Асари рассоми тоҷик Вафо Назарова. Акс аз бойгонӣ

Назаров ва Ҳайдаров аз Тоҷикистон- довталабони ҷоизаи "Содружество"

108
(Таҷдидшуда 10:13 14.04.2016)
Барои дарёфти ҷоизаҳои "Ситораҳои Иттиҳод" 12 номзад аз 8 кишвар пешниҳод гардида, пас аз баҳсу баррасии ҳакамон ба 8 нафар аз онҳо мукофоти мазкур тақдим мегардад.

ДУШАНБЕ, 14 апр — Sputnik. Дар соли равон академики Академияи улуми Тоҷикистон Карим Ҳайдаров ва Рассоми халқии Тоҷикистон Вафо Назаров барои дарёфти ҷоизаи байнидавлатии "Ситораҳои Иттиҳод" (Звезды Содружества) пешбарӣ шуданд, менависад дафтари матбуотии Кумитаи иҷроияи ИДМ.

"Ин ҷоиза дар се бахш — илму маориф, фарҳангу ҳунар ва ҳамчунин фаъолияти гуманитарӣ тақдим гардида, аз мукофотпулӣ (2 млн. рубл), ифтихорнома, нишони фахрӣ ва шаҳодатнома иборат аст",- меафзояд манбаъ.

Дар соли равон барои дарёфти ҷоизаи "Ситораҳои Иттиҳод" 12 номзад аз 8 кишвар пешбарӣ гардида, пас аз баҳогузории ҳайати доварон 8 нафар гирандагони он то 1- май эълон мешаванд.

Соли ҷорӣ барои дарёфти ин ҷоиза аз Қирғизистон — 3 номзад, аз Русия — 2, Озарбойҷон, Арманистон, Қазоқистон ва Молдова — 1 нафарӣ ва гурӯҳи муаллифон аз Боғи ботаникии Белорус пешбарӣ шудаанд.

108
Барчаспҳо:
нишони фахрӣ, маориф, ҷоиза, номзад, Ситораҳои Иттиҳод, Академияи улуми Тоҷикистон, Карим Ҳайдаров, Вафо Назаров, Тоҷикистон, Русия

Олимон нишонаи нави коронавирусро муайян карданд

866
(Таҷдидшуда 13:26 19.10.2020)
Олимон нишонаи нави бемории коронавирусро муайян кардаанд, ки метавонад аз гирифтор будани шахс ба COVID - 19 шаҳодат диҳад

ДУШАНБЕ, 19 окт — Sputnik. Дарди гӯш метавонад нишонаи гирифторӣ ба COVID - 19  бошад, хабар медиҳад Daily Express бо такя ба олимони коллеҷи Лондон.

Қайд мешавад, ки бархе аз беморон аз тиннитус - овоз дар гӯш шикоят кардаанд.

Дар баробари ин одамоне, ки бемориро вазнин паси сар кардаанд, пурра аз шунавоӣ маҳрум мондаанд.

Олимон гуфтанд, одамон бо кадом гурӯҳи хун коронавирусро сабук мегузаронанд

Дар ин росто, олимон аз пизишкон даъват кардаанд, ба бемороне, ки аз дарди гӯш  шикоят мекунанд, махсус диққат диҳанд.

Дар баробари ин олимон қайд мекунанд, ки агар бемор танҳо тиннитус эҳсос карда бошад, пас боке нест ва танҳо дар сурати якҷо будан бо дигар нишонаҳои коронавирус, метавонад боиси изтироб гардад.

Ёдрас мешавем, ки то имрӯз нишонаҳои бемории коронавирус - табларза, сулфа, насафтангӣ, эҳсос накардани бӯй ва дарди гулӯ шинохта шудаанд.

866
Барчаспҳо:
вируси корона, вируси нав, нишона
Мавзуҳо:
Пайомадҳои COVID-19 дар Тоҷикистон ва ҷаҳон
Пробирки с тестами на коронавирус

Олимон гуфтанд, одамон бо кадом гурӯҳи хун коронавирусро сабук мегузаронанд

2345
(Таҷдидшуда 16:09 18.10.2020)
Олимон аз Канада ва Дания бо ширкати садҳо ҳазор нафар ду озмоиши бузург гузарониданд, ки дар паи он ба хулосаи муҳимме омаданд

ДУШАНБЕ, 18 окт — Sputnik. Хатари гирифторшавӣ ба COVID-19 дар одамоне, ки гурӯҳи якуми хун доранд (AB0) камтар аст, менависад "Известия".

Олимон аз Канада ва Дания дар озмоиши аввал аз 473 ҳазор нафар тести коронавирус гирифтанд. Дар паи ин озмоиш маълум шуд, юодамоне, ки дорои гурӯҳи якуми хун ҳастанд, камтар натиҷаи мусбат доранд. Миёни одамон бо гурӯҳҳои дуюм, сеюм ва чорум тағйироте дида нашуд.

Олимон гуфтанд, кадом омил хавфи марг аз коронавирусро дучанд мекунад

Дар як тадқиқоти дигар, мутахассисон маълумотро дар бораи 95 ҳазор нафар беморони вазнини коронавирус аз Канадаро таҳлил карданд.

Маълум шуд,  одамони гирифтори беморӣ, ки ба  гурӯҳҳои дуюм, сеюм  ва чоруми хун дохил мешаванд, бештар аз сабаби норасоии гурда ба асбоби нафасдиҳии сунъӣ ниёз доранд.

Коршиносон бовар доранд, ки чунин одамон аз сирояти коронавирус бештар осеб мебинанд. Ҳамаи беморон, ба истиснои шахсони гурӯҳи якуми хун, бештар ба шӯъбаи эҳё муроҷиат мекарданд.

2345
Барчаспҳо:
сабукӣ, Олимон, гирифторони беморӣ
Мавзуҳо:
Пайомадҳои COVID-19 дар Тоҷикистон ва ҷаҳон
Ҷаласаи Ҳукумати Тоҷикистон

Ҳукумат ҳаҷми буҷаи 2021-ро гуфт: барои кадом соҳа чанд пул?

0
(Таҷдидшуда 19:54 27.10.2020)
Ҳукумати Тоҷикистон, таҳти раёсати Эмомалӣ Раҳмон имрӯз лоиҳаи қонуни буҷаи давлатӣ барои соли 2021 ва дурнамои нишондиҳандаҳои буҷети давлатӣ барои солҳои 2022-2023-ро баррасӣ кард, ки тибқи он буҷаи соли оянда аз имсола 1,6 миллиард зиёдтар мешавад

ДУШАНБЕ, 27 окт — Sputnik. Даромади умумии буҷети давлатӣ барои соли 2021 дар ҳаҷми 27,6 миллиард сомонӣ ба нақша гирифта шудааст, ки нисбат ба буҷети соли 2020 ба маблағи 1,6 миллиард сомонӣ ё 6,1 фоиз зиёд мебошад.

Даромад аз ҳисоби чӣ?

“Бо дарназардошти дурнамои рушди соҳаҳои иқтисодии кишвар даромади ҷории буҷети давлатӣ дар ҳаҷми 20,5 миллиард сомонӣ пешбинӣ гардидааст. Афзоиши ин нишондиҳанда нисбат ба буҷети тасдиқшудаи соли 2020 ба маблағи 1 миллиард сомонӣ ё 5,1 фоиз зиёд ба нақша гирифта шудааст”, - омадааст дар иттилоия.

Котиботи раисиҷумҳур тавзеҳ дод, ки таъмини нақшаи даромади ҷории буҷети давлатӣ аз ҳисоби сарчашмаҳои андозӣ дар ҳаҷми 18,8 миллиард сомонӣ бо афзоиши 890 миллион сомонӣ, воридоти маблағҳои ғайриандозӣ 1,4 миллиард сомонӣ бо афзоиши 110 миллион сомонӣ ва грантҳо барои дастгирии буҷет дар ҳаҷми 300 миллион сомонӣ пешбинӣ гардидааст.

Таъкид гардид, ки хароҷоти умумии буҷети давлатӣ барои соли 2021 дар ҳаҷми 28,1 миллиард сомонӣ пешбинӣ шудааст, ки он нисбат ба буҷети тасдиқгардидаи соли ҷорӣ 1,7 миллиард сомонӣ зиёд мебошад.

Котиботи раисиҷумҳур илова намуд, ки Ҳукумати мамлакат афзалиятнокии маблағгузории соҳаҳои иҷтимоии кишварро нигоҳ дошта, дар буҷети давлатии Ҷумҳурии Тоҷикистон барои соли 2021 барои ин соҳаҳо 13,2 миллиард сомонӣ пешбинӣ намудааст, ки он 47 фоизи ҳаҷми умумии хароҷоти буҷет ё 14,2 фоизи маҷмӯи маҳсулоти дохилиро ташкил медиҳад.

Барои кадом соҳа чанд сомонӣ?

“Аз ҷумла, барои маблағгузории соҳаҳои маориф дар ҳаҷми беш аз 5,6 миллиард сомонӣ бо афзоиши 592 миллион сомонӣ, тандурустӣ 2,4 миллиард сомонӣ бо афзоиши 509 миллион сомонӣ, ҳифзи иҷтимоии аҳолӣ 4,2 миллиард сомонӣ бо барзиёдии 262,7 миллион сомонӣ, фарҳанг ва варзиш 1 миллиард сомонӣ бо афзоиши 69,8 миллион сомонӣ пешбинӣ гардидааст”.

Дар ҷаласаи Ҳукумат Эмомалӣ Раҳмон вобаста ба вазъи ҷаҳони имрӯза ва бо дарназардошти таъсири пандемияи бемории КОВИД-19, дар чунин шароити ҳассос барои ноил гардидан ба ҳадафҳои муайяннамудаи Ҳукумати Тоҷикистон татбиқи мутавозини сиёсати буҷету андоз ва пулию карзиро зарур шумурдааст.

Ӯ назди масъулин барои иҷрои саривақт ва босифати барномаву нақшаҳои зиддибуҳронии қабулнамудаи Ҳукумати мамлакат, барои зиёд намудани даромади буҷет пурра ба андозбандӣ фаро гирифтани тамоми манбаъҳои даромад, кам намудани бакияпулиҳои андозӣ ва пешгирии пайдоиши бақияпулиҳои нав, инчунин, баланд бардоштани интизоми молиявӣ ва андоз дар сохторҳои давлатӣ ва ғайридавлатӣ ва субъектҳои хоҷагидорӣ, таъмини истифодаи самаранок ва мақсадноки маблағҳои дар буҷети давлатӣ пешбинишуда, суръат бахшидан ба саноатикунонии босуръати кишвар, таъсиси корхонаҳои нав бо технологияҳои муосир, истеҳсоли маҳсулот ва хизматрасониҳои рақобатноки ба содирот нигаронидашуда ва ивазкунандаи воридот ва дар ин асос зиёд намудани ҷойҳои нави корӣ вазифаҳо гузоштааст.

0
Барчаспҳо:
давлатӣ, буҷа, даромад, Тоҷикистон