Президент США Дональд Трамп

Нақшаи маккоронаи Кремл: нобуд кардани Амрико барои наҷоти Трамп

347
(Таҷдидшуда 13:50 04.09.2020)
Дар паси нооромиҳо дар ИМА Доналд Трамп ва... Русия истодаанд. Бале, ба зудӣ ин хел мешавад — баъди пай дар ҳам задани тамоми усулҳои мубориза бо президенти ИМА, барои ба интихобот роҳ надодан, "ботлоқи Вашингтон" ба ибтидо баргашт: русҳо дар ҳама кор гунаҳгоранд.

ДУШАНБЕ, 4 сен — Sputnik, Петр Акопов. Онҳо ба Доналд Трамп соли 2016 кумак карданд, ва ҳоло ҳам ёрӣ мерасонанд, акнун онҳо ба барангехтани тарс ва душманӣ на дар шабакаҳои иҷтимоӣ, балки дар кӯчаҳои шаҳрҳои Амрико такя кардаанд.

Тааҷҷубовар нест: ғорат — умуман калимаи руси аст! Аммо чӣ шуд, ки пештар расонаҳои амрикоӣ ҳамаро итминон медоданд, ки тазоҳурот асосан сулҳдӯстона ва қоидавӣ мебошанд, яъне зидди нажодпарастӣ ва худсарии полис, ки Доналд Трамп таҷассум мекунад, равона шудаанд. Ва ғазаби мардум ба сафарбар кардани интихобкунандагоне, ки моҳи ноябрро интизоранд, то ба Байден овоз диҳанд ва бадрафторро, ки русҳо ба сари қудрат овардаанд аз Кохи Сафед дур кунанд, кумаки калон мерасонад.

Ва акнун чӣ мешавад — эътирозҳои қоидавиро русҳои беқоида бармеангезанд?

Гарчанде худи Ҷо Байден инро то ҳол эълон накардааст, демократҳои маъруф аз Конгресс аллакай мегӯянд. Масалан, Адам Шифф, раиси кумитаи иктишофи маҷлиси намояндагони ИМА — муфаттиши асосии "робитаҳои русӣ" - и Трамп ва яке аз ташаббускорони кӯшиши импичмент мебошад. Дар поён сухани ӯ ба расонаи CNN баён шудааст:

 "— Чор сол пеш, Дана, Русия Black Lives Matter-ро ("Ҳаёти сиёҳпӯстон муҳим аст") истисмор мекард, онҳо дар интернет саҳнаҳои фитнаангези худро, барои ҷудо кардани мардум аз рӯи нажод, нашр мекарданд. Ва мо бояд...

—   Ва ҳозир онҳо ин корро мекунанд?

—   Онҳо дубора ҳама чизеро, ки дар даст доранд, дар шабакаҳои иҷтимоӣ, дар расонаҳо мекунанд, то ин шикастро бузугтар кунанд."

Яъне, русҳо Амрикоро на танҳо дар расонаҳои худ тақсим мекунанд (чуноне ман алъон дар вебсайти РИА Новости), ҳам дар шабакаҳои иҷтимоии амрикоӣ "ва на танҳо" — яъне шояд дар кӯчаҳои шаҳрҳои Амрико? Ҳамаи ин сафсатаро ҳатман бояд тарафдори асосии Трамп дар расонаҳои Амрико (мисли "зоғи сафед" дар ҳаракати зидди Трамп) барандаи телевизионии Fox News Такер Карлсон шарҳ диҳад:

"Шумо аз ҷониби агентҳои кишвари душманӣ, ки дар байни чизҳои дигар, пинҳони шабакаи иҷтимоии Facebook-ро назорат мекунад, бо ахбори носаҳеҳ сер карда шудаед! Ин дуруст аст, хонумон ва ҷанобон, Русия бетартибиҳои хаёлиро ташкил кард ва Ҷо Байденро айбдор баровард! Ин ба парвоз ба Моҳтоб монандӣ дорад, вале боз ҳам маккоронатар. <...>  "Ин саҳнабозии русӣ аст!" Ҷиддӣ? Ман мехоҳам фикр кунам, ки дар охири тобистони соли 2020 мардум ба ин механданд. Ин ба таври худ шавқовар аст. Аз тарафи дигар, якум бор шумораи зиёди демократҳои маъруф дар Twitter ба ин бовар карданд, ва ин бор ҳам — кӣ медонад? — онҳо метавонанд дафъаи дигар ҳам бовар кунанд.

Мо бояд Адам Шиффро қадр кунем: ӯ, аққалан, мувофиқ аст. Аммо рӯшан аст, ки ӯ комилан беақл аст ва ба табобат ниёз дорад. Аҳволи ин шахс бад аст. Аммо ӯ — танҳо як нафар дар ҳизби калон аст. Дар бораи дигар роҳбарони Ҳизби демократӣ чӣ гуфта мешавад? Онҳо беақл нестанд, не. Онҳо дӯрӯғгӯй ҳастанд".

Шумо ҳеҷ касро бо фиребгарии роҳбарони демократҳо ба ҳайрат намеоред, аммо ҳозир онҳо мавқеи худро тез-тез тағйир мекунанд. Онҳо ҳоло вокеъ шудани ғоратҳоро рад карданд ва акнун маҷбуранд, бо вуҷуди қайду шарт, бертартибиҳо ва зӯровариҳоро эътироф кунанд.

Трамп ин ҳодисаҳоро терроризми дохилӣ меномад ва демократҳо ба Русия ишора мекунанд. Маълум аст: одамони хуб барои нишони эътироз баромаданд, аммо ғоратгарони бад, ки фидои "таблиғоти Русия" ҳастанд, бо онҳо омехта шудаанд. Ва ҳамаи ин, маълум мешавад, ки на барои шикасти Трамп, балки барои ғалабаи ӯ кор мекунад. Ана ҳамин нақшаи маккоронаи Путин аст.

Девонагӣ? Не, танҳо ноумедӣ. Гап дар он аст, ки дар аввали баҳори соли ҷорӣ мафҳум буд (бар акси ҳамаи пурсишҳои афкори ҷамъиятӣ), ки Трамп ба азнавинтихобкунӣ ҳаракат карда истодааст, на кӯшиши импичмент, на барангехтани нафрат ба ӯ (коре, ки қариб ҳама расонаҳои ахбории ИМА ҳама солҳои президент буданаш мекарданд) ягон натиҷа надоданд (ба истиснои он, ки баръакси натиҷаи интизорӣ шуд). Аммо дере нагузашта ба ИМА коронавирус расид, бӯҳрони иқтисодӣ, ва нооромиҳои "нажодӣ" оғоз ёфт — демократҳо тасмим гирифтанд, ки акнун онҳо аниқ метавонанд Трампро ғарқ кунанд.

Аммо, на мушкилоти иқтисодӣ, на ошӯбҳо ба президент зарба назаданд — баръакс, чи қадар ғоратҳо давом медиҳанд, ҳамин қадар Трамп баҳо мегирад. Ӯ такрор мекунад, ки ба Амрико  "Қонун ва низом" даркор аст, ва бештар амрикоиҳо бо ин розӣ ҳастанд. Демократҳо (хусусан дар иёлотҳо ва шаҳрҳое, ки онҳо идора медоранд, қисми зиёди нооромиҳо ба амал меоянд) бояд кайҳо дар қаламрави худ тартиб кунанд, барои бас кардани кор барои рейтинги Трамп, аммо мусобиқаи интихоботӣ ба онҳо ин корро иҷозат намедиҳад.

Трамп якбора мегӯяд: ана, бубинед, ман дар бораи зарурати хотима додан ба ошӯбҳо ҳарф мезадам, онҳо билохира ба ман гӯш карданд. Яъне, демократҳо як вазъияти бад доранд: ҳар чизе, ки онҳо баъд мекунанд — эътирозҳоро дасгирӣ мекунанд ё табиати хушунатомезии онҳоро эътироф мекунанд ва ба ором кардани онҳо шурӯъ мекунанд, — вазъи онҳо фақат бадтар мешавад.

Эҳтимол, тактикаи эътироф кардани боэҳтиёти ғоратҳо интихоб карда шуд, аммо дар айни замон қарор шудааст, ки Трамп ва Русия барои онҳо гунаҳгоранд. Ду дар як — гарчанде, ки дар воқеияти демократҳо ин як чиз ҳаст: "Трампи русӣ".

"Мо гузоришҳоеро дидем, ки қувваҳои русӣ ба сарбозони амрикоӣ дар Сурия ҳамла карданд, онҳоро маҷрӯҳ карданд. Оё шумо ҳадди ақалл як сухан аз Трамп шунидед? Оё ангушташро бардошт? Ҳеҷ гоҳ ягон президенти ИМА дар муносибат бо роҳбарони Русия чунин нақши фармонбардориро иҷро накардааст. Ин на танҳо хатарнок, балки таҳкиромез аст", — мегӯяд Ҷо Байден, ҳамчун намунаи вобастагии Трамп аз русҳо, қиссаи комилан дурӯғро, дар бораи "русҳое, ки ба толибон барои куштани сарбозони амрикоӣ пул супоридаанд", ёдоварӣ мекунад.

Ва ин изҳороти охирин аз штаби Байден:

"Президент Трамп умедвор аст, ки Владимир Путин бори дигар номзадии ӯро дастгирӣ мекунад ва дар пинҳон кардани хатогиҳои даҳшатангез, ки содир кардааст, кумак мекунад, то ӯ дар сари давлати мо қарор гирад ва онро ба сӯи мушкилоти зиёде, ки рӯ ба рӯ мешаванд, расонад. Ва ӯ намехоҳад, ки мардуми Амрико донад дар бораи он, ки Владимир Путин барои кумак ба дубора интихоб шуданаш ба Трамп чӣ гуна иқдомот мекунад ё чаро дахолати Путин барои он ин қадар муҳим аст, чун ки сиёсати хориҷии Доналд Трамп — тӯҳфа барои Кремл мебошад".

Ин изҳороти пастзанандаи амрикоиҳо аксуламал ба қарори охирини раиси Иктишофи миллии ИМА Ҷон Рэтклифф дар бораи бас кардани брифингҳои шифоҳӣ ба аъзоҳои Кумитаи иктишофии маҷлиси намояндагон, оид ба масъалаҳои амният дар интихоботи ояндаи президентӣ мебошад. Акнун ба онҳо танҳо хаттӣ маълумот дода мешавад.

Пинҳон кардани кумаки Путин ба Трамп, — ба қавли Байден? Мутаассифона, ба гуфтаи Рэтклифф, сабаб хеле содда мебошад: ифшои маълумоти махфӣ ва ифшогариҳо, ки табиати онро таҳриф мекунанд:

"Чанд дақиқа баъд аз анҷоми чунин брифинг, як қатор аъзоҳои Конгресс ба назди намояндагони расонаҳои ахбори гуногун баромада, маълумоти махфиро ба онҳо фош карданд. <...> Барои тасаввуроти дурӯғ эҷод кардан, ки Русия нисбат ба Чин ба амнияти миллӣ таҳдиди бештар дорад. <...> Ман намехоҳам Русияро паст занам. Ӯ ба амнияти миллии мо таҳдиди ҷиддӣ дорад, аммо таҳдидҳо аз тарафи Чин ҷиддитаранд. Онҳое, ки дигар чиз мегӯянд, танҳо ба мақсадҳои худ иктишофро сиёсӣ мекунанд".

Дар бораи чӣ Рэтклифф гуфт? Дар бораи, ки демократҳо, мисли Адам Шифф, танҳо иттилоот дар бораи Русияро фош мекунанд ва ба иттилоот дар бораи Чин аҳамият намедиҳанд. Муҳим аст, ки шумо чӣ қадар ба маълумоти хадамоти иктишофии Амрико дар бораи дахолати хоричӣ ба интихоботи президентӣ бовар мекунед (бори дигар, хакерҳо ва саҳифаҳои шабакаҳои иҷтимоие, ки афкори мардумро ташаккул мекунанд?), ҷолибтар аст, ки ҳатто хадамоти махсус дар бораи кӯшиши конгрессменҳо барои таблиғи маълумоти онҳо барои мубориза бо Трамп ошкоро сӯҳбат мекунанд.

Аз тарафи дигар, албатта, ин пешрафти калон аст: соли 2016 худи ҳукумати Обама хадамоти махсусро маҷбур кард, ки "далелҳо" дар бораи "робитаҳои русӣ" - и номзад ба президенти ИМА Трамп сохтан, назорат кардан, ва акнун "давлати чуқур" бояд амалиёти ҷангиро танҳо бо кумаки Конгресс ва расонаҳои ахбор гузаронад. Аммо ин тағйирот ба дараҷаи эҷодиёт кам таъсир кард — бори дигар Путин дар ҳама чиз айбдор аст.

Доимо бармеангезад: ё дар моҳи март дар шаҳри Портленд вай ба полис Дерек Шовин (ки Ҷорҷ Блейкро кушт, баъди ин амалиёти Black Lives Matter сар шуд) ҷой мегирад, ё дар моҳи август дар Кеноша — ба Кайл Риттенхауси 17 сола, ки ду "муборизи зидди нажодпарастӣ ва худсарии полис" ҳамлакунандаро паррондааст, ё ба Портленд бармегардад, ки ҳамчун муборизи зидди фашизм Майкл Рейнол тарафдори Трамп - Аарон Даниэлсонро кушад. Ва бо ҳам ӯ якбора ба тамоми ҳайати кумитаи назди шаҳрдори Вашингтон ҷойгир шуда, пешниҳод мекунад, ки ҳайкалҳои Вашингтону Ҷефферсонро бардоранд (ё ақаллан дигаргун кунанд).

Тасаввур кардан душвор аст, ки ин фитнаангезони русӣ дар ин ду моҳи пеш аз интихобот бар чиз қодиранд: коре нест, ки онҳо ба хотири кумак ба Трамп анҷом надиҳанд.

Кӣ медонад, шояд сӯйқасд ба Трамп ташкил мекунанд, ва баъдтар демократҳо ва Байденро дар ин кор айбдор кунанд. Ё онҳо Байденро мекушанд — то бешубҳа, номзади худ, Трампро дар Кохи Сафед шинонанд. Аммо онҳо муваффақ намешаванд: ҳама медонанд, ки русҳо бо "Новичок" - и даҳшатнок заҳр медиҳанд, ки ӯ намекушад, балки изи Кремлро мемонад. Ҳамин тавр аниқ, мисли "изи русӣ" дар интихоботи амрикоӣ.

347
Барчаспҳо:
президент, интихобот, Доналд Трамп, Владимир Путин, Владимир Путин, Русия, ИМА

Лукашенко ба иттиҳомот дар барои инаугуратсияи пинҳонӣ посух гуфт

205
(Таҷдидшуда 17:21 24.09.2020)
Инаугуратсия субҳи чоршанбе баргузор шуд, вале аз ин маросим хабар надода буданд. Лукашенко имрӯз вокуниши бархе аз кишварҳоро дар ин робита шарҳ дод

ДУШАНБЕ, 24 сен — Sputnik. Президенти Белорус Александр Лукашенко ба иттҳиомот дар бораи инаугуратсияи пинҳонӣ посух гуфт, хабар медиҳад Sputnik Белорус.

Дар вохӯрӣ бо сафири Чин Тсуй Тсимином ӯ изҳор дошт, ки "кишвар вазифадор нест касеро аз баргузории инаугуратсия огаҳ кунад".

Инаугуратсия субҳи чоршанбе баргузор шуд. Ожонсии давлатии БелТА бидуни анонс хабар дод, ки Лукашенко ба президентӣ шурӯъ кард ва маросими савгандёдкунӣ дар Қасри истиқлол баргузор шуд.

Вазорати адлия гуфт дар баргузории маросим ягон қонунвайронкунӣ рух надодааст ва ҳамааш мутобиқи қавонин иҷро шудааст.

Ба гуфти Лукашенко бархе аз давлатҳо нисбати Белорус мавқеъи ғайри созандаро пеша кардаанд.

"Аҷибаш ин ки ҳамсояҳо. Ҳамсояҳо атои Худоянд, онҳоро интихоб намекунанд ва мо тақдиран бояд бо дӯстӣ ба сар барем. Вале, на ҳамеша чунин мешавад. Шумо медонед, давлатҳои ҳамсоя бахусус Полша чӣ мавқеъгирӣ кардааст", - гуфт президент ба сафири чинӣ.

Ӯ ҳадз зад, ки ҳамсояҳо муттаҳид шудаанд, ки ҳукумати Белорус "ба лаҳистониҳо, литвагиҳо, украиниҳо ва боз ба ким -киҳо" аз баргузории инаугуратсия хабар надод. Дар баробари ин раҳбари кишвар қайд кард, ки тибқи қонун, ҳукумати Минск вазифадор нест намояндгони дигар кишварҳоро аз савгандёдкунӣ хабар кунад.

"Ин кори дохилии кишвари мо аст. Нақд танҳо як аст: пинҳонӣ буд... Медонед, ба маросими савгандёдкунӣ наздики 2 ҳзаор нафар аз ҷумла низомиён даъват шуда буданд. Дар пинҳонӣ нигоҳ доштани ин номумкин аст", - изҳор дошт Лукашенко.

Интихоботи президентӣ дар Белорус 9 август доир шуд. Бино ба гузориши КМИ дар ин раъйдиҳӣ 5,8 миллион нафар ширкат кард.

Бар асоси эълони натоиҷи  интихоботӣ Александр Лукашенко, президенти кунунии ин кишвар бо ба даст овардани 80,23% овозҳо дар интихобот пирӯз шуд.

Бетартибиҳо дар ин кишвар пас аз эъломи намтоиҷи интихобот оғоз шуд, ки то кунун идома дорад.

205
Барчаспҳо:
инаугуратсия, маросими савгандёдкунӣ, савгандёдкунӣ, Белорус, Александр Лукашенко
Президент Таджикистана Эмомали Рахмон на красной дорожке

Номзад ба президентӣ Эмомалӣ Раҳмон: шарҳи ҳол ва барномаи пешазинтихоботӣ

499
(Таҷдидшуда 20:09 24.09.2020)
Кишвардори кунунии Тоҷикистон Эмомалӣ Раҳмон боз барои курсии президентӣ дар интихоботи рӯзи 11 октябр, қувва меозмояд

26 сол мешавад, ки Эмомалӣ Раҳмон Тоҷикистонро раҳбарӣ мекунад. Раисиҷумҳури кунунӣ қарор кард бори панҷум дар фаъолияти сиёсиаш, дар интихоботи президентӣ ширкат кунад.

Шарҳи ҳоли Эмомалӣ Раҳмон 

Ҷаноби Раҳмон, ки аз соли 1992 ба ин сӯ, зимоми қудрат дар Тоҷикистонро дар даст дорад, 5 октябри соли 1952 дар ноҳияи Данғараи вилояти собиқи Кӯлоб (алъон вилояти Хатлон) дар оилаи деҳқон ба дунё омадааст.

Ӯ фаъолияти кории худро соли 1969, баъд аз хатми Омӯзишгоҳи касбию техникии № 40-и шаҳри Калининобод (ҳоло Сарбанд), ба ҳайси устои барқ дар Корхонаи равғанкашии шаҳри Қӯрғонтеппа оғоз кардааст.

Инаугуратсияи Эмомалӣ Раҳмон дар соли 2013
© Официальная страница пресс-службы президента РТ в Facebook.

Солҳои 1971-1974 дар Флоти уқёнуси Ором адои хидмат карда, пас аз хидмати ҳарбӣ ба зодгоҳи худ бар мегардад ва дар совхози ба номи Ленини ноҳияи Данғара корро шуруъ мекунад.

Ба иттилоъи Хадамоти матбуотии президент, оқои Раҳмон соли 1982 факултети иқтисоди Донишгоҳи миллии Тоҷикистонро хатм карда, солҳои 1976-1987 дар вазифаҳои котиби раёсат ва раиси Кумитаи иттифоқҳои касабаи совхози ба номи Ленини ноҳияи Данғара кор кардааст.

Аз соли 1987 то соли 1992 директори совхози ба номи Ленини ноҳияи Данғара буд.

Оиладор ва падари нӯҳ фарзанд — ду писар ва ҳафт духтар мебошад.

Фаъолияти сиёсии Эмомалӣ Раҳмон

Соли 1990 Эмомалӣ Раҳмон вакили мардумӣ дар Шӯрои Олии Тоҷикистон даъвати ХII интихоб шуда, тирамоҳи соли 1992 раиси Кумитаи иҷроияи Шӯрои намояндагони халқи вилояти Кӯлоб баргузида мешавад.

19 ноябри соли 1992 дар иҷлосияи XVI Шӯрои Олии Тоҷикистон Эмомалӣ Раҳмон раиси ин шӯро интихоб гардида, 6 ноябри соли 1994 дар интихоботи президентии кишвар иштирок ва барандаи он эълон мешавад.

Инчунин ӯ барандаи интихоботи президентии 1999-и Тоҷикистон эълон шуда, бори дигар ба муҳлати 7 сол ба курсии раҳбарии Тоҷикистон такя мезанад.

Ҳамин тариқ дар интихоботҳои президентии солҳои  2006 ва 2013 ҳам ин курсиро ҳифз кард.

Дар пайи имзои Созишномаи сулҳ моҳи декабри соли 1999 ба ӯ ба хотири хидматҳояш дар рванди барқарории сулҳу субот дар кишвар унвони Қаҳрамони Тоҷикистон дода мешавад.

Мувофиқи Қонуни конститутсионии Ҷумҳурии Тоҷикистон "Дар бораи Асосгузори сулҳу ваҳдати миллӣ – Пешвои миллат ба тасвиб расидааст, Президенти Ҷумҳурии Тоҷикистон Эмомалӣ Раҳмон ба сифати Асосгузори сулҳу ваҳдати миллӣ – Пешвои миллат эътироф карда шудааст.

Барномаи пешазинтихоботии Эмомалӣ Раҳмон

Шиор: Барои рушди устувори иқтисодӣ ва зиндагии шоистаи мардум.

Се вазифаи асосӣ:

1. Таъмин намудани рушди устувор бо роҳи баланд бардоштани гуногунсамтӣ ва рақобатнокии иқтисоди миллӣ;

2. Афзоиш додани ҳиссаи табақаи миёнаи аҳолии мамлакат;

3. Расидан ба сатҳи рушди иҷтимоиву иқтисодии кишварҳои даромадашон миёна.

Мувофиқи нақшаҳои пешбинишуда ҳаҷми маҷмӯи маҳсулоти дохилии кишвар ва таносуби он ба ҳар сари аҳолӣ дар 7 соли оянда 2 баробар афзоиш меёбад.

Ҳиссаи табақаи миёнаи аҳолӣ то 45 фоиз афзуда, сатҳи камбизоатӣ то 18 фоиз коҳиш дода мешавад.

Дар назар аст:

сатҳи дастрасии аҳолии кишвар ба маҳсулоти озуқа, бахусус, ғизои хушсифати мутобиқ ба меъёрҳои тавсияшуда афзоиш дода шавад;

вобастагии иқтисоди кишвар аз воридот кам карда мешавад;

сифати хизматрасониҳо дар соҳаҳои маорифу тандурустӣ ва ҳифзи иҷтимоии аҳолӣ тадриҷан баланд бардошта, аз ҳисоби ҳамаи сарчашмаҳои маблағгузорӣ ба ин бахш бо дарназардошти нафақа ва суғуртаи иҷтимоӣ зиёда аз 123 миллиард сомонӣ равона шавад;

ҳамкории давлат бо бахши хусусӣ ва ҷомеаи шаҳрвандӣ густариш ёбад.

Нақшаҳо:

  • мунтазам зиёд намудани ҳаҷми даромадҳои пулии аҳолӣ ва музди меҳнати кормандон;
  • тавсеа бахшидан ба сиёсати «иқтисоди сабз», вусъатдиҳӣ ва дастгирии давлатии низоми соҳибкории экологӣ;
  • идома додани сохтмони НБО-и «Роғун», НБО-и «Себзор», хатти интиқоли барқи байналмилалии Осиёи Марказӣ-Осиёи Ҷанубӣ – «CASA — 1000», таҷдиди НБО-ҳои «Норак», «Қайроққум» ва «Сарбанд»;
  • идома додани сохтмон ва таҷдиди инфрасохтори нақлиётиву коммуникатсионӣ ва бунёди долонҳои транзитии нақлиётӣ, аз ҷумла дар роҳҳои автомобилгарди Душанбе-Бохтар, Бохтар-Данғара, Данғара-Гулистон, Кӯлоб-Муъминобод, Хуҷанд-Конибодом, Восеъ – Темурмалик -Кангурт, Гулистон-Кӯлоб, Кӯлоб-Шамсиддини Шоҳин, Балҷувон-Сари Хосор, Шкев-Қалъаихумб, Қалъаихумб-Ванҷ, қитъаи Обигарм-Нурободи шоҳроҳи Ваҳдат-Қарамиқ, Гулистон – Фархор – Панҷ — Дӯстӣ, Хуҷанд-Ашт ва дигар роҳҳои дохилӣ;
  • амалӣ намудани лоиҳаҳои бунёди шабакаи нуриву нахии байналмилалӣ, таъмин намудани дастрасӣ ба хизматрасониҳои телекоммуникатсионӣ;
  • густариш бахшидан ба раванди ташаккули низоми шаҳрҳои миёна ва хурд ҳамчун «марказҳои устувори рушд» дар деҳоти кишвар;
  • ташкил кардани инфрасохтори муосир дар деҳоти кишвар ҷиҳати таъмин намудани рушди устувори иҷтимоиву иқтисодӣ ва баланд бардоштани сатҳи некуаҳволии мардум;
  • таваҷҷуҳи авваландараҷа зоҳир намудан ба соҳаҳоиилмумаориф, идома бахшидани ислоҳот дар ин самт, даврабадавразиёд намудани маоши кормандон ва таҳкими пояҳои моддивутехникиионҳо, аз ҷумла таъминот бо технологияҳои иттилоотиву коммуникатсионӣ;
  • тақвият бахшидан ба фаъолнокии иқтисодии аҳолӣ, таъсис додани бозори меҳнати қобили рақобат ва ташкил кардани ҷойҳои нави корӣ;
  • тадриҷан зиёд намудани маблағгузории соҳаҳои тандурустӣ ва хизматрасонии иҷтимоӣ;
  • ҳифз кардани мероси фарҳанги миллӣ, васеъ тарғибу ташвиқ  намудани дастовардҳои даврони соҳибистиқлолии мамлакат;
  • тавсеа бахшидан ба фарҳанги сиёсии шаҳрвандон, таъмин намудани иштироки шаҳрвандон ва ниҳодҳои ҷомеаи шаҳрвандӣ дар идоракунии корҳои давлатӣ, эҳтироми Конститутсия ва садоқат ба давлат;
  • тавсеа додани фарҳанги сулҳ ва тақвият бахшидан ба ваҳдати миллӣ ҳамчун дастоварди нодири мардуми Тоҷикистон;
  • ҳифз намудани суботу оромии ҷомеа, таҳким бахшидан ба қонунияту тартиботи ҳуқуқӣ, яъне таъмин кардани волоияти қонун, ҳимоя кардани ҳуқуқу озодиҳои инсон ва шаҳрванд ва дар ин самт таҳия ва қабул намудани «Стратегияи рушди низоми ҳуқуқии кишвар барои давраи то соли 2030»;
  • таъмин кардани амнияти миллӣ барои ҳифзи суботу оромӣ, дастовардҳои истиқлол ва мустаҳкам намудани пояҳои давлатдории миллӣ;
  • таким бахшидани ҳифзи сарҳади давлатӣ, муҳайё сохтани шароити беҳтар барои сарҳадбонон ва риояи талаботи санадҳои меъёрии ҳуқуқии танзимкунандаи фаъолияти соҳа;
  • пурзӯр намудани мубориза бар зидди ҷинояткорӣ, хусусан, ҷиноятҳои муташаккили фаромиллӣ — терроризм, ифротгароӣ, муомилоти ғайриқонунии маводи мухаддир, силоҳ ва кибертерроризм, инчунин, ба роҳ мондани шаклу усулҳои муосири муқовимат ба дигар хатару таҳдидҳои нави ҷаҳонӣ;
  • тақвият бахшидани муқовимат бар зидди коррупсия ва андешидани чораҳои муассир барои аз байн бурдани сабабу омилҳои ба содиршавии он мусоидаткунанда, амалӣ намудани тадбирҳои иловагӣ ҷиҳати ба вуҷуд овардани рӯҳияи зиддикоррупсионӣ дар ҷомеа;
  • таҳким бахшидани ҳамкориҳои сиёсӣ,  иқтисодиву тиҷоратӣ ва сармоягузорӣ бо кишварҳои Осиёи Ҷанубӣ, Осиёи Ҷануби Шарқӣ,  Ховари Миёна, Амрико, Иттиҳоди Аврупо ва Африқо;
  • устувор намудани мақом ва нуфузи сиёсии Ҷумҳурии Тоҷикистон  дар арсаи  байналмилалӣ ва татбиқи ташаббусҳои глобалии кишвар дар ҳалли масъалаҳои марбут ба захираҳои об;
  • идома ва такмил додани сиёсати "дарҳои кушода";
  • ба таври шоиста муаррифӣ кардани Ҷумҳурии Тоҷикистон,  роҳандозӣ намудани дипломатияи фарҳангӣ ва инсонӣ бо  дарназардошти ҷанбаҳои мусбат ва манфии раванди ҷаҳонишавӣ;
  • ҳимоя намудани ҳуқуқу манфиатҳо, шаъну шараф ва эътибори шаҳрвандони Ҷумҳурии Тоҷикистон дар хориҷи кишвар.
499
Барчаспҳо:
ироъаи барномаи пешазинтихоботӣ, интихобот, сиёсат, Эмомалӣ Раҳмон, Тоҷикистон
Мусофирбар, акс аз бойгонӣ

“Ман подполковники милиса, мекушамат”: талаби ҷазо барои бетартибӣ дар мусофирбар-видео

0
Марде, ки худро подполковники милиса гуфта, дар дохили мусофирбари пуродам дар маҳаллаи Текстили шаҳри Душанбе марди дигарро мавриди таҳқиру таҳдид қарор дод, норозигии корбарони шабакаҳои иҷтимоиро ба вуҷуд овард

ДУШАНБЕ, 25 сен - Sputnik. Ин мард, бо иддаои он, ки гӯиё ӯро аз пушти сараш задаанд, гиребони марди дигареро гирифта, бо дашномҳои дағал таҳдид мекунад, ки мадаронад, мекушад.

“Ака даста бигир, илтимос, ман ягон гапи зиёдати гуфтам? Илтимос”, - зора мекунад мард аз подполковнике, ки бо қаҳр аз гиребонаш гирифта, таҳдиди дарондану куштан мекунад. Марди зӯргӯй иддао дорад, ки ӯро аз пушт задаанд, аммо ин қисмат дар навор сабт нашудааст.

Мусофирони дигар дар хитоб ба “подполковник” изҳор медоранд, ки “айбай ака, ин ҷо ҷои ҷамъиятиай”. Аммо марде, ки худро милиса мегӯяд, аз гиребони марди дигар гирифта, дашномдиҳии дағалонаро идома медиҳад. Навори мазкурро саҳифаи Парвиз.Тв нашр кардаст, ки боиси баҳсҳо дар шабакаҳои иҷтимоӣ шуд.

Ин рафтори марде, ки худро милиса гуфт, норозигии корбарони шабакаҳои иҷтимоиро ба вуҷуд оварда, бархе хостори муҷозоти ӯ барои чунин батартибӣ шудаанд.

0
Барчаспҳо:
мусофирбар, бетартибӣ, ҷазо, Тоҷикистон