Здание МИД Таджикистана в Душанбе, архивное фото

Вокуниши ВУХ Тоҷикистон ба қатъи амалиёти ҳарбӣ дар Қарабоғи Кӯҳӣ

369
(Таҷдидшуда 12:41 13.11.2020)
Тоҷикистон аз изҳороти президенти Озарбойҷон, сарвазири Арманистон ва президенти Русия оид ба оташбаси комил ва қатъи ҷанг дар Кӯҳистони Қарабоғ истиқбол менамояд

ДУШАНБЕ, 13 ноя — Sputnik. Вазорати умури хориҷаи Тоҷикистон ба эълони оташбас дар Қарабоғи Кӯҳӣ вокуниш кард.

Ин ниҳод мегӯяд, Тоҷикистон изҳороти президенти Озарбойҷон Илҳом Алиев, сарвазири Арманистон Никол Пашинян ва президенти Русия Владимир Путинро аз 9 ноябри соли 2020 оид ба оташбаси комил ва қатъи амалиёти ҳарбӣ дар минтақаи низои Кӯҳистони Қарабоғро истиқбол менамояд.

"Мо аҳамияти истисноии ҳалли мусолиматомези низои Кӯҳистони Қарабоғро бо роҳҳои сиёсиву дипломатӣ дар чаҳорчӯби принсип ва меъёрҳои пазируфтаи ҳуқуқи байналмилалӣ таъкид мекунем", - омадааст дар хабарнома.

Ёдрас мешавем, ки роҳбарони Арманистон, Озарбойҷон ва Русия баёнияи оташбас ва хатми ҷанг дар Қарабоғи Кӯҳиро имзо карданд, ки он аз соати 00: 00-и 10 ноябр ба амал даромад.

Ҷониби Озарбойҷон ва Арманистон ваъда доданд, ки асирони ҳарбиро табодул мекунанд, ва ҳарбиён ҳоло дар ҷойгоҳҳои худ боқӣ мемонанд.

Дар навбати худ, сарвазири Арманистон Никол Пашинян изҳор дошт, ки созишнома дар бораи Қарабоғ барои ӯ як қарори бениҳоят душвор буд ва илова кард, ки роҳи дигаре набуд. Президенти Озарбойҷон Илҳом Алиев мутмаин аст, ки созишномаҳо ба ҳалли низои Қарабоғ хотима мегузоранд.

Поёни ҷанг дар Қарабоғ: Русия, Озарбойҷон ва Арманистон созишнома имзо карданд

Шаш ҳавопаймои Ил-76 бо нерӯҳои посдори сулҳи Русия аллакай ба сӯи Қарабоғ парвоз карданд, онҳо баробари хуруҷи артиши Арманистон дар он ҷо хоҳанд буд.

Мӯҳлати будубоши нерӯҳои посдорони сулҳ панҷ сол бо тамдиди автоматӣ ба мӯҳлати иловагии панҷ соли дигар хоҳад буд, агар ҳеҷ кадоме аз тарафҳои созишнома дар бораи баромадан аз он қарор қабул накунанд.

Оташбас дар Қарабоғи Кӯҳӣ: тавофуқи Арманистону Озарбойҷон бар сари чист?

Маълум аст, ки дар доираи созишномаи имзошуда Ереван бояд минтақаи Келбағарро то 15 ноябр ва вилояти Лочинро то 1 декабри соли 2020 баргардонад ва долони Лачинро, ки бараш панҷ километрро дар бар мегирад, бармегардонад, ки ин робитаи байни Қарабоғи Кӯҳӣ ва Арманистонро таъмин хоҳад кард.

Ғайр аз он, Ереван бояд то 20 ноябр ба Боку минтақаи Агдам ва як қисме аз ноҳияи Газахи Озарбойҷонро диҳад. Ин ба Шуша дахл надорад.

369
Барчаспҳо:
вокуниш, поён, ҷанг, Русия, Арманистон, Озарбойҷон, Тоҷикистон
В Дамаске Министр иностранных дел и мигрантов Сирийской Арабской Республики Фейсал аль-Микдод принял Чрезвычайного и Полномочного Посла Республики Таджикистан в Государстве Кувейт Зубайдулло Зубайдзода

Зувайдзода бо вазири навтаъйини Сурия баргардондани тоҷикистониёнро баррасӣ кард

175
(Таҷдидшуда 17:07 04.12.2020)
Зувайдулло Зувайдзода, сафири Тоҷикистон дар Қувайт бо вазири навтаъйини умури хориҷии Сурия баргардондани тоҷикистониёнро аз ин кишвар баррасӣ кард

ДУШАНБЕ, 4 дек — Sputnik. Тибқи иттилои Вазорати умури хориҷии Тоҷикистон, Файсал ал-Миқдод, вазири корҳои хориҷӣ ва муҳоҷирини Ҷумҳурии Арабии Сурия, Зубайдулло Зубайдзодаро ба ҳузур пазируфт.

Манбаъ афзуд, ки мулоқот 3 декабр дар шаҳри Димишқ баргузор шуда, ҷонибҳо баргардондани тоҷикистониёнро аз Сурия баррасӣ кардаанд.

"Дар мулоқот масъалаи баргардонидани шаҳрвандони Тоҷикистон ба Ватан аз урдугоҳи ал-Ҳавл, густариш ва тақвияти ҳамкориҳо дар арсаҳои мавриди эҳтимоми муштарак баррасӣ гардида, перомуни вазъияти Ховари Миёна табодули афкор сурат гирифт”, - омадааст дар иттилоияи ВУХ.

Сафири тоҷик инчунин номаи табрикии вазири корҳои хориҷии Тоҷикистон Сироҷиддин Муҳриддинро ба Файсал ал-Миқдод ба муносибати таъйин гардиданаш ба вазифаи вазири корҳои хориҷӣ ва муҳоҷирини Сурия супоридааст.

175
Барчаспҳо:
ҷангҷӯй, мулоқот, Сурия, Тоҷикистон
Ҷавод Зариф, вазири умури хориҷии Эрон, акс аз бойгонӣ

Зариф гуфт, Эрон дубора дар бораи тавофуқоти ҳастаӣ музокирот намекунад

81
(Таҷдидшуда 13:27 04.12.2020)
Вазири умури хориҷаи Эрон мегӯяд, ИМА бояд бидуни шартгузориҳои ҷадид ба тааҳудоташ дар тавофуқи ҳастаии Барҷом ҳамон тавре, ки дар қатъномаи 2231 Шӯрои амнияти Созмони Милали Муттаҳид омадааст, амал кунад

ДУШАНБЕ, 4 дек – Sputnik. Муҳаммадҷавод Зариф, вазири хориҷии Эрон, зимни нишасти маҷозии гуфтугӯҳои Медитарона гуфт, барои он чизе, ки дар тавофуқи ҳастаӣ ба даст оварданд, дубора музокира нахоҳанд кард.

“Урупо ва Амрико бояд ба иҷрои тавофуқи ҳастаӣ тааҳуд дошта бошанд ва Амрико ҳам дар ҷойгоҳе нест, ки бихоҳад шарт бигзорад. Агар тарафҳои Барҷом ба тааҳудоташон амал накунанд, қонуни "иқдоми роҳбурдӣ барои лағви таҳримҳо ва сиёнат аз  ҳуқуқи миллати Эрон” иҷро хоҳад шуд",- гузориш дод радиои тоҷикии Садои Хуросон аз қавли вазири умури хориҷаи Эрон.

Манбаъ афзуд, бар асоси қонуни "иқдоми роҳбурдӣ барои лағви таҳримҳо ва сиёнат ё худ ҳифозат аз ҳуқуқи миллати Эрон", ки 9 модда дорад, давлати Эрон муваззаф аст дар сурати иҷро нашудани тааҳудоти кишварҳои тарафи тавофуқи ҳастаӣ, як моҳ пас аз тасвиби ин қонун иҷрои довталабонаи санади протоколи илҳоқиро мутаваққиф кунад.

Протоколҳои илҳоқӣ санадест, ки ба муҷиби он кишварҳои узви МАГАТЭ ба бозрасони агентӣ иҷозаи бозрасӣ аз ҳар маконе, ки зарурӣ бидонанд, медиҳанд.

Сафорати Эрон дар Тоҷикистон қатли Мӯҳсин Фахризодаро иқдоми террористӣ донист

Вазири умури хориҷаи Эрон ҳамчунин дар вокуниш ба сукути се кишвар - Олмон, Фаронса ва Англия дар қиболи террори доктор Муҳсин Фахризода донишманди ҳастаии Эрон гуфт: "Террори доктор Фахризода як таҷовузи байналмилалӣ аст ва мо ҳанӯз мунтазирем Англия, Фаронса ва Олмон онро маҳкум кунанд".

81
Барчаспҳо:
БАРҶОМ, созишнома, тавофуқи ҳастаӣ, Эрон

Ин “Пирӯзӣ” аст: сомонаи замин ба ҳавоии С-400 тамоми нишонҳоро ба ҳадаф расонд видео

0
(Таҷдидшуда 13:26 05.12.2020)
Вазорати дифои Русия навори ҷолиберо нашр кардааст, ки дар он санҷиши сомонаи замин ба ҳавоии С-400 “Триумф” ё “Пирӯзӣ” ба навор гирифта шудааст

Санҷишҳои бо муваффақи системаи С-400 дар пойгоҳи озмоишии Капустин Яри вилояти Астрахани Русия сурат гирифт, иттилоъ додааст дафтари матбуоти вазорати дифои Русия.

“Низоми С-400 бо муваффақ ҳамаи нишонҳоро ба ҳадаф расонд. Мушаки озмоишии “Кабан” дар баландии 15 киломтр нобуд карда шуд”, - таъкид доштааст вазорати дифои Русия.

Русия дар Тоҷикистон мушакҳои С-300-ро наздикии марзи Афғонистон насб кард

Пеш аз ба артиши Русия додани С-400, ин охирин имтиҳони он буд. Сипас С-400 барои дифои фазои минтақаи Самара равон карда мешавад.

Ёдрас мешавем, ки дар аввали моҳи сентябр мушакпартоии санҷишии “Триумф” дар пойгоҳи Ашулуки вилояти Астрахан сурат гирифта буд.

0
Барчаспҳо:
ҳадаф, нишон, санҷиш, С-400 "Триумф", Русия