Моҷарои Олимпиада - Навалний: ИМА ва Бритониё пурарзиштаринро наҷот медиҳанд

189
(Таҷдидшуда 17:29 21.10.2020)
Сиёсати шадиди Вашингтон алайҳи RT ва TikTok-и тавлиди Чин шаҳодати он аст, ки онҳо аҳамияти чунин сохторҳоро дуруст дарк мекунанд

ДУШАНБЕ, 21 окт - Sputnik. Ирина Алкснис. Иттиҳомоти нави ИМА ва Бритониёи Кабир алайҳи Русия дар мавриди ҳамлаҳои киберӣ ба бозиҳои олимпиадии Кореяи ҷанубӣ ва Ҷопон дар худи Русия то ҷое ҳайратзадагӣ дар пай доштанд.

Сабаби ҳайрат маълум аст: иттиҳомоти навбатӣ дар мавриди ҷинояти Маскав алайҳи ҷаҳону варзиш бемаънӣ ба назар мерасанд - ҳам барои роҳандозии барномаи зиддирусиягӣ ва ҳам чун чораҳо барои “ҷазо”-и Русия.

Аз як тараф маъракаи расонаии русбезорӣ дар Ғарб бе ин ҳам хеле хуб дар ҷараён аст. Боз қазияи рухдода бо Алексей Навалний то охир коркард нашудааст. Зоҳиран ҳеч зарурате нест, то дурӯғи дигаре пеш гузошта шавад, махсусан дар сатҳи баланди вазирони умуми хориҷӣ ва хадамоти махсуси калидӣ.

Аз ҷониби дигар таҷрибаи пешин, аз ҷумла ҳодисаи блогери рус нишон медиҳад, ки набояд ба умеди чораҳои воқеан ҷиддию осебрасон алайҳи Маскав шуд. Дар зимн ҳамовозии Вашингтон ва Лондон шаҳодати ҳадафҳои муштараканд, ки ин ду пойтахт пайгирӣ доранд.

Мушахассан гап сари чист?

Ҷавобро метавон дар вокуниши Токио ва Сеул ба ин иттиҳомот ҷуст. Ҳукумати Ҷопон аз шарҳ худдорӣ карда, танаффус хост, то “маълумоти дахлдор”-ро ҷамъ орад. Мақомоти Кореяи Ҷанубӣ низ хомӯширо ихтиёр карданд.

Бармеояд, мақомоти расмӣ ва хадамоти махсуси ҳарду кишвар, ки иттифоқчии калидии Ғарб мебошанд, пешакӣ дар бораи амалиёти амрикоӣ – бритониёӣ огоҳ нашуда буданд ва акнун маҷбуранд ҳадалимкон мавқеи эҳтиёткоронаро гиранд. Тавре Кумитаи олимпии Ҷопон  гуфт, ҳеч таъсири ҳамлаҳои хакериро дар фаъолияташ эҳсос накардааст.

Ба эҳтимоли зиёд ҳадафи асосии маъракаи ҷадиди зиддирусӣ на Русия аст, балки ҷаҳони боқӣ, дар навбати аввал худи Ғарб мебошад. Русбезорӣ дар ин ҷо чун василаи одию роҳат аст, на ҳадаф.

Сулҳҷӯи зӯргӯй: Трамп мехоҳад, сарбозони амрикоиро ба хона орад - YouTube
Ruptly / Sputnik / dvids / FoX News / us department of defense / twitter.com/realDonaldTrump

Пешсафии иттилоотӣ-ташвиқотӣ як ҷузъи муҳими пешгомии ИМА мебошад. Бритониё чун ҷуфти анъанавии ИМА мебошад. Дар бораи наздикии хоси ин ду кишварҳо дар умури сиёсат ва хадамоти махсус дер боз ва хеле хуб маълум аст.

Таназзули мантазами абарқудратии ИМА ва заифшавии таъсири пасипардагии Иттиҳоди Шоҳигарӣ дар саҳнаи ҷаҳонӣ дар солҳои охир ба як воқеият мубаддал шудаанд. Аммо ин равандҳо ҳамзамон ба механизмҳои умури иқтисодӣ, бюрократӣ ва сиёсӣ таъсир доранд.  

Дар баробари ин ҳастанд бахшҳое, ки пешсафии ин ду абарқудрат бебаҳс аст. Ҳамон тавре пешгомии артиши ИМА дар НАТО дақиқ аст, ҳамон тавр ягон расонаи минтақавӣ наметавонад аз нигоҳи нуфуз бо Times-и Бритониё ва ё CNN-и Амрико рақобат кунад. Ин ҳам дар ҳоле, ки маркази идораи ду дастгоҳи муҳими таъсир ба афкори умум, чун Twitter ва Facebook дар он тарафи уқёнус қарор дорад.

Сиёсати шадиди Вашингтон алайҳи RT  ва TikTok-и тавлиди Чин шаҳодати он аст, ки онҳо аҳамияти чунин сохторҳоро дуруст дарк мекунанд. Бо он, ки рақибони геополитикӣ аллакай расонаҳои таъсиррасони худро доранд, ИМА аллакай одат кард ва феълан танҳо чораандешӣ доранд, то аз нуфузашон дар қаламрави худ ҷилавгирӣ намояд.

Нисбатан ҳассостар барои ҷуфти ташвиқотию хадамоти махсуси амрикоӣ-бритониёӣ пайдо шудани рақиб дар дохили худи Ғарб мебошад. Ва маҳз чунин кор рух дода истодааст ва парвандаи Навалний далели равандҳои барояшон бисёр нохушоянд шуд. Аз Русия қазияи блогер метавонад давоми маъракаҳои дигар ба назар намояд, аммо он фарқкунанда аст, чун пурра маҳсули эҷоди Берлин мебошад.

Олмон аз барномаи русбезориро аз “шарикони калонтараш” гирифта, дар бозии хоси худаш кор бурд.

Олмониҳо Навалнийро назорат мекунанд. Ҳар чизеро мегӯяд, ки барояшон зарур аст. Аз ҳимояи “Маҷрои шимол-2” то гила аз амрикоиҳо, ки ҷонибдории махсус аз ӯро баён накардаанд.

Манбаи асосии ахбор тайи чанд рӯз расонаҳои олмонӣ буданд ва расонаҳои англисзабон маҷбур буданд, аз онҳо иқтибос оранду бознашр намоянд.

Дар ин зовия қиссаҳо дар бораи хакерҳои русӣ аз раёсати иктишофӣ, ки ба ҳамла ба Олимпиада машғуланд, маънои нав касб мекунад. Амалан бо кумаки ин хабар амрикоиҳо ва бритониёиҳо талош доранд, аз барномаҳои хабарӣ мавзӯи Навалнийро канор гузоранд, чун он лоиҳаи рақибонашон мебошад.

Барои Вашингтону Лондон муҳим аст, ки идораи фазои хабарӣ-сиёсии расонаҳоро пурра баргардонанд, ки чанд рӯз ба дасти Аврупо бо роҳбарии Олмон гузашта буд.

Барои амалӣ кардани  ин иқдом беҳтар аз ҷойгузин кардани як хабари зиддирусиягӣ бо хабари дигари зиддирусиягӣ чизи дигареро эҷод карда натавонистанд.

Дар ин қазия ҳарду ҷониб ҳам аз изҳороти зиддирусиягӣ кор мегиранд, аммо дар маҷмӯъ танишҳои онҳо ба суди Русия мебошад, чун мухолифатҳоро дар Ғарб зиёд карда, боиси таназзули минбаъдааш мешавад.

Ин ки Олмон тавонист, бигузор барои муддати начандон тӯлонӣ назорати фазои хабарӣ – сиёсиро ба даст гирад, набояд чун истисно қабул кард, балки чун нахустин қадам донист. ИМА ва Бритониёи Кабир бояд мунтазам омода шаванд, ки пешсафияшонро дар умури расонаҳо аз даст медиҳанд, чун феълан бо онҳо на танҳо рақибони сиёсӣ, балки иттифоқчиёни наздикашон сабқат мекунанд.

189
Барчаспҳо:
Аврупо, ИМА, Русия
Президент Азербайджана Ильхам Алиев

Алиев гуфт, ки кӯшиши вайрон кардани созишномаи Қарабоғ вуҷуд дорад

291
(Таҷдидшуда 14:35 01.12.2020)
Сарфи назар аз он, ки режими оташбас дар Қарабоғи Кӯҳӣ ба таври умум риоя карда мешавад, кӯшишҳо барои вайрон кардани созишномаи сеҷонибаи минтақа байни Русия, Озарбойҷон ва Арманистон вуҷуд доранд

ДУШАНБЕ, 1 дек — Sputnik. Ин нуктаро Илҳом Алиев зимни паёмаш ба мардуми озарбойҷон изҳор доштааст, хабар медиҳад РИА Новости.

“Агар касе мехоҳад созишномаи 10 ноябр имзошударо вайрон кунад, мо ҷавоби қатъӣ медиҳем. Чунин кӯшишҳо ҳастанд ва онҳо як ҳадаф доранд - созишномаро вайрон кардан, зеро барои баъзеҳо ин хеле нороҳаткунанда аст. Аммо ҳеҷ кас ба кори мо дахолат карда наметавонад, созишнома бояд иҷро шавад”, - гуфтааст Алиев.

Сулҳ дар Қаробоғи Кӯҳӣ: кӣ барои чӣ меҷангид?

Ҳамзамон раҳбари Озарбойҷон гуфтааст, дар умум созишномаи оташбас риоя мешавад.

Қаблан маълум буд, ки минтақаи Лочин таҳти назорати Боку гузаштааст - сеяки охирин, ки дар санади сулҳ номбар шуда буд.

Артиши Русия дар Степанакерт бемористон таъсис дод

Рӯзи 10 ноябр сарони Русия, Озарбойҷон ва Арманистон дар бораи қатъи комили ҷанг дар Қарабоғ созишнома имзо карданд. Арманистон ваъда дод, ки минтақаҳои Келбаҷар, Лочин ва Агдамро ба озарбойҷониҳо бармегардонад.

Тарафҳо бояд маҳбусон ва ҷасади мурдагонро иваз кунанд. Дар минтақа нерӯҳои посдори сулҳи Русия мустақаранд ва маркази назоратии Русияву Туркия таъсис дода мешавад.

Дар Боку ин созишнома таслимшавии Ереван ном дошт. Президент Илҳом Алиев таъкид кард, ки ин санад аз ҳама бештар барои Озарбойҷон муфид аст: ҳоло, ба гуфтаи ӯ, марҳилаи низомӣ ба анҷом расидааст ва гузаштан ба масъалаҳои сиёсӣ имконпазир аст.

Сулҳбонони рус роҳҳоро дар Қарабоғ барқарор мекунанд - навор

Сарвазири Арманистон Никол Пашинян эътироф кард, ки қарори сулҳ ба ӯ сахт вазнин буд, аммо ин ба ӯ имкон дод, ки он чизеро, ки Қарабоғ гум мекард, наҷот диҳад.

Садои тирпаррониро намешунавем: роҳбари сулҳҷӯён дар бораи вазъ дар Қаробоғи Кӯҳӣ

Пас аз он, дар Ереван тазоҳурот бо талаби истеъфои сарвари ҳукумат оғоз ёфт.

291
Барчаспҳо:
оташбас, созиш, Арманистон, Озарбойҷон, Русия
Онлайн-встреча с Парламентским заместителем государственного секретаря Великобритании

Тоҷикистону Бритониё якҷо бар зидди COVID - 19 мубориза мебаранд

76
(Таҷдидшуда 13:52 01.12.2020)
Намояндагони Тоҷикистону Бритониёи Кабир муборизаи муштарак бар зидди ҳамагирии коронавирус ва паёмадҳои тағйирёбии иқлимро баррасӣ карданд

ДУШАНБЕ, 1 дек — Sputnik. Муовини вазири корҳои хориҷӣ Музаффар Ҳусейнзода бо муовини парлумонии котиби давлатии Подшоҳии Бритониёи Кабир ва Ирландияи Шимолӣ хонум Венди Мортон тариқи видео суҳбат кардааст.

Дар ин бора вазорати корҳои хориҷии Тоҷикистон хабар медиҳад.

Урупо фили амрикоиро монда мӯрчаи белорусиро қапид

Бино ба гузориши манбаъ, ҷонибҳо ба рушди робитаҳои дуҷониба дар масъалаҳои сиёсӣ, иқтисодӣ ва гуманитарӣ изҳори ҳавасмандӣ кардаанд.

"Дар суҳбат масъалаҳои муборизаи муштарак бо ҳамагирии COVID-19 ва коҳиши паёмадҳои тағйирёбии иқлим мавриди баррасӣ қарор гирифтанд", - омадааст дар хабарнома.

Олимони бритонӣ се нишонаи нави коронавирусро ном бурданд

Манбаъ афзуда, ки ҳамсуҳбатон аҳамияти тавсеаи ҳамкориҳо дар чорчӯби созмонҳои байналмилалӣ ва ниҳодҳои молиявиро таъкид карданд.

76
Барчаспҳо:
муовини вазир, суҳбат, суҳбат, Бритониёи Кабир, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Боевые корабли НАТО совершили деловой заход в порт Балтийска

НАТО ба Баҳри сиёҳ роҳ ёфт: оё ин созмон мавқеи Русияро дар Қрим танг хоҳад кард

0
Ба хотири кӯч додани Ҷо Байден ба ба Кохи сафед НАТО ба ислоҳот даст задааст

ДУШАНБЕ, 3 дек – Sputnik, Галия Ибрагимова. Дар  ҷаласаи роҳбарони вазорати хориҷаи кишварҳои узви НАТО принсипҳои асосии созмон ва тағйри кори он таҷдид назар карданд. Аммо мушкили асосӣ бокӣ монд – рақобат бо Чин ва Русия. РИА Новости таҳлил кард, ки чигуна НАТО метавонад худро “таҳдидҳои Русия” ҳимоят кунад.

Мутобиқ кардани НАТО ба буҳрон

Йенс Столтенберг ба конфронси видеоӣ бо вазирони хориҷаи узви кишварҳои НАТО омодагии ҷидди гирифта буд. Дидор дар сатҳи вазирони хориҷа – охирин ҷаласа пеш аз ҷаласаи солонаи НАТО аст. Дар ин ҷаласа вазирони хориҷаи узви кишварҳои НАТО пешакӣ масалаҳои мубрамро баррасӣ мекунанд, то аз ҳолатҳои ғайричашмдошт дар ҷаласаи солона пешгирӣ кунанд. Қаблан ингуна нофаҳмоиҳо буданд.

Барои мисол, пеш аз ҷаласаи соланаи НАТО дар соли гузашта Эммануэл Макрон эълон кард, ки “НАТО мағзи сараш мурдааст”. Ин мавзӯи баррасӣ шуд ва тамоми барномаҳои пешбинишударо барбод дод. Кишварҳои узви НАТО ба раисҷумҳури Фаронса ва ба як дигар исбот мекарданд, ки дар дохилӣ НАТО ҳама хуб аст ва мушкилоте вуҷуд надорад.

Шаккоки асосии НАТО Доналд Трамп боқӣ монд. Дар ҷавоб ба далелҳои муҳим будани ҷилавгирӣ аз хатари Русия, Чин ва Эрон, раисҷумҳури Амрико дар аввал талаб кард, кишварҳои НАТО маблағгузориро барои мудофиа  афзоиш диҳанд. Вай бар он буд, ки мубориза бо таҳдидҳои беруна аз ҳисоби қудрати Амрико дуруст нест.

Дар саммити қарибувуқӯъ Амрикоро Ҷо Байден муаррифӣ хоҳад кард ва ба ҳамин хотир дабири кулли НАТО умед дорад созмон ба рӯзҳои хуби пеш бармегардад. Столтенберг удевор аст, ки Амрико бори дигар муҳим будани нақши шарикии низомию сиёсии худро бо кишварҳои узви НАТО таъид мекунад.

 Ба ҳамин хотир пеш аз оғози ҷаласаи солона дабири кулли НАТО ба мутахассисонаш супориш дод, то мушкилоти созмон ва роҳҳои ҳалли онро омӯзанд ва барои даҳ соли оянда барномаҳои мушаххас пешниҳод намоянд.   

Ба таҳқиқи натиҷаи кори мутахассисон ва ворид кардани тағйирот ба натиҷаҳои кори онҳо вазирони хориҷаи кишварҳои узви НАТО низ оғоз карданд. Кулли ширкаткунандагон, ҳатто намояндаи Фаронса таъкид карданд, ки “марги мағзи сар” ба НАТО таҳдид намекунад, аммо ислоҳот бояд ҷорӣ шавад.

“Муҳим дуруст истифода кардани буҷаи дифоии НАТО бар вазъияти байналмилалӣ аст. дар вазъияти буҳронӣ созмон бояд зуд ва якҷоя вокуниш нишон диҳад, ҳатто агар ин ба принсипҳои асосӣ муғоират кунад”, - гуфта шудааст дар гузориш.

Гузоришгарон тағйрот дар ҳуқуқи веторо муҳим медонанд. Ҳоло аз ҳуқуқи вето  тамоми кишварҳои узви НАТО бархурдор ҳастанд. “Агар мо бояк овозиро барҳам диҳем кор дар дохили созмон низ ба як тартиб медарояд”, гуфта шудааст дар гузориши пешниҳодшуда.

На ҳамаи вазирон ба ин идао розӣ ҳастанд, вале таъкид карданд, ки ин барои созмон навгонӣ аст.    

Ва боз ҳам “дасти Маскав”

Дар масъалаи хатарҳои беруна тамоми кишварҳои узв якдил ҳастанд: хатари бештар ба НАТО Русияву Чин таҳдид мекунанд.

“Маскав имкониятҳои ядроии худро тақвият мебахшад ва мушакҳои ҷадидашро аз Шимоли дур то Сурияву Либия мустақар кардааст. Ҳузури Русия бар асари буҳрон дар Беларус ва Қарабоғи Кӯҳӣ мутаҳкамтар шуд” – гуфт Столтенберг.

“Кремл мехоҳад мавқеъашро дар кишварҳои собиқ Шӯравӣ пурзур кунад ва ба ҳамин хотир соҳибихтиёрии онҳоро заиф мекунад. НАТО муҳим аст ба ин раванд мутобиқ шавад, то ба Русия рақобат кунад”, - гуфта шудааст дар гузориш.

Кор барои аз байн бурдани хатари Русия идома дорад. Столтенберг ҳамкории НАТО бо Украина ва Гурҷистонро мисол овард. Ҳоло ҳар ду ин кишварҳо – бо имкониятҳои васеъ шарики ин созмон ҳастанд. ба онҳо технология ва маълумоти кашшофӣ аз кишварҳои Ғарб дастрас аст. Аммо ин кишварҳо дар ин созмон комилҳуқуқ нестанд.

Барои ҷилавгирӣ аз Русия НАТО мехоҳад ҳузури худро дар Баҳри Сиёҳ зиёд намояд. Ин ҷавоб ба пурзур намудани нерӯҳои Русия дар Қрим аст. Аммо ҷухъиёт то ҳол шарҳ дода нашудааст.

Мақомдорони Рус ба ин гуфтаҳо вокуниш нишон доданд. “Фаъолияти НАТО ба хусус дар Баҳри сиёҳ руҳияи САҲА-ро зери пой мекунад. Принсипҳои ягонагии амният аз байн меравад”, - гуфт роҳбари Кумитаи Шӯрои Федератсияи Русия оид ба корҳои байналмилалӣ Константин Косачёв.

Авлавияти Баҳри сиёҳ

“Мақсади асосии НАТО – омода шудан бар ивази раисҷумҳури Амрикост. НАТО умедвор аст, ки Байден ба ҳамгироӣ, ки дар замони Трамп як каме коста шуда буд, мусоидат хоҳад кард. Шояд ӯ аз тамоми кишварҳои узви НАТО барои равона намудани ду дарсади ММД кишварҳояшон ба масоили дифоӣ талаб кунад”,  - гуфт роҳбари Шӯрои Русия оид ба корҳои байналмилалӣ Андрей Кортунов.

Таҳлилгари сиёсӣ бар онаст, ки омадани Байден шиддат миёни Русия ва НАТО-ро тағйир нахоҳад дод. Вале ба гуфтаи коршинос дар ҳоле, ки Русия ба масоили зиёд вобастагӣ дорад НАТО наметавонад аз гуфтугӯ худро канор бигирад.

Кортунов мегуяд баррасии масаъали Баҳри сиёҳ миёни кишварҳои узви НАТО, ин аз он шаҳодат медиҳад, ки мавқеъи Русия дар моварои Қафқоз мустаҳкам шудааст. “Ҷанг дар Қарабоғи Кӯҳӣ ва ҳузури сулҳбонони Русия аз мадди назари НАТО низ дур нарафтааст Ин минтақа наздик ба Баҳри сиёҳ аст, ки онро НАТО макони манфиатҳои худ медонад. Пурзуршудани Маскавро онҳо ҳамчун даъват ба рақобат медонанд. Ба ҳамин хотир онҳо аз  аввалият минтақаи Баҳри сиёҳ сухан мекунанд”.

Коршинос бар онаст, ки Русия ягона омили хавфи НАТО дар минтақаи баҳри сиёҳ нест. “Нақшаи онҳо, пурзур намудани мавқеъи худ дар Баҳри сиёҳ аст, ва ин раванд на ба Русия балки ба Туркия равона шудааст. Новобаста аз узвияти Туркия дар Созмон, НАТО дар чандин масъалаҳо бо Анкара назари дигар дорад. Раҷаб Тайип Эрдуғон бо Юнон, Фаронса, Олмон ва Амрико назари мухталиф дорад. Аммо НАТО мехоҳад Туркияро ба созман баргардонад. Мақсади дигар ин коҳиш додани ҳамкории Туркияву Русия аст”.

Ба гуфтаи коршинос мавзӯи ҳамкорӣ дар Баҳри сиёҳро низ Украина ба миён мегузорад. Мавзуи асосӣ ин ҳузури Русия дар Қрим хоҳад буд. “Сохтмони иншоотҳои нави низомӣ дар Қримро Украина ҳамчун далел барои таҳдиди НАТО пешниҳод хоҳад кард. Украина мехоҳад исбот кунад, ки мустақар намудани мушакҳои Русия дар Қрим ба НАТО хатар ворид мекунад, ки онро бояд ҳал кард”,  -илова кард коршинос Кортунов. 

Бадруд ба афсонаҳо

Коршиноси гурҷӣ Торнике Шарашенидзе таъкид кард, ки аҳамияти ҳуззури  НАТО дар Баҳри сиёҳро низ Тифлис дастгири хоҳад кард. Вай инро ба ҳузури низомиёни рус дар Осетияи ҷанубӣ рабт медиҳад.

Гурҷистон дарк кардааст, ки дар миёнамуҳлат ба узвияти НАТО қабул нахоҳад шуд. Аммо мехоҳад ҳамкориашро бо созмон тақвият бахшад”, - таъкид кард коршиноси гурҷӣ.

Вай бар онаст, ки ҷанг дар минтақаи Қарабоғи Кӯҳӣ мавқеъи Русияро дар Қафқоз  боз ҳам қавитар кард. “Арманистон шарик дорад – Русия. Озарбойҷон низ шарик дорад Туркия. Миёни ин кишварҳои алянси низомӣ барпо шудааст. Гурҷистон ингуна шарикро надорад ва танҳо ба умеди НАТО аст”, - илова кард коршинос.

Новобаста аз ин мушкилот НАТО дар аввал мехоҳад муносибаташро бо Байден хуб кунад ва  ҷаласаи солона дар моҳҳои аввали соли оянда озмоиши аввал барои ин Созмон аст.

0
Барчаспҳо:
Амрико, ислоҳот, НАТО, Русия