Планеты системы TRAPPIST-1

Тоҷикистон ҳамроҳ бо кишварҳои ҳамсуд кайҳонро таҳқиқ мекунад

127
(Таҷдидшуда 20:40 02.11.2018)
Тоҷикистон, Русия, Арманистон, Белорус, Қазоқистон ва Узбакистон шартнома дар бораи ҳамкорӣ дар таҳқиқи муштараки кайҳонро ба имзо расонданд

ДУШАНБЕ, 2 ноя – Sputnik.  Кишварҳои ҳамсуд метавонанд дар якҷоягӣ кайҳонро таҳқиқ намоянд, гуфта шудааст дар қарори Ҳукумати Русия.

Шартнома дар бораи таҳқиқи муштараки қайҳон миёни Тоҷикистон, Русия, Арманистон, Белорус, Қазоқистон ва Узбакистон, рӯзи 2 ноябри соли равон дар Остона ба имзо расидааст.

Таъкид шудааст, ки ба ин шартнома метавонанд дигар кишварҳое, ки узви кишварҳои ИДМ мебошанд,  ҳамроҳ шаванд.

Акнун кишварҳо метавонанд дар якҷоягӣ таҳқиқоти астрофизикӣ гузаронанд, сайёраҳо, хатари ситораҳои думдору астероидҳоро таҳти омӯзиш қарор диҳанд.

Инчунин тибқи шартномаи мазкур кишварҳо метавонанд дар тарҳрезию сохти моҳвораҳо, мушакҳо, дастгоҳҳои алоҳида, сохтмони иншооти гуногуни заминӣ, сохтмони дастгоҳҳои таҳқиқотӣ дар кайҳон саҳмгузорӣ намоянд.   

Қаблан, Гулчеҳра Қоҳирова, роҳбари Пажуҳишгоҳи астрофизикии Академия улуми Тоҷикистон гуфта буд, ки кишварҳои ҳамсуд наметавонанд дар алоҳидагӣ кайҳонро таҳқиқ намоянд.

Вай таъкид намуда буд, ки бидуни иштироки Тоҷикистон ҳалли ин масъала ғайриимкон аст.

Гулчеҳра Қоҳирова, таъкид намудааст, ки Тоҷикистон дорои расадхонаи Санглок аст, ки аз онҷо назорати партовҳо ва дигар хатарҳои кайҳонӣ роҳаттар мебошад.   

127
Барчаспҳо:
мушак, кишварҳои ҳамсуд, ИДМ, таҳқиқ, кайҳоннавардӣ, Тоҷикистон
Запрет на курение, архивное фото

Олимон гуфтанд кадом гурӯҳи одамон коронавирусро вазнин мегузаронанд

1750
(Таҷдидшуда 14:05 19.11.2020)
Ба далели ноқис будани кори шуш ва паст шудани имунитет, тамокукашон бемории коронаврусро вазнин паси сар мекунанд

ДУШАНБЕ, 19 ноя - Sputnik. Хадамоти матбуотии Роспотребнадзор мегӯяд, сигоркашон бештар ба шакли вазнини бемории COVID - 19 гирифтор мешаванд.

Қайд мешавад, ки ин одати бад эҳтимоли тавассути даҳон сироят шуданро бештар мекунад.

"Тамокукашӣ кори шушҳоро бад мекунад ва инсон дар мубориза бо бемории сироятии нав бештар азоб мекашад", - қайд карданд дар Роспотребнадзор.

Ин ниҳод тавсия медиҳад, ки барои муҳофизат кардани худ аз ин беморӣ, бояд аз тамокукашӣ даст кашид ва ҳамаи қоидаҳои беҳдоштиро риоя кард.

Чанде пеш олимони амрикоӣ дар паи баргузоии пажӯҳиш маълум карданд, ки тамокукашӣ ҳолати марг аз коронавирусро бештар мекунад.

Таъсир ба наслҳо: табиб оқибатҳои хатарноки коронавирус дар кӯдаконро гуфт

Дар гузориши олимон омада, ки дар қиёс бо дигарон тамокукашон бештар аз бемории COVID - 19 ҷон медиҳанд.

Ёдрас мешавем, ки 19 ноябр дар сартосари ҷаҳон Рӯзи дасткашӣ аз тамоку таҷлил мешавад. Ҳар сол ин ҷашн, ки аз ҷониби ҷомеаи пизишкон 40 сол пеш таъсис дода шудааст, панҷшанбеи сеюми моҳи ноябр таҷлил мешавад.

Мақсади ин рӯз ҷудо кардани одамон аз одати бади сигоркашӣ ва ҷалби диққати онҳо ба зиндагии тарзи солим мебошад.

1750
Барчаспҳо:
вазнин, саломатӣ, Ҷаҳон, вируси корона
Мавзуҳо:
Пайомадҳои COVID-19 дар Тоҷикистон ва ҷаҳон

Олимон мегӯянд, COVID - и нав 10 баробар тезтар паҳн мешавад

660
(Таҷдидшуда 17:07 15.11.2020)
Навъи дигари COVID дар Урупо пайдо шудааст. Олимон мегӯянд, феълан аксари кишварҳои ҷаҳонро маҳз ҳамин навъ фаро гирифтааст

ДУШАНБЕ, 15 ноя – Sputnik. COVID - 19 аз пеш дида тезтар паҳн мешавад, вале бештар осебпазир шудааст, хабар медиҳад маҷаллаи Science.

Олимон аз Каролинаи Шимолӣ (ИМА) дар пайи як таҳқиқот маълум кардаанд, ки COVID - 19 боз шаклашро иваз кардааст. Навъи ҷадиди вирус - D614G дар Урупо пайдо шуда ва акнун дар тамоми ҷаҳон паҳн шудааст. 

Маълум шудааст, ки ин навъи вирус дар қиёс бо вируси дар Чин пайдошуда, 10 баробар тезтар паҳн мешавад.

Дар пайи таҳқиқот, ки дар бадани ҳайвонот гузаронида шудааст, муайян шуда, ки D614G ба маводҳои доруворие, ки дар асоси антитела омода шудаанд, осебпазир мебошанд ва шакли сабуктари коронавирус аст.

Бино ба хулосаи олимон, вируси урупоӣ қафаси синаро бемор мекунад дар ҳоле, ки вируси чинӣ ба дил, рӯдаҳо ва гурда зарба мезанад.

Ралф Барик, профессор, ҳамагиршиноси Донишгоҳи Каролинаи Шимолӣ гуфт,  ҳамаи ваксинаҳое, ки ба дар асоси штами аслии чинӣ омода мешаванд, аз штами нави вирус хуб муҳофизат мекунанд.

660
Барчаспҳо:
вируси корона, Олимон, Ҷаҳон
Мавзуҳо:
Пайомадҳои COVID-19 дар Тоҷикистон ва ҷаҳон
Асозода Дилшод Алимурод глава города Нурек  посетил ветерана ВОВ  Гулов Малах

Мақомоти шаҳри Норак ба иштирокчии Ҷанги Бузурги Ватанӣ хона сохт

0
(Таҷдидшуда 19:28 24.11.2020)
Мақомоти шаҳри Норак эълон кардааст, ки ахиран ба Гулов Малах, ки иштирокчии Ҷанги Бузурги Ватанӣ мебошад манзили нави зист иборат аз 3 ҳуҷра сохта тақдим карда шуд

ДУШАНБЕ, 24 июн — Sputnik. Бино бар иттилои дафтари маӣбуоти раиси шаҳри Норак ахиран раиси шаҳр Асозода Дилшод Алимурод ба аёдати иштирокчии Ҷанги Бузурги Ватанӣ Гулов Малах рафт.

Раиси шаҳри Норак бо вазъи зисту зиндагонии пири хирад Гулов Малах ошно гардидааст.

Манбаъ қайд кардааст, ки бо ташаббуси мақомоти шаҳр манзили нави зист иборат аз 3 ҳуҷра, ошхона барои аҳли оилаи Гулов Малах сохта, ба истифодаи онҳо супорида шуд.

Ҳамзамон раиси шаҳри Норак барои мавсими зимистонгузаронӣ ба иштирокчии ҶБВ маблағи пулӣ тақдим кардааст.

Бояд гуфт, ки солҳои ҶБВ аз аҳолии 1,5 милюнии Тоҷикистон камубеш 300 ҳазор кас ба ҷанг рафта, беш аз 100 ҳазор кас аз онҳо шаҳид шудаанд. Аз ин шумор 55 ҳазор сарбозу афсар бо нишону медолҳо ва 54 кас бо болотарин унвони кишвар - Қаҳрамони Иттиҳоди Шуравӣ сарфароз гардиданд.

0
Барчаспҳо:
ҶБВ, куҳансарбоз, собиқадорон, Норак, Тоҷикистон