Избранный президент Кыргызстана Садыр Жапаров. Архивное фото

Ҷабборов гуфт аксҳояшро барои вазифагирӣ истифода накунанд

524
(Таҷдидшуда 13:21 30.01.2021)
Президенти Қирғизистон гуфт 99 дарсади одамонеро, ки дар давраи интихоботӣ бо онҳо акс гирифтааст, намешиносанд

ДУШАНБЕ, 30 янв — Sputnik. Президенти Қирғизистон Содир Ҷабборов дар саҳифааш дар Instagram ҳодисаи истифодаи аксҳои ӯро барои гирифтани вазифа ё ҳалли масъала, шаҳр дод.

Кишвардор нақл кард, ки аз 6 октябр инҷониб бо ҳазорон одамон акс гирифтааст.

"Махсусан моҳи октябр, вақте мардум барои расидагӣ кардан ба коре назди ман меомаданд, хоҳиш мекарданд, ки акси якҷоя гиранд. Ман наметавонистам рад кунам. Дар давраи интихоботӣ низ маро бо ҳазорон одамон аксбардорӣ карданд, росташ бо 99 дарсади онҳо ман ошно нестам", - изҳор дошт Ҷабборов.

Ӯ қайд кард, шаҳрвандоне, ки аксҳои якҷояро ба мақсади ҳалли коре истифода мекунанд, "рӯи об" бароварда мешаванд.

"Ман мехоҳам бигӯям, онҳое, ки аксҳои маро барои гирифтани вазифа ё ҳалли корашон истифода мекунанд, шиносоӣ мешаванд. Нагузоред, ки шуморо бо нишон додани акси ман фиреб диҳанд. Дарҳол аз чунин ҳодисот ба мо хабар диҳед ва мо онҳоро ҷазо хоҳем дод", - навиштааст президент.

Содир Ҷабборов расман президенти Қирғизистон шуд

Ёдрас мешавем, ки Содир Ҷабборов аз 28 январи соли равон қудратро ба даст гирифт.

524
Барчаспҳо:
акс, президент, нав, Қирғизистон

Ҷабборов кишвардори Русияро ба Қирғизистон хонд

189
(Таҷдидшуда 19:27 24.02.2021)
Кишвардори Қирғизистон Содир Ҷабборов дар аввалин сафари расмии хориҷии худ озими Русия шуд

ДУШАНБЕ, 24 фев — Sputnik. Содир Ҷабборов раисиҷумҳури Қирғизистон имрӯз дар раъчи як ҳайати ҳукуматӣ озими Федератсияи Русия шуд.

Дар ин сафар, Ҷабборов бо Владимир Путин, раисиҷумҳурии Русия дар мавриди ҳамкориҳои дуҷониба, чашмандози тавсеаи бештари равобит ва эҷоди таомули муассир байни ду кишвар гуфтугӯ намуд.

Гуфта мешавад, Ҷабборов ҳамтои худ Владимир Путинро ба Қирғизистон даъват намудааст.

Илова бар ин, дуҷонибаи кишвардори Қирғизистон бо Михаил Мишустин, нахуствазири Русия ва Валентина Матвиенко, раиси Шӯрои федерастсияи Русия ва Вячеслав Володин, раиси Думаи давлатӣ низ хоҳад дошт.

Савгандёдкунии хоксорона: Ҷабборов барои масрафоти зиёд аз кортежу банкет даст кашид

Интизор меравад, ҷаласае бо ҷомеаи бозаргонии Русия ва ҳамчунин бо ҳамватанону донишҷӯёни қирғизистонӣ, ки дар донишгоҳҳои Русия таҳсил мекунанд, низ дошта бошад.

189
Барчаспҳо:
Содир Ҷабборов, Владимир Путин, Русия, Қирғизистон
Пограничник на смотровой вышке на границе Кыргызстана. Архивное фото

Тоҷикистону Қирғизистон масъалаи додугирифти шаҳрвандони боздоштшударо баррасӣ карданд

243
(Таҷдидшуда 12:08 24.02.2021)
Дидори мақомдорони ин ду кишвар бо даъвати Ҷумҳурии Қирғизистон баргузор шудааст

ДУШАНБЕ, 24 фев – Sputnik. Дар дидори мақомоти Тоҷикистон ва Қирғизистон дар ноҳияи Ботканд мавзӯи озодии шаҳрвандони боздоштшудаи ин ду ҷумҳурии ҳамсоя мавриди баррасӣ қарор гирифт, хабар медиҳад "Парс тудей" бо истинод ба сомонаи АКИ пресс.

Ба иттилои манбаъ, ин дидор ба дархости тарафи Қирғизистон баргузор шуд, ки дар он мақомоти ҳукуматӣ, полис, идороти амниятӣ, додситонӣ ва марзбонии ноҳияҳои Бобоҷон Ғафурови Тоҷикистон ва Лайлаки Қирғизистон ширкат карданд.

Тарафҳо дар ин дидор дар бораи ду мавзӯи таъмини амнияти сокинони рустоҳои марзӣ ва озодии 15 шаҳрванди тоҷики боздоштшуда дар Қирғизистон ва 9 қирғизи боздоштшуда дар Тоҷикистон баҳс ва табодули назар карданд. 

Гуфта мешавад, ки 9 шаҳрванди Қирғизистон ба далели гум кардани роҳ ҳангоми бозгашт аз Тоҷикистон ба дасти марзбонони тоҷик боздошт шудаанд, аммо дар бораи иллати боздошти 15 шаҳрванди Тоҷикистон дар Қирғизистон тавзеҳ дода нашудааст. 

Қаблан Умурбек Субҳон Алиев, раиси нави вилояти Ботканд дар пайи муроҷиаи волидайни боздоштшудагони қирғиз дар Тоҷикистон эълом карда буд, ки аз тариқи музокира бо мақомоти тоҷик ин мушкил ҳал хоҳад шуд.

Қирғизистон ва Тоҷикистон аз моҳи март тақсимоти сарҳадро идома медиҳанд

Вай таъкид кардааст, ки заминаи сафари наздикони ин афрод ба вилояти Суғд ва дидор бо боздоштшудагонро фароҳам хоҳад кард. 

То лаҳзаи интишори ин хабар дар бораи натоиҷи музокироти мақомоти Тоҷикистон ва Қирғизистон дар ноҳияи Ботканд иттилое мунташир нашудааст.

243
Барчаспҳо:
боздоштшуда, шаҳрвандон, додугирифт, Қирғизистон, Тоҷикистон
Конкурс Чакомаи Гесу в Худжанде

Мӯдарозтарин духтари Душанберо муайян карданд

0
(Таҷдидшуда 21:07 24.02.2021)
Дар Душанбе фестивали "Чакомаи гесу" ҷамъбаст гардид ва ғолибони озмун - духтарони муйдарози пойтахт муайян шуданд

ДУШАНБЕ, 24 фев — Sputnik. Имрӯз дар шаҳри Душанбе бо ташаббуси Мақомоти иҷроияи ҳокимияти давлатии шаҳр "Чакомаи гесӯ" баргузор гардид.

Дар оғози фестивал намоишгоҳи маҳсулоти ороишии  ҳунармандон, анвои гуногуни ороиши миллии занонаи аз ҷиҳати экологӣ фоидаовар ва лавозимоти марбут ба парваришу ороиши мӯйю рӯй  ба маъраз гузошта шуд.

Дар фестивал инчунин ашъори баланпоя ва суруду рақс, ривояту таронаҳои мардумӣ оид ба ҳусну таровати рӯй, ҷозибаи гесӯ, сарулибос ва ороишоти миллӣ, истифодаи маҳсулоти табиии ватанӣ дар парваришу нигоҳбини рӯйю мӯй ва муҳофизати пӯсти дасту рӯй тарғибу ташвиқ гардид.

Дар фестивали мазкур муовини Раиси шаҳри Душанбе Мавсума Муинӣ, Раиси Кумитаи занон ва оилаи назди Ҳукумати Ҷумҳурии Тоҷикистон Ҳилолбӣ Қурбонзода, ғолибони даври ноҳиявии фестивал аз ноҳияҳои пойтахт ва сокинони шаҳр  иштирок намуданд.

Мавриди зикр аст, ки давоми се соли охир фестивали мазкур дар доираи эълон гардидани солҳои 2019-2021 ҳамчун Солҳои рушди деҳот, сайёҳӣ ва ҳунарҳои мардумӣ дар тамоми қаламрави мамлакат доир  мегардад.

Рустам Эмомалӣ қарор кард: дар Душанбе фестивали "Чакомаи гесу" баргузор шавад

Дар фарҷоми Фестивал ғолибони бахшҳои он ва иштирокчиёни фаъол бо диплому сипоснома ва ҷоизаи махсуси мақомоти иҷроияи ҳокимияти давлатии шаҳри Душанбе сарфароз гардонида шуданд.

0