Махмадтоир Зокирзода

Зокирзода хостори густариши ҳамкорӣ бо Иттиҳоди Аврупо шуд

234
(Таҷдидшуда 02:44 23.02.2021)
Маҳмадтоир Зокирзода, раиси Маҷлиси намояндагони Тоҷикистон, бо Рефик Шабанович, сафири Хорватия дар кишвар густариши ҳамкориҳоро баррасӣ намуд

ДУШАНБЕ, 23 фев — Sputnik. Тибқи иттилои дафтари матбуоти Маҷлиси намояндагон, нахуст Зокирзода Шабановичро ба муносибати оғози фаъолияташ ҳамчун сафири Хорватия дар Тоҷикистон шодбош гуфта, умедвори таҳкими равобити дӯстона шудааст.

Зокирзода зикр намудааст, ки масоили таҳким ва густариши ҳамкории ду кишвар аз сафари расмии Президенти Хорватия Степан Месич ба Тоҷикистон 23-25 майи соли 2009 асос мегирад.

Маҳмадтоир Зокирзода ҳамчунин таъкид намуд, ки ҷониби Тоҷикистон бар он ақида аст, ки потенсиали бузурги ҳамгироии иқтисодие, ки Иттиҳоди Аврупо дорост, моро имконият медиҳад, то дар ин самт фаъолиятамонро ба ҳайси яке аз ҳадафҳои асосии минбаъдаи худ муайян намуда, ба пешбурди робитаҳои мутақобилан судманди иқтисодиву тиҷоратиамон такони тоза бахшем.

“Соҳаҳои гидроэнергетика, саноат, хусусан саноати кӯҳӣ, нақлиёту коммуникатсия, сохтмон, илму техника, маориф, тандурустӣ, фарҳанг ва туризм аз самтҳои ояндадори ҳамкории ҳарду кишвар ва ҳам аз ҳамкориҳои афзалиятноки  мо бо Иттиҳоди Аврупо мебошанд”,- изҳор доштааст раиси Маҷлиси намояндагон.

Раиси парлумони касбии Тоҷикистон роҷеъ ба масоили ҳамкориҳои байнипарлумонӣ гуфтаст, ташкили Гурӯҳи дӯстӣ ва ҳамкории Маҷлиси намояндагон бо Парламенти Ҷумҳурии Хорватия (Хорватский сабор) дар ҳоли таъсис қарор дорад ва баъди тасдиқ ёфтани ин гурӯҳи байнипарламентӣ ҳамкорони хорватӣ огоҳ карда мешаванд.

Таъсис додани гурӯҳи мазкур ба фоидаи ҳарду ҷониб  буда ҷиҳати ҳарчи бештар рушду тавсеаи ҳамкориҳои байнипарламентии мо хизмат хоҳад кард, таъкид шудаст дар мулоқот.

 

234
Барчаспҳо:
ҳамкорӣ, Иттиҳоди Аврупо, Тоҷикистон
Премьер-министр Никол Пашинян проходит по улицам столицы (25 февраля 2021). Еревaн

Пашинян мегӯяд, ба ҳеҷ ваҷҳ тарки Арманистонро намекунад

148
(Таҷдидшуда 17:57 25.02.2021)
Сарвазири Арманистон Никол Пашинян сару садоҳо дар мавриди берун рафтани ӯ аз қаламрави кишварро шарҳ дода, мегӯяд, нияти тарк кардани ватанро надорад

ДУШАНБЕ, 25 фев — Sputnik. Сарвазири Арманистон Никол Пашинян зимни эътироз бо ҷонибдорони худ дар маркази Ереван изҳор дошт, ки аз Арманистон берун намеравад.

Қаблан Telegram-канал, хабар дод, ки ҳавопаймои махсус аллакай омода аст ва дар сурати бад шудани вазъият Пашинян зуд ватанро тарк мекунад.

Ситоди генералии Арманистон истеъфои Пашинянро талаб кард

Аммо сарвазир ин гуна маълумоҳоро терроризми иттилоотӣ номида гуфт, "ҳар чӣ мардуми мо бо ингуна ахборот одат кардаанд".

"Ман нияти тарк карадни давлатро надорам ва ба ҳеҷ ваҷҳ аз Арманистон берун намеравам. Хонаводаи ман ҳам дар ҳамин ҷо аст. Шумо ҳоло худ шоҳид мешавад, зеро онҳо маҳз ба мо ҳамроҳ мешаванд", - афзуд Пашинян.

Аз наворҳо маълум аст, ки зимни эътирозҳо, Пашинянро писари ӯ Ашот ҳамроҳӣ мекунад.

Бӯҳрони сиёсӣ дар Арманистон пас аз он шиддат гирифт, ки Ситоди Генералии Қувваҳои Мусаллаҳ рӯзи 25 феврал истеъфои сарвазирро талаб кард ва гуфт, ки роҳбарияти сиёсӣ давлатро ба дами хатар мерасонад. Ин пас аз он рух дод, ки сарвари ҳукумат муовини аввали сардор генерал-лейтенант Тиран Хачатрянро, ки қаблан изҳороти сарвазирро дар бораи Искандар танқид карда буд, аз вазифа сабукдӯш кард.

Занозанӣ дар Ереван: ҷонибдорону мухолифони Пашинян вориди муноқиша шуданд - навор

Дар посух, сарвазир дар бораи кӯшиши табаддулот эълон кард ва шаҳрвандонро даъват кард, ки дар майдони ҷумҳурӣ ба хотири "дифоъ аз инқилоб" ҷамъ оянд.

Вай инчунин гуфт, ки дар бораи аз вазифа сабукдӯш кардани Сардори Ситоди Генералии Арманистон Оник Гаспарян қарор имзо кардааст. Аммо, президент то ҳол зери ин санад имзо нагузоштааст.

148
Барчаспҳо:
тарк, Арманистон, Никол Пашинян
Премьер-министр Армении Никол Пашинян

Ситоди генералии Арманистон истеъфои Пашинянро талаб кард

420
Ситоди генералии Арманистон истеъфои сарвазир Пашинян ва ҳукумати кишварро талаб кардааст

ДУШАНБЕ, 25 феврал - Sputnik. Ситоди генералии Арманистон истеъфои сарвазир Никол Пашинянро талаб кард.

Ғайр аз он, Ситоди Генералӣ инчунин талаб кардааст, ки ҳукумати Арманистон низ бояд истеъфо диҳад.

Мақоми марказии маъмурияти ҳарбӣ истеъфои Пашинянро пас аз барканории муовини аввали сардори ситоди кулл Тиран Хачатурян талаб кард.

Он бо қарори президент Армен Саркисян пас аз гуфторҳо ба унвонии сарвазири Арманистон хориҷ карда шуд.

Хачатурян изҳороти Пашинян дар бораи бесамар будани системаҳои мушакии "Искандар"-и Русияро шарҳ дода, гуфт ин хулосаҳо ҷиддӣ нестанд.

Ба гуфтаи муовини аввали сардори Ситоди Генералӣ, мушак танҳо 10% тарконда наметавонад ва баҳои додашуда сатҳӣ буд.

Истеъфои Пашинян
Дар Арманистон тазоҳуроти эътирозӣ бо талаби истеъфои сарвазир Никол Пашинян қариб чор моҳ аст идома дорад.

Сокинони Арманистон аз натиҷаи низоъ дар Қарабоғи Кӯҳӣ ва шартҳои созишномаи бо Озарбойҷон ва Русия басташуда, ки тибқи он ҷумҳурӣ мебоист тамоми қаламравҳои дар минтақа ишғолшударо озод мекард, норозӣ ҳастанд.

Пас аз шикаст дар Қарабоғ Пашинян тасмим гирифтааст дар артиш ислоҳот кунад

Овозаҳои истеъфои Пашинян доимо пайдо мешаванд. Намояндаи сарвазир онҳоро рад карда, таъкид кард кард, ки ҳоло дар назди ӯ вазифаи таъмини субот ва амнияти кишвар истодааст.

Қаблан Пашинян гуфта буд, ки пас аз интихоботи парлумонии Арманистон омодааст истеъфо диҳад, аммо барои ин низ шарт гузошт.

420
Барчаспҳо:
истеъфо, талаб, Никол Пашинян, Арманистон
День 26 февраля нац

Истеҳсоли "Волксваген" ва шомил шуданиТоҷикистон ба САҲА: имрӯзи таърих

0
(Таҷдидшуда 18:47 25.02.2021)
Рӯзи бисту шашуми феврал, Рӯзи байналмилалии фориғболӣ мебошад. Дар ин рӯз раҳбари ансамбли фолклории "Помир", фалаксарои маъруф Соҳиба Давлатшоева ба дунё омадааст

Рӯзи 26 феврал дар ҷаҳон чӣ рух дод

Соли 1936 дар Олмон нахустин автомобили "халқӣ"- "Волксваген" истеҳсол карда шуд.

Соли 2017 дар намоишгоҳи техникӣ-коммуникатсионӣ дар Барселона тамғаи навкардашудаи телефони Nokia 3310 ба  тамошо гузошта шуд.

Рӯзи 26 феврал дар Тоҷикистон чӣ рух дод

Соли 1995 аввалин маротиба дар Тоҷикистони соҳибистиқлол интихоботи парлумонӣ баргузор гардид.

Соли 1992 Тоҷикистон ба САҲА ҳамроҳ шуд.

Соли 2010 дар Душанбе маросими ботантанаи мукофотонидани барандагони стипендияи ба номи Дмитрий Менделеев баргузор гардид.

Соли 2014 дар ҷаласаи Шӯрои Маҷлиси миллии Маҷлиси Олии Ҷумҳурии Тоҷикистон лоиҳаи қарорҳои Маҷлиси миллии Маҷлиси Олии Ҷумҳурии Тоҷикистон "Оид ба ворид намудани тағйирот ба Қонуни конститутсионии Ҷумҳурии Тоҷикистон "Дар бораи мақомоти прокуратураи Ҷумҳурии Тоҷикистон" баррасӣ карда шуд

Соли 2016 ташаббусҳои муштараки Тоҷикистону Нидерландия муҳокима карда шуданд.

Соли 2016 дар Ню-Йорк ташаббуси Тоҷикистон дар масъалаи рӯзномаи ҷаҳонии оби тоза муҳокима карда шуд.

Соли 2009 дар Кохи Ваҳдати пойтахт бо ширкати Эмомалӣ Раҳмон ба муносибати 1310-солагии Имоми Аъзам конфронси ҷумҳуриявии илмӣ-амалӣ таҳти унвони "Мероси Имоми Аъзам ва фарҳанги миллӣ" баргузор гардид.

Ҷашнҳои рӯзи 22 январ дар Тоҷикистон ва ҷаҳон

Соли 2014 Консепсияи пешрафти инноватсионии комплекси агросаноатии Ҷумҳурии Тоҷикистон тасдиқ карда шуд.

Соли 2016 Қоҳир Расулзода дар ноҳияи Восеи вилояти Хатлон дар маросими пардабардорӣ аз нимпайкараи марҳум генерал-майор Рустам Амакиев, собиқ фармондеҳи Воҳиди таъйиноти махсуси зиддитеррористии "Алфа"-и Кумитаи давлатии амнияти миллии Ҷумҳурии Тоҷикистон иштирок кард.

Ҷашнҳои рӯзи 26 феврал

  • Рӯзи байналмилалии фориғболӣ.

Рӯзи 26 феврал кӣ ба дунё омадааст

Меҳрӣ Абдуллоева (1931) – раққоса, Ҳунарпешаи шоистаи Тоҷикистон.

Карим Абдулов (1939-2011) – доктори илми таърих, профессор, нависанда, Корманди шоистаи Тоҷикистон.

Зебо Давлатшоева (1969) – рассом.

Соҳиба Давлатшоева (1970)- сароянда, Ҳунарпешаи шоистаи Тоҷикистон.

Наргиси Карим (1975)- шоира.

Усмон Раҷабов (1950)- меъмор.

Раиса Савина (1925) – доктори илми тиб, профессор.

Нозим Сафаров (1939) – доктори илми таърих.

Ҷамшеди Саъдулло (1961)- публисист.

Абдувадуд Файзиев (1942)- актёри театр.

Аҳмад Юсуфов (1928 – 1987) – доктори илми тиб, профессор.

0
Барчаспҳо:
ҷаҳон, ҷашн, Тоҷикистон