Филиали ДДМ ба номи Ломоносов (МГУ) дар Душанбе. Акс аз бойгонӣ

Баргузории "хонишҳои ломоносовӣ" дар бахши донишгоҳи Ломоносови ҶТ

36
(Таҷдидшуда 16:05 24.04.2016)
Дар конфронси имсола, ки дар шаҳри Маскав баргузор гардид, устод ва шаш шогирди филиали Донишгоҳи давлатии Маскав ба номи М. Ломоносов дар шаҳри Душанбе иштирок ва маърӯза намуда, бо диплому ифтихорномаҳо сарфароз гардонида шуданд.

ДУШАНБЕ, 22 апр — Sputnik. Рӯзи гузашта дар филиали Донишгоҳи давлатии Маскав ба номи М. Ломоносов дар шаҳри Душанбе "Хонишҳои ломоносовӣ" бо иштироки устодон ва донишҷӯёни ин таълимгоҳ баргузор гардиданд.

"Ҳадаф аз баргузории ин чорабинӣ татбиқ ва пешниҳоди корҳои илмии донишҷӯёну устодони филиали донишгоҳ мебошад. Ҳамасола ин чорабинӣ дар охири моҳи апрел сурат мепазирад",- иброз дошт сарвари иҷроияи филиали Донишгоҳи давлатии Маскав ба номи М. Ломоносов дар шаҳри Душанбе Сайъало Мирзоев.

Ба қавли ӯ, ба ҷузъ ин, дар бинои асосии Донишгоҳи давлатии Маскав ба номи М. Ломоносов дар шаҳри Маскав конфронси илмию амалӣ баргузор мегардад ва устодону донишҷӯёни филиали Донишгоҳи давлатии Маскав ба номи М. Ломоносов дар шаҳри Душанбе дар он иштирок намуда, корҳои илмии худро муаррифӣ мекунанд.

Ҳамзамон, дар конфронси имсола, ки дар шаҳри Маскав баргузор гардид, устоди донишгоҳ ва шаш шогирди филиали ДДМ ба номи М. Ломоносов дар шаҳри Душанбе иштирок ва маърӯза намуда, бо диплому ифтихорномаҳо сарфароз гардонида шуданд.

36
Барчаспҳо:
маориф, илм, маърӯза, хонишҳои ломоносовӣ, Донишгоҳи давлатии Маскав ба номи М. Ломоносов дар шаҳри Маскав, Донишгоҳи давлатии Маскав ба номи М. Ломоносов дар шаҳри Душанбе, Сайъало Мирзоев, Русия, Маскав, Тоҷикистон, Душанбе

Олимон нишонаи нави коронавирусро муайян карданд

701
(Таҷдидшуда 13:26 19.10.2020)
Олимон нишонаи нави бемории коронавирусро муайян кардаанд, ки метавонад аз гирифтор будани шахс ба COVID - 19 шаҳодат диҳад

ДУШАНБЕ, 19 окт — Sputnik. Дарди гӯш метавонад нишонаи гирифторӣ ба COVID - 19  бошад, хабар медиҳад Daily Express бо такя ба олимони коллеҷи Лондон.

Қайд мешавад, ки бархе аз беморон аз тиннитус - овоз дар гӯш шикоят кардаанд.

Дар баробари ин одамоне, ки бемориро вазнин паси сар кардаанд, пурра аз шунавоӣ маҳрум мондаанд.

Олимон гуфтанд, одамон бо кадом гурӯҳи хун коронавирусро сабук мегузаронанд

Дар ин росто, олимон аз пизишкон даъват кардаанд, ба бемороне, ки аз дарди гӯш  шикоят мекунанд, махсус диққат диҳанд.

Дар баробари ин олимон қайд мекунанд, ки агар бемор танҳо тиннитус эҳсос карда бошад, пас боке нест ва танҳо дар сурати якҷо будан бо дигар нишонаҳои коронавирус, метавонад боиси изтироб гардад.

Ёдрас мешавем, ки то имрӯз нишонаҳои бемории коронавирус - табларза, сулфа, насафтангӣ, эҳсос накардани бӯй ва дарди гулӯ шинохта шудаанд.

701
Барчаспҳо:
вируси корона, вируси нав, нишона
Мавзуҳо:
Пайомадҳои COVID-19 дар Тоҷикистон ва ҷаҳон
Пробирки с тестами на коронавирус

Олимон гуфтанд, одамон бо кадом гурӯҳи хун коронавирусро сабук мегузаронанд

2045
(Таҷдидшуда 16:09 18.10.2020)
Олимон аз Канада ва Дания бо ширкати садҳо ҳазор нафар ду озмоиши бузург гузарониданд, ки дар паи он ба хулосаи муҳимме омаданд

ДУШАНБЕ, 18 окт — Sputnik. Хатари гирифторшавӣ ба COVID-19 дар одамоне, ки гурӯҳи якуми хун доранд (AB0) камтар аст, менависад "Известия".

Олимон аз Канада ва Дания дар озмоиши аввал аз 473 ҳазор нафар тести коронавирус гирифтанд. Дар паи ин озмоиш маълум шуд, юодамоне, ки дорои гурӯҳи якуми хун ҳастанд, камтар натиҷаи мусбат доранд. Миёни одамон бо гурӯҳҳои дуюм, сеюм ва чорум тағйироте дида нашуд.

Олимон гуфтанд, кадом омил хавфи марг аз коронавирусро дучанд мекунад

Дар як тадқиқоти дигар, мутахассисон маълумотро дар бораи 95 ҳазор нафар беморони вазнини коронавирус аз Канадаро таҳлил карданд.

Маълум шуд,  одамони гирифтори беморӣ, ки ба  гурӯҳҳои дуюм, сеюм  ва чоруми хун дохил мешаванд, бештар аз сабаби норасоии гурда ба асбоби нафасдиҳии сунъӣ ниёз доранд.

Коршиносон бовар доранд, ки чунин одамон аз сирояти коронавирус бештар осеб мебинанд. Ҳамаи беморон, ба истиснои шахсони гурӯҳи якуми хун, бештар ба шӯъбаи эҳё муроҷиат мекарданд.

2045
Барчаспҳо:
сабукӣ, Олимон, гирифторони беморӣ
Мавзуҳо:
Пайомадҳои COVID-19 дар Тоҷикистон ва ҷаҳон
футзал, акс аз бойгонӣ

Барои "Сипар" як ғалабаи дигар даркор то чемпиони Тоҷикистон шавад

0
(Таҷдидшуда 22:27 19.10.2020)
Кумитаи миллии олимпии Тоҷикистон мегӯяд, барои дастаи “Сипар”-и шаҳри Хуҷанд як пирӯзии дигар даркор аст, то қаҳрамони кишвар дар риштаи футзал шавад

ДУШАНБЕ, 19 окт – Sputnik. Тибқи иттилои Кумитаи миллии олимпӣ, дастаи “Сипар”-и шаҳри Хуҷанд бар тими “Соро компания”-и пойтахт дар ду силсилабозиҳои финали лигаи касбии футзали Тоҷикистон -2020 ғалаба карда, ба дарёфти унвони чемпионӣ наздик шуд.

"Бозии аввали дастаҳои мусовӣ (1:1) анҷом ёфт, вале дар задани силсилаи пеналтӣ бахти хуҷандиҳо омад кард – 4:3. Дар бозии дуюм бошад, “Сипар” бо ҳисоби 6:2 бар “Соро компания” ғолиб омад. Ҳар ду бозии аввал дар шаҳри Хуҷанд баргузор шуданд", - омадааст дар иттилоия.

Кумитаи миллии олимпӣ афзуд, ки ҳамин тариқ, клуби Хуҷанд дар силсилаи бозиҳо бо ҳисоби 2:0 пешсаф аст ва пас аз як ғалабаи дигар аввалин бор чемпион хоҳад шуд.

Зикр гардид, ки бозии навбатии дастаҳо 24 октябр сурат мегирад. “Соро компания” дар Душанбе “Сипар”-ро қабул мекунад.

Инчунин дар ду бозӣ барои ҷои сеюм бошад, дастаи “Муҳоҷир”-и шаҳри Душанбе бар тими “Истаравшан” ғалаба кард. Дар бозии аввал бо ҳисоби 8:5, дар бозии дуюм бо ҳисоби 6:5, тавзеҳ дод Кумитаи миллии олимпӣ. 

Футболбозони “Муҳоҷир” дар силсилаи бозиҳо барои ҷои сеюм бо ҳисоби 2:0 пешсафанд ва мумкин аст дар бозии навбатӣ медалҳои биринҷии лигаи касбии футзали Тоҷикистонро ба даст биёранд.

0
Барчаспҳо:
футзал, Кумитаи миллии олимпӣ, Тоҷикистон