Встреча посола Таджикистана в Афганистане Саади Шарифи с Абдурабом Расули Сайяф

Мулоқот дар Пағмон: Сайёф ба сафири Тоҷикистон чӣ гуфт?

360
(Таҷдидшуда 16:59 13.01.2021)
Саъдӣ Шарифӣ, сафири Тоҷикистон дар Кобул, бо Абдураб Расули Сайёф, яке аз чеҳраҳои матраҳи сиёсӣ, раиси Ҳизби даъвати исломӣ ва узви Шӯрои олии мусолиҳаи миллии Афғонистон мулоқот кард

ДУШАНБЕ, 13 янв – Sputnik. Фаҳим Кӯҳдоманӣ, аз наздикони Абдураб Расул Сайёф ба Sputnik Тоҷикистон гуфт, ин мулоқот дар манзили устод Сайёф, воқеъ дар вулусволии Пағмони вилояти Кобул, сурат пазируфт.

Вай афзуд, мавзӯъи мулоқоти ҷаноби сафири Тоҷикистон ва устод Сайёф раванди сулҳ дар Афғонистон буд.

"Ҷонибҳо аз пайвандҳои муштараки миллатҳои ду сӯи Ому ва зарурати як сулҳи минтақаӣ баҳсу табодули назар карданд.Оқои Шарифӣ дар ин дидор аз оқои Сайёф ба унвони як олими барҷаста ва аз чеҳраҳои машҳури мухолиф бо ифротгароӣ ва терроризм дар Афғонистон ёд карданд. Ҳамчунон оқои Сайёф ба сафири ҷадиди Тоҷикистон зимни хушомадгӯӣ афзуданд, ки орзу дорад ба зудӣ ва ба гунаи муфассал аз Тоҷикистон дидан кунад”, - гуфт Фаҳим Кӯҳдоманӣ.

Посухҳои раиси ВМКБ ба сафир: роҳи пешгирии таъсири бади Афғонистон то мушкили соҳибкорон

Вай афзуд, оқои Шарифӣ пас аз супурдани эътимодномааш ба раисҷумҳур Ашраф Ғанӣ дар аввалин мулоқоташ бо чеҳраҳои сиёсии кишвар ба дидани оқои Сайёф рафтааст.

Саъдӣ Шарифӣ ҳанӯз моҳи сентябри соли гузашта бо фармони Эмомалӣ Раҳмон, раисҷумҳури Тоҷикистон сафири ин кишвар дар Афғонистон таъин шуда, 6 декабри ҳамон сол дар Кобул эътимодномаи худро ба Ашраф Ғанӣ, раисҷумҳури Афғонистон супурда буд.

Абдураб Расули Сайёф, сиёсатмадори 75 – солаи афғон, яке аз чеҳраҳои матраҳи сиёсии Афғонистон тайи сӣ соли ахир ба шумор омада, дар замони муқовимат бо Толибон дар Ҷабҳаи Муттаҳиди таҳти раҳбарии Аҳмадшоҳи Масъуд қарор дошт.

Бино ба иттилои дарёфтӣ, Абдураб Расули Сайёф фақат як маротиба соли 1996 дар шаҳри Кӯлоби Тоҷикистон ҳузур ёфтааст, он ҳам замоне, ки Толибон шимоли Афғонистонро забт карданд.

Ӯ бо иттифоқи Бурҳонуддини Раббонӣ, раисҷумҳури Давлати исломии Афғонистон, аз неруҳои Толибон дар Тоҷикистон муваққатӣ паноҳ бурда буд.

Ҳоло Абдураб Расули Сайёф яке аз чеҳраҳои матраҳи зиддитолибонӣ ба шумор меравад ва нуфузи зиёд миёни раҳбарони Афғонистон дорад.

360
Барчаспҳо:
сафир, мулоқот, Афғонистон, Тоҷикистон

"Муҳаббат бояд дуҷониба бошад": Путин дар бораи муносибати Русия бо Аврупо

78
(Таҷдидшуда 18:07 27.01.2021)
Раҳбари Русия инчунин вазъи кунунии ҷаҳонро тавсиф карда, онро бо солҳои сиюми асри гузашта муқоиса кард

ДУШАНБЕ, 27 январ - Sputnik. Президенти Русия Владимир Путин мутмаин аст, ки Русия ва Аврупо бояд ҳаросҳои гузаштаро дур кардаву "якҷоя бошанд".

"Муносибатҳои Федератсияи Русия ва Аврупо ҳоло муқаррарӣ нестанд, мо бояд ба муколама ва рӯзномаи мусбат баргардем. <...> Федератсияи Русия ва Аврупо шарикони комилан табиии иқтисод ва илм мебошанд, аммо муколама бояд ростқавл бошад, мо бояд ҳаросҳои гузаштаро дур кунем",-гуфт Путин.

Ба гуфтаи ӯ, Маскав омода аст муколама барқарор кунад, мехоҳад ва талош мекунад, аммо "муҳаббат бояд дуҷониба бошад."

Сарвари давлат ин суханонро дар Форуми умумиҷаҳонии иқтисодӣ дар Давос - ва бори аввал пас аз соли 2009 гуфт.

Путин вазъи кунунии ҷаҳонро бо солҳои 30-юм муқоиса кард: ба ақидаи ӯ, табақабандии иҷтимоӣ шиддат гирифта, радикализми рост ва чап афзоиш меёбад ва равандҳои сиёсӣ дар кишварҳои пешрафта шадидтар мешаванд.

Кушиши Аврупо барои ҳифзи муносибат бо Русия ва ояндаи худ

Дар ҳамин ҳол, раҳбари Русия қайд кард, ки "робитаи мутақобилаи кишварҳои гуногун дар ҳалли мушкилоти кунунӣ метавонад ба афзоиши эътимоди тарафайн имкон диҳад".

"Ҳоло муҳим аст, ки аз як изҳороти умумӣ ба тиҷорат гузарем, саъй ва захираҳои воқеиро барои ноил шудан ба ҳам коҳиши нобаробарии иҷтимоӣ дар дохили кишварҳои алоҳида ва ҳам тадриҷан ба ҳам наздик шудани сатҳи иқтисодҳои кишварҳои мухталиф ва минтақаҳои сайёра равона кунем. Пас аз он бӯҳрони муҳоҷират нахоҳад буд ",-илова кард ӯ.

Кишвардори Русия инчунин дар бораи яке аз мушкилоти муҳимтарини сайёра - пандемияи COVID-19 истода гузашт.

Ба гуфтаи Путин, мубориза бо коронавирус дар ҷаҳон бояд муштарак бошад.

"Ҷомеаи ҷаҳонӣ бояд шароит фароҳам оварад, то олимон ва мутахассисон якҷоя кор кунанд, то фаҳманд, ки чаро ва чӣ гуна мутатсия ба амал меояд, масалан, коронавирус чӣ гуна намудҳо дорад ва аз ҳамдигар чигуна фарқ мекунанд", - шарҳ дод президент.

Нахустин гуфтугӯи телефонии Путин бо Байден: сарони кишварҳои қудратманд аз чӣ гуфтанд?

Раҳбари Русия мӯътақид аст, ки "акнун тамаркуз ба рафъи мушкилоти на хаёлӣ, балки воқеӣ дар ҷаҳон муҳим аст".

78
Барчаспҳо:
иқтисод, Аврупо, муносибат, Владимир Путин
Эмомалӣ Раҳмон, раисиҷумҳури Тоҷикистон, акс аз бойгонӣ

Раҳмон гуфт, дар интихобот ба ӯ аксарият занон овоз додаанд

480
(Таҷдидшуда 14:12 27.01.2021)
Эмомалӣ Раҳмон, раисиҷумҳури Тоҷикистон, дар бораи интихоботи гузаштаи парлумонию президентӣ гуфта, таъкид намуд, ки ба ҷонибдорияш аксарият занон овоз додаанд

ДУШАНБЕ, 27 янв — Sputnik. Эмомалӣ Раҳмон гуфт, бо иштироки фаъолонаи халқ соли гузашта ду чорабинии бисёр муҳимми сиёсӣ, якум – интихоботи вакилони Маҷлиси намояндагон, маҷлисҳои маҳаллии вакилони халқ ва дуюм – интихоботи Президенти Тоҷикистон баргузор гардид.

Эмомалӣ Раҳмон дар паёми имсолааш таъкид намуд, ки ин ду маъракаи муҳими сиёсӣ дар фазои сулҳу оромӣ, суботи комили сиёсӣ ва ваҳдати миллӣ баргузор гардиданд.

Раҳмон илова намуд, ки дар интихоботи президенти Тоҷикистон, аксарияти занону бонувони тоҷик, онҳое, ки ҳаққи овоздиҳӣ доранд, ба ҷонибдории раисиҷумҳури феълии Тоҷикистон овоз доданд.

Ӯ  бо изҳори миннатдорӣ афзуд, ки то вақте ҳастам, ҳамин сиёсати худро дар мавриди дастгирии занону бонувон идома медиҳам ва шумо содиқона хизмат кунед.

Эмомалӣ Раҳмон ба Кумитаи кор бо занон ва оила супориш дод, ки лоиҳаи қарори Ҳукумати мамлакатро дар бораи “Стратегияи миллии фаъолгардонии нақши занон дар Ҷумҳурии Тоҷикистон барои солҳои 2021 – 2030” ва нақшаи амалисозии онро барои солҳои 2021 – 2025 таҳия ва пешниҳод намояд.

480
Барчаспҳо:
президент, интихобот, Эмомалӣ Раҳмон, Тоҷикистон
Мужчина с автоматом в руке, архивное фото

Ҳимояи худу фарзандон: шарҳи дастгиршуда дар Турсунзода дар бораи нигоҳдории силоҳ - видео

0
(Таҷдидшуда 20:55 27.01.2021)
Вазорати умури дохилии Тоҷикистон аз парвандаи ҷиноӣ алайҳи сокини шаҳри Турсунзода барои нигоҳдории ғайриқонунии силоҳ ва лавозимоти ҷангӣ хабар додааст

ДУШАНБЕ, 27 янв — Sputnik.  Бар асоси гузориши ВУД, маъмурини Раёсати кофтукоби ҷиноӣ дар пайи як амалиёт Маъбурҷон Таҳоров, сокини кӯчаи Айнии шаҳри Турсунзодаро дастгир кардаанд.

Дар пайи кофтукоб дар боми хонаи падари дастгиршуда, дар деҳаи Шукурови шаҳри Турсунзода як автомати Калашников бо 29 дона тир ва норинҷак пайдо карда шуд. Таҳоров дар гузориш изҳор медорад, ки ин аслиҳаро солҳои 1997 ё  1998 ба ивази 300 доллар бо ҳадафи ҳимоя харид.

Ӯ тавзеҳ дод, ки ин силоҳро он замон барои ҳимояи худу фарзандонаш гирифта буд.

Вазорати умури дохилии Тоҷикистон таъкид намуд, ки феълан алайҳи Таҳоров парвандаи ҷиноӣ оғоз шудааст. Ин ниҳод зикр намуд, афроде, ки ихтиёран ба мақомоти умури дохилӣ силоҳи оташфишон месупоранд аз ҷавобгарӣ озод мешаванд.

0
Барчаспҳо:
силоҳ, шаҳри Турсунзода, Тоҷикистон