Андрей Негуца

Барои "амали нангин": Сафири Молдова дар Тоҷикистон барканор шуд

1583
Пас аз як ҷанҷоли калон, ҳукумати Молдова сафири ин кишвар дар Тоҷикистон, Русия, Қазоқистон ва Қирғизистон, Андрей Негутсуро барканор кард

ДУШАНБЕ,  9 дек — Sputnik.  Сафири Молдова дар Тоҷикистон Андрей Негута барканор шуд, хабар медиҳад Sputnik Молдова.

Фаррух Ҳамрализода, акс аз бойгонӣ
дафтари матбуоти раисиҷумҳури Тоҷикистон

Барканории сафирро вазири корҳои хориҷӣ ва ҳамгироии аврупоии (МИДЕИ) Молдова, Аурелиу Чокой дар ҷаласаи ҳукумат эълон кард.

Сабаби барканории дипломат, ба гуфтаи сарвари ҳукумати Молдова, Ион Чику, "амали нангинест, ки чанд рӯз пеш ошкор карда шуд".

Негутсу ба даст доштан дар қочоқ гумонбар дониста мешавад. Мошини сафорати Молдова дар Русия дар марзи Молдова ва Украина ҳангоми кӯшиши содир кардани миқдори зиёди стероидҳои анаболитикӣ аз қаламрави ҷумҳурӣ боздошта шуд.

Сарвазир Ион Чику қайд кард, ки дар ҳар сурат, Негута барои рӯйдодҳо масъул аст ва илова кард, ки ин вазъ "шармандагӣ" аст.

Сафири нави Тоҷикистон дар Кобул ба Ғанӣ эътимоднома супорид

Илова бар тафтишоти гумрукӣ, ҳукумат аудити дохилӣ низ мегузаронад.

"Тафтиши ҳуҷҷатҳои дохилӣ нишон дод, ки мошин аз 2 то 5 декабри соли 2020 дар хатсайри Маскав - Кишинёв - Маскав дар сафари хидматӣ будааст. Ҳадафи сафар расонидани почтаи дипломатӣ ба Кишинёв бо дархости сафорати Молдова дар Федератсияи Русия аст", - омадааст дар хабари "МИДЕИ".

Ҳукумати кишвар дар бораи истеъфои сафир қарори мусбат қабул кард. Тасмими ниҳоӣ дар бораи сарнавишти дипломатро президенти кунунии Молдова бар асоси натиҷаҳои тафтишот хоҳад гирифт.

Андрей Негута, сафири Молдова дар Русия дар соли 2017 таъйин шуд. Ҳамзамон, Негутса дар Тоҷикистон, Қазоқистон ва Қирғизистон вазифаҳои дипломатиро иҷро мекард.

1583
Барчаспҳо:
барканор, сафир, Молдова, Русия, Тоҷикистон
Министр иностранных дел РФ Сергей Лавров

Лавров гуфт муносибати Русияву Амрико дар аҳди Байден чӣ гуна тағйир меёбад

277
(Таҷдидшуда 17:38 18.01.2021)
Вазири умури хориҷаи Русия тавзеҳ дод, ки муносибатҳои русия ва Амрико дар давраи Байден чӣ гуна тағйир меёбанд

ДУШАНБЕ, 18 янв — Sputnik. Сергей Лавров, вазири умури хориҷаи Русия зимни нишасти матбуотӣ аз чигуна сурат гирифтани муносибатҳои минбаъдаи Русия ва Амрико гуфт.

"Ба ҳама мерасад": Амрико дар изҳороти "агрессияи Русия" чиро пинҳон мекунад

Ба боварии Лавров моҳияти сиёсати Амрико нисбати Русия дар замони президенти тозаинтихоб Ҷо Байден низ бетағйир мемонад.

Ҳамзамон, вазири рус изҳори умедворӣ кард, ки рафтори он кишвар дар қиболи Русия боодобтар мешавад.

"Маълум аст, ки пешдастии давлати амрикоӣ шеваи зиндагии амрикоӣ идома хоҳад ёфт. Боздории Русия ва Чин бидуни шак ҷузъи таркибии сиёсати хориҷии ИМА хоҳад буд. Онҳо бар инанд, ки блояд коре кунанд то Русия ва Чин ба ҳадде муттаҳид нашаванд, ки худро тавонотар аз худи Амрико эҳсос кунанд", - тавзеҳ дод роҳбари ВУХ Русия.

Ҳамзамон, Лавров таъкид кард, ки Русия мунтазири пешниҳодҳои мушаххаси маъмурияти нави ИМА оид ба тамдиди Шартнома дар бораи чораҳои минбаъдаи коҳиш ва маҳдуд кардани яроқи стратегии ҳуҷум ва муколама оид ба суботи стратегӣ мебошад.

277
Барчаспҳо:
Русия, Амрико, муносибат, Сергей Лавров

ИМА манъи вуруд аз бархе кишварҳои мусалмониро бекор мекунад

137
(Таҷдидшуда 14:20 18.01.2021)
Ҷо Байден, раисиҷумҳури тозаинтихоби ИМА, ният дорад, манъи вуруди шаҳрвандони бархе аз кишварҳои мусалмониро бекор кунад

ДУШАНБЕ, 18 янв — Sputnik. Лағви манъи вуруд аз бархе кишварҳои мусалмонӣ аз нахустин қадамҳои Ҷо Байден дар мақоми раисиҷумҳури ИМА хоҳад буд, хабар додааст CNN.

Манбаъ афзуд, Байден дар рӯзи нахустини корияш инчунин бархе тағйироти ҷиддии дигарро анҷом доданист. Аз ҷумла зикр шудааст, ки ИМА ба созишномаи Париж дар бораи тағйирёбии иқлим бармегардад. Ин созишнома коҳиши партовҳо ба ҳаворо дар назар дорад.

Байден инчунин ният дорад, ба Конгресс тарҳи бузурги умури муҳоҷиратро пешниҳод кард, ки бар асоси он миллионҳо муҳоҷири беҳуҷҷат дар қаламрави ИМА метавонанд шаҳрвандии ин кишварро ба даст оранд.

Инчунин маълум шуд, ки Байден бархе дастуроти раисиҷумҳурии феълии ИМА-ро бекор карданист. Аз ҷумла баромадани ИМА аз Созмони ҷаҳонии тандурустӣ ва ғайраро.

Маросими савгандёдкунии раисиҷумҳури нави ИМА 20 январ дар назар аст. Ба далели пандемия ин маросим бо бархе тағйирот сурат хоҳад гирифт.

137
Барчаспҳо:
мусалмонон, қарор, президент, ИМА
Отрывок из Тик Ток канала Дины Саевой

Ситораи Tik Tok, зодаи Тоҷикистон Дина Саева табобат мегирад

0
(Таҷдидшуда 14:52 20.01.2021)
Блогери машҳури TIK Tok, зодаи Тоҷикистон Дина Саева хабар дод, ки 20 рӯзи охир ҳамвандонаш ягон контенти навро интизор нашаванд

ДУШАНБЕ, 20 янв – Sputnik. Блогери машҳури тоҷикистонӣ Дина Саева ба ҳамвандонаш хабар дод, ки рӯзҳои оянда онҳоро бо аксҳои нав шод карда наметавонад. Дар баробари ин ӯ мегӯяд, сафараш ба осоишгоҳ барояш ғайричашмдошт буд.

Зиёда аз ин, тибқи қавонини санатория ба ӯ истифодаи интернет иҷоза дода намешавад.

Манижа Сангин нахустин сафири СММ аз Русия оид ба гурезагон

Ҳаводорони блогер ҳадз задаанд, ки ин на истироҳат, балки табобати иҷборӣ аст: чун вақтҳои охир Дина хеле лоғар шудааст, ки сабабаш стресс, мушкилоти равонӣ ё вобастагӣ аз чизе шуда метавонд.

Сабаби дигар метавонад бемориҳои қаблӣ бошад. Масалан, тобистони соли гузашта духтарак ҷарроҳии мураккаберо аз сар гузаронид.

Аммо, PR-директори блогер Максим Задворнов дар суҳбат бо StarHit тавзеҳ дод, ки сафар ба осоишгоҳ хусусияти табобатӣ надорад. Вай гуфт, Саева дар санаторияи оддии Русия аст, на дар реабилитатсия ё ягон клиникаи махсус.

"Яке аз шартҳои истироҳати хуб дур будан аз кор аст. Азбаски кори Дина блоггинг аст - ин маънои аз шабакаҳои иҷтимоӣ канда шуданро дорад. Вай, албатта, намехоҳад аз ҳамвандонаш ҷудо шавад, аммо барои истироҳат бояд баъзан ин корро кард", - гуфт Задворнов.

Ёдовар мешавем, ки зодаи Тоҷикистон Дина Саева дар Русия шӯҳрати беандоза пайдо кардааст. Маҷаллаи Forbes ӯро дар байни блогерҳои сердаромади TikTok дар Русия аз пешсафон ном бурд.

0
Барчаспҳо:
табобат, истироҳат, осоишгоҳ, Русия