Хадж в Мекке

Сафири тоҷик бо амири Макка мулоқот кард

410
(Таҷдидшуда 11:34 22.02.2021)
Ҷонибҳо ҳавасмандии худро ба тавсеаи бештари ҳамкории судманд дар партави роҳнамоиҳои роҳбарони ду кишвар таъкид намуданд.

ДУШАНБЕ, 22 фев— Sputnik. Сафири Тоҷикистон бо амри минтақаи Маккаи Арабистони Саудӣ мулоқот кард, хабар медиҳад Вазорати корҳои хориҷии Тоҷикистон.

Сироҷиддин Муҳриддин бо сафири Арабистони Саудӣ чиро баррасӣ кард

21 феврал дар Ҷидда вохӯрии Сафири Ҷумҳурии Тоҷикистон дар Подшоҳии Арабистони Саудӣ Акрам Каримӣ бо Амири минтақаи Маккаи мукаррамаи Арабистони Саудӣ шоҳзода Холид Ал-Файсал ибни Абдулазиз Оли Сауд баргузор гардид.

"Дар мулоқот масъалаҳои мавриди таваҷҷуҳи муштарак дар бахшҳои иқтисоду тиҷорат, сармоягузорӣ, сайёҳӣ ва фарҳанг баррасӣ шуданд", - омадааст дар иттилои манбаъ.

Гуфта мешавад, ҷонибҳо ҳавасмандии худро ба тавсеаи бештари ҳамкории судманд дар партави роҳнамоиҳои роҳбарони ду кишвар таъкид намуданд.

Пештар дар бораи оғози маросими ҳаҷи умра дар Арабистони Саудӣ хабар дода шуда буд.

Саъдулло Қурбонов, раҳбари ширкати "Расул", яке аз ду ширкати тоҷикистонии ташкили ҳаҷҷи умраву фарзӣ, ба Sputnik Тоҷикистон гуфта буд, то ба ҳол сари замону шароити қабули зойирини тоҷик бо Арабистони Саудӣ тавофуқ сурат нагирифтааст.

Ҳаҷи умра сар шуд: Саудӣ зойирини тоҷикро ҳанӯз даъват накардааст

"Мо аз ҷониби худ тамоми ҳуҷҷатҳоро омода карда, ба он ҷониб ирсол доштаем. Ҳоло мунтазир ҳастем, ки он ҷониб чӣ мегӯяд. Ин ҳама ба ҳамагирӣ (пандемия) – и "вируси корона" рабт дорад. Низоми пазириш дигар шудааст, қаблӣ нест. Тадобири иловагӣ ва мураккаб барои фурудгоҳҳову дигар зерсохторҳои Саудӣ пеш омадааст, ки бояд гирифта шаванд. Масалан, 1 ноябр зойирини Индонезияро қабул кард. Ҳамин тавр, ба навбат зойирини дигар кишварҳоро хоҳад пазируфт", - гуфт Саъдулло Қурбонов.

Қаблан Арабистони Саудӣ эълон карда буд, ки аз оғоз моҳи ноябр ба зоирон иҷоза медиҳад, то аз дохилу хориҷи кишвар сафар кунанд ва маросими ҳаҷро комилан анҷом диҳанд.

Бино ба иттилои расонаҳои арабӣ, Саудӣ метавонад рӯзона 20 ҳазор зойир ва 60 ҳазор намозгузорро қабул кунад.

410
Барчаспҳо:
Макка, мулоқот, сафир
Эмомали Рахмон и Си Цзиньпин

Ваксинаи ройгони Чин: Раҳмон изҳори сипос кард

807
(Таҷдидшуда 22:04 01.03.2021)
Чин изҳор доштааст, ки омода аст Тоҷикистонро бо ваксинааш бепул таъмин кунад

ДУШАНБЕ, 1 мар – Sputnik.  Эмомалӣ Раҳмон, раисҷумҳури Тоҷикистон дар рафти сӯҳбати телефонӣ бо роҳбари Чин Си Ҷинпин барои омодагии Чин ба пешниҳоди ваксини ройгонаш ба Тоҷикистон изҳори сипос кардааст.

Тавре дафтари матбуоти раисҷумҳури Тоҷикистон хабар медиҳад, дар ҷараёни суҳбат ҷонибҳо самтҳои мубрами ҳамкориҳои дуҷонибаро дар доираи муносибатҳои шарикии ҳамаҷонибаи стратегии  Тоҷикистон ва Чин  муҳокима карданд.

Гуфта мешавад, масъалаҳои густариши ҳамкориҳои тиҷоративу иқтисодӣ, нақлиёт ва соҳаи кишоварзӣ, инчунин қадамҳои минбаъдаи муштарак дар ин самт ва бо мақсади коҳиш додани шиддати таъсири бӯҳрони натиҷаи пандемия баррасӣ шуданд.

Эмомалӣ Раҳмон ба Си Ҷинпин миннатдории Тоҷикистонро барои кӯмак ва дастгирӣ дар рафъи оқибатҳои пандемия, аз ҷумла омодагии Ҳукумати Чин барои ба Тоҷикистон ба таври ройгон додани  ваксинаи зиддивирусии истеҳсоли Чин иброз доштааст.

Ҷонибҳо ҷиҳати рушди минбаъдаи вазъи вобаста ба пандемия дар ду кишвар дар маҷрои муътадилгардонии устувори он изҳори умед намуданд.

Сарони  давлатҳо ҷонибдории худро аз рушди минбаъдаи робитаҳои фарҳангию гуманитарии Тоҷикистону Чин ва омодагии тарафҳоро ҷиҳати таҳкими ҳамкориҳои   судманд дар соҳаи амният изҳор карданд.

Раиси Ҷумҳурии Мардумии Чин муҳтарам Си Ҷинпин мардуми Тоҷикистонро ба муносибати  ҷашни Наврӯз табрик гуфтааст.

Тоҷикистон аз Чин чанд пул қарздор аст

Дар анҷоми суҳбат ҷонибҳо бори дигар тасмими худро оид ба пешбурди минбаъдаи муштараки рушди тамоми самтҳои муносибатҳои Тоҷикистону Чин дар рӯҳияи дӯстӣ, ҳамсоягии нек ва эътимоди тарафайн, таъйид карданд.

807
Барчаспҳо:
Си Ҷинпин, Эмомалӣ Раҳмон, Чин, Тоҷикистон
Глава МИД РТ встретился с преседателем парламент Афганистан Миррахмон Рахмони

Сироҷиддин Муҳриддин ва Мир Раҳмон Раҳмонӣ чиҳо гуфтанд?

49
Вазири умури хориҷии Тоҷикистон раиси Маҷлиси намояндагони Афғонистонро ба ҳузур пазируфт

ДУШАНБЕ, 1 мар – Sputnik. Сироҷиддин Муҳриддин, вазири умури хориҷии Тоҷикистон  бо раиси парлумони Афғонистон Мир Раҳмон Раҳмонӣ мулоқот кард, хабар медиҳад Вазорати корҳои хориҷии Тоҷикистон.

Гуфта мешавад, дар мулоқот роҷеъ ба масъалаҳои вазъи минтақа ва Афғонистон, раванди музокироти байниафғонӣ, робитаҳои байни Тоҷикистон ва Афғонистон дар соҳаҳои гуногун баррасӣ гардид.

"Бо мақсади ҳаққи масъалаҳои марбут ба қонунгузорӣ гурӯҳи дӯстӣ миёни Маҷлиси намояндагони Маҷлиси Олии Ҷумҳурии Тоҷикистон ва Вулуси Ҷиргаи Шӯрои Миллии Ҷумҳурии Исломии Афғонистон ташкил шуд", - хабар медиҳад манбаъ.

Изҳори умедворӣ шуд, ки ҷиҳати густариши робитаҳои байнипарлумонӣ гурӯҳи дӯстии ташкилгардида саҳми босазо гузошта, иштироки фаъоли парлумонҳои ду давлати дӯсту бародарро дар арсаи байналмилалӣ ва минтақавӣ таъмин намояд.

Ҳамчунин зикр гардид, ки муносибатҳои дӯстӣ, ҳамкорӣ ва шарокат байни ду кишвари ҳамҷавор ва ҳамзабон имкон медиҳад, ки Душанбе ва Кобул дар масъалаҳои мубрами байналмилалӣ ва минтақавӣ мавқеи яксон ё наздик дошта бошанд.

Ҷонибҳо изҳор карданд, ки муборизаи муштарак бо терроризм, ифротгароӣ ва қочоқи маводди мухаддир самти муҳимми ҳамкорӣ байни ду кишвар мебошад.

Таъкид шуд, ки ҷиҳати рафъи паёмадҳои ҳамагирии Ковид-19 ҳамкорӣ ва ҳамёрӣ байни ду кишвар бояд афзояд.

Тоҷикистон кӯшишҳои Ҳукумати Афғонистонро дар таъмини амният ва сулҳу субот дар кишвар ҷонибдорӣ мекунад. Дар ин робита, ҷониби Тоҷикистон аз раванди музокироти сулҳи байниафғонӣ дар Давҳа истиқбол мекунад.

Ҷониби Тоҷикистон умедвор аст, ки музокироти сулҳи байниафғонӣ заминаи муҳкамро барои барқарорсозии сулҳу оромӣ дар кишвари азияткашида гузорад.

Глава МИД РТ встретился с преседателем парламент Афганистан Миррахмон Рахмони
Глава МИД РТ встретился с преседателем парламент Афганистан Миррахмон Рахмони

Тоҷикистон нақши калидии Афғонистонро дар таъмини амният дар тамоми минтақаи Осиёи Марказӣ хуб дарк намуда, аз ташаббусҳои созандаи ҷомеаи ҷаҳонӣ ҷиҳати таъмини сулҳу субот дар Афғонистон ва барқарорсозии иқтисодиву иҷтимоии он ҳамеша пуштибонӣ мекунад.

Таъкид гардид, ки Тоҷикистон ва Афғонистон дар чаҳорчӯби созмонҳои байналмилалӣ ва минтақавӣ, аз қабили Созмони Милали Муттаҳид, Созмони ҳамкории Шанхай, Созмони ҳамкории исломӣ ва ғайра бомуваффақият ҳамкорӣ мекунанд.

Аз мулоқот бо Ғанӣ то Абдуллоҳу Амруллоҳ Солеҳ: чаро Ятимов ба Кобул рафт?

Ҷонибҳо аз сатҳи баланди робитаҳои сиёсӣ ва байнипорлумонии байни ду кишвар изҳори қаноатмандӣ карданд.

49
Барчаспҳо:
Сироҷиддин Муҳриддин, сиёсат, мулоқот, Тоҷикистон, Афғонистон
Денежные купюры.

Бонки миллӣ арзиши рублу доллар ва евроро нисбат ба сомонӣ барои имрӯз эълон кард

0
(Таҷдидшуда 00:23 02.03.2021)
Бонки миллии Тоҷикистон арзиши сомониро нисбат ба асъори хориҷӣ барои имрӯз эълон кард, ки асъори миллӣ нисбат ба ҳафтаи гузашта каме тақвият ёфтааст

ДУШАНБЕ, 2 мар— Sputnik. Тибқи нишондоди Бонки миллии Тоҷикистон арзиши 1 рубли русӣ барои имрӯз 0.1527 сомонӣ нишон дода шудааст.

Ин ниҳод қурби миёнаи фурӯши 1 доллар дар муассисаҳои қарзии Тоҷикистонро аз 11.3045 то 11.3300 сомонӣ арзёбӣ кард.

Бонки миллӣ қурби миёнаи фурӯши 1 евроро 13.6174 то 13.8100 сомонӣ арзёбӣ кардааст.

Харидуфурӯши 1 рублро бошад, Бонки миллӣ имрӯз дар бозори нақди кишвар аз 0.1527 то 0.1540 сомонӣ муқаррар кардааст.

Дар бонкҳои дигари кишвар, аз ҷумла "Бонки Эсхата" харидуфурӯши 1 рублро имрӯз аз 0,1515 - 0,1540 сомонӣ муқаррар кардаанд.

Дар "Спитаменбонк" бошад, арзиши 1 рубл аз 0.1515 то 0.1545 ва дар "Алифбонк", 1 рубл аз 0,1500 то 0,1555 сомонӣ нишон дода шудааст.

Пешгӯиҳо дар мавриди қурби рублу доллар дар моҳи март

БМТ огоҳ менамояд, ки "берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад".

 

0