Чашка кофе

Чӣ қадар қаҳва бояд нӯшид, то умр дароз шавад

422
(Таҷдидшуда 14:53 18.11.2019)
Ба ақидаи коршиносон, барои коҳиш додани хатари марги бармаҳал инсон бояд дар як рӯз тақрибан чор пиёла қаҳва нӯшад, аммо субҳгоҳон истеъмол намудани қаҳваро тавсия намедиҳанд

ДУШАНБЕ, 18 ноя — Sputnik. Олимон ба чунин хулоса омадаанд, ки қаҳва аз сабаби миқдори зиёди антиоксидантҳои дар дохилаш дошта метавонад ба дарозумрии инсон мусоидат кунад.

Дар ин бора АМИТ "Ховар" бо такя ба "Medikforum" хабар медиҳад.

Тӯли 12 сол коршиносон таъсири қаҳваи табиӣ ба баданро омӯхта, муайян кардаанд, ки дӯстдорони ин нӯшокӣ дар давраи муайяншуда камтар фавтидаанд.

Олимон хатари марговари нӯшидани чойи гармро муайян карданд

Олимони соҳаи тиб ин гуна таъсири қаҳваро ба мавҷудияти антиоксидантҳо, ки равандҳои оксидитивӣ ва вайроншавии ҳуҷайраҳоро заиф мегардонанд, рабт доданд. Оксидизатсия яке аз ангезандаҳои бемориҳои пиршавӣ, рушди саратон ва дилу рагҳо мебошад.

Ҳамзамон антиоксидантҳо дар мубориза бо ин равандҳои патологӣ кумак мерасонанд. Онҳо бо илтиҳоб "мубориза мебаранд" ва радикалҳои озодро, ки дар организм ҳангоми мубодилаи моддаҳо ба амал меоянд, безарар мегардонанд.

Чанд финҷон қаҳва бояд нӯшид, то умр дароз шавад

Олимон на камтар аз ҳазор антиоксидантҳоро дар донаҳои қаҳва кашф кардаанд. Бар замми ин ҳангоми бирён намудани донаи қаҳва садҳо аксиданти  нав ташаккул меёбад.

Ба ақидаи коршиносон, барои коҳиш додани хатари марги бармаҳал инсон бояд дар як рӯз тақрибан чор пиёла қаҳва нӯшад, аммо субҳгоҳон истеъмол намудани қаҳваро тавсия намедиҳанд.

422
Барчаспҳо:
нӯшидани қаҳва
Мавзуъ
Олимон гуфтанд, ки инсон пеш аз марг чӣ эҳсос мекунад
Олимон хатари марговари шиками бузурги мардонро муайян карданд
Олимон хатари бараҳна кардани буҷулаки пойро гуфтанд
Чанд тавсияи олимон барои кам кардани зарари смартфон ба саломатии инсон