Выступление Постоянного представителя Республики Таджикистан на заседании Совета Безопасности ООН по Афганистану

Маҳмадаминов имзо кард: муносибатҳои дипломатии Тоҷикистону Сиерра - Леоне барқарор шуд

159
(Таҷдидшуда 18:52 05.10.2020)
Вазорати умури хориҷаи Тоҷикистон аз барқарор шудани муносибатҳлои дипломатии Тоҷикистону Ҷумҳурии Сиерра - Леоне хабар дод

ДУШАНБЕ, 5 окт — Sputnik. Дар шаҳри Ню - Йорк маросими имзои Баёнияи муштарак оид ба барқарор намудани муносибатҳои дипломатӣ байни Ҷумҳурии Тоҷикистон ва Ҷумҳурии Сиерра-Леоне баргузор гардид, хабар медиҳад Вазорати умури хориҷаи Тоҷикистон.

Ба иттилои манбаъ, баёнияи мазкур санаи 2 - юми октябр ба имзо расид.

Гуфта мешавад, Баёнияи муштаракро Намояндаи доимии Ҷумҳурии Тоҷикистон дар СММ Маҳмадамин Маҳмадаминов ва Намояндаи доимии Ҷумҳурии Сиерра-Леоне дар СММ Алӣ Кабба ба тасвиб расонданд.

Пешниҳодҳои Маҳмадаминов дар СММ ҷонибдорӣ шуданд

Маврид ба зикр аст, ки Маҳмадамин Маҳмадаминов нахустин намояндаи Тоҷикистон аст, ки дар даврони истиқлоли кишвар ва 25 соли узвият дар Созмони милали муттаҳид ба чунин мақоми баланд дар ниҳодҳои асосии СММ мансуб шудааст.

159
Барчаспҳо:
Тоҷикистон, барқарор намудани муносибати дипломатӣ, Маҳмадамин Маҳмадаминов

Моҷарои Олимпиада - Навалний: ИМА ва Бритониё пурарзиштаринро наҷот медиҳанд

114
(Таҷдидшуда 17:29 21.10.2020)
Сиёсати шадиди Вашингтон алайҳи RT ва TikTok-и тавлиди Чин шаҳодати он аст, ки онҳо аҳамияти чунин сохторҳоро дуруст дарк мекунанд

ДУШАНБЕ, 21 окт - Sputnik. Ирина Алкснис. Иттиҳомоти нави ИМА ва Бритониёи Кабир алайҳи Русия дар мавриди ҳамлаҳои киберӣ ба бозиҳои олимпиадии Кореяи ҷанубӣ ва Ҷопон дар худи Русия то ҷое ҳайратзадагӣ дар пай доштанд.

Сабаби ҳайрат маълум аст: иттиҳомоти навбатӣ дар мавриди ҷинояти Маскав алайҳи ҷаҳону варзиш бемаънӣ ба назар мерасанд - ҳам барои роҳандозии барномаи зиддирусиягӣ ва ҳам чун чораҳо барои “ҷазо”-и Русия.

Аз як тараф маъракаи расонаии русбезорӣ дар Ғарб бе ин ҳам хеле хуб дар ҷараён аст. Боз қазияи рухдода бо Алексей Навалний то охир коркард нашудааст. Зоҳиран ҳеч зарурате нест, то дурӯғи дигаре пеш гузошта шавад, махсусан дар сатҳи баланди вазирони умуми хориҷӣ ва хадамоти махсуси калидӣ.

Аз ҷониби дигар таҷрибаи пешин, аз ҷумла ҳодисаи блогери рус нишон медиҳад, ки набояд ба умеди чораҳои воқеан ҷиддию осебрасон алайҳи Маскав шуд. Дар зимн ҳамовозии Вашингтон ва Лондон шаҳодати ҳадафҳои муштараканд, ки ин ду пойтахт пайгирӣ доранд.

Мушахассан гап сари чист?

Ҷавобро метавон дар вокуниши Токио ва Сеул ба ин иттиҳомот ҷуст. Ҳукумати Ҷопон аз шарҳ худдорӣ карда, танаффус хост, то “маълумоти дахлдор”-ро ҷамъ орад. Мақомоти Кореяи Ҷанубӣ низ хомӯширо ихтиёр карданд.

Бармеояд, мақомоти расмӣ ва хадамоти махсуси ҳарду кишвар, ки иттифоқчии калидии Ғарб мебошанд, пешакӣ дар бораи амалиёти амрикоӣ – бритониёӣ огоҳ нашуда буданд ва акнун маҷбуранд ҳадалимкон мавқеи эҳтиёткоронаро гиранд. Тавре Кумитаи олимпии Ҷопон  гуфт, ҳеч таъсири ҳамлаҳои хакериро дар фаъолияташ эҳсос накардааст.

Ба эҳтимоли зиёд ҳадафи асосии маъракаи ҷадиди зиддирусӣ на Русия аст, балки ҷаҳони боқӣ, дар навбати аввал худи Ғарб мебошад. Русбезорӣ дар ин ҷо чун василаи одию роҳат аст, на ҳадаф.

Сулҳҷӯи зӯргӯй: Трамп мехоҳад, сарбозони амрикоиро ба хона орад - YouTube
Ruptly / Sputnik / dvids / FoX News / us department of defense / twitter.com/realDonaldTrump

Пешсафии иттилоотӣ-ташвиқотӣ як ҷузъи муҳими пешгомии ИМА мебошад. Бритониё чун ҷуфти анъанавии ИМА мебошад. Дар бораи наздикии хоси ин ду кишварҳо дар умури сиёсат ва хадамоти махсус дер боз ва хеле хуб маълум аст.

Таназзули мантазами абарқудратии ИМА ва заифшавии таъсири пасипардагии Иттиҳоди Шоҳигарӣ дар саҳнаи ҷаҳонӣ дар солҳои охир ба як воқеият мубаддал шудаанд. Аммо ин равандҳо ҳамзамон ба механизмҳои умури иқтисодӣ, бюрократӣ ва сиёсӣ таъсир доранд.  

Дар баробари ин ҳастанд бахшҳое, ки пешсафии ин ду абарқудрат бебаҳс аст. Ҳамон тавре пешгомии артиши ИМА дар НАТО дақиқ аст, ҳамон тавр ягон расонаи минтақавӣ наметавонад аз нигоҳи нуфуз бо Times-и Бритониё ва ё CNN-и Амрико рақобат кунад. Ин ҳам дар ҳоле, ки маркази идораи ду дастгоҳи муҳими таъсир ба афкори умум, чун Twitter ва Facebook дар он тарафи уқёнус қарор дорад.

Сиёсати шадиди Вашингтон алайҳи RT  ва TikTok-и тавлиди Чин шаҳодати он аст, ки онҳо аҳамияти чунин сохторҳоро дуруст дарк мекунанд. Бо он, ки рақибони геополитикӣ аллакай расонаҳои таъсиррасони худро доранд, ИМА аллакай одат кард ва феълан танҳо чораандешӣ доранд, то аз нуфузашон дар қаламрави худ ҷилавгирӣ намояд.

Нисбатан ҳассостар барои ҷуфти ташвиқотию хадамоти махсуси амрикоӣ-бритониёӣ пайдо шудани рақиб дар дохили худи Ғарб мебошад. Ва маҳз чунин кор рух дода истодааст ва парвандаи Навалний далели равандҳои барояшон бисёр нохушоянд шуд. Аз Русия қазияи блогер метавонад давоми маъракаҳои дигар ба назар намояд, аммо он фарқкунанда аст, чун пурра маҳсули эҷоди Берлин мебошад.

Олмон аз барномаи русбезориро аз “шарикони калонтараш” гирифта, дар бозии хоси худаш кор бурд.

Олмониҳо Навалнийро назорат мекунанд. Ҳар чизеро мегӯяд, ки барояшон зарур аст. Аз ҳимояи “Маҷрои шимол-2” то гила аз амрикоиҳо, ки ҷонибдории махсус аз ӯро баён накардаанд.

Манбаи асосии ахбор тайи чанд рӯз расонаҳои олмонӣ буданд ва расонаҳои англисзабон маҷбур буданд, аз онҳо иқтибос оранду бознашр намоянд.

Дар ин зовия қиссаҳо дар бораи хакерҳои русӣ аз раёсати иктишофӣ, ки ба ҳамла ба Олимпиада машғуланд, маънои нав касб мекунад. Амалан бо кумаки ин хабар амрикоиҳо ва бритониёиҳо талош доранд, аз барномаҳои хабарӣ мавзӯи Навалнийро канор гузоранд, чун он лоиҳаи рақибонашон мебошад.

Барои Вашингтону Лондон муҳим аст, ки идораи фазои хабарӣ-сиёсии расонаҳоро пурра баргардонанд, ки чанд рӯз ба дасти Аврупо бо роҳбарии Олмон гузашта буд.

Барои амалӣ кардани  ин иқдом беҳтар аз ҷойгузин кардани як хабари зиддирусиягӣ бо хабари дигари зиддирусиягӣ чизи дигареро эҷод карда натавонистанд.

Дар ин қазия ҳарду ҷониб ҳам аз изҳороти зиддирусиягӣ кор мегиранд, аммо дар маҷмӯъ танишҳои онҳо ба суди Русия мебошад, чун мухолифатҳоро дар Ғарб зиёд карда, боиси таназзули минбаъдааш мешавад.

Ин ки Олмон тавонист, бигузор барои муддати начандон тӯлонӣ назорати фазои хабарӣ – сиёсиро ба даст гирад, набояд чун истисно қабул кард, балки чун нахустин қадам донист. ИМА ва Бритониёи Кабир бояд мунтазам омода шаванд, ки пешсафияшонро дар умури расонаҳо аз даст медиҳанд, чун феълан бо онҳо на танҳо рақибони сиёсӣ, балки иттифоқчиёни наздикашон сабқат мекунанд.

114
Барчаспҳо:
Аврупо, ИМА, Русия
Президент Республики Таджикистан Эмомали Рахмон

Раҳмонро кишвардорони Ветнаму Сербия шодбош гуфтанд

142
(Таҷдидшуда 19:14 20.10.2020)
Номаҳои шодбошӣ унвонии раисҷумҳури Тоҷикистон Эмомалӣ Раҳмон аз ҷониби ҳамтоёни ӯ ва роҳбарони созмону ташкилотҳои хориҷӣ, дар робита ба дигарбора такя задани ӯ ба курсии раёсатҷумҳурӣ, идома дорад

ДУШАНБЕ, 20 окт — Sputnik. Президентони Сербия ва Ветнам Александр Вичуч ва Нгуен Фу Чонг унвонии раисҷумҳури Тоҷикистон Эмомалӣ Раҳмон номаи тарикотӣ ирсол намуданд, хабар медиҳад котиботи президент.

Ба иттилои манбаъ, ҳамтоёни Эмомалӣ Раҳмон ӯро бинобар дигарбора роҳбари тоҷикони дунё интихоб шудан, табрику муборакбодӣ намуданд.

Александр Вичуч дар номаи шодбошии худ Эмомалӣ Раҳмонро самимона табрик намуда, изҳори умедворӣ намуд, ки муносиботи дӯстона ва ҳамкории байни Сербияву Тоҷикистон дар тамоми соҳаҳои барои ҷонибҳо судовар, равнақ меёбад.

Далелҳои камёфт дар бораи президенти Тоҷикистон Эмомалӣ Раҳмон

Гузашта аз ин, Президенти Ҷумҳурии Сотсиалистии Ветнам низ дар номаи худ пас аз муборакбодӣ кардан изҳори боварӣ намудааст, ки Тоҷикистон зери роҳбарии Эмомалӣ Раҳмон низ ба муваффақиятҳои зиёде ноил мегардад.  Ҷаноби Нгуен Фу Чонг афзудааст, ки дӯстии анъанавию ҳамкории байни Ветнаму Тоҷикистон дар ҳамаи ҷанбаҳо беш аз пеш рушд хоҳад ёфт.

Манбаъ меафзояд, воридшавии номаҳои табрикотӣ ба унвони раисҷумҳури Тоҷикистон идома дорад.

142
Барчаспҳо:
шодбошӣ, нома, Эмомалӣ Раҳмон
Мавзуҳо:
Интихоботи президентӣ - 2020
День 22 октября

Ҷашнҳои рӯзи 22 октябр дар Тоҷикистон ва ҷаҳон

0
(Таҷдидшуда 18:10 21.10.2020)
Рӯзи 22 октябр рӯзи байналмилалии нафароне, ки лакнати забон доранд ва ҷашни турнаҳои сафед дар Доғистон мебошад

Рӯзи 22 октябр дар ҷаҳон чӣ рух дод

Соли 1797 ҳавонаварди фаронсавӣ Андре Жак Гарнерен бори аввал дар ҷаҳон тавассути кураи ҳавоӣ аз баландии 1000 м ба замин фуруд омад.

© Sputnik / Стас Этвеш / Вишнякова Мария

Соли 1938 ихтироъкори амрикоӣ Честер Карлсон дастгоҳи ихтироънамудаи худро барои нусхабардории ҳуҷҷатҳо ба намоиш гузошт.

Соли 1966 Иттиҳоди Шӯравӣ моҳвораи "Луна-12"-ро ба кайҳон фиристод.

Соли 1993 Гурҷистон ба Иттиҳоди Давлатҳои Мустақил шомил шуд.

Соли 2001 олими рус магнити органикӣ ихтироъ намуд.

Соли 2007 дар фабрикаи пойафзол дар Чин  сӯхтор ба амал омад, ки дар натиҷаи он 34 нафар ҳалок ва  21 нафари дигар  захмӣ шуданд.

 

Тушение пожаров в Якутии
© Фото предоставлено министром охраны природы Якутии Сахамином Афанасьевым
Тушение пожаров в Якутии

 

Рӯзи 22 октябр дар Тоҷикистон чӣ рух дод

Соли 2001 дар Душанбе гуфтугӯи сеҷонибаи раҳбарони Тоҷикистон Русия ва Афғонистон - Эмомалӣ Рҳмон, Владимир Путин ва И. Раббонӣ баргузор шуд.

Ҷашнҳои рӯзи 20 октябр дар Тоҷикистон ва ҷаҳон

Соли 2011 Эмомалӣ Раҳмон ва котиби давлатии вақти Иёлоти Муттаҳидаи Амрико Ҳиллари Клинтон доир ба маҷмўи васеи масоили ҳамкории дуҷониба, минтақавӣ ва байналмилалии Тоҷикистону Амрико ва ҳамгироии судбахш доир ба таъмини эътидол дар Афғонистон табодули назар карданд.

 

© AP / Jim Cole
Кандидат в президенты от Демократической партии Хиллари Клинтон ест шоколадное мороженое с арахисовым маслом во время остановки в Moo's Place

 

Соли 2012 дар ҷаласаи Шӯрои Маҷлиси намояндагони Маҷлиси Олии Ҷумҳурии Тоҷикистон лоиҳаи Кодекси шаҳрсозии Ҷумҳурии Тоҷикистон муҳокима гардид.

Соли 2013 — Ҳукумати Русия дароз кардани муҳлати будубоши муҳоҷирони корӣ аз Тоҷикистонро маъқул шуморид.

 

Лагерь трудовых мигрантов на станции Лихая под Ростовом
Киемхон Бобоев специально для Sputnik
Лагерь трудовых мигрантов на станции Лихая под Ростовом

 

Соли 2014 дар шаҳри Душанбе  ба муносибати 65-солагии таъсиси радиои бурунмарзии Тоҷикистон – "Овози тоҷик" ҷамъомад доир шуд.

© Sputnik / Стас Этвеш / Вишнякова Мария

Соли 2015 Президенти Ҷумҳурии Тоҷикистон Эмомалӣ Раҳмон ва Президенти собиқи Ҷумҳурии Исломии Афғонистон Ҳомид Карзай масоили вобаста ба рушду густариши муносиботи дӯстӣ ва ҳамсоягии накуи Тоҷикистону Афғонистонро баррасӣ намуданд.

Соли 2018 — Президент қитъаи роҳи таъмиру навсозишудаи Хуҷанд - Исфараро дар вилояти Суғд ба истифода дод.

Ҷашнҳои рӯзи 22 октябр

Рӯзи байналмилалии нафароне, ки лакнати забон доранд.
Ҷашни турнаҳои сафед дар Доғистон.

Рӯзи 22 октябр дар Тоҷикистон кӣ ба дунё омадааст

Соли 1903-1981 Ҳунарпешаи шоистаи Тоҷикистон Сангалӣ Хоҷаев.

Соли 1937 года – дирижёр, Ҳунарпешаи шоистаи Тоҷикистон Азиз Неёзмамадов.

0
Барчаспҳо:
Ҷаҳон, Тоҷикистон, ҷашн
Мавзуъ
Ҷашнҳои рӯзи 14 октябр дар Тоҷикистон ва ҷаҳон
Ҷашнҳои рӯзи 15 октябр дар Тоҷикистон ва ҷаҳон
Ҷашнҳои рӯзи 16 октябр дар Тоҷикистон ва ҷаҳон
Ҷашнҳои рӯзи 17 октябр дар Тоҷикистон ва ҷаҳон
Ҷашнҳои рӯзи 18 октябр дар Тоҷикистон ва ҷаҳон
Ҷашнҳои рӯзи 19 октябр дар Тоҷикистон ва ҷаҳон
Ҷашнҳои рӯзи 20 октябр дар Тоҷикистон ва ҷаҳон