Раисиҷумҳури Тоҷикистон Эмомалӣ Раҳмон. 22. 10.2019

Ашхоси боэътимод: Эмомалӣ Раҳмонро киҳо ба мардум таблиғ мекунанд?

1195
Ҳизби халқӣ – демократии Тоҷикистон мегӯяд, раисашро дар маъракаҳои таблиғотии интихоботи президентӣ 15 нафар муаррифӣ мекунанд

 ДУШАНБЕ, 5 окт — Sputnik. Як манбаъ дар ҳизби ҳоким ба Sputnik Тоҷикистон гуфт, ин афрод ҳамагӣ узви Ҳизби халқӣ – демократии Тоҷикистон буда, аз ниҳоду муассисаҳои мухталифи давлатӣ ва ғайридавлатӣ интихоб шудаанд.

"Онҳо афроди барҷастаи ҷомиа буда, Эмомалӣ Раҳмон, раис ва номзади ҳизбро дар маъракаҳои таблиғотӣ намояндагӣ мекунанд ва салоҳияти муаррифии барномаи интихоботии ӯро доранд", - гуфт ҳамсуҳбати Sputnik Тоҷикистон.

Ин манбаъ афзуд, Аброр Мирсаидов, муовини Институти иқтисод ва демографияи Академияи миллии илмҳо, Низом Қосим раиси Иттифоқи нависандагон, Фарҳод Раҳимӣ президенти Академияи илмҳои Тоҷикистон, Сайфиддин Давлатзода ректори Донишгоҳи давлатии Бохтар, Муъмин Шарифзода ректори Донишгоҳи давлатии ҳуқуқ ва бизнес, Муаззамхон Ансорӣ ректори муассисаи ғайридавлатӣ Донишкадаи омӯзгории Панҷакент, Ҷамшед Ҷӯразода ректори Донишгоҳи давлатии Хуҷанд, Шодигул Қонунзода, директори Мактаби президентии шаҳри Хоруғ, Лутфулло Наврӯзов мудири шӯъбаи рушди иқтимоӣ ва робита бо ҷомиаи дастгоҳи раиси ноҳияи Ванҷ, Нуралӣ Шоҳиён ректори Донишгоҳи давлатии Данғара, Асалмоҳ Сафарзода сармуҳаррири рӯзномаи “Хатлон”, Абдухалил Ғафурзода ректори Академияи идоракунии давлатии назди Президенти Тоҷикистон, Фарзона Нуъмонова директори Литсейи президентӣ барои хонандагони болаёқати шаҳри Турсунзода, Шералӣ Мӯсо нависанда ва Сафарбек Нурзода мудири шӯъбаи рушди иҷтимоӣ ва робита бо ҷомиаи дастгоҳи раиси ноҳияи Файзобод ашхоси боэътимоди Эмомалӣ Раҳмон дар интихоботи президентӣ мебошанд.

"Дар ҳоли ҳозир, ашхоси боэътимоди Эмомалӣ Раҳмон ба шаҳру навоҳии кишвар сафар карда, моҳияти барномаи интихоботии ӯро ба интихобкунандагон мерасонанд", - гуфт манбаъ.

Рақибони Эмомалӣ Раҳмон дар интихоботи президентии Тоҷикистон Рустам Латифзода (ҲАТ), Мироҷ Абдуллоев (ҲКТ), Рустам Раҳматзода (ҲИИТ) ва Абдуҳалим Ғаффоров (ҲСТ) мебошанд.

Интихоботи президентии Тоҷикистон рӯзи якшанбеи оянда – 11 октябр баргузор мешавад.

1195
Барчаспҳо:
таблиғ, президентӣ, интихобот, Эмомалӣ Раҳмон
Мавзуҳо:
Интихоботи президентӣ - 2020 (77)
Президент Республики Таджикистан Эмомали Рахмон

Раҳмонро кишвардорони Ветнаму Сербия шодбош гуфтанд

107
(Таҷдидшуда 19:14 20.10.2020)
Номаҳои шодбошӣ унвонии раисҷумҳури Тоҷикистон Эмомалӣ Раҳмон аз ҷониби ҳамтоёни ӯ ва роҳбарони созмону ташкилотҳои хориҷӣ, дар робита ба дигарбора такя задани ӯ ба курсии раёсатҷумҳурӣ, идома дорад

ДУШАНБЕ, 20 окт — Sputnik. Президентони Сербия ва Ветнам Александр Вичуч ва Нгуен Фу Чонг унвонии раисҷумҳури Тоҷикистон Эмомалӣ Раҳмон номаи тарикотӣ ирсол намуданд, хабар медиҳад котиботи президент.

Ба иттилои манбаъ, ҳамтоёни Эмомалӣ Раҳмон ӯро бинобар дигарбора роҳбари тоҷикони дунё интихоб шудан, табрику муборакбодӣ намуданд.

Александр Вичуч дар номаи шодбошии худ Эмомалӣ Раҳмонро самимона табрик намуда, изҳори умедворӣ намуд, ки муносиботи дӯстона ва ҳамкории байни Сербияву Тоҷикистон дар тамоми соҳаҳои барои ҷонибҳо судовар, равнақ меёбад.

Далелҳои камёфт дар бораи президенти Тоҷикистон Эмомалӣ Раҳмон

Гузашта аз ин, Президенти Ҷумҳурии Сотсиалистии Ветнам низ дар номаи худ пас аз муборакбодӣ кардан изҳори боварӣ намудааст, ки Тоҷикистон зери роҳбарии Эмомалӣ Раҳмон низ ба муваффақиятҳои зиёде ноил мегардад.  Ҷаноби Нгуен Фу Чонг афзудааст, ки дӯстии анъанавию ҳамкории байни Ветнаму Тоҷикистон дар ҳамаи ҷанбаҳо беш аз пеш рушд хоҳад ёфт.

Манбаъ меафзояд, воридшавии номаҳои табрикотӣ ба унвони раисҷумҳури Тоҷикистон идома дорад.

107
Барчаспҳо:
шодбошӣ, нома, Эмомалӣ Раҳмон
Мавзуҳо:
Интихоботи президентӣ - 2020 (77)
Встреча Посла Республики Таджикистан в Королевстве Саудовская Аравия Акрама Карими с Государственным министром иностранных дел Королевства Саудовская Аравия Аделем Аль-Джубейром

Ҳамкориҳои Тоҷикистону Арабистони Саудӣ тақвият меёбад

172
(Таҷдидшуда 15:43 20.10.2020)
Сафири Тоҷикистон дар Арабистони Саудӣ Акрам Каримӣ бо вазири давлатии корҳои хориҷии Подшоҳии Арабистони Саудӣ Одил Ал-Ҷубайр дидору мулоқот кард

ДУШАНБЕ, 20 окт — Sputnik. Рӯзи 19 октябр  дар шаҳри Риёз мулоқоти сафири  Тоҷикистон дар Арабистони Саудӣ Акрам Каримӣ бо вазири давлатии корҳои хориҷии Подшоҳии Арабистони Саудӣ Одил Ал-Ҷубайр баргузор гардид.

Дар ин бора Сафорати тоҷикистон дар Арабистони Саудӣ хабар медиҳад.

Гуфта мешавад, ки дар ин дидор, ҳамкриҳои дуҷонибаи Тоҷикистону Арабистони Саудиро баррасӣ кардаанд.

Хатмкардаи “Ал-азҳар”, донандаи 5 забон: сафири Тоҷикистон дар Арабистони Саудӣ кист?

"Дар вохӯрӣ масъалаҳои ҳамкориҳои дуҷониба ва роҳҳои таҳкими онҳо дар арсаҳои сиёсӣ, иқтисодию тиҷоратӣ, фарҳангӣ ва дигар самтҳои мавриди эҳтимоми муштарак баррасӣ ёфтанд", - омадааст дар хабарнома.

Маросими ҳаҷҷи умра дар Арабистони Саудӣ аз сар гирифта шуд

Ёдрас мешавем, ки Акрам Каримӣ ба тозагӣ - моҳи августи соли равон, сафири фавқулодда ва мухтори Тоҷикистон дар Шоҳигарии Арабистони Саудӣ, яке аз кишварҳои калидии олами ислом таъин шуд.

Каримӣ Акрам Муҳаммадрасул соли 1978 дар деҳаи Овчии ноҳияи Деваштичи вилояти Суғд ба дунё омада, хатмкардаи бахши забони арабии факултаи шарқшиносии Донишгоҳи миллии Тоҷикистон буда, дипоматияро дар Донишгоҳи “Ал – азҳар” – и Мисри Араб омӯхтааст.

172
Барчаспҳо:
гуфтугӯ, дидор, сафорат, Ар-Риёз
Суванқулов Содиқҷон маҳкумшуда барои қатли маъшуқи ҳамсараш

Ҷазои Суванқулов барои куштор ҳангоми ҳамхобагии собиқ занаш бо ҳамсоя-видео

0
(Таҷдидшуда 15:37 21.10.2020)
Додгоҳи вилояти Хатлон Суванқулов Содиқҷони 51-соларо барои куштор ҳангоми дидани ҳамхобагии собиқ ҳамсараш бо ҳамсояи 52-сола ба 26 соли зиндон маҳкум кард

ДУШАНБЕ, 21 окт - Sputnik. Тибқи иттилои ВУД, Суванқулов, сокини ноҳияи Шаҳритуз, 19-уми августи соли равон, тахминан соати 23:30 дар холати мастӣ ба хонаи собиқ ҳамсараш, Бердиева Фарзонаи 26-сола омада, дидааст, ки ӯ бо ҳамсояаш, Раҷабов Рустам, марди 52-сола муносибати маҳрамона дорад.

Манбаъ афзуд, гумонбаршаванда бо корди дар дасташ буда якчанд маротиба ба узвҳои бадани мархум Раҷабов зада, ӯро ба ҳалокат расонидааст.

"Бо ин конеъ нагашта, аз ҳиссиёти рашк собиқ ҳамсарашро бо корд 4 маротиба ба узвҳои баданаш мезанад. Ба ғайр аз ин, гумонбаршаванда зани 30-солаи сокини шаҳри Норак, Камолова Нилуфар, ки дар меҳмонии онҳо қарор доштааст, 3 маротиба ба қисмати сар ва дасташ задааст, ки дар натиҷа ҷабрдидахо ҷароҳати ҷисмонӣ бардошта, дар беморхона бистарӣ гардидаанд", - омадааст дар иттилоияи ВУД.

Додгоҳи вилояти Хатлон дар пайи баррасии қазия Суванқулов Содиқҷонро  ба 26 соли зиндони низомаш сахт маҳкум кардааст. 

0