Вазири корҳои хориҷии Тоҷикистон Сироҷиддин Муҳриддин ва Сарпарасти Вазорати умури хориҷаи Афғонистон Ҳаниф Атмар

Натиҷаи музокироти Тоҷикистону Афғонистон: баёнияи ВУХ аз натиҷаи мулоқоти ҳайатҳо

177
(Таҷдидшуда 01:57 18.09.2020)
Тоҷикистон ба густариши бештари ҳамкории мутақобилан судманд бо Афғонистон таваҷҷуҳи хосса зоҳир менамояд

ДУШАНБЕ, 18 сен — Sputnik. Дар Душанбе мулоқоти ҳайатҳои Тоҷикистон ва Афғонистон дар сатҳи вазирони корҳои хориҷии ду кишвар баргузор гардид.

Бино бар иттилои дафтари матбуоти вазорати умури хориҷаи Тоҷикистон, Ҳайатҳоро мутаносибан Вазири корҳои хориҷии Тоҷикистон Сироҷиддин Муҳриддин ва Сарпарасти Вазорати умури хориҷаи Афғонистон Ҳаниф Атмар роҳбарӣ карданд.

“Баррасии масъалаҳои муносибатҳои дуҷониба ва ҳамкории ду кишвар дар соҳаҳои гуногун, инчунин табодули афкор дар мавриди вазъи минтақа ва ҷаҳон меҳвари мулоқоти Душанберо ташкил доданд”, - таъкид доштааст ВУХ Тоҷикистон.

Тибқи иттилои манбаъ, роҳбарони ҳайатҳо аз сатҳи баланди робитаҳои сиёсӣ байни ду кишвар изҳори қаноатмандӣ карданд.

Ҳамзамон, дар мулоқот зикр шуд, ки муносибатҳои дӯстӣ, ҳамкорӣ ва шарокат байни ду кишвари ҳамҷавор ва ҳамзабон имкон медиҳад, ки Душанбе ва Кобул дар масъалаҳои мубрами байналмилалӣ ва минтақавӣ мавқеи яксон ё наздик дошта бошанд.

Қайд карда шудааст, ки ҷонибҳо изҳор карданд, ки муборизаи муштарак бо терроризм, ифротгароӣ ва қочоқи маводди мухаддир самти муҳимми ҳамкорӣ байни ду кишвар мебошад.

“Таъкид шуд, ки ҷиҳати рафъи паёмадҳои ҳамагирии Ковид-19 ҳамкорӣ ва ҳамёрӣ байни ду кишвар бояд афзояд”, - зикр кардааст ВУХ Тоҷикистон

Гуфта шудааст, ки Тоҷикистон кӯшишҳои Ҳукумати Афғонистонро дар таъмини амният ва сулҳу субот дар кишвар ҷонибдорӣ мекунад.

“Дар ин робита, ҷониби Тоҷикистон аз раванди музокироти сулҳи байниафғонӣ, ки 12 сентябри 2020 дар Давҳа оғоз гардид, истиқбол мекунад. Ҷониби Тоҷикистон умедвор аст, ки музокироти сулҳи байниафғонӣ заминаи муҳкамро барои барқарорсозии сулҳу оромӣ дар кишвари азияткашида гузорад”, таъкид доштааст вазорати хориҷаи Тоҷикистон.

Инчунин Тоҷикистон нақши калидии Афғонистонро дар таъмини амният дар тамоми минтақаи Осиёи Марказӣ хуб дарк намуда, аз ташаббусҳои созандаи ҷомеаи ҷаҳонӣ ҷиҳати таъмини сулҳу субот дар Афғонистон ва барқарорсозии иқтисодиву иҷтимоии он ҳамеша пуштибонӣ мекунад.

Тоҷикистон зарур медонем, ки барои нобуд сохтани пойгоҳҳои террористон, гурӯҳҳои муташаккили ҷинояткор ва қочоқчиёни маводди мухаддир иқдомҳои муштарак роҳандозӣ хоҳад шуд.

Вазорати хориҷа афзудааст, ки Тоҷикистон моил аст, ки заминаи ҳуқуқию қарордодии ҳамкории дуҷониба бо Афғонистонро таҳким ва вусъат бахшад.

“Ҳоло дар баррасии ҷонибҳо пешнависи чандин санади нави ҳамкорӣ дар соҳаҳои гуногун қарор доранд”, - зикр кардааст ВУХ.

Ҳамчунин манбаъ қайд кардааст, ки дар ҳамкории ду кишвар соҳаи энергетика аз самтҳои авлавиятнок ба шумор меравад.

“Тоҷикистон омода аст барои таъмин ва афзоиши интиқоли мунтазами нерӯи барқ ба Афғонистони ҳамсоя тадбирҳои лозимро андешад. Дар ин замина ҳамкории ду кишвар дар амалисозии муштарак ва ҳарчи зудтари пружаи минтақавии КАСА-1000 аҳаммияти фаровон дорад”, - афзуд манбаъ.

Мақомоти Тоҷикистон талош дорад, ки долонҳои нави нақлиётӣ байни ду кишвар сохта шаванд ва лоиҳаҳои мутақобилан судманди минтақавӣ амалӣ гарданд.

Дар робита ба ин, эҷоди долони транзитии KTAI (Қирғизистон, Тоҷикистон, Афғонистон ва Эрон)-ро ҳаматарафа ҷонибдорӣ карда, баҳри фаъолияти босамари он ҳамаи шароитҳои заруриро муҳайё менамояд. 

Дар чаҳорчӯби барномаи роҳи оҳани Тоҷикистон-Афғонистон-Туркманистон ВУХ Тоҷикистон зикр кардааст, ки тарҳи роҳи оҳани қитъаи Ҷалолиддини Румӣ - Панҷи Поён ва пули роҳи оҳан дар болои дарёи Панҷ то Қундуз мувофиқат гардидааст ва ба қарибӣ сохтмони он шурӯъ мешавад.

“ Он як ҷузъи роҳи оҳани байни Тоҷикистон, Афғонистон ва Эрон гардида, ба долони байналмилалии нақлиётии “Шимол-Ҷануб” пайваст мешавад”,- таъкид кардааст манбаъ.

Инчунин вазорати хориҷа илова кардааст, ки Тоҷикистон ва Афғонистон дар чаҳорчӯби созмонҳои байналмилалӣ ва минтақавӣ, аз қабили Созмони Милали Муттаҳид, Созмони ҳамкории Шанхай, Созмони ҳамкории исломӣ ва ғайра бомуваффақият ҳамкорӣ мекунанд.  

Манбаъ қайд кардааст, ки Тоҷикистон ва Афғонистон кишварҳои дорои пайвандҳои амиқи таърихӣ, фарҳангӣ, забонӣ, маънавӣ ва ҳунарӣ мебошанд. Тоҷикистон омода аст ёрии худро ба Афғонистон дар таҳия намудани кадрҳои миллӣ идома диҳад.

Ҳоло дар донишгоҳҳои Тоҷикистон садҳо донишҷӯи афғон дар асоси бурсияҳои ҳукумати Тоҷикистон дар риштаҳои гуногун таҳсил мекунанд.

ВУХ иттилоъ додааст, ки дар поёни мулоқот дар ҳузури роҳбарони ду ҳайат Ёддошти тафоҳум байни Кумитаи ҳифзи муҳити зисти Тоҷикистон ва Идораи миллии ҳифзи муҳити зисти Ҳукумати Афғонистон оид ба ҳамкорӣ дар соҳаи ҳифзи муҳити зист ба имзо расид.

177
Барчаспҳо:
натиҷа, музокирот, баёния, густариш, ҳамкорӣ, таваҷҷуҳ, Афғонистон, Тоҷикистон
Первые политические консультации между Таджикистаном и Оманом

Баргузории нахустин ройзаниҳои сиёсӣ миёни Тоҷикистону Умон

45
(Таҷдидшуда 19:39 20.01.2021)
Ҳайати дипломатҳои Тоҷикистон таҳти роҳбарии ноиби аввали вазири умури хориҷии кишвар, Хусрав Нозирӣ нахустин машваратҳои сиёсӣ бо Салтанати Умонро баргузор кард

ДУШАНБЕ, 20 янв — Sputnik. Тибқи иттилои Вазорати умури хориҷӣ, нахустин даври ройзаниҳои сиёсӣ байни вазоратҳои корҳои хориҷии Тоҷикистон ва Салтанати Умон дар шакли маҷозӣ баргузор шуд.

“Ҳайатҳои тарафҳоро муовини якуми вазири корҳои хориҷии Тоҷикистон Хусрав Нозирӣ ва Муовини вазири корҳои хориҷии Салтанати Умон Шайх Халифа бин Алӣ ал- Ҳорисӣ роҳбарӣ намуданд”, - омадааст дар иттилоия.

Манбаъ афзуд, дар ройзаниҳо масъалаҳои марбут ба ҳолати кунунӣ ва дурнамои таҳкими ҳамкориҳо байни Тоҷикистону Умонро баррасӣ намуданд. Аз ҷумла  дар соҳаҳои сиёсӣ, иқтисодӣ, тиҷоратӣ, сармоягузорӣ, энергетика, сайёҳӣ, кишоварзӣ, саноат, алоқаи ҳавоӣ, таҳкими пояи шартномавӣ ва ҳуқуқӣ, ҳамкории ду кишвар дар чаҳорчӯби созмонҳои байналмилаливу минтақавӣ ва дигар мавзӯъҳои мавриди эҳтимоми муштарак баррасӣ шуданд.

Афзоиши содироти ширинӣ ва шакалоти Эрон ба Тоҷикистон

Ҷонибҳо барқарорсозии тамосҳои сатҳи олӣ ва табодули боздидҳоро дар рушду нумӯи ҳамкориҳои дуҷониба муҳим арзёбӣ намуда, зимнан зарурати татбиқи Барномаи иҷроӣ байни Вазоратҳои корҳои хориҷии ду кишвар барои солҳои 2020-2022-ро, ки ҳангоми сафари расмии Вазири корҳои хориҷии Ҷумҳурии Тоҷикистон ба Масқат 19 декабри 2019 ба имзо расида буд, таъкид карданд.

45
Барчаспҳо:
Вазорати умури хориҷии Тоҷикистон, ҳамкорӣ, Тоҷикистон-Уммон
Cтроительство газопровода Северный поток (Nord Stream)

"Маҷрои шимол - 2" тақдири муносиботи Олмону ИМА-ро ҳал мекунад

113
(Таҷдидшуда 18:44 20.01.2021)
Ҷо Байден дар арафаи савгандёдкунияш аз шарики калидии ИМА, Олмон тӯҳфаи на он қадар гуворо гирифт. Он аз маҷмӯи мушкилоте иборат аст, ки маъмурияти нав бояд бо он гирифтор шавад

ДУШАНБЕ, 20 янв — Sputnik. Ирина Алкснис. Иёлоти Муттаҳида алайҳи кишти лулагузори Русия, “Фортуна”, ки бо бунёди “Маҷрои шимол-2” сарукор дорад, таҳримот ҷорӣ кард. Инчунин, бино ба гузоришҳои расонаҳои олмонӣ, сафорати Амрико дар Берлин ҳукумати Олмонро аз нақшаҳои ҷорӣ кардани маҳдудиятҳои нав огоҳ кардааст.

Мақомоти Олмон бо вокуниши оромонаи худ то ҷое таҳқиромез рафтор карданд. Онҳо изҳор доштанд, ки “бо таассуф инро ба назар мегиранд”, яъне ҳатто изҳори ташвиши расмӣ нашудааст.

Ин рӯйдод, идомаи мантиқии як ҳодисаи дигаре буд, ки чанд рӯз пеш рух дод. Николас Бернс, собиқ ноиби котиби давлатӣ ва мушовири сиёсати хориҷии Ҷо Байден дар интихобот, боздошти таҳримҳои ИМА дар мавриди лӯлаи газро  ба миён гузошт, то маъмурияти нав "имконият пайдо кунад, ки бо ҳукумати Олмон ва дигар кишварҳои ширкаткунанда суҳбатҳои муътамад дошта бошад".  Мусаллам аст, ки Бернс аҳ пеши худ амал накард, балки пешниҳоди Вашингтонро садо дод. Бо вуҷуди ин, олмониҳо онро сарфи назар карданд.

Роҳбари Кумитаи энержии Бундестаг, Клаус Эрнст муҳокимаи сиёсати энергетикии Олмонро бо ИМА "комилан номуносиб" номид. Вай таъкид кард, ки "сохтмони “Маҷрои шоимол – 2” кори сирф аврупоӣ аст, он тамоми иҷозатномаҳои заруриро дорад ва аз ин рӯ бояд ба зудӣ ба анҷом расад".

Сиёсати хориҷии Амрико дар даҳсолаҳои охир, ки дар замони президентии Доналд Трамп каме сарфи назар шуду демократҳо мехоҳанд онро эҳё кунанд, аксар вақт ҳамчун ҷаҳонигароист. Он ду ҷузъи калидӣ ва ба андозаи баробар муҳим - институтсионалӣ ва идеологиро дар бар мегирад. Дар бахши идеология маҷмӯи ғояҳои аз ҳама пешрафта - аз қабили “ЛГБТ” то зарурати даст кашидан аз истеъмоли гӯшт бо сабабҳои экологӣ мебошад. Ин таълимот торафт ифротитар мешаванд ва таъқиби онҳое, ки бо "таълимоти ягонаи ҳақиқӣ" ихтилоф доранд, торафт шадидтар мешавад.

Қисми институтсионалӣ инчунин ба омма маълум аст ва низоми ташкилотҳои байналмилалӣ, санадҳо ва расмиётро дар бар мегирад. Фикри маъмул вуҷуд дорад (ва ин беасос нест), ки ба ин васила Иёлоти Муттаҳида ҳукмронии худро дар тӯли солҳои зиёд мустаҳкам кард, то қоидаҳои мусоиди бозиро дар ҷаҳон таҳмил кунад ва роҳбарии глобалии худро ба таври доимӣ таъмин созад.

Аммо баъдан маълум шуд, ки чизе хато рафтааст, шумораи зиёди кишварҳо бозӣ ва ғолибиятро дар системае омӯхтанд, ки маълум аст барои онҳо беадолатона мебошад. Русия ва татбиқи бомуваффақияти қоидаҳои СУС ба манфиати худ, намунаи равшанест. Ин чизест, ки Доналд Трамп дар тӯли чаҳор сол такрор кард ва бидуни тардид давлатро аз паймонҳо ва созмонҳои сершумор берун кашид: дарвоқеъ, онҳо ба Амрико он қадар фоидаовар нестанд, ки пештар фикр мекарданд. Тахмин кардан душвор нест, ки чанд шарики имтиёзноки Иёлоти Муттаҳида, ки яке аз онҳо Олмон мебошад, имтиёзҳои махсус доранд - ва тавре ки аллакай маълум шуд, онҳо чӣ гуна истифода бурдани онҳоро хуб медонанд.

Ин аст, ки Берлин Трампро хуш надошт, чун нақшаи муқарраршудаи барқарорсозии тадриҷии соҳибихтиёрии Олмон ва истифодаи Амрикоро ба манфиати худ халалдор кард. Аз ин рӯ мақомоти Олмон,  Байденро бо хушнудӣ ҳамчун президенти нави Иёлоти Муттаҳида қабул карданд: ин баргардонидани як формати нисбатан бароҳат барои олмониҳо мебошад, ки дар он суханрониҳои таблиғотӣ ва лоббигароии паси парда комилан ба ҳам мувофиқанд.

Ин аст он чизе ки бо “Маҷрои Шимол – 2” рӯй медиҳад. Дар моҳҳои охир чораҳо андешида шуданд, то сохтмони лӯла то ҳадди имкон аз фишори таҳримоти хориҷа эмин бошад. Соҳибони ҳамон "Фортуна" иваз карда шуданд. Парлумони Мекленбург  барои дастгирии фаъолияти  лоиҳа фонд таъсис додааст.

Чизи аз ҳама ҷолиб он аст, ки мақомоти Олмон бо ёрии ин сохтор саъй доранд, ки ду паррандаро бо як санг кушанд: илова бар дастгирии худи сохтмон, онҳо маъракаи иттилоотию идеологии онро низ таъмин мекунанд, зеро созмони нав Фонди ҳифзи иқлим ва муҳити зисти Мекленбург ном дорад ва ҳадафи он мусоидат ба "расидан ба ҳадафҳои иқлимии Олмон" арзёбӣ шудааст. Ҳамин тариқ, рӯзномаи экологӣ мавриди баррасӣ қарор мегирад, зеро маҳз ҷонибдорони рушди сабз фаъолона чун пешоҳангҳо алайҳи “Маҷрои шимол – 2 “ истифода мешаванд.

Тими Ҷо Байден худро дар вазъияти хеле душвор қарор дод. Онҳо наметавонанд - тавре ки Трамп карда буд – ошкоро дар маҳзари тамоми ҷаҳон  бо шарики стратегӣ ҷанҷол бардоранду бо қабули чораҳои шадид алайҳи ӯ оғоз кунанд. Ин ба директиваҳои барқарорсозии ваҳдати Ғарб, ки бо он демократҳо ба қудрат бармегарданд, мухолифат мекунад. Гузашта аз ин, дар маҷмӯъ, Берлин ба Вашингтон вафои садоқатмандона ва иттифоқи амиқи идеологиро нишон медиҳад, ки онро вокуниши якҷояю ҳамзамони онҳо аз  боздошти Алексей Навалний дар Русия бори дигар нишон дод.

Усулҳои муқаррарии кор тавассути ҷамъомадҳои пасипардаӣ метавонанд моҳҳо тӯл мекашанд: олмониҳо ҳунармандони олие дар ташкили кашолакорӣ ва бюрократии байналмилалӣ мебошанд. То он вақт, “Маҷрои шимол – 2”  ба итмом мерасад ва барои амрикоиҳо дер хоҳад шуд, ки муштҳояшонро ба ҳам зананд.

Дар натиҷа, маъмурияти нав аз рӯзҳои аввали раёсати Ҷо Байден маҷбур мешавад, ки дар кори худ байни тропизми катъиян ғайри қобили қабул, вале аз нигоҳи идеологӣ дурусту  глобализми либералии бесамар интихоб кунад.

Аммо, Олмон мушкилоти худро дорад. Дирӯз Газпром аз хавфҳо барои лӯлаи “Маҷрои шимол – 2”  бинобар фишори сиёсӣ ҳушдор дод, ки метавонад боиси боздошт ё ҳатто бекор шудани лоиҳа гардад. Ин ҳушдор аст - пеш аз ҳама ба Берлин, ки дар ҷустуҷӯи истиқлолият ва таҳкими геополитикӣ корти зиддирусиягии Навалнийро ба бозӣ дароварда,  бори дигар фаромӯш кард, ки Русия ба ин чиз то чӣ андоза дардовар посух дода метавонад.

113
Тими наврасони Тоҷикистон (U-17)

Рақибони тими наврасони тоҷик дар "Ҷоми Иттиҳод" муайян шуданд

0
(Таҷдидшуда 20:41 20.01.2021)
Кумитаи миллии олимпии Тоҷикистон рақибони дастаи мунтахаби наврасони ҷумҳурӣ оид ба футбол – “U-17”-ро дар мусобиқаи байналмилалии “Ҷоми рушд-2021” номбар кард

ДУШАНБЕ, 20 янв — Sputnik. Тибқи иттилои Кумитаи миллии олимпӣ, футболбозони то 17-солаи тоҷик дар “Ҷоми рушд-2021” бо тимҳои мунтахаби наврасони Белорус, Қазоқистон ва Молдова рақобат мекунад.

“Тими мунтахаби наврасони Тоҷикистон (U-17) бо роҳбарии сармураббӣ Аҳлиддин Турдиев дар 17-ум мусобиқаи байналмилалии “Ҷоми рушд-2021”, ки аз 31 январ то 6 феврал дар пойтахти Белорус – шаҳри Минск доир мегардад, иштирок мекунад”,  - омадааст дар иттилоия.

Манбаъ афзуд, барои пирӯзӣ дар ин мусобиқа 4 дастаи мунтахаби наврасони соли таваллудашон на бештар аз 2004 талош мекунанд. Дар “Ҷоми рушд-2021” дар Минск футболбозони навраси тоҷик бо ҳамсолонашон аз Қазоқистон (31 январ), Молдова (3 феврал) ва Белорус (6 феврал) бозӣ хоҳанд кард.

Футбол: бозиҳои ниҳоии Ҷоми Тоҷикистон-2020 маълум шуд

Мусобиқаи анъанавии зимистона дар толори футболи Минск тибқи системаи даврӣ дар як давр баргузор мешавад. Ғолиб аз рӯи холҳои бадастоварда муайян мегардад, тавзещ дод Кумитаи олимпӣ.

0
Барчаспҳо:
Ҷом, Футбол, Тоҷикистон