Қодиров дар бораи карикатураи паёмбар, гунаҳкорони қатли омӯзгор ва оқибати амали Макрон

3812
(Таҷдидшуда 16:30 27.10.2020)
Рамазон Қодиров, раисиҷумҳури Чеченистон, ҳаводиси ахир дар Фаронсаро шарҳ дода, муносибати феълии Ҳукумат ба динро иғвоангезӣ хонд

ДУШАНБЕ, 27 окт — Sputnik. Дар пайи нашри тасвирҳои танзомези ҷадиди Пайғомбар Муҳаммад, Рамазон Қодиров дар саҳифаи Telegram назарашро дар бораи ҳаводиси ахир дар Фаронса баён дошт.

Ӯ ҳушдор дод, ки чунин амал пайомадҳои фоҷиабор дошта метавонанд ва мантиқан низ шубҳабарангезанд, чун “Макрон наметавонад, надонад, ки тасвирҳои танзомези Паёмбар барои шахси диндор дардоваранд”.

“Бо амалҳояш, ӯ баръакс оташро пуф карда истодааст, на хомӯш, ҳамон тавре, ки ҳар роҳбари солимфикр бояд мекард. Ҳеч гоҳ дар таърих чунин сиёсат бо хайр наанҷомидааст”, - илова намуд Қодиров.

Ду гунаҳкор: Қодиров гуфт, якеро қаҳрамону дигареро террорист сохтанд

Роҳбари Чеченистон аз Макрон даъват кард, ки иғвогарӣ дар мавриди мусалмононро қатъ кунад, зеро чунин сиёсат хеле пайомадҳои ҷиддии сиёсӣ дорад.

Қодиров илова намуд, ки маҳз тамасхури эътиқод мусалмонро ба куштори омӯзгор дар наздикии шаҳри  Порси таҳрик дод. Ӯ таъкид кард, ки дар ҳодисаи фоҷиабори мазкур ҳарду мард гунаҳкоранд, “аммо якеро ба дараҷаи қаҳрамони Фаронса мебардореду нафареро, ки ӯ таҳрик дод -  террорист сохтед”.

Сад баробар бадтар: Қодиров Макронро пешвои терроризм хонд

“Макрон, агар ту ӯро террорист меномӣ, дар ин ҳолат худат сад баробар бадтарӣ, чун ба терроризм водор мекунӣ, одамонро таҳрик медиҳӣ, интихоб намегузорӣ, ҳамаи шароитро барои бозгашти ғояҳои ифротгароӣ ба мағзи ҷавонон фароҳам мекунӣ. Метавонӣ роҳат худро пешво ва илҳомбахши терроризм дар кишвари худ ном бибарӣ”, - таъкид намуд Қодиров.

3812
Президент Азербайджана Ильхам Алиев

Алиев гуфт, ки кӯшиши вайрон кардани созишномаи Қарабоғ вуҷуд дорад

291
(Таҷдидшуда 14:35 01.12.2020)
Сарфи назар аз он, ки режими оташбас дар Қарабоғи Кӯҳӣ ба таври умум риоя карда мешавад, кӯшишҳо барои вайрон кардани созишномаи сеҷонибаи минтақа байни Русия, Озарбойҷон ва Арманистон вуҷуд доранд

ДУШАНБЕ, 1 дек — Sputnik. Ин нуктаро Илҳом Алиев зимни паёмаш ба мардуми озарбойҷон изҳор доштааст, хабар медиҳад РИА Новости.

“Агар касе мехоҳад созишномаи 10 ноябр имзошударо вайрон кунад, мо ҷавоби қатъӣ медиҳем. Чунин кӯшишҳо ҳастанд ва онҳо як ҳадаф доранд - созишномаро вайрон кардан, зеро барои баъзеҳо ин хеле нороҳаткунанда аст. Аммо ҳеҷ кас ба кори мо дахолат карда наметавонад, созишнома бояд иҷро шавад”, - гуфтааст Алиев.

Сулҳ дар Қаробоғи Кӯҳӣ: кӣ барои чӣ меҷангид?

Ҳамзамон раҳбари Озарбойҷон гуфтааст, дар умум созишномаи оташбас риоя мешавад.

Қаблан маълум буд, ки минтақаи Лочин таҳти назорати Боку гузаштааст - сеяки охирин, ки дар санади сулҳ номбар шуда буд.

Артиши Русия дар Степанакерт бемористон таъсис дод

Рӯзи 10 ноябр сарони Русия, Озарбойҷон ва Арманистон дар бораи қатъи комили ҷанг дар Қарабоғ созишнома имзо карданд. Арманистон ваъда дод, ки минтақаҳои Келбаҷар, Лочин ва Агдамро ба озарбойҷониҳо бармегардонад.

Тарафҳо бояд маҳбусон ва ҷасади мурдагонро иваз кунанд. Дар минтақа нерӯҳои посдори сулҳи Русия мустақаранд ва маркази назоратии Русияву Туркия таъсис дода мешавад.

Дар Боку ин созишнома таслимшавии Ереван ном дошт. Президент Илҳом Алиев таъкид кард, ки ин санад аз ҳама бештар барои Озарбойҷон муфид аст: ҳоло, ба гуфтаи ӯ, марҳилаи низомӣ ба анҷом расидааст ва гузаштан ба масъалаҳои сиёсӣ имконпазир аст.

Сулҳбонони рус роҳҳоро дар Қарабоғ барқарор мекунанд - навор

Сарвазири Арманистон Никол Пашинян эътироф кард, ки қарори сулҳ ба ӯ сахт вазнин буд, аммо ин ба ӯ имкон дод, ки он чизеро, ки Қарабоғ гум мекард, наҷот диҳад.

Садои тирпаррониро намешунавем: роҳбари сулҳҷӯён дар бораи вазъ дар Қаробоғи Кӯҳӣ

Пас аз он, дар Ереван тазоҳурот бо талаби истеъфои сарвари ҳукумат оғоз ёфт.

291
Барчаспҳо:
оташбас, созиш, Арманистон, Озарбойҷон, Русия
Онлайн-встреча с Парламентским заместителем государственного секретаря Великобритании

Тоҷикистону Бритониё якҷо бар зидди COVID - 19 мубориза мебаранд

76
(Таҷдидшуда 13:52 01.12.2020)
Намояндагони Тоҷикистону Бритониёи Кабир муборизаи муштарак бар зидди ҳамагирии коронавирус ва паёмадҳои тағйирёбии иқлимро баррасӣ карданд

ДУШАНБЕ, 1 дек — Sputnik. Муовини вазири корҳои хориҷӣ Музаффар Ҳусейнзода бо муовини парлумонии котиби давлатии Подшоҳии Бритониёи Кабир ва Ирландияи Шимолӣ хонум Венди Мортон тариқи видео суҳбат кардааст.

Дар ин бора вазорати корҳои хориҷии Тоҷикистон хабар медиҳад.

Урупо фили амрикоиро монда мӯрчаи белорусиро қапид

Бино ба гузориши манбаъ, ҷонибҳо ба рушди робитаҳои дуҷониба дар масъалаҳои сиёсӣ, иқтисодӣ ва гуманитарӣ изҳори ҳавасмандӣ кардаанд.

"Дар суҳбат масъалаҳои муборизаи муштарак бо ҳамагирии COVID-19 ва коҳиши паёмадҳои тағйирёбии иқлим мавриди баррасӣ қарор гирифтанд", - омадааст дар хабарнома.

Олимони бритонӣ се нишонаи нави коронавирусро ном бурданд

Манбаъ афзуда, ки ҳамсуҳбатон аҳамияти тавсеаи ҳамкориҳо дар чорчӯби созмонҳои байналмилалӣ ва ниҳодҳои молиявиро таъкид карданд.

76
Барчаспҳо:
муовини вазир, суҳбат, суҳбат, Бритониёи Кабир, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Президент Республики Таджикистан Эмомали Рахмон

Раҳмон ба Макрон изҳори ҳамдардӣ кард

0
Раисҷумҳури Тоҷикистон Эмомалӣ Раҳмон ба президенти Фаронса Эммануэл Макрон барқияи таслият ирсол кардааст

ДУШАНБЕ, 3 дек — Sputnik.  Дар ин бора котиботи президент иттилоъ медиҳад.

Ба гузориши манбаъ, Эмомалӣ Раҳмон бино бар даргузашти президенти собиқи Фаронса Валери Жискар д’Эстен изҳори ҳамдардӣ кардааст.

"Хабари даргузашти собиқ Президенти Фаронса Валери Жискар д’Эстен боиси андӯҳи  мо гардид", - гуфтааст дар он мактуб раисҷумҳури Тоҷикистон.

Ӯ аз нақши марҳум ёдрас шудааст, ки Жискар д’Эстен ба ҳайси шахсияти боризи давлатӣ, хислату мӯҳтавои як давраи муҳими рушди Франсияро муайян намуд.

"Номи ӯ дар таърихи муосир ҳамчун сиёсатмадоре, ки дар таъмиқи раванди ҳамгироии Аврупо ва ташаккули асосҳои таъсис додани Иттиҳоди Аврупо нақши босазо гузоштааст, ба ҳамешагӣ боқӣ мемонад", - омадааст дар барқия.

Изҳори ҳамдардӣ: сафири Эрон дар Тоҷикистон ба сафорати Афғонистон рафт

Эмомалӣ Раҳмон ҳамчунин аз Макрон хоҳиш кардааст, ки изҳори ҳамдардиашро ба пайвандони марҳум ва мардуми Фаронса расонад.

0