Машраб Файзуллоев, экономист, доктор экономических наук, РТСУ, Таджикистан

Профессор соҳиби 5 фарзанд: раиси нави кумитаи иқтисоди Маҷлиси намояндагон кист

1115
(Таҷдидшуда 14:10 14.12.2020)
Файзуллоев Машраб - раиси нави кумитаи иқтисоди Маҷлиси намояндагон профессор, доктори илмҳои иқтисодӣ ва падари панҷ фарзанд мебошад

ДУШАНБЕ, 14 дек — Sputnik. Машраб Файзуллоев бо қарори Шӯрои Маҷлиси намояндагон раиси кумитаи Маҷлиси намояндагон оид ба иқтисод ва молия интихоб гардид.

Файзуллоев Машраб Қурбоналиевич 4-уми декабри соли 1973 дар ноҳияи Балҷувон дар хонаводаи хизматчӣ ба дунё омада, соли 1990 мактаби миёнаи №6 ба номи А. С. Пушкини колхози К. Маркси ноҳияи Фархорро бо медали нуқра ба итмом расонидааст.

Миллаташ тоҷик, маълумоташ олӣ, соли 1995 факултети банақшагирӣ-иқтисодии Донишгоҳи давлатии Тоҷикистонро бо ихтисоси иқтисодчӣ хатм намудааст.

Доктори илмҳои иқтисодӣ ва профессор мебошад.

Аз соли 1996 то соли 1997 ба ҳайси ассистенти кафедраи "Иқтисодиёти корхонаҳо ва соҳибкорӣ"-и Донишгоҳи давлатии Тоҷикистон фаъолият намудааст.

Аз моҳи март то июни соли 1997 дар Маркази тайёркунии кадрҳои илмӣ-педагогии (ЦПНПК) ДДМ ба номи М.В. Ломоносов, солҳои 1997-2000 дар шуъбаи рӯзонаи аспирантураи кафедраи "Иқтисодиёти корхонаҳо ва асосҳои соҳибкорӣ"-и ДДМ ба номи М. В. Ломоносов таҳсил карда, рисолаи номзадиашро дар донишгоҳи М. В. Ломоносов ҳимоя намудааст.

Фармони Президент: тарбиятгари сиёсии низомиёни Горди Миллӣ иваз шуд

Аз моҳи ноябри соли 2001 то моҳи майи соли 2003 ба сифати муҳосиби Намояндагии Ширкати ҳавопаймоии Тоҷикистон (Tajikair) дар Маскав, аз моҳи майи соли 2003 то моҳи феврали 2006 дар вазифаҳои ҷонишини сардори Мудирияти корҳо, сардори шуъбаи сиёсати иқтисодии Вазорати нақлиёти Тоҷикистон, сардори шуъбаи шартномаҳои КВД ҳавопаймоии "Тоҷикистон" фаъолият намудааст.

Аз моҳи феврали соли 2006 то моҳи феврали 2010 дар вазифаҳои декани факултаи таҳсили ғоибона ва мудири кафедраи менеҷменти инноватсионии Донишкадаи иқтисодии Тоҷикистон кор кардааст.

Унвони дотсенти кафедраи "Менеҷмент ва маркетинг"-ро бо фармони №2200/1148-д Комиссияи олии атестатсионии Федератсияи Русия аз 18.11.2009 сазовор гардидааст. Дар ин давра вазифаи раиси Шӯрои олимон ва муҳаққиқони ҷавони Тоҷикистонро ба ӯҳда дошт.

Солҳои 2010-2012 дар докторантураи кафедраи менеҷменти инноватсионнӣ ва истеҳсолии Донишгоҳи давлатии иқтисод, омор ва информатикаи Маскав (МЭСИ) таҳсил ва рисолаи докториашро ҳимоя намудааст.

Моҳҳои сентябри соли 2012 ва апрели соли 2013  мудири кафедраи иқтисодиёти корхонаҳо ва соҳибкории ДМТ, ба тариқи озмун мудири кафедраи иқтисодиёти корхонаҳо ва соҳибкории ДМТ интихоб гардида, то 02 декабри соли 2013 дар ин вазифа кор кардааст.

10 фармони ҷадиди Раҳмон: кӣ барканор шуду кӣ вазифа гирифт

Аз моҳи декабри соли 2013 то моҳи апрели 2015 ба тариқи гузариш мудири кафедраи назарияи иқтисодии Донишгоҳи славянии Русия-Тоҷикистон ва аз моҳи марти соли 2015 то 16 марти соли 2020 декани факултаи иқтисодии донишгоҳи мазкур буд.

Барандаи Ҷоизаи ба номи Исмоили Сомонӣ барои олимони ҷавон дар соҳаи илм ва техника дар соли 2006, Аълочии маориф ва илми  Тоҷикистон, аъзои ҳайати таҳририяи маҷаллаҳои илмии ҷумҳуриявӣ ва хориҷӣ мебошад.

Муаллифи 4 монография, беш аз 160 мақолаҳои илмӣ ва 15 китобу дастурҳои таълимӣ мебошад.

Аз якуми марти соли 2020 вакили Маҷлиси намояндагони Маҷлиси Олии Ҷумҳурии Тоҷикистон интихоб шудааст.

Оиладор, соҳиби панҷ фарзанд мебошад.

1115
Барчаспҳо:
профессор, интихоб, Маҷлиси намояндагон, муаррифии раиси нав
Ҷо Байден кишвардори феълии Амрико бо Ллойд Остин. 8 апрели соли 2009

Бори нахуст сиёҳпӯст роҳбари Пентагон шуд: Ллойд Остин кист?

1065
(Таҷдидшуда 13:48 23.01.2021)
Ллойд Остин 67 сол дорад ва дорои рутбаи генерали чаҳорситора аст. Ӯ ҳанӯз соли 2016 ба нафақа баромада буд

ДУШАНБЕ, 23 янв — Sputnik. Сенати Амрико номзадии Ллойд Остинро ба мақоми раҳбари Пентагон тасдиқ кард, хабар медиҳад РИА Новости.

Бар хабари манбаъ, ба ҷонибдорӣ аз Остин 93 сенатор раъй дода танҳо ду нафар мухолиф баромаданд. Як рӯзи пеш, аз номзадии ӯ кумитаи соҳавии сенатҳо пуштибонӣ кард.

Зимнан, ба довталабони ҳарбие, ки камтар аз ҳафт сол пеш ба нафақа баромадаанд, тасдиқи махсуси Конгресс зарур аст. Остин бошад, соли 2016 ба нафақа баромада буд.

Ллойд Остин 67 сол дорад ва дорои рутбаи генерали чаҳорситора аст. Остин аввалин сиёҳпӯст мебошад, ки ба вазорати мудофиаи ИМА роҳбарӣ мекунад.

Номбурда дар Олмон ва сартосари Амрико хидмат намуда, дар ҳайати фармондеҳи дивизия буд ва то соли 2006 ба рутбаи генерал-лейтенант расид.

Пентагон: коронавирус миёни низомиёни афғон густариши шадид ёфтааст

Соли 2010 Остин фармондеҳи қувваҳои Амрико дар Ироқ таъйин шуд ва масъули аз қаламрави ин кишвар берун овардани низомиёни амрикоӣ буд. 

Моҳи декабри соли 2011, ӯ муовини фармондеҳи Ситоди артиш таъин шуд ва аз соли 2013–2016 фармондеҳии марказии Амрикоро раҳбарӣ кард. Вай дар ин вазифа дар таҳияи стратегияи Вашингтон дар мубориза бо "Давлати Исломӣ" нақши калидӣ дошт.

Пас аз ба нафақа баромадан дар 2016, ӯ дар ҳайати Шӯрои директорони бузургтарин истеҳсолкунандаи силоҳ Raytheon кор мекард.

1065
Барчаспҳо:
роҳбар, Амрико, Пентагон
Первые политические консультации между Таджикистаном и Оманом

Баргузории нахустин ройзаниҳои сиёсӣ миёни Тоҷикистону Умон

78
(Таҷдидшуда 19:39 20.01.2021)
Ҳайати дипломатҳои Тоҷикистон таҳти роҳбарии ноиби аввали вазири умури хориҷии кишвар, Хусрав Нозирӣ нахустин машваратҳои сиёсӣ бо Салтанати Умонро баргузор кард

ДУШАНБЕ, 20 янв — Sputnik. Тибқи иттилои Вазорати умури хориҷӣ, нахустин даври ройзаниҳои сиёсӣ байни вазоратҳои корҳои хориҷии Тоҷикистон ва Салтанати Умон дар шакли маҷозӣ баргузор шуд.

“Ҳайатҳои тарафҳоро муовини якуми вазири корҳои хориҷии Тоҷикистон Хусрав Нозирӣ ва Муовини вазири корҳои хориҷии Салтанати Умон Шайх Халифа бин Алӣ ал- Ҳорисӣ роҳбарӣ намуданд”, - омадааст дар иттилоия.

Манбаъ афзуд, дар ройзаниҳо масъалаҳои марбут ба ҳолати кунунӣ ва дурнамои таҳкими ҳамкориҳо байни Тоҷикистону Умонро баррасӣ намуданд. Аз ҷумла  дар соҳаҳои сиёсӣ, иқтисодӣ, тиҷоратӣ, сармоягузорӣ, энергетика, сайёҳӣ, кишоварзӣ, саноат, алоқаи ҳавоӣ, таҳкими пояи шартномавӣ ва ҳуқуқӣ, ҳамкории ду кишвар дар чаҳорчӯби созмонҳои байналмилаливу минтақавӣ ва дигар мавзӯъҳои мавриди эҳтимоми муштарак баррасӣ шуданд.

Афзоиши содироти ширинӣ ва шакалоти Эрон ба Тоҷикистон

Ҷонибҳо барқарорсозии тамосҳои сатҳи олӣ ва табодули боздидҳоро дар рушду нумӯи ҳамкориҳои дуҷониба муҳим арзёбӣ намуда, зимнан зарурати татбиқи Барномаи иҷроӣ байни Вазоратҳои корҳои хориҷии ду кишвар барои солҳои 2020-2022-ро, ки ҳангоми сафари расмии Вазири корҳои хориҷии Ҷумҳурии Тоҷикистон ба Масқат 19 декабри 2019 ба имзо расида буд, таъкид карданд.

78
Барчаспҳо:
Вазорати умури хориҷии Тоҷикистон, ҳамкорӣ, Тоҷикистон-Уммон

Поре Макгрегорро нокаут кард: видеои муҳориба

0
(Таҷдидшуда 11:19 24.01.2021)
Дастин Пореи амрикоӣ ба таври муассир размикори ирландӣ Коннор Макгрегорро нокаут кард

Мусобиқаи UFC 257 дар Аморати Муттаҳидаи Араб баргузор шуд. Муҳорибаи асосӣ вохӯрии Коннор Магрегори ирландӣ ва Дастин Пореи амрикоӣ буд.

Дар даври аввал Поре Макгрегорро дар қафас ҷасф кар. Ҳарду ҷанговар дар ин мавқеъ чанд муддат истоданд ва пас ҷой иваз карданд - Коннор Дастинро дар чунин вазъ нигоҳ дошт.

Мубориза дар ибтидо суст буд - Макгрегор ва Поре бо мушт дар рӯй ва тани ҳамидигар заданд, аммо тағйироте набуд.

Даври дуюм хеле ҷолибтар шуд. Макгрегор аллакай ба истифодаи пойҳо ва дастонаш шурӯъ кардааст. Поре ҳатто якчанд зарбаи дақиқи ирландиро аз даст дода, бо ҳамлаҳои номуваффақ посух дод.

Бо вуҷуди ин, вақте даври дуюм қариб хотима меёфт, Поре ҳамлаҳои пай дар пай анҷом дод ва ба тааҷҷуби ҳама, Макгрегорро нокауд кард.

0