тоҷикистон
Здание парламента Республики Таджикистан

Санаи сафари Иноятов дар садри вакилони Ӯзбекистон ба Душанбе маълум шуд

206
(Таҷдидшуда 17:09 19.09.2020)
Маҷлиси намояндагони Тоҷикистон санаи сафари ҳайати вакилони Ӯзбекистонро таҳти роҳбарии Улуғбек Иноятов ба Душанбе эълон кард

ДУШАНБЕ, 19 сен — Sputnik. Ҳадафи сафар иштирок дар нахустин ҷаласаи муштараки гурӯҳҳои парлумонии дӯстӣ ва ҳамкории Тоҷикистон ва Ӯзбекистон мебошад. Ҳайати намояндагони парлумони Ӯзбекистон 20 сентябр ба Душанбе меояд.

Дар Душанбе мулоқотҳои ҳайати парлумонии Ӯзбакистон ва Тоҷикистон 21 сентябр ба нақша гирифта шудааст.

Муҳаммадатов Султонов, котиби матбуоти Маҷлиси намояндагони Тоҷикистон, ба “Ховар” иттилоъ додааст, ки ҳайати Ӯзбекистонро, ки ба ҳайати он намояндагони ҳарду палатаи парлумони ин кишвар шомиланд, муовини раиси Палатаи қонунгузории Олий Маҷлиси Ҷумҳурии Ӯзбекистон Улуғбек Иноятов сарварӣ мекунад.

“Гурӯҳи дӯстӣ ва ҳамкории Маҷлиси намояндагон бо парлумони Ӯзбекистонро муовини раиси Маҷлиси намояндагони Маҷлиси Олии Ҷумҳурии Тоҷикистон Дилрабо Мансурӣ сарварӣ мекунад”, - омадааст дар иттилоия.

Манбаъ илова намуд, ки щайати Ӯзбекистон дар доираи ин сафар ҳамчунин бо раиси Маҷлиси намояндагон Маҳмадтоир Зокирзода мулоқот намуда, аз шаҳри Турсунзода дидан менамояд.

206
Барчаспҳо:
парлумон, Ӯзбекистон, Тоҷикистон
Национальный банк Таджикистана, архивное фото

Бонки миллӣ “Тоҷиксодиротбонк” ва “Агроинвестбонк”-ро варшикаста эълом нахоҳад кард

0
(Таҷдидшуда 13:52 20.09.2020)
Бонки Миллии Тоҷикистон бо нашри баёнияе эълом кард, ки “Тоҷиксодиротбонк” ва “Агроинвестбонк”-ро варшикаста эълом нахоҳад кард

ДУШАНБЕ, 20 сен — Sputnik.  Дар баёнияи Бонки Миллии Тоҷикистон таъкид шудааст, ки бо вуҷуди дархости муқаррари сандуқи байналмилалии пул барои варшикаста эълом кардани бонкҳои “Тоҷиксодиротбонк” ва “Агроинвестбонк” то замони тасвияи ҳисоби ин ду ниҳоди молявӣ бо муштарён аз ин иқдом  худдорӣ хоҳад кард, иттилоъ додааст радиои тоҷикии Садои  Хуросон дар истинод ба сомонаи Топ Ти Ҷи.

Бояд гуфт, ки чанде пеш сандуқи байналмилалии пул дар тозатарин арзёбии хеш аз авзоъи иқтисодии Тоҷикистон, бори дигар лағви муҷаввизи ду бонки бузурги Тоҷикистонро хостор шуд.

Мақомоти Бонки Миллии Тоҷикистони гуфтаанд, ки дар ҳоли ҳозир  бадеҳии Бонки “Агроинвестбонк” ба муштарён 750 миллион сомонӣ аст ва амволу сохтмонҳои идории ин ниҳод ва “Тоҷиксодиротбонк” низ ба фурӯш гузошта шудааст.

Дар ҳамин ҳол, Илҳом  Шарифӣ иқтисоддони тоҷик таъкид доштааст, ки варшикаста эълом кардани ин ду бонк ба нафъи ҳукумати Тоҷикистон нест, зеро бахше аз саҳҳоми молии ин ду бонки буҳронзада давлатӣ асту бар асоси муқаррароти ҳукумати Тоҷикистон дар пайи эъломи варшикастагии ин ду ниҳоди молӣ маҷбур аст, ки бадеҳии муштарёнро тасвия кунад, аммо чунин маблағро дар ихтиёр надорад.

0
Барчаспҳо:
Бонки миллӣ, Агроинвестбонк, Тоҷиксодиротбонк, бонк, Тоҷикистон