Президент Узбекистана Шавкат Мирзиёев и президент Таджикистана Эмомали Рахмон

Эмомалӣ Раҳмон мардуми Ӯзбекистонро бо истиқлоли давлатӣ муборакбод гуфт

146
(Таҷдидшуда 11:08 01.09.2020)
Президенти Тоҷикистон Эмомалӣ Раҳмон мардуми кишвари ҳамсояи Ӯзбекистонро бо Рӯзи истиқлоли давлатӣ шодбош гуфт

ДУШАНБЕ, 1 сен — Sputnik. Эмомалӣ Раҳмон ба муносибати Рӯзи истиқлоли давлатии Ӯзбекистон, ки 1 сентябр таҷлил мешавад ба унвони кишвардор Шавкат Мирзиёев барқияи шодбошӣ ирсол кардааст, хабар медиҳад котиботи раисиҷумҳури Ӯзбекистон.

Раҳмон ба Мирзиёев саломатии бардавом, хушбахтӣ ва комёбӣ таманно карда ба мардуми Ӯзбекистон сулҳу субот орзу намудааст.

"Дар тӯли солҳои истиқлолият Ӯзбекистон роҳи тӯлонии давлатдориро тай намуда, дар рушди соҳаҳои иҷтимоию иқтисодӣ, таъмини некӯаҳволии мардум ва мустаҳкам намудани нуфузи байналмилалии худ ба муваффақиятҳои назаррас ноил гардид", - омадааст дар нома.

Президенти Тоҷикистон дар идомаи номаи худ аз дигаргуниҳо дар сиёсати дохилӣ ва хориҷии Ӯзбекистон гуфтааст.

"Тақвият ва тавсеаи пайвастаи муносиботи Тоҷикистону Ӯзбекистон, дӯстӣ ва ҳамкории гуногунҷанба ҳамеша муҳимтарин ҷузъи сиёсати хориҷии Тоҷикистон буд ва мебошад.

Боиси хушнудист, ки солҳои охир бо саъйи муштараки ҷонибҳо ҳамкории пурсамари байнидавлатии Тоҷикистон ва Ӯзбекистон дар тамоми соҳаҳо бемайлон рушд карда истодааст.

Боварӣ дорам, ки дар асоси анъанаҳои чандинасраи дӯстӣ, ҳамсоягии нек, эҳтиром ва эътимоди тарафайн минбаъд низ шарикии стратегии ду кишварро ба нафъи халқҳои бародарамон ба манфиати таъмини сулҳ, субот ва рушди минбаъдаи ҳамкориҳои созанда дар минтақаи худ таҳким хоҳем дод", - гуфтааст Эмомалӣ Раҳмон.

146
Барчаспҳо:
табрикот, истиқлол, Шавкат Мирзиёев, Эмомалӣ Раҳмон, Тоҷикистон, Ӯзбекистон
Мулоқоти Рустами Эмомалӣ, раиси Маҷлиси миллӣ бо Улуғбек Иноятов, муовини раиси Палатаи қонунгузории Олий Маҷлиси Ӯзбекистон

Рустами Эмомалӣ ва Иноятов дурнамои муносиботи Тоҷикистону Ӯзбекистонро баррасӣ карданд

260
(Таҷдидшуда 16:57 21.09.2020)
Рустами Эмомалӣ, раиси Маҷлиси миллии Тоҷикистон, дар мулоқот бо ҳайати Ӯзбекистон таҳти раёсати Улуғбек Иноятов, муовини раиси Палатаи қонунгузории Олий Маҷлиси ин кишвар густариши ҳамкориҳоро баррасӣ кард

ДУШАНБЕ, 21 сен — Sputnik. Тибқи иттилои котиботи Маҷлиси миллӣ, дар мулоқот масъалаҳои марбут ба ҳолати кунунӣ ва дурнамои муносибатҳои ҳамкорӣ миёни ҷумҳуриҳои Тоҷикистону Ӯзбекистон мавриди баррасӣ қарор дода шуд.

Зикр шудааст, ки солҳои охир равобити миёни ҷумҳуриҳои Тоҷикистону Ӯзбекистон ба шарофати иродаи сиёсии роҳбарони ду кишвар - Эмомалӣ Раҳмон ва Шавкат Мирзиёев торафт густаришу таҳким ёфта, уфуқҳои нав ба навро касб менамояд.

Манбаъ афзуд, ки иштирокчиёни вохӯрӣ ба масъалаи рушду инкишофи ҳамкориҳо, дар аксар соҳаҳои мавриди назар, бахусус парламентаризм диққати хос зоҳир намуданд.

“Дар мулоқот таъкид гардид, ки самтҳои афзалиятноки ҳамкориҳо дар бахши парламентаризм бениҳоят фарох буда, аз ҷумла соҳаҳои сиёсӣ, иқтисодӣ, иҷтимоӣ, гуманитарӣ ва ғайраҳоро фаро мегирад”, - омадааст дар иттилоия.

Таъкид шудааст, ки бояд дар мадди аввал механизми фаъолияти амалии гурӯҳҳои дӯстӣ ва ҳамкории байнипарламентӣ роҳандозӣ гардад. Котиботи Маҷлиси миллӣ афзуд, иштирокдорони мулоқот изҳор доштанд, ки ҷиҳати бо мазмуни нав пурра сохтани ҳамкориҳои байнипарламентӣ, ки талаботи замони муосир мебошад, тамоми имконият ва захираҳои мавҷударо сафарбар хоҳанд кард.

260
Барчаспҳо:
Ӯзбекистон, Эмомалӣ Раҳмон, Тоҷикистон
премьер-министр Узбекистана Абдулла Арипов

Санаи сафари сарвазири Ӯзбекистон ба Тоҷикистон маълум шуд

341
(Таҷдидшуда 21:34 19.09.2020)
Палатаи савдо ва саноати Тоҷикистон мегӯяд, сафари Абдулло Арипов, сарвазири Ӯзбекистон ба Душанбе ба рӯзҳои 28-30 сентябр рост меояд

ДУШАНБЕ, 19 сен — Sputnik.  Омодагӣ ба сафари Абдулло Арипов дар Палатаи савдо ва саноати Тоҷикистон баррасӣ шуд. Дар доираи ин сафар анҷумани соҳибкорони Тоҷикистону Ӯзбекистон рӯзҳои 28-30 сентябр ба нақша гирифта шудааст.

Инчунин зимни ин сафар ҷаласаи навбатии Комиссияи байниҳукуматии Тоҷикистон ва Ӯзбекистон баргузор мегардад

Дафтари матбуоти вазорати иқтисод ва савдои Тоҷикистон, мегӯяд, ҳоло омодагиҳо ба ҷаласаи навбатии Комиссияи байниҳукуматии Тоҷикистон ва Ӯзбекистон давом доранд.

Тибқи иттилои манбаъ, ин нукта зимни вохӯрии  Вазири рушди иқтисод ва савдои Тоҷикистон Завқӣ Завқизода ва муовини якуми Вазири сармоягузорӣ ва савдои хориҷии Ӯзбекистон Лазиз Қудратов, муовини Вазири иқтисод ва паст кардани сатҳи камбизоатии Ӯзбекистон Акмалхон Ортиқов, ки 18 сентябр дар шаҳри Душанбе баргузор гардид, мавриди баррасӣ қарор гирифт.

Ҳамзамон манбаъ таъкид доштааст, ки зимни вохӯрӣ ҷонибҳо инчунин вазъ ва дурнамои ҳамкории дуҷонибаро дар соҳаи тиҷоратию иқтисодӣ, аз ҷумла зиёд намудани нишондиҳандаҳои ҳаҷми гардиши савдои дуҷониба, таъсиси корхонаҳои муштарак дар минтақаҳои озоди иқтисодии Тоҷикистон баррасӣ намуданд.

341
Барчаспҳо:
ҷаласа, ҳамкорӣ, Ӯзбекистон, Тоҷикистон
Детская игрушка возле дороги

Ҳодисаҳои мудҳиши нақлиётӣ: ноболиғ духтари амакрову бобо набераро пахш кард

0
(Таҷдидшуда 11:21 23.09.2020)
Вазорати умури дохилии Тоҷикистон аз рухдоди як садамаи мудҳиши нақлиёти хабар медиҳад, ки дар пайи беэҳтиётии ноболиғ сар задааст

ДУШАНБЕ, 23 сен - Sputnik. Ба иттилои манбаъ, ҳодиса санаи 21-уми сентябри соли ҷорӣ, тахминан соатҳои 17:10-дақиқа сар задааст.

Ба иттилои манбаъ, ноболиғ Ш.И., соли таваллудаш 2007, сокини ҷамоати деҳоти К.Исмоилов, бе ҳуҷҷати ронандагӣ автомашинаи тамғаи “Тайота-Фледер”-ро, ки ба амакаш Шамсов Алишер Қурбоналиевич тааллуқ дорад, гирифта, ҳангоми ҳаракат кардан дар деҳаи мазкур аз уҳдаи идора намудани автомашина набаромада, духтари амакаш, хурдсол Шамсова Оишамо Далеровна, соли таваллудаш 2018-ро пахш намудааст.

Манбаъ мегӯяд, дар натиҷа, хурдсол Шамсова Оишамо Далеровна ҷароҳатҳои вазнини ҷисмонӣ бардошта, ҳангоми ба беморхона дастрас намудан дар роҳ ба ҳалокат расидааст.

ВУД мегӯяд, ҳамзамон санаи  22-юми сентябр, тахминан соатҳои 22:00-дақиқа, ронандаи автомашинаи тамғаи "Старекс", Қушоқов Хушбахт Холмирзоевич, соли таваллудаш 1968, сокини ҷамоати деҳоти Ҷавкандаки шаҳри Истаравшан, аз уҳдаи идора намудани автомашина набаромада, дар назди манзили истиқоматиаш набераи ноболиғаш, Қушоқов Амир Давлатназарович, соли таваллудаш 2015-ро пахш намудааст.

Ҳалокати як ноболиғ ва ду ҷавон дар ду садамаи маргбор

Гуфта мешавад дар натиҷа, ноболиғ Қушоқов А.Д. ҷароҳатҳои вазнини ҷисмонӣ бардошта, дар беморхона ба ҳалокат расидааст.
Аз рӯи ин ҳодисаҳо таҳқиқот идома дорад.

0
Барчаспҳо:
фавт, ноболиғ, садамаи маргбор, Тоҷикистон