Флаг Таджикистана

Ихтирооти бонувони тоҷик дар намоишгоҳи байналмилалии Сеул соҳиби 9 медал гардиданд

251
(Таҷдидшуда 19:19 02.07.2019)
Ёдовар мешавем, ки аз соли 2012 то имрӯз 44 адад ихтирои бонувони тоҷик дар соҳаҳои гуногун  соҳиби медал ва Грант-при гардид, ки аз онҳо 15-тояш медали тилло мебошад

 ДУШАНБЕ, 2 июл — Sputnik. Дар намоишгоҳи байналмилалӣ ва Форуми занҳои ихтироъкор, ки  дар шаҳри Сеули Кореяи Ҷанубӣ баргузор шуда буд 9  ихтирооти бонувони тоҷик  бо   3 медали тилло, 4 нуқра ва 4  биринҷӣ қадрдонӣ шуданд, иттилоъ додааст агентии “Ховар”.

Издивоҷи Тандир Қамаров ва Маҳдия Мирзоаҳмад дар САҲШ-и минтақаи Алтайи Русия
Интернет-журнал о жизни Юго-Востока Алтайского края - http://biysk-ok.ru

Ба ин хотир дирӯз, 1  июли соли равон  дар   Муассисаи давлатии “Маркази миллии патенту иттилоот”-и Вазорати рушди иқтисод ва савдои  Ҷумҳурии Тоҷикистон маросими супоридани ҷоизаи 12–умин Намоишгоҳи байналмилалӣ ва Форуми занҳои ихтироъкор, ки  дар шаҳри Сеули Кореяи Ҷанубӣ баргузор шуда буд, доир гардид.

Номзади илмҳои химия, мудири кафедраи химияи органикии факултети химияи Донишгоҳи миллии Тоҷикистон Маина Султонмамадова соҳиби  медали тиллои Ассотсиатсияи ихтироъкорони Ҷумҳурии Мардумии Чин ва ҷоизаи махсуси Ҷумҳурии Узбакистон  ҳамчун “Беҳтарин зани ихтироъкор” гардид.

Ходими илмӣ, котиби илмии Шӯрои илмии Маркази илмию тадқиқотии фармасевти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон Мавлуда Давлатмамадова бо ҷоизаи олӣ — медали тиллои Созмони умумиҷаҳонии моликияти зеҳнӣ ва медали тиллои 12-умин Намоишгоҳи байналмилалӣ ва Форуми занҳои ихтироъкори ҷаҳон ҳамчун “Беҳтарин зани ихтироъкор” қадрдонӣ шуд.

Ассистенти  кафедраи химияи фармасевтӣ ва заҳршиносии Донишгоҳи давлатии тиббии Тоҷикистон ба номи Абуалӣ ибни Сино  Робия Раҳимова,  аспиранти Донишгоҳи давлатии тиббии Тоҷикистон Мадина Кариева, номзади илмҳои химия, мудири кафедраи химияи органикии факултети химияи Донишгоҳи миллии Тоҷикистон  Маина  Султонмамадова ва аспиранти шуъбаи ҷарроҳии умумии Муассисаи давлатии  Маркази тиббии шаҳрии №2  Силсила Расулова бо медалҳои нуқраи  12–умин Намоишгоҳи байналмилалӣ ва Форуми занҳои ихтироъкор сарфароз гардонида шуданд.

Наврузовский карнавал в Нуреке
© Официальная страница пресс-службы президента РТ в Facebook.

Инчунин докторант-PhD факултаи биологияи Донишгоҳи миллии Тоҷикистон  Меҳринигори Булбулназар,  номзади илмҳои фармасевтӣ, ассистенти кафедраи кимиёи фармасевтӣ ва токсикологии  Донишгоҳи давлатии тиббии Тоҷикистон ба номи Абуалӣ ибни Сино   Ганҷина Наврузова,  сармутахассиси шуъбаи илму инноватсияи Донишгоҳи омӯзгории Тоҷикистон ба номи Садриддин Айнӣ Фарзона Абдуҷалилзода ва номзади илмҳои кимиё, мудири кафедраи химияи факултаи муҳандисӣ-технологии Донишгоҳи технологии Тоҷикистон   Мавзуна Шарипова бо медали биринҷии 12–умин Намоишгоҳи байналмилалӣ ва Форуми занҳои ихтироъкор қадрдонӣ шуданд.

Дар маросими ҷоизасупорӣ Вазири рушди иқтисод ва савдои Ҷумҳурии Тоҷикистон Неъматулло Ҳикматуллозода бонувонро табрик намуда, изҳори хушнудӣ намуд, ки дар ҷумҳурӣ сол то сол сафи бонувони ихтироъкор ва навовар меафзояд. Ин шаҳодати он аст, ки бонувон дар баробари мардон дар корхонаву муассиса, марказҳои илмию эҷодӣ ва муассисаҳои  таҳсилоти олӣ ба ихтирову навоварӣ машғул шуда, саҳми худро дар рушди соҳа гузошта истодаанд.

Ёдовар мешавем, ки аз соли 2012 то имрӯз 44 адад ихтирои бонувони тоҷик дар соҳаҳои гуногун  соҳиби медал ва Грант-при гардид, ки аз онҳо 15-тояш медали тилло мебошад.

 

251
Барчаспҳо:
тилло, медал, ҳунар, зан, Тоҷикистон
Препарат против коронавируса

Олими тоҷик дар Бритониё роҳи муолиҷаи коронавирусро нишон дод

1395
(Таҷдидшуда 14:05 30.04.2020)
Донишманди тоҷики муқими Бритониё дар якҷоягӣ бо озмоишгоҳи Оксфорд барои муолиҷаи коронавируси навъи COVID - 19 дору ихтироъ кард

ДУШАНБЕ, 30 апр – Sputnik. Доктор Бобоҷон Назаров доруеро баром муолиҷаи вабои асри 21 - коронавируси навъи COVID - 19 озмоиш дорад.

Озмоиши донишманди тоҷик ва тими ӯ дар Донишгоҳи бонуфузи Оксфорди Бритониё сурат мегирад.

Олимон ду навъи дору: ҳабб ва сӯзандору ихтироъ карданд.

Муҳимтарин фарқи ин доруҳоро олими тоҷик дар он мебинад, ки дар сурати озмоиши бомуваффақият, мешавад дарҳол ба истифодаи умум гузошт. Роҳи табобати олими тоҷик чанд қадам пеш аст, дар ҳоле, ки ваксина ва дигар методҳои табобати имрӯза танҳо одамони сироятшударо табобат мекунад.

Коронавирус : Абуалӣ ибни Сино гуфта буд, ҷасади сироятшудагонро чӣ гуна ба хок супоранд

Низоми кор содда аст: сафедаи TMPRSS2 - ро, ки коронавирусро дар бадани инсон паҳн мекунад, нобуд кардан.

"Ин сафеда мисли калиде ҳаст, ки дари хонаеро мекушояд ва дору ин марҳиларо бозмедорад", - шарҳ дод Назаров.

Назаров умед дорад, роҳи табобати худро авохири ҳамин моҳ дар мубталоёни коронавирус озмоиш кунад.

Озмоишшавандаҳо дар баробари дору тестҳои коронавирусро низ хоҳанд гирифт. Натиҷаи табобати онҳо бо беморҳое, ки ба таври маъмулӣ табобат мегиранд муқоиса карда мешавад. Вазъи беморонро доимӣ таҳти назорат мегиранд, то дар ҳоли бад шудан, дарҳол бистариашон кунанд.

Ҷонбобоев: қарантинаро нахустин бор Абуалӣ ибни Сино пешниҳод кардааст

Latus Therapeutics дар ҳоли ҳозир ҳуҷҷатҳоро омода намуда истодааст, то озмоишро бо 500 бемор оғоз кунад.

Донишманди тоҷик Бобоҷон Назаров - хатмкардаи Донишгоҳи Оксфорд ва бунёдгузори ташкилоти Latus Therapeutics мебошад. Назаров дар Тоҷикистон ба дунё омада ва бузург шудааст.

1395
Барчаспҳо:
ихтироъкорӣ, донишмандон, олим, Бритониёи Кабир
Мавзуҳо:
Пайомадҳои COVID-19 дар Тоҷикистон ва ҷаҳон
Тест-системы для диагностики нового коронавируса

Олими тоҷик : Вазорати тандурустӣ барои пешгирии CОVID-19 бояд "хун" ҷамъоварӣ кунад

2326
(Таҷдидшуда 15:38 16.04.2020)
Вирусолог, сироятшинос ва сардори Шӯъбаи таҷрибаомӯзии Коллеҷи техникии шаҳри Хуҷанд Мухтор Каримов дар як мақолаи худ роҳҳои пешгирии CОVID-19-ро гуфт

ДУШАНБЕ, 16 апр – Sputnik. Дар тамоми дунё имрӯз олимон ба дарёфти препаратҳои биологӣ, аз ҷумлаи ваксинаю зардобҳо, интерферонҳо барои баланд бардоштани масуниятнокии фаъол ва ғайрифаъоли инсон бар муқобили коронавируси CОVID-19, машғуланд.

Сардори Шӯъбаи таҷрибаомӯзии Коллеҷи техникии шаҳри Хуҷанд Мухтор Каримов, мегӯяд гарчанде, омода намудани ваксина барои баланд бардоштани масуниятнокии фаъол бар муқобили коронавируси CОVID-19 вақти зиёдро талаб мекунад, имрӯз зарур аст, ки барои табобат ва пешгирии он усулҳои кӯҳна, истифодабарии зардобҳои хуни одамоне, ки бемории коронавируси CОVID-19-ро аз сар гузаронида табобат ёфтаанд, ки давлатҳои пешрафта барои табобат ва пешгирии коронавирус истифода мебаранд ва натиҷаҳои дилхоҳ медиҳад, ҳамчун дастурамали беҳтарини табобат ва пешгирии бемории сироятии коронавируси CОVID-19 дар Тоҷикистон истифода шавад.

СҶБ бо профессори тоҷик розӣ аст ва БСЖ-ро алайҳи коронавирус тавсия намедиҳад

Вазорати беҳдошти Тоҷикистон бояд чӣ кунад?

Ба гуфти олими тоҷик, бартирии ин усули табобат ва пешгирии бемориҳои сироятӣ дар он аст, ки дар Тоҷикистон ташхиси саривақтӣ ва пурраи бемориҳои респиратории (роҳи нафас) дар ҷои ҳодиса имкон нест,  чун ташхиси коронавируси CОVID-19 фақат дар шаҳри Душанбе гузаронида мешавад, ки гирифтани натиҷаи ташхис вақти зиёди зарурии табобатро мегирад, ин ташхис фақат як бемории коронавирусро аз эътибор соқит мекунад ва сабаби беморӣ дигар вирусҳо ва бактерияҳо шуда метавонанд.

Профессори тоҷик таъсири БСЖ ба COVID-19 - ро гуфт

Дар зардоби хуни инсоне, ки ба бемории респираторӣ гирифтор шуда табобат ёфтаанд ба ҳамаи бемориҳои сироятии респиратории аз сар гузаронидашон подтанҳо (антитело), яъне масуниятнокӣ ба ҳамаи ин бемориҳо мавҷуд аст. Бинобар ин табобат низ мақсаднок ҳисобида мешавад, мегӯяд олими тоҷик дар мақолае, ки дар саҳифаи фейсбукии сухангӯи раиси шаҳри Хуҷанд нашр шудааст.

"Дар ин асос олим  зарур мешуморад, ки соҳаи тандурустии Тоҷикистон барои табобат ва пешгирии бемории коронавируси CОVID-19 ҳар чӣ бештар хуни реконваленсентӣ, яъне плазмаи хунро аз шахсони ба беморӣ гирифтор шуда, табобатёфта, ки дар зардоби хунашон подтанҳо (антитело) бар муқобили коронавируси CОVID-19 доранд, ҷамъоварӣ ва захира намоянд".

Воҳимаи мардум асос надорад

11 март Созмони ҷаҳонии беҳдошт дар тамоми миқёси ҷаҳон пандемияи коронавирус эълон кард. Ба гуфти Мухтор Каримов, ҳол он, ки барои эълон кардани эпидемия бояд 5% аҳолӣ гирифтори беморӣ бошанд.

Кашфиёти олимони тоҷик: оби нуқра коронавирусро нест мекунад

"Пас барои чӣ гирифтори бемории зуком (грипп) нисбат ба коронавирус садҳо маротиба зиёд ва фавти одам аз ин беморӣ низ даҳҳо, садҳо маротиба зиёд бошад ҳам, на эпидемия ва на пандемияи зуком эълон карда намешавад", - суол мегузорад олими тоҷик.

Ҳамасола аз зуком, бемории сил, саратон, илтиҳоби шуш ва ғайра даҳҳо-садҳо маротиба фавти зиёди одамон дида мешавад, ки инро нишондиҳандаҳои ҳисоботҳои оморӣ тасдиқ мекунанд.

Дар ҳамин асосҳо Мухтор Каримов мегӯяд, ваҳму воҳимаҳое, ки дар байни мардум оиди бемории коронавирус пайдо шудааст, асосҳои кофӣ надоранд.

2326
Барчаспҳо:
вируси нав, пешгӯӣ, Тоҷикистон, тоҷик, олим
Мавзуҳо:
Пайомадҳои COVID-19 дар Тоҷикистон ва ҷаҳон
Президент Кыргызской Республики Сооронбай Жээнбеков

Сооронбой Жээнбеков барои таҷлили Рӯзи Пирӯзӣ ба Маскав меравад

0
(Таҷдидшуда 18:43 28.05.2020)
Гузашти низомӣ ба муносибати Рӯзи Пирӯзӣ дар Маскав рӯзи 24 июн баргузор мешавад. Рӯзи таҷлили ид дар Маскав чораҳои амниятӣ шадид мешавад

ДУШАНБЕ, 28  май — Sputnik. Президенти Қирғизистон Сооронбой Жээнбеков дар гузашти низомӣ ба муносибати 75-умин солгарди Рӯзи Пирӯзӣ ширкат хоҳад кард, хабар медиҳад Sputnik Қирғизистон.

Ин хабарро раҳбари хадамоти матбуотии президент, Толгонай Стамалиев таъйид кардааст.

Ёдрас мешавем, ки имсол ба далели паҳншавии коронавируси навъи COVID - 19 таҷлили оммавии Рӯзи Пирӯзӣ дар Русия, ки ҳамасола рӯзи 9 май, баргузор мешуд, лағв шуд.

Президенти Русия Владимир Путин, рӯзи 26 май фармон дод, ки омодагӣ барои таҷлили 75-умин солгарди Пирӯзӣ дар Ҷанги Бузурги Ватаниро дар пойтахти Русия шаҳри Маскав ва дигар шаҳрҳо оғоз шавад.

Беш аз миллион нафар аз 60 кишвари ҷаҳон суруди "Рӯзи Пирӯзӣ" - ро сароиданд - видео

Ӯ қайд кард, ки рӯзи 24 июн барои таҷлили ин иди бузург рӯзи мувофиқ аст, чун маҳз дар ин таърих нахустин бор соли 1945 гузашти низомии қаҳрамонон баргузор шуда буд.

Дақиқаи хомӯшӣ барои поси хотири қурбониёни Ҷанги Бузурги Ватанӣ

Дар баробари ин президент ба вазири дифоъ Сергей Шойгу фармуд, то замони таҷлили ид амнияти шаҳрвандон қатъиян таъмин шавад ва хатари сироятёбӣ ба коронавирус дар он рӯз кам карда шавад.

0
Барчаспҳо:
ҷашни рӯзи Ғалаба, Маскав, сафар, Сооронбой Жээнбеков, Маскав
Мавзуҳо:
Пайомадҳои COVID-19 дар Тоҷикистон ва ҷаҳон