Заседание правительства РТ

Натиҷаҳои ниҳоӣ эълон шуданд. Навбати маросими савганд ва... кобинаи нав

2999
(Таҷдидшуда 18:49 14.10.2020)
Эмомалӣ Раҳмон расман пирӯзи интихоботи президентии Тоҷикистон эълон шуд, аммо пас аз маросими савганд минҳайси президенти ҷадид ба кор шуруъ мекунад

ДУШАНБЕ, 14 окт — Sputnik. Дар Комиссияи интихобот ва раъйгирии Тоҷикистон ба Sputnik Тоҷикистон гуфтанд, ки тамоми ҳисоботҳои комиссияҳои ҳавзавии интихобот ба КМИР такмил шуда, марҳалаи натиҷагирӣ ва санадсозӣ ба анҷом расид.

"Бино ба онҳо, Эмомалӣ Раҳмон, номзади Федератсияҳои иттифоқҳои касаба, Созмони ҷавонон ва Ҳизби халқӣ-демократии Тоҷикистон расман пирӯзи ин сабқат аст”, - гуфтанд дар КМИР.

Бино ба муқаррароти қонун, КМИР то як ҳафта ва ҳадди аксар даҳ рӯз пас аз рӯзи интихобот фурсат дорад, ки натиҷаҳои интихоботро эълон ва дар расонаҳои давлатӣ катбӣ намояд.

Ба ҳамин минвол, пирӯзии президенти ҷадид расман таъйид шуд, аммо, тибқи моддаи 38 – и Қонуни интихоботи президентии Тоҷикистон, аз рӯзи дар ҷаласаи якҷояи Маҷлиси миллӣ ва Маҷлиси намояндагони Маҷлиси Олии Тоҷикистон савганд ёд карданаш ба вазифа шурӯъ мекунад.

Дар Маркази матбуоти президенти Тоҷикистон ба Sputnik Тоҷикистон гуфтанд, ки маросими савганд пас аз эълони натиҷаи ниҳоии интихоботи президентӣ маълум хоҳад шуд.

Тибқи Конститутсияи Тоҷикистон, президент пас аз маросими савганд амалан ба анҷоми салоҳиятҳои худ шуруъ хоҳад кард ва аввалин кори ӯ таъйини кобинаи нави ҳукумат хоҳад буд.

Шокирҷон Ҳакимов, коршиноси масоили ҳуқуқӣ, мегӯяд, тибқи қонун, салоҳияти таъйини кабинаи навро фақат президенти нав дорад.

"Азбаски президенти феълӣ дигарбора интихоб мешавад, эҳтимоли он вуҷуд дорад, ки дар кобинаи нав бисёре аз вазиру раисони феълии ҳукумати Тоҷикистон дигарбора таъйин шаванд. Ҳамзамон ба ҷои онҳое, ки ба нафақа мебароянд ё ба ину он сабаб барканор мешаванд, афроди нав метавонанд сари кор оянд. Аз ҷумла имкон дорад, баъзе кадрҳои 4 ҳизбе, ки дар интихобот ҳамчун номзад иштирок карданд, низ ба вазифа расанд. Тағйиротҳо мешаванд, аммо тарзу усули куҳна боқӣ мемонад", - гуфт Шокирҷон Ҳакимов.

Тибқи моддаи 69 – и Конститутсияи Тоҷикистон, таъин ва озод намудани сарвазир ва дигар аъзои ҳукумат, кумитаҳо, раисони вилоёт, шаҳрҳо, ноҳия, раиси Бонки миллӣ, судяву прокурорҳо ва ғайраро президент шахсан ё бо иттифоқи Маҷлиси намояндагону Маҷлиси миллӣ анҷом медиҳад.

2999
Барчаспҳо:
натиҷаҳои ниҳоӣ, интихобот, Тоҷикистон
Президент Республики Таджикистан Эмомали Рахмон

Президенти АМА Эмомалӣ Раҳмонро шодбош гуфт

62
(Таҷдидшуда 18:46 19.10.2020)
Алифа бин Зойид Оли Наҳён саломатии бардавому хушбахтӣ ва ба Ҳукумату мардуми дӯсти Ҷумҳурии Тоҷикистон рушду шукуфоии минбаъдаро таманно кард

ДУШАНБЕ, 19 окт — Sputnik. Президенти Аморати Муттаҳидаи Араб Алифа бин Зойид Оли Наҳён раисҷумҳури Тоҷикистон Эмомалӣ Раҳмонро ба муносибати дигарбора интихоб шуданаш ба мансаби президентӣ шодбош гуфт. Дар ин бора дафтари матбуоти раисҷумҳури Тоҷикистон иттилоъ медиҳад.

"Боиси хушҳолии беинтиҳо ва шарафи бузурги ман аст, ки Шуморо ба муносибати муҷаддадан интихоб шуданатон ба давраи нави президентӣ самимона табрик намоям. Ба Ҷаноби Олӣ саломатии бардавому хушбахтӣ ва ба Ҳукумату мардуми дӯсти Ҷумҳурии Тоҷикистон рушду шукуфоии минбаъдаро хоҳонам”, - омадааст дар номаи шодбошии президенти АМА.

Президенти Бонки Исломии Рушд Др.  Бандар М. Ҳ. Ҳаҷҷор низ кишвардори Тоҷикистонро ба ин муносибат табрик гуфтааст.

Ба бисёрзанӣ иҷозат медиҳам: нахустин номзад ба президентӣ кадом ваъдаҳоро додааст?

Ӯ омодагии худро ҷиҳати тақвияти ҳамкорӣ бо Ҷумҳурии Тоҷикистон, махсусан дар доираи тадбирҳои таъхирнопазири дастёбӣ ба истиқрору рушди иқтисодӣ дар марҳилаи пас аз пандемияи COVID-19 изҳор доштааст.

62
Абдулла Абдулла со сторонниками, на церемонии приведения к присяге на пост президента Афганистана в Кабуле

Абдуллоҳ Абдуллоҳ ба Теҳрон сафар кард

147
(Таҷдидшуда 16:31 18.10.2020)
Раиси Шӯрои олии мусолиҳаи миллии Афғонистон пеш аз ин сафар ҳам ба Ҳинд ва Покистон сафар карда буд

ДУШАНБЕ, 18 окт — Sputnik. Раиси Шӯрои олии мусолиҳаи миллии Афғонистон субҳи имрӯз якшанбе дар садри ҳайате озими Ҷумҳурии Исломии Эрон шуд.

Абдуллоҳ Абдуллоҳ қарор аст дар ин сафар бо раисиҷумур, вазири умури хориҷа, раиси маҷлис ва дабири Шӯрои амнияти миллии Ҷумҳурии Исломии Эрон дидор ва дар бораи охрин таҳаввулоти Афғонистон, раванди музокироти сулҳ ва зарурати иҷмоъ ва ҳимояти минтақаӣ аз ин раванд гуфтугӯ кунад.

Раиси Шӯрои олии мусолиҳаи миллии Афғонистон пеш аз ин ҳам ба Ҳинд ва Покистон сафар карда буд.

Абдуллоҳ Абдуллоҳ бозгашти “низоми иморати Толибон”- ба Афғонистонро рад кард

Музокироти сулҳ миёни давлати Афғонистон ва Толибон дар Қатар аз ҳудуди як моҳи пеш оғоз шуда ва то кунун ҳеч дастоварде надошта ва ҳамин мавзӯ боиси нигаронии мардум шудааст.

Огоҳони сиёсии Афғонистон бар ин боваранд, ки нақши Ҷумҳурии Исломии Эрон дар раванди сулҳи Афғонистон роҳгушо аст ва Эрон метавонад дар сулҳ ва таъмини суботи пойдори Афғонистон нақши таъйинкунанда дошта бошад.

147
футзал, акс аз бойгонӣ

Барои "Сипар" як ғалабаи дигар даркор то чемпиони Тоҷикистон шавад

0
(Таҷдидшуда 22:27 19.10.2020)
Кумитаи миллии олимпии Тоҷикистон мегӯяд, барои дастаи “Сипар”-и шаҳри Хуҷанд як пирӯзии дигар даркор аст, то қаҳрамони кишвар дар риштаи футзал шавад

ДУШАНБЕ, 19 окт – Sputnik. Тибқи иттилои Кумитаи миллии олимпӣ, дастаи “Сипар”-и шаҳри Хуҷанд бар тими “Соро компания”-и пойтахт дар ду силсилабозиҳои финали лигаи касбии футзали Тоҷикистон -2020 ғалаба карда, ба дарёфти унвони чемпионӣ наздик шуд.

"Бозии аввали дастаҳои мусовӣ (1:1) анҷом ёфт, вале дар задани силсилаи пеналтӣ бахти хуҷандиҳо омад кард – 4:3. Дар бозии дуюм бошад, “Сипар” бо ҳисоби 6:2 бар “Соро компания” ғолиб омад. Ҳар ду бозии аввал дар шаҳри Хуҷанд баргузор шуданд", - омадааст дар иттилоия.

Кумитаи миллии олимпӣ афзуд, ки ҳамин тариқ, клуби Хуҷанд дар силсилаи бозиҳо бо ҳисоби 2:0 пешсаф аст ва пас аз як ғалабаи дигар аввалин бор чемпион хоҳад шуд.

Зикр гардид, ки бозии навбатии дастаҳо 24 октябр сурат мегирад. “Соро компания” дар Душанбе “Сипар”-ро қабул мекунад.

Инчунин дар ду бозӣ барои ҷои сеюм бошад, дастаи “Муҳоҷир”-и шаҳри Душанбе бар тими “Истаравшан” ғалаба кард. Дар бозии аввал бо ҳисоби 8:5, дар бозии дуюм бо ҳисоби 6:5, тавзеҳ дод Кумитаи миллии олимпӣ. 

Футболбозони “Муҳоҷир” дар силсилаи бозиҳо барои ҷои сеюм бо ҳисоби 2:0 пешсафанд ва мумкин аст дар бозии навбатӣ медалҳои биринҷии лигаи касбии футзали Тоҷикистонро ба даст биёранд.

0
Барчаспҳо:
футзал, Кумитаи миллии олимпӣ, Тоҷикистон