Полвека назад человек впервые вышел в открытый космос.

Эълони озмуни Ихтироъкори беҳтарин дар Тоҷикистон

72
(Таҷдидшуда 13:42 05.01.2019)
Ба муносибати Рӯзи ихтироъкорон ва навоварони Тоҷикистон ва Рӯзи байналмилалии моликияти зеҳнӣ, ки 26 апрел ҷашн гирифта мешавад, озмуни “Ихтироъкорони беҳтарини Тоҷикистон” барои солҳои 2017-2018 доир мегардад

ДУШАНБЕ, 5 янв — Sputnik. Муассисаи давлатии Маркази миллии патенту иттилоот озмуни “Ихтироъкорони беҳтарини Тоҷикистон” барои солҳои 2017-2018 эълон намудааст.

Дар ин бораи дар сомонаи расмии Маркази миллии патенту иттилоот хабар дода шудааст.

Дар озмуни мазкур ихтироъҳои солҳои 2017-2018, ки бо ҳуҷҷатҳои муҳофизатӣ таъмин шудаанд ва  дар истеҳсолот татбиқ гардидаанд, баҳогузорӣ карда мешаванд.

Манбаъ таъкид намудааст, ки озмуни мазкур  26 апрели соли равон доир гардида, ихтироъкорону навоварон имкон доранд то 20 март ҳуҷҷатҳои худро ба он пешниҳод намоянд.

Манбаъ афзудааст, ки ғолибон бо ҷоизаҳои махсус ва туҳфаҳои хотиравӣ қадрдонӣ  карда мешаванд.

Хоҳишмандоне, ки майли иштирок дар озмун доранд, метавонанд ба нишонии: 734042, ш. Душанбе, кӯчаи Айнӣ 14-а ҳуҷҷатҳои худро пешниҳод намоянд.

72
Барчаспҳо:
душанбе, озмун, ихтироъкорӣ, ихтироъкор, Тоҷикистон