Президент Ирана Хасан Роухани и президент Таджикистана Эмомали Рахмон

Рӯҳонӣ Раҳмонро бо милоди Пайғамбар табрик кард: ишора бар ҳодисаҳои Фаронса

1101
(Таҷдидшуда 14:04 03.11.2020)
Раисҷумҳури Эрон, Ҳасан Рӯҳонӣ раисҷумҳури Тоҷикистон, Эмомалӣ Раҳмонро бо милоди ҳазрати Муҳаммад (с) табрик кард

ДУШАНБЕ, 3 ноя — Sputnik. Ба гузориши "Парс тудэй" раисҷумҳури Эрон дар номаи шодбошиаш аз ҳодисаҳои ахир дар Фаронса ёдрас шудааст ва гуфтааст, Эрон онро шадидан маҳкум мекунад ва аз кишварҳои дигари исломӣ низ ҳаминро интизор аст.

"Тавҳин ба чунин шахсияти бузургворе, тавҳин ба арзишҳо, ахлоқу озодӣ аст ва ҳимоят аз тавҳинкунандагон, ҳимоят аз разолат, палидӣ, ҳурматшиканӣ ва ҳимоят аз ифротгароӣ хоҳад буд ва Ҷумҳурии Исломии Эрон чунин амалеро ба шиддат маҳкум мекунад, интизори мо аз кишварҳои исломӣ низ маҳкум кардани ингуна иқдомоти нобихирадонааст", - таъкид кардааст вай.

Раиси Ҷумҳурии Исломии Эрон изҳор умедворӣ кардааст ба юмни баракати ин милоди фархунда, битавонем раванди мубориза бо вируси КОВИД-19-ро суръат бахшида ва шоҳиди решакан шудан ва дармони бемории корона дар саросари ҷаҳон бошем.

Рӯҳонӣ ибрози итминон кардааст: Рӯзҳои сахте, ки ин бемории вайронгару хонамонсӯз насиби ҷаҳониён карда ба кумаки якдигар ба зудӣ сипарӣ хоҳад шуд ва бори дигар саломатӣ ва равнақи зиндагӣ ба тамомии башарият ва махсусан мардуми кишварҳои исломӣ боз хоҳад гашт.

Ақабнишинии Макрон аз мавозеи исломситезона

Вай дар поён аз Худованди мутаъол саломатӣ ва муваффақияти раиси ҷумҳурӣ ва иззату беҳрузии мардуми Тоҷикистонро хостор шудааст.

1101
Джо Байден

Байден гуфт, дар давраи ҳукмронияш бо Русия чӣ гуна муносибат хоҳад дошт

97
(Таҷдидшуда 12:34 04.12.2020)
Раҳбари тозаинтихоби Амрико Ҷо Байден, ки тибқи маълумоти пешакӣ, президенти Иёлоти Муттаҳида интихоб шуд, гуфт, дар давраи ҳукрмронияш бо Русия чӣ гуна муносибат хоҳад дод

ДУШАНБЕ, 4 дек – Sputnik. Ҷо Байден зимни як мусоҳибаи телевизионӣ бо шабакаи CNN нақшаҳои "муносибати бисёрҷониба" -ро нисбат ба Русия, Эрон, Чин ва дигар кишварҳо эълон кардааст, хабар медиҳад РИА Новости.

"Мо бояд узви як гурӯҳи калон бошем, ин на танҳо бо Эрон, балки бо Русия, Чин ва дигарон муносибат кунем",- гуфт сиёсатмадор.

Ҳамзамон Байден гуфт, ки қабл аз ба вазифа расидан ӯ наметавонист сиёсати ИМА-ро таҳия кунад. "Аммо ман мехоҳам муносибатҳои  наздики иттиҳодиро ҳам дар Аврупо ва ҳам дар минтақаи Ҳинд ва Уқёнуси Ором барқарор кунам", - илова кардааст ӯ.

Ҳамзамон, сиёсатмадор иқрор кард, ки "музокироти душвор" бо Иттиҳоди Аврупо ӯро интизор аст ва ӯ дар ин бора ҳеҷ гуна хаёле надошт.

Раисиҷумҳури ИМА-ро таъйин карданд: кӣ воқеан қудрат дар ИМА-ро ғасб намуд?

Қаблан сафири Русия дар ИМА Анатолий Антонов гуфта буд, ки Маскав метавонад ҳамкориҳоро бо маъмурияти нав дар Вашингтон ҳадди аққал дар панҷ самт: суботи стратегӣ, паҳн нашудани силоҳи ҳастаӣ, ҳамкорӣ дар кайҳон, мубориза бо терроризм ва пандемияи коронавирус тавсеа диҳад.

 Ҳамзамон, дипломат изҳори шубҳа кард, ки Маскав метавонад бо Вашингтон дар мавриди назорати силоҳ мувофиқат кунад.

Сафир ҳангоми суханронӣ дар бораи натиҷаҳои интихобот дар Иёлоти Муттаҳида қайд кард, ки Русия ҳама гуна интихоби амрикоиҳоро эътироф мекунад, аммо мунтазири эълони расмии натиҷаҳо пеш аз вокуниш дар доираи протоколи дипломатӣ мебошад.

Интихоботи президентии ИМА рӯзи 3 ноябр баргузор шуд.

Номзади демократҳо Ҷо Байден, тибқи маълумоти пешакӣ, аз иёлотҳо то 306 раъйи интихобкунандагон бар даст овард.

Путин шарҳ дод, ки чаро то ҳол Ҷо Байденро табрик накардааст

Президенти феълӣ Доналд Трамп шикастро эътироф намекунад ва натоиҷро дар чанд иёлат зери шубҳа мегузорад.

97
Барчаспҳо:
ҳамкорӣ, муносибат, президент, Русия, ИМА
Президент Азербайджана Ильхам Алиев

Алиев гуфт, ки кӯшиши вайрон кардани созишномаи Қарабоғ вуҷуд дорад

293
(Таҷдидшуда 14:35 01.12.2020)
Сарфи назар аз он, ки режими оташбас дар Қарабоғи Кӯҳӣ ба таври умум риоя карда мешавад, кӯшишҳо барои вайрон кардани созишномаи сеҷонибаи минтақа байни Русия, Озарбойҷон ва Арманистон вуҷуд доранд

ДУШАНБЕ, 1 дек — Sputnik. Ин нуктаро Илҳом Алиев зимни паёмаш ба мардуми озарбойҷон изҳор доштааст, хабар медиҳад РИА Новости.

“Агар касе мехоҳад созишномаи 10 ноябр имзошударо вайрон кунад, мо ҷавоби қатъӣ медиҳем. Чунин кӯшишҳо ҳастанд ва онҳо як ҳадаф доранд - созишномаро вайрон кардан, зеро барои баъзеҳо ин хеле нороҳаткунанда аст. Аммо ҳеҷ кас ба кори мо дахолат карда наметавонад, созишнома бояд иҷро шавад”, - гуфтааст Алиев.

Сулҳ дар Қаробоғи Кӯҳӣ: кӣ барои чӣ меҷангид?

Ҳамзамон раҳбари Озарбойҷон гуфтааст, дар умум созишномаи оташбас риоя мешавад.

Қаблан маълум буд, ки минтақаи Лочин таҳти назорати Боку гузаштааст - сеяки охирин, ки дар санади сулҳ номбар шуда буд.

Артиши Русия дар Степанакерт бемористон таъсис дод

Рӯзи 10 ноябр сарони Русия, Озарбойҷон ва Арманистон дар бораи қатъи комили ҷанг дар Қарабоғ созишнома имзо карданд. Арманистон ваъда дод, ки минтақаҳои Келбаҷар, Лочин ва Агдамро ба озарбойҷониҳо бармегардонад.

Тарафҳо бояд маҳбусон ва ҷасади мурдагонро иваз кунанд. Дар минтақа нерӯҳои посдори сулҳи Русия мустақаранд ва маркази назоратии Русияву Туркия таъсис дода мешавад.

Дар Боку ин созишнома таслимшавии Ереван ном дошт. Президент Илҳом Алиев таъкид кард, ки ин санад аз ҳама бештар барои Озарбойҷон муфид аст: ҳоло, ба гуфтаи ӯ, марҳилаи низомӣ ба анҷом расидааст ва гузаштан ба масъалаҳои сиёсӣ имконпазир аст.

Сулҳбонони рус роҳҳоро дар Қарабоғ барқарор мекунанд - навор

Сарвазири Арманистон Никол Пашинян эътироф кард, ки қарори сулҳ ба ӯ сахт вазнин буд, аммо ин ба ӯ имкон дод, ки он чизеро, ки Қарабоғ гум мекард, наҷот диҳад.

Садои тирпаррониро намешунавем: роҳбари сулҳҷӯён дар бораи вазъ дар Қаробоғи Кӯҳӣ

Пас аз он, дар Ереван тазоҳурот бо талаби истеъфои сарвари ҳукумат оғоз ёфт.

293
Барчаспҳо:
оташбас, созиш, Арманистон, Озарбойҷон, Русия

СҶБ: агар имкони риояи фосила иҷтимоӣ мавҷуд набошад, пас ҳатман ниқоб пӯшед

0
Тавсияи Созмони ҷаҳонии беҳдошт ҳам ба калонсолон ва ҳам ба кӯдакони то синни 12 - сола дахл дорад

ДУШАНБЕ, 4 дек – Sputnik. Созмони ҷаҳонии беҳдошт дастури ҷадид бобати риояи фосилаи иҷтимоӣ ва пӯшидани ниқоб нашр намудаст.

Бар тибқи дастури нави СҶБ, пӯшидани ниқоб дар ҷойҳои ҷамъиятӣ, аз ҷумла мактабу мағоза ва ҷойҳои умумии корӣ ҳам барои одамони калонсол ва ҳам барои кӯдакони то синни 12 - сола шарт ва зарур аст.

"Чӣ дар дохили биноҳо, аз ҷумла дар мағозаҳо, ҷойҳои кори умумӣ ва мактабҳо ва чӣ дар беруни биноҳо, ки фосилагирии ҷисмонӣ ба андозаи ҳадди ақалл як метр ғайриимкон аст, ниқобҳо пӯшида шаванд", - таъкид мешавад дар хабар.

Гузашта аз ин, созмон тавсия медиҳад, ки сарфи назар аз имконоти нигоҳ доштани фосилаи зарурӣ, ҳамеша дар дохили биноҳое, ки ба таври бояду шояд ҳаво дода намешаванд, бояд ниқоб пӯшида шавад.

Муҳофизат бо усули ҷопонӣ: ниқобҳо бо алмосу марворид - акс

Ин тавсия ҳам ба калонсолон ва ҳам ба кӯдакони 12-сола ва калонтар дахл дорад. Барои кӯдакони то панҷсола пӯшидани ниқоб тавсия дода нашудааст.

Ҳамзамон барои кӯдакони синни аз 6 то 11-сола тасмим дар бораи пӯшидани ниқоб ё напӯшидани он бо дарназардошти вазъи мушаххаси вобаста ба интиқоли коронавирус дар минтақаи муайян, инчунин қобилияти кӯдак барои истифодаи дурусти ниқоб ва имкони назорати онҳо аз тарафи калонсолон гирифта мешавад.

0
Барчаспҳо:
тавсия, СҶБ
Мавзуҳо:
Пайомадҳои COVID-19 дар Тоҷикистон ва ҷаҳон