Заседание правительства РТ

Усули домино: чаро дар Тоҷикистон тағйироти кадрӣ амалӣ мешавад?

1779
(Таҷдидшуда 13:26 19.11.2020)
Тағйироти кадрӣ дар ҳукумат ва дастгоҳи шаҳрдорон дар авохири сол дар Тоҷикистон ғайримаъмулӣ нест. Мебинем кӣ куҷо рафт ва сабаби чунин тағйиротҳои бузург дар чист

ДУШАНБЕ, 19 ноя - Sputnik. Рӯзи 18 ноябр дар Тоҷикистон тағйироти бузурги кадрӣ анҷом дода шуд, ки дар паи он мақомдорони ҳукуматӣ ҷо ба ҷо гузошта шуданд.

Тағйироти кадрӣ дар шаҳрдориҳо

Муҳаммадзода Маъруф аз вазифаи раиси шаҳри Хуҷанд барканор шуд. Сабаб: гузаштан ба кори дигар.

Ба ҷои ӯ раиси шаҳри Гулистон Фирдавс Шарифзода таъин гардид.

Дар курсии Шарифзода бошад, Бахтиёр Маҷидӣ такя зад.

Ҳамчунин Амирхон Қурбонзода аз вазифаи раиси шаҳри Истаравшан сабукдӯш ва ба ҷояш Адҳам Маъмурзода раҳбари ин шаҳр гардид.

10 фармони ҷадиди Раҳмон: кӣ барканор шуду кӣ вазифа гирифт

Ҳайати шаҳрдории пойтахти Тоҷикистон низ иваз шуд. Ба ҷои муовини аввали раиси шаҳри Душанбе Маҳмадсаид Зувайдзода раиси шаҳри Истаравшан Қурбонзода таъин гардид.

Исмҳои нав дар дастгоҳи президенти Тоҷикистон

Як барканорӣ таъиноти дигар ва аз як вазифа ба вазифаи дигар гузарониданро дар пай дорад. Бо чунин "усули домино" дар дастгоҳи президент ва дигар мақомот низ тағйирот сурат гирифт.

Раиси Кумитаи меъмории назди Ҳукумати Тоҷикистон Ҷамшед Аҳмадзода бо сабаби ба нафақа баромадан аз ин вазифа сабукдӯш ва ба ҷояш Зувайдзода - муовини аввали шаҳрдори Душанбе таъин гардид.

Ҳамчунин Хайриддин Абдураҳимов нигаҳбони сирри давлатӣ низ бознишаста шуд. Вазифаи сардори Саридораи сирри давлатӣ чанде боз холӣ буд ва инак ба ин мансаб Абдуллозода Аҳтам такя зад.

Ӯ дар навбати худ курсии муовини якуми Роҳбари Дастгоҳи иҷроияи Президенти Тоҷикистонро холӣ монд.

Адҳам Маъмурзода аз вазифаи муовини сардори шӯъбаи маориф, фарҳанг ва иттилооти Дастгоҳи иҷроияи Президенти Тоҷикистон, озод шуду барои раҳбарии Истаравшан рафт.

Тағйирот дар Агентии назорати маводи нашъаовар

Боз як бознишаста - Шерхон Салимзода пас аз адои хизмат дар вазифаи директори Агентии назорати маводи нашъаовар ба истироҳат рафт. 

Тағйироти кадрӣ: Раҳмон генерал Шерхон Салимзодаро аз мақом барканор кард

Ин вазифаро Ҳабибулло Воҳидзода прокурори пешини вилояти Суғд гирифт.

Кишвардори Тоҷикистон инчунин Ҳайдарзода Муртазоро аз вазифаи муовини директори Агентии назорати маводи нашъаовари назди Президенти Ҷумҳурии Тоҷикистон озод кард.

Ҳуқуқшинос, прокурор ва донандаи ду забон: ҷойгузини Шерхон Салимзода кист?

Барканориҳои глобалӣ: барои чӣ ва ба кӣ лозим аст

Шокирҷон Ҳакимов сиёсатшинос ва ҳимоятгар дар суҳбат бо Sputnik Тоҷикистон гуфт, амалӣ кардани тағйироти кадрӣ дар арафаи Соли нав як анъана шудааст.

"Президент бо дарназардошти дастовардҳо ва нокомиҳо дар охири сол дар доираи ваколатҳои расмии худ раисони шаҳру ноҳияҳо ва вилоятҳоро аз вазифа сабукдӯш мекунад", - қайд кард коршинос.

Ҳакимов ҳамчунин қайд кард, ки тағйироти кадрӣ ба дигарбора интихоб шудани Эмомалӣ Раҳмон ба симмати раҳбарии давлат рабт дорад.

Ғайриимкон аст, бигӯем, ки натиҷаҳои ин тағйиротҳои кадрӣ метавонанд як навъ ҷаҳиши мусбат бошад, хулоса кард сиёсатшинос.

1779
Барчаспҳо:
сабаб, тағйироти кадрӣ, Тоҷикистон
Мавзуҳо:
Тағйироти кадрӣ дар Тоҷикистон (97)
Президент Азербайджана Ильхам Алиев

Алиев гуфт, ки кӯшиши вайрон кардани созишномаи Қарабоғ вуҷуд дорад

285
(Таҷдидшуда 14:35 01.12.2020)
Сарфи назар аз он, ки режими оташбас дар Қарабоғи Кӯҳӣ ба таври умум риоя карда мешавад, кӯшишҳо барои вайрон кардани созишномаи сеҷонибаи минтақа байни Русия, Озарбойҷон ва Арманистон вуҷуд доранд

ДУШАНБЕ, 1 дек — Sputnik. Ин нуктаро Илҳом Алиев зимни паёмаш ба мардуми озарбойҷон изҳор доштааст, хабар медиҳад РИА Новости.

“Агар касе мехоҳад созишномаи 10 ноябр имзошударо вайрон кунад, мо ҷавоби қатъӣ медиҳем. Чунин кӯшишҳо ҳастанд ва онҳо як ҳадаф доранд - созишномаро вайрон кардан, зеро барои баъзеҳо ин хеле нороҳаткунанда аст. Аммо ҳеҷ кас ба кори мо дахолат карда наметавонад, созишнома бояд иҷро шавад”, - гуфтааст Алиев.

Сулҳ дар Қаробоғи Кӯҳӣ: кӣ барои чӣ меҷангид?

Ҳамзамон раҳбари Озарбойҷон гуфтааст, дар умум созишномаи оташбас риоя мешавад.

Қаблан маълум буд, ки минтақаи Лочин таҳти назорати Боку гузаштааст - сеяки охирин, ки дар санади сулҳ номбар шуда буд.

Артиши Русия дар Степанакерт бемористон таъсис дод

Рӯзи 10 ноябр сарони Русия, Озарбойҷон ва Арманистон дар бораи қатъи комили ҷанг дар Қарабоғ созишнома имзо карданд. Арманистон ваъда дод, ки минтақаҳои Келбаҷар, Лочин ва Агдамро ба озарбойҷониҳо бармегардонад.

Тарафҳо бояд маҳбусон ва ҷасади мурдагонро иваз кунанд. Дар минтақа нерӯҳои посдори сулҳи Русия мустақаранд ва маркази назоратии Русияву Туркия таъсис дода мешавад.

Дар Боку ин созишнома таслимшавии Ереван ном дошт. Президент Илҳом Алиев таъкид кард, ки ин санад аз ҳама бештар барои Озарбойҷон муфид аст: ҳоло, ба гуфтаи ӯ, марҳилаи низомӣ ба анҷом расидааст ва гузаштан ба масъалаҳои сиёсӣ имконпазир аст.

Сулҳбонони рус роҳҳоро дар Қарабоғ барқарор мекунанд - навор

Сарвазири Арманистон Никол Пашинян эътироф кард, ки қарори сулҳ ба ӯ сахт вазнин буд, аммо ин ба ӯ имкон дод, ки он чизеро, ки Қарабоғ гум мекард, наҷот диҳад.

Садои тирпаррониро намешунавем: роҳбари сулҳҷӯён дар бораи вазъ дар Қаробоғи Кӯҳӣ

Пас аз он, дар Ереван тазоҳурот бо талаби истеъфои сарвари ҳукумат оғоз ёфт.

285
Барчаспҳо:
оташбас, созиш, Арманистон, Озарбойҷон, Русия
Онлайн-встреча с Парламентским заместителем государственного секретаря Великобритании

Тоҷикистону Бритониё якҷо бар зидди COVID - 19 мубориза мебаранд

74
(Таҷдидшуда 13:52 01.12.2020)
Намояндагони Тоҷикистону Бритониёи Кабир муборизаи муштарак бар зидди ҳамагирии коронавирус ва паёмадҳои тағйирёбии иқлимро баррасӣ карданд

ДУШАНБЕ, 1 дек — Sputnik. Муовини вазири корҳои хориҷӣ Музаффар Ҳусейнзода бо муовини парлумонии котиби давлатии Подшоҳии Бритониёи Кабир ва Ирландияи Шимолӣ хонум Венди Мортон тариқи видео суҳбат кардааст.

Дар ин бора вазорати корҳои хориҷии Тоҷикистон хабар медиҳад.

Урупо фили амрикоиро монда мӯрчаи белорусиро қапид

Бино ба гузориши манбаъ, ҷонибҳо ба рушди робитаҳои дуҷониба дар масъалаҳои сиёсӣ, иқтисодӣ ва гуманитарӣ изҳори ҳавасмандӣ кардаанд.

"Дар суҳбат масъалаҳои муборизаи муштарак бо ҳамагирии COVID-19 ва коҳиши паёмадҳои тағйирёбии иқлим мавриди баррасӣ қарор гирифтанд", - омадааст дар хабарнома.

Олимони бритонӣ се нишонаи нави коронавирусро ном бурданд

Манбаъ афзуда, ки ҳамсуҳбатон аҳамияти тавсеаи ҳамкориҳо дар чорчӯби созмонҳои байналмилалӣ ва ниҳодҳои молиявиро таъкид карданд.

74
Барчаспҳо:
муовини вазир, суҳбат, суҳбат, Бритониёи Кабир, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон

Владимир Путин аз нақши махсуси Тоҷикистон зикр кард - видео

0
(Таҷдидшуда 19:14 02.12.2020)
Русия ҳамроҳ бо Тоҷикистон ҷилавгирӣ аз вуруди террористон ва маводи мухаддир аз кишварҳои ҳамсояро идома хоҳад дод

Владимир Путин, расиҷумҳури Русия зимни ҷаласаи Шӯрои амнияти дастаҷамъии СААД аз нақши махсуси Тоҷикистон зикр кард.

“Мехоҳам нақши махсуси Тоҷикистонро дар ҷилавгирӣ аз таҳдидҳое, ки аз кишварҳои ҳамсоя меоянд, зикр намоям, албатта, ман воридшавии маводи мухаддир ва террористонро дар назар дорам. Дар ин самт Тоҷикистон корҳои азими мусбат анҷом дода истодааст, ин корро дар якҷоягӣ бо шумо идома медиҳем, аз ҷумла, бо истифода аз имконияти худ бо сохтори низомии Русия, ки дар қаламрави Тоҷикистон ҷойгир аст”, — изҳор дошт Путин.

Раисҷумҳури Русия афзуд, ки Тоҷикистон дар самти ҷилавгирӣ аз гардиши ғайриқонунии маводи мухаддир ва терроризм кори азими мусбатро анҷом медиҳад.

Владимир Путин қайд кард, ки Русия минбаъд низ Тоҷикистонро дар масъалаҳои амният дастгирӣ хоҳад кард, аз ҷумла, бо истифода аз имконоти сохтори низомии Русия кумак хоҳад кард.

Имрӯз таҳти раёсати Президенти Русия Владимир Путин дар шакли видеоконфронс ҷаласаи Шӯрои амнияти дастаҷамъии Созмони Аҳдномаи Амнияти Дастаҷамъӣ баргузор шуд.

Дар ҷаласа масъалаҳои ҳамкории иттифоқӣ дар доираи созмон, афзоиши минбаъдаи самаранокии СААД, мушкилоти мубрами амнияти байналмилалӣ ва минтақавӣ баррасӣ гардиданд.

Дар ҷаласа Президенти Тоҷикистон Эмомалӣ Раҳмон, Сарвазири Арманистон Никол Пашинян, Президенти Беларус Александр Лукашенко, Президенти Қазоқистон Қосим-Жомарт Токаев ва иҷрокунандаи вазифаи Президенти Қирғизистон Талант Мамитов ширкат варзиданд.

0
Барчаспҳо:
Эмомалӣ Раҳмон, Владимир Путин, нақша, террористон, ҳамсоя, ҷилавгирӣ, Русия, Тоҷикистон