Путин кишвардори тозаинтихоби Қирғизистонро муборакбод кард

444
(Таҷдидшуда 14:40 11.01.2021)
Содир Ҷабборов, ки се моҳ пеш аз зиндон озод шуд ва номзадияшро ба интихоботи президентӣ пешниҳод кард, бо касби 79 дарсади раъйи мардум пирӯзӣ ба даст овард

ДУШАНБЕ, 11 январ - Sputnik. Кишвардори Русия Владимир Путин президенти тозаинтихоби Қирғизистон Содир Ҷабборовро таҳният гуфт, хабар медиҳад котиботи Кремл.

"Таманниёти самимии маро дар робита ба интихоб шуданатон ба маснади раисҷумҳурӣ қабул намоед. Умедворам, ки фаъолияти шумо ҳамчун роҳбари давлат ба таҳкими минбаъдаи тамоми робитаҳои Русия ва Қирғизистон мусоидат хоҳад кард. Ин, бешубҳа, ба манфиатҳои асосии халқҳои дӯсти мо ҷавобгӯ буда, ба ҷараёни асосии таҳкими субот ва амният дар минтақаи Осиёи Марказӣ равона мебошад".

Путин афзуд, ки равобити байни кишварҳо хусусияти шарикии стратегӣ ва иттифоқӣ доранд. Федератсияи Русия ва Қирғизистон таҷрибаи фаровони ҳамкориҳоро дар соҳаҳои мухталиф, "ҳамкории созанда дар доираи ЕврАзЭС, СПАД, ИДМ ва СҲШ" ҷамъ овардаанд.

Содир Ҷабборов, ки бино бар эълони Комиссияи марказии интихоботи Қирғизистон дар овоздиҳии рӯзи 10-уми ноябр ғалаба кард. Ба ҷонибдорӣ аз Ҷабборови 52 - сола, 79 дарсади интихобкунандагон овоз доданд.

Дар интихоботи рӯзи 10-уми январ дар Қирғизистон 1 миллиону 354 ҳазор нафар (каме беш аз 38 дарсади соҳибони ҳаққи раъй) иштирок кардаанд.

Ёдовар мешавем, ки интихоботи ғайринавбатии президентӣ дар Қирғизистон пас аз истеъфои раисҷумҳури пешини кишвар Сооронбай Жээнбеков, ки пас аз ҳаводиси моҳи октябри соли 2020 рух дод, сурат гирифт.

Оғози интихоботи пеш аз муҳлат дар Қирғизистон: киро халқ интихоб мекунад

Дар маҷмӯъ, ба курсии раисҷумҳури Қирғизистон 17 нафар довталаб буд: Содир Ҷабборов, Канатбек Исаев, Миктибек Арстанбек, Клара Сооронқулова, Имомуддин Ташов, Абдил Сегизбоев, Адахан Мадумаров, Аймен Касенов, Улуғбек Кочкоров, Женишбек Байгуттиев, Элдар Абакиров, Курсанбек Арстан Бактибек Калмаматов, Бабирҷон Толбаев, Канибек Имоналиев.

444
Барчаспҳо:
табрик, Қирғизистон, президент, Владимир Путин

"Муҳаббат бояд дуҷониба бошад": Путин дар бораи муносибати Русия бо Аврупо

100
(Таҷдидшуда 18:07 27.01.2021)
Раҳбари Русия инчунин вазъи кунунии ҷаҳонро тавсиф карда, онро бо солҳои сиюми асри гузашта муқоиса кард

ДУШАНБЕ, 27 январ - Sputnik. Президенти Русия Владимир Путин мутмаин аст, ки Русия ва Аврупо бояд ҳаросҳои гузаштаро дур кардаву "якҷоя бошанд".

"Муносибатҳои Федератсияи Русия ва Аврупо ҳоло муқаррарӣ нестанд, мо бояд ба муколама ва рӯзномаи мусбат баргардем. <...> Федератсияи Русия ва Аврупо шарикони комилан табиии иқтисод ва илм мебошанд, аммо муколама бояд ростқавл бошад, мо бояд ҳаросҳои гузаштаро дур кунем",-гуфт Путин.

Ба гуфтаи ӯ, Маскав омода аст муколама барқарор кунад, мехоҳад ва талош мекунад, аммо "муҳаббат бояд дуҷониба бошад."

Сарвари давлат ин суханонро дар Форуми умумиҷаҳонии иқтисодӣ дар Давос - ва бори аввал пас аз соли 2009 гуфт.

Путин вазъи кунунии ҷаҳонро бо солҳои 30-юм муқоиса кард: ба ақидаи ӯ, табақабандии иҷтимоӣ шиддат гирифта, радикализми рост ва чап афзоиш меёбад ва равандҳои сиёсӣ дар кишварҳои пешрафта шадидтар мешаванд.

Кушиши Аврупо барои ҳифзи муносибат бо Русия ва ояндаи худ

Дар ҳамин ҳол, раҳбари Русия қайд кард, ки "робитаи мутақобилаи кишварҳои гуногун дар ҳалли мушкилоти кунунӣ метавонад ба афзоиши эътимоди тарафайн имкон диҳад".

"Ҳоло муҳим аст, ки аз як изҳороти умумӣ ба тиҷорат гузарем, саъй ва захираҳои воқеиро барои ноил шудан ба ҳам коҳиши нобаробарии иҷтимоӣ дар дохили кишварҳои алоҳида ва ҳам тадриҷан ба ҳам наздик шудани сатҳи иқтисодҳои кишварҳои мухталиф ва минтақаҳои сайёра равона кунем. Пас аз он бӯҳрони муҳоҷират нахоҳад буд ",-илова кард ӯ.

Кишвардори Русия инчунин дар бораи яке аз мушкилоти муҳимтарини сайёра - пандемияи COVID-19 истода гузашт.

Ба гуфтаи Путин, мубориза бо коронавирус дар ҷаҳон бояд муштарак бошад.

"Ҷомеаи ҷаҳонӣ бояд шароит фароҳам оварад, то олимон ва мутахассисон якҷоя кор кунанд, то фаҳманд, ки чаро ва чӣ гуна мутатсия ба амал меояд, масалан, коронавирус чӣ гуна намудҳо дорад ва аз ҳамдигар чигуна фарқ мекунанд", - шарҳ дод президент.

Нахустин гуфтугӯи телефонии Путин бо Байден: сарони кишварҳои қудратманд аз чӣ гуфтанд?

Раҳбари Русия мӯътақид аст, ки "акнун тамаркуз ба рафъи мушкилоти на хаёлӣ, балки воқеӣ дар ҷаҳон муҳим аст".

100
Барчаспҳо:
иқтисод, Аврупо, муносибат, Владимир Путин
Эмомалӣ Раҳмон, раисиҷумҳури Тоҷикистон, акс аз бойгонӣ

Раҳмон гуфт, дар интихобот ба ӯ аксарият занон овоз додаанд

504
(Таҷдидшуда 14:12 27.01.2021)
Эмомалӣ Раҳмон, раисиҷумҳури Тоҷикистон, дар бораи интихоботи гузаштаи парлумонию президентӣ гуфта, таъкид намуд, ки ба ҷонибдорияш аксарият занон овоз додаанд

ДУШАНБЕ, 27 янв — Sputnik. Эмомалӣ Раҳмон гуфт, бо иштироки фаъолонаи халқ соли гузашта ду чорабинии бисёр муҳимми сиёсӣ, якум – интихоботи вакилони Маҷлиси намояндагон, маҷлисҳои маҳаллии вакилони халқ ва дуюм – интихоботи Президенти Тоҷикистон баргузор гардид.

Эмомалӣ Раҳмон дар паёми имсолааш таъкид намуд, ки ин ду маъракаи муҳими сиёсӣ дар фазои сулҳу оромӣ, суботи комили сиёсӣ ва ваҳдати миллӣ баргузор гардиданд.

Раҳмон илова намуд, ки дар интихоботи президенти Тоҷикистон, аксарияти занону бонувони тоҷик, онҳое, ки ҳаққи овоздиҳӣ доранд, ба ҷонибдории раисиҷумҳури феълии Тоҷикистон овоз доданд.

Ӯ  бо изҳори миннатдорӣ афзуд, ки то вақте ҳастам, ҳамин сиёсати худро дар мавриди дастгирии занону бонувон идома медиҳам ва шумо содиқона хизмат кунед.

Эмомалӣ Раҳмон ба Кумитаи кор бо занон ва оила супориш дод, ки лоиҳаи қарори Ҳукумати мамлакатро дар бораи “Стратегияи миллии фаъолгардонии нақши занон дар Ҷумҳурии Тоҷикистон барои солҳои 2021 – 2030” ва нақшаи амалисозии онро барои солҳои 2021 – 2025 таҳия ва пешниҳод намояд.

504
Барчаспҳо:
президент, интихобот, Эмомалӣ Раҳмон, Тоҷикистон
Самолет на закате, архивное фото

Ҳар чи зудтар: Дастури Раҳмон барои барқарорсозии парвозҳо ва ташкили хатсайрҳои нав

85
Ҷаласаи ҳукумати Тоҷикистон оид ба натиҷаҳои рушди кишвар дар соли 2020, ки имрӯз тақрибан тамоми рӯз идома ёфт, президенти кишвар ба масоили хадамоти ҳавоӣ низ дахл кардааст

ДУШАНБЕ, 28 янв – Sputnik. Тибқи иттилои котиботи раисиҷумҳури Тоҷикистон, имрӯз дар маҷлиси  васеи Ҳукумати мамлакат Эмомалӣ Раҳмон ба масъулини хадамоти ҳавоии кишвар дастур додааст, ки ҳар чи зудтар сатҳу сифати хизматрасонӣ дар истиқболу интиқоли мусофирон, барқарорсозӣ ва ташкили хатсайрҳои навро роҳандозӣ намоянд.

“Президенти мамлакат муҳтарам Эмомалӣ Раҳмон ба Директори Агентии авиатсияи гражданӣ Субҳонзода Икром, директорони генералии Ҷамъияти саҳҳомии кушодаи “Фурудгоҳи байналмилалии Душанбе” Исматулло Абдуллозода ва Ҷамъияти саҳҳомии кушодаи “Фурудгоҳи байналмилалии Хуҷанд” Қурбони Алимардон дастур доданд, ки ҳар чи зудтар сатҳу сифати хизматрасонӣ дар истиқболу интиқоли мусофирон, барқарорсозӣ ва ташкили хатсайрҳои навро роҳандозӣ намоянд”,-афзудааст, котиботи президент.

Ёдовар мешавем, рӯзи гузашта зимни ироаи паёми солона Эмомалӣ Раҳмон гуфт, ки Тоҷикистон ба зудӣ парвозҳоро бо дигар кишварҳо барқарор мекунад.
Дар баробари ин, президент санаи дақиқи бозкушоии марзҳоро нагуфт.

Ба гуфти Эмомалӣ Раҳмон аз саргирии парвозҳо бо шарафи пирӯзии Тоҷикистон бар коронавирус даст медиҳад.

Ёдрас мешавем, ки раисиҷумҳури Тоҷикистон рӯзи 26 январ аз пирӯзии Тоҷикистон бар коронавирус эълом кард.

Раҳмон пирӯзии Тоҷикистон бар коронавирусро эълон кард

Дар баробари ин президент қайд кард, ки дар сурати бозкушоии марзҳо, карантини 14 - рӯза низ барқарор мешавад.

Ҳукумати Тоҷикистон аз тобистони соли гузашта инҷониб бо Русия, ки хатсайри маъмул ба шумор меравад, масъалаи барқарор кардани парвозҳоро баррасӣ дорад. Аммо то кунун чизе дар ин самт рушан нашудааст.

85
Барчаспҳо:
дастур, парвозҳо, Эмомалӣ Раҳмон