Здание парламента Таджикистана, архивное фото

Мансаби нави Машраб Файзуллоев

884
(Таҷдидшуда 13:22 14.12.2020)
Машраб Файзуллоев бо қарори Шӯрои Маҷлиси намояндагон раиси кумитаи Маҷлиси намояндагон оид ба иқтисод ва молия интихоб гардид

ДУШАНБЕ, 14 дек — Sputnik. Дар ин бора аз дастгоҳи маркази матбуоти Маҷлиси намояндагон ба Sputnik Тоҷикистон хабар доданд.

"Машраб Файзуллоев бо қарори Шӯрои Маҷлиси намояндагон, раиси кумитаи иқтисоди Маҷлиси намояндагон шуд", - гуфт манбаъ.

Машраб Файзуллоев, то ин дам муовини раиси Кумитаи Маҷлиси намояндагони Маҷлиси Олии Ҷумҳурии Тоҷикис­тон оид ба иқтисод ва молия буд.

То моҳи июни соли 2020 вазифаи раиси Кумитаи Маҷлиси намояндагони Маҷлиси Олии Ҷумҳурии Тоҷикис­тон оид ба иқтисод ва молия бар дӯши Холиқзода Ҳоким буд.

Баҳси тағйироти кадрию савгандхӯрӣ? даъвати ҷаласаи якҷояи ду палатаи парлумон

Маҷлиси намояндагони Тоҷикистон моҳи июн, ваколатҳои вакил Холиқзода Ҳоким Ҳикматуллоро пеш аз муҳлат қатъ кард.

Далели қатъи ваколатҳои Холиқзода таъйинаш ба мақоми нав бо фармони раисиҷумҳур арзёбӣ шуд. Бо қарори парлумон Ҳоким Холиқзода аз вазифаи раиси Кумитаи Маҷлиси намояндагони Маҷлиси Олии Ҷумҳурии Тоҷикистон оид ба иқтисод ва молия озод гардида, муовини раиси Бонки миллии Тоҷикистон таъйин шуд.

Обидов раиси фраксияи ҲХДТ дар Маҷлиси намояндагон интихоб шуд

884
Барчаспҳо:
Душанбе, кумита, раис, интихобот, Маҷлиси Намояндагон
Первые политические консультации между Таджикистаном и Оманом

Баргузории нахустин ройзаниҳои сиёсӣ миёни Тоҷикистону Умон

78
(Таҷдидшуда 19:39 20.01.2021)
Ҳайати дипломатҳои Тоҷикистон таҳти роҳбарии ноиби аввали вазири умури хориҷии кишвар, Хусрав Нозирӣ нахустин машваратҳои сиёсӣ бо Салтанати Умонро баргузор кард

ДУШАНБЕ, 20 янв — Sputnik. Тибқи иттилои Вазорати умури хориҷӣ, нахустин даври ройзаниҳои сиёсӣ байни вазоратҳои корҳои хориҷии Тоҷикистон ва Салтанати Умон дар шакли маҷозӣ баргузор шуд.

“Ҳайатҳои тарафҳоро муовини якуми вазири корҳои хориҷии Тоҷикистон Хусрав Нозирӣ ва Муовини вазири корҳои хориҷии Салтанати Умон Шайх Халифа бин Алӣ ал- Ҳорисӣ роҳбарӣ намуданд”, - омадааст дар иттилоия.

Манбаъ афзуд, дар ройзаниҳо масъалаҳои марбут ба ҳолати кунунӣ ва дурнамои таҳкими ҳамкориҳо байни Тоҷикистону Умонро баррасӣ намуданд. Аз ҷумла  дар соҳаҳои сиёсӣ, иқтисодӣ, тиҷоратӣ, сармоягузорӣ, энергетика, сайёҳӣ, кишоварзӣ, саноат, алоқаи ҳавоӣ, таҳкими пояи шартномавӣ ва ҳуқуқӣ, ҳамкории ду кишвар дар чаҳорчӯби созмонҳои байналмилаливу минтақавӣ ва дигар мавзӯъҳои мавриди эҳтимоми муштарак баррасӣ шуданд.

Афзоиши содироти ширинӣ ва шакалоти Эрон ба Тоҷикистон

Ҷонибҳо барқарорсозии тамосҳои сатҳи олӣ ва табодули боздидҳоро дар рушду нумӯи ҳамкориҳои дуҷониба муҳим арзёбӣ намуда, зимнан зарурати татбиқи Барномаи иҷроӣ байни Вазоратҳои корҳои хориҷии ду кишвар барои солҳои 2020-2022-ро, ки ҳангоми сафари расмии Вазири корҳои хориҷии Ҷумҳурии Тоҷикистон ба Масқат 19 декабри 2019 ба имзо расида буд, таъкид карданд.

78
Барчаспҳо:
Вазорати умури хориҷии Тоҷикистон, ҳамкорӣ, Тоҷикистон-Уммон
Cтроительство газопровода Северный поток (Nord Stream)

"Маҷрои шимол - 2" тақдири муносиботи Олмону ИМА-ро ҳал мекунад

174
(Таҷдидшуда 18:44 20.01.2021)
Ҷо Байден дар арафаи савгандёдкунияш аз шарики калидии ИМА, Олмон тӯҳфаи на он қадар гуворо гирифт. Он аз маҷмӯи мушкилоте иборат аст, ки маъмурияти нав бояд бо он гирифтор шавад

ДУШАНБЕ, 20 янв — Sputnik. Ирина Алкснис. Иёлоти Муттаҳида алайҳи кишти лулагузори Русия, “Фортуна”, ки бо бунёди “Маҷрои шимол-2” сарукор дорад, таҳримот ҷорӣ кард. Инчунин, бино ба гузоришҳои расонаҳои олмонӣ, сафорати Амрико дар Берлин ҳукумати Олмонро аз нақшаҳои ҷорӣ кардани маҳдудиятҳои нав огоҳ кардааст.

Мақомоти Олмон бо вокуниши оромонаи худ то ҷое таҳқиромез рафтор карданд. Онҳо изҳор доштанд, ки “бо таассуф инро ба назар мегиранд”, яъне ҳатто изҳори ташвиши расмӣ нашудааст.

Ин рӯйдод, идомаи мантиқии як ҳодисаи дигаре буд, ки чанд рӯз пеш рух дод. Николас Бернс, собиқ ноиби котиби давлатӣ ва мушовири сиёсати хориҷии Ҷо Байден дар интихобот, боздошти таҳримҳои ИМА дар мавриди лӯлаи газро  ба миён гузошт, то маъмурияти нав "имконият пайдо кунад, ки бо ҳукумати Олмон ва дигар кишварҳои ширкаткунанда суҳбатҳои муътамад дошта бошад".  Мусаллам аст, ки Бернс аҳ пеши худ амал накард, балки пешниҳоди Вашингтонро садо дод. Бо вуҷуди ин, олмониҳо онро сарфи назар карданд.

Роҳбари Кумитаи энержии Бундестаг, Клаус Эрнст муҳокимаи сиёсати энергетикии Олмонро бо ИМА "комилан номуносиб" номид. Вай таъкид кард, ки "сохтмони “Маҷрои шоимол – 2” кори сирф аврупоӣ аст, он тамоми иҷозатномаҳои заруриро дорад ва аз ин рӯ бояд ба зудӣ ба анҷом расад".

Сиёсати хориҷии Амрико дар даҳсолаҳои охир, ки дар замони президентии Доналд Трамп каме сарфи назар шуду демократҳо мехоҳанд онро эҳё кунанд, аксар вақт ҳамчун ҷаҳонигароист. Он ду ҷузъи калидӣ ва ба андозаи баробар муҳим - институтсионалӣ ва идеологиро дар бар мегирад. Дар бахши идеология маҷмӯи ғояҳои аз ҳама пешрафта - аз қабили “ЛГБТ” то зарурати даст кашидан аз истеъмоли гӯшт бо сабабҳои экологӣ мебошад. Ин таълимот торафт ифротитар мешаванд ва таъқиби онҳое, ки бо "таълимоти ягонаи ҳақиқӣ" ихтилоф доранд, торафт шадидтар мешавад.

Қисми институтсионалӣ инчунин ба омма маълум аст ва низоми ташкилотҳои байналмилалӣ, санадҳо ва расмиётро дар бар мегирад. Фикри маъмул вуҷуд дорад (ва ин беасос нест), ки ба ин васила Иёлоти Муттаҳида ҳукмронии худро дар тӯли солҳои зиёд мустаҳкам кард, то қоидаҳои мусоиди бозиро дар ҷаҳон таҳмил кунад ва роҳбарии глобалии худро ба таври доимӣ таъмин созад.

Аммо баъдан маълум шуд, ки чизе хато рафтааст, шумораи зиёди кишварҳо бозӣ ва ғолибиятро дар системае омӯхтанд, ки маълум аст барои онҳо беадолатона мебошад. Русия ва татбиқи бомуваффақияти қоидаҳои СУС ба манфиати худ, намунаи равшанест. Ин чизест, ки Доналд Трамп дар тӯли чаҳор сол такрор кард ва бидуни тардид давлатро аз паймонҳо ва созмонҳои сершумор берун кашид: дарвоқеъ, онҳо ба Амрико он қадар фоидаовар нестанд, ки пештар фикр мекарданд. Тахмин кардан душвор нест, ки чанд шарики имтиёзноки Иёлоти Муттаҳида, ки яке аз онҳо Олмон мебошад, имтиёзҳои махсус доранд - ва тавре ки аллакай маълум шуд, онҳо чӣ гуна истифода бурдани онҳоро хуб медонанд.

Ин аст, ки Берлин Трампро хуш надошт, чун нақшаи муқарраршудаи барқарорсозии тадриҷии соҳибихтиёрии Олмон ва истифодаи Амрикоро ба манфиати худ халалдор кард. Аз ин рӯ мақомоти Олмон,  Байденро бо хушнудӣ ҳамчун президенти нави Иёлоти Муттаҳида қабул карданд: ин баргардонидани як формати нисбатан бароҳат барои олмониҳо мебошад, ки дар он суханрониҳои таблиғотӣ ва лоббигароии паси парда комилан ба ҳам мувофиқанд.

Ин аст он чизе ки бо “Маҷрои Шимол – 2” рӯй медиҳад. Дар моҳҳои охир чораҳо андешида шуданд, то сохтмони лӯла то ҳадди имкон аз фишори таҳримоти хориҷа эмин бошад. Соҳибони ҳамон "Фортуна" иваз карда шуданд. Парлумони Мекленбург  барои дастгирии фаъолияти  лоиҳа фонд таъсис додааст.

Чизи аз ҳама ҷолиб он аст, ки мақомоти Олмон бо ёрии ин сохтор саъй доранд, ки ду паррандаро бо як санг кушанд: илова бар дастгирии худи сохтмон, онҳо маъракаи иттилоотию идеологии онро низ таъмин мекунанд, зеро созмони нав Фонди ҳифзи иқлим ва муҳити зисти Мекленбург ном дорад ва ҳадафи он мусоидат ба "расидан ба ҳадафҳои иқлимии Олмон" арзёбӣ шудааст. Ҳамин тариқ, рӯзномаи экологӣ мавриди баррасӣ қарор мегирад, зеро маҳз ҷонибдорони рушди сабз фаъолона чун пешоҳангҳо алайҳи “Маҷрои шимол – 2 “ истифода мешаванд.

Тими Ҷо Байден худро дар вазъияти хеле душвор қарор дод. Онҳо наметавонанд - тавре ки Трамп карда буд – ошкоро дар маҳзари тамоми ҷаҳон  бо шарики стратегӣ ҷанҷол бардоранду бо қабули чораҳои шадид алайҳи ӯ оғоз кунанд. Ин ба директиваҳои барқарорсозии ваҳдати Ғарб, ки бо он демократҳо ба қудрат бармегарданд, мухолифат мекунад. Гузашта аз ин, дар маҷмӯъ, Берлин ба Вашингтон вафои садоқатмандона ва иттифоқи амиқи идеологиро нишон медиҳад, ки онро вокуниши якҷояю ҳамзамони онҳо аз  боздошти Алексей Навалний дар Русия бори дигар нишон дод.

Усулҳои муқаррарии кор тавассути ҷамъомадҳои пасипардаӣ метавонанд моҳҳо тӯл мекашанд: олмониҳо ҳунармандони олие дар ташкили кашолакорӣ ва бюрократии байналмилалӣ мебошанд. То он вақт, “Маҷрои шимол – 2”  ба итмом мерасад ва барои амрикоиҳо дер хоҳад шуд, ки муштҳояшонро ба ҳам зананд.

Дар натиҷа, маъмурияти нав аз рӯзҳои аввали раёсати Ҷо Байден маҷбур мешавад, ки дар кори худ байни тропизми катъиян ғайри қобили қабул, вале аз нигоҳи идеологӣ дурусту  глобализми либералии бесамар интихоб кунад.

Аммо, Олмон мушкилоти худро дорад. Дирӯз Газпром аз хавфҳо барои лӯлаи “Маҷрои шимол – 2”  бинобар фишори сиёсӣ ҳушдор дод, ки метавонад боиси боздошт ё ҳатто бекор шудани лоиҳа гардад. Ин ҳушдор аст - пеш аз ҳама ба Берлин, ки дар ҷустуҷӯи истиқлолият ва таҳкими геополитикӣ корти зиддирусиягии Навалнийро ба бозӣ дароварда,  бори дигар фаромӯш кард, ки Русия ба ин чиз то чӣ андоза дардовар посух дода метавонад.

174

Танку тӯпу зиреҳпӯш: қудрати ҳарбии Тоҷикистон дар рақамҳо

0
(Таҷдидшуда 18:25 22.01.2021)
Дар Тоҷикистон ҳамасола барои мусаллаҳшавӣ тақрибан 79 миллион доллар масраф мекунанд. Sputnik Тоҷикистон муайян кард, ки маҷмааи мудофиаи дохилӣ аз чӣ иборат аст
Қудрати ҳарбии Тоҷикистон - 2021
© Sputnik

Дар рейтинги навшудаи байналмилалии қудрати ҳарбӣ, Тоҷикистон аз қатори 138-и имконпазир мақоми 99-умро ишғол кардааст.

Тибқи маълумоти нашркардаи ширкати байналмилалии Global Firepower, мавқеи ҷумҳурӣ дар тӯли сол тағйир наёфтааст. Дар артиши Тоҷикистон нӯҳ ҳазор нафар ҳузур доранд. Ин 0,1% аз шумораи умумии аҳолиро ташкил медиҳад. Маълум аст, ки Тоҷикистон дар соли 2020 барои мудофиа ва силоҳ 79 миллион доллар ҷудо кардааст.

Аз миёни таҷҳизоти техникии ҳарбӣ дар Тоҷикистон аз ҳама беш техникаи зиреҳпӯш - 400 адад, мавҷуд аст. Сипас дар ин феҳраст танкҳо қарор доранд, ки шумораи умумии онҳо 253 адад аст.

Гузашта аз ин, дар низоми захиравии кишвар 125 маҷмааи мушакӣ, 80 тӯп ва 20 чархбол қарор доранд.

Қонуни нави хизмати ҳарбӣ: маблағу тартибро Ҳукумат муайян мекунад

Аз миёни кишварҳои Осиёи Марказӣ, Ӯзбекистон қавитарин артишро дорад, ки бо 50 000 сарбозаш дар ҷои 51-ум қарор гирифта, ба ин соҳа 15 миллиард доллар масраф мекунад.

Қирғизистон каме болотар аз Тоҷикистон, дар хатти 93 қарор дорад, ки 11 000 сарбоз ва 20 миллион доллари амрикоӣ барои силоҳ солона харҷ мекунад.

Буҷаи мудофиавии Афғонистону Қазоқистон 4 миллиард доллар ва аз Туркманистон 800 миллион доллар мебошад.

0
Барчаспҳо:
ҳарбӣ, қувва, Тоҷикистон