Раҳмон “Арактор” ихтироъ кард : мошини ҳайратовар ва бурранда -видео

1309
(Таҷдидшуда 14:06 28.11.2019)
Раҳмон Абдуҳалимов, сокини деҳаи Пахтакори ноҳияи Мирсаид Алӣ Ҳамадонӣ техникае ихтироъ намудааст, ки аз ҳаракати он бисёриҳоро ба ҳайрат омадаанд

ДУШАНБЕ, 28 ноя — Sputnik. Ин мошини сохтаашро Раҳмон, “Арактор” ном гузоштааст, ки ба ҳисоби ҳаракат дар роҳ, кори бурриши тахтаҳои сохтмониро бе истифодаи қувваи барқ ба иҷро мерасонад.

 Ин сокини ноҳияи Ҳамадонӣ гуфтааст, ки “Арактор” сохтаи маҳсули тахайюли худаш буда, қисмҳои онро аз ҳар куҷо ҷамъ овардааст.

“Ин техникаи сохтаи мо, арра дорад, ки тавассути муҳаррики худи мошин кор мекунад. Дар ин мошин дастгоҳи кафшергарӣ (сварка) ҳам насб карда мешавад”, - гуфтааст Раҳмон.

“Арактор” ҳарчанд ба фарқ аз дигар мошинҳои хориҷӣ дизайни хуб надорад, вале ҳаркати он ронандаҳои зиёдро ба ҳайрат овардааст.

Ин мошин як қатор корҳоро ба иҷро мерасонад, аз ҷумла бурриши тахтаҳои болопӯши иморатҳоро, ки дар шароити русто, мардум ба иҷрои ин корҳо зиёд эҳтиёҷ доранд. Зимнан Раҳмон бо “Арактор” аш, ки ҳамчун устохонаи сайёр ба ҳисоб меравад, барои иҷрои корҳои сохтмонии фармоишшуда ба ҳар куҷо сафар мекунад.

“Дар роҳ бисёре аз ронандаҳо аз дидани ин мошини ман ба ҳайрат меафтанд. Маро нигоҳ дошта мепурсанд, ки ин чи навъ мошин аст? Ман барои онҳо дар бораи ин мошини сохтаам мефаҳмонам”, - мегуяд Раҳмон.

 Дар кори идораи ин мошин ҳамроҳ бо соҳибаш, ду нафари дигар ҷалб шудаанд ва аз роҳи меҳнати ҳалол рӯзӣ дарёфт мекунанд.

 “Муҳандис” и “Арактор” Раҳмон Абдуҳалимов мегуяд, ки дар курси муҳандисӣ таҳсил накардааст, балки пешаи рассомиро дӯст медорад.

Сохтаи ин мошин ҳам, ки бо дизел ҳаракат мекунад, маҳсули тахайюл ва дастранҷӣ худаш аст.

Ин сокини ноҳияи Мирсаид Алӣ Ҳамадонӣ азм дорад, мошини дуюмини худро созад, ки барои анҷом додани кору бори деҳот пешбинӣ шуда ва иқтидори кории он аз “Арактор” бештар хоҳад буд.

1309
Барчаспҳо:
ҳайрат, мошин, ихтироъ, Мир Саид Алии Ҳамадонӣ, Ҳамадонӣ, Раҳмон
Планета Марс

Замони кӯч додани одамон ба Миррих маълум шуд

2680
(Таҷдидшуда 13:26 21.02.2021)
Олимон дақиқ намуданд, ки кай имкони ба сайёраи сурх, аниқтараш Миррих кӯч додани одамон мумкин мешавад

ДУШАНБЕ, 21 фев — Sputnik. Президенти "Ҷамъияти Миррихиҳо", муҳандис ва ҳаваскори таҳқиқоти Миррих Роберт Зубрин изҳор доштааст, ки қай одамонро метавон аз Замин ба миррих кӯчонд.

Ба гуфтаи ӯ, ин кор то соли 2030 имконпазир хоқад шуд. Зубрин гуфт, ки то соли 2100 дар Сайёраи Сурх аввалин шаҳри миллионҳо пайдо хоҳад шуд.

"Чӣ қадаре ки одамон бештар ба Миррих парвоз мекунанд ва дар он ҷо таваллуд мешаванд, мо ҳамон қадар зуд ҳузури худро васеъ намуда, то соли 2070 ба шаҳр табдил хоҳем ёфт. Он гоҳ то соли 2100 Миррих ба шаҳри миллионҳо ё ҳатто бештар аз он табдил меёбад", - таъкид кард ӯ.

Ҳамзамон Зубрин дар мусоҳиба бо РИА Новости қайд кард, ки рушди сайёра, ба эҳтимоли зиёд, бидуни талафот нахоҳад буд.

Чанде пеш ровери амрикоӣ Perseverance ба сайёраи Сурх нишаст. Вазифаи асосии он дарёфти нишонаҳои ҳаёт мебошад. Ҳадс зада мешавад, ки миллион сол пеш дар ин сайёра ҳаёт вуҷуд доштааст.

Дар ҳамин ҳол, чанде пеш соҳибкор ва молики SpaceX, Илон Маск дар бораи кӯчонидани одамон ба Сайёраи Сурх ҳарф зада буд. Вай қайд кард, ки татбиқи чунин ғоя то соли 2050 имконпазир хоҳад буд.

2680
Барчаспҳо:
одамон, кӯча, миёни Миррих ва Муштарӣ
Медицинская лаборатория, архивное фото

Медали тиллои Муътабар Зоидова дар сабқати занҳои ихтироъкор дар Ҷопон

113
(Таҷдидшуда 17:19 03.02.2021)
Ассистенти кафедраи биохимияи Донишгоҳи тиббии Тоҷикистон, Муътабар Зоидова дар Намоишгоҳи байналмилалии занҳои ихтироъкор зери унвони "Kiwie-2020" сазовори медали тилло шуд.

ДУШАНБЕ, 3 фев - Sputnik. Дар ин бора имрӯз зимни нишасти матбуотӣ ректори Донишгоҳи давлатии тиббии Тоҷикистон ба номи Абӯалӣ ибни Сино Маҳмадшоҳ Гулзода гуфт.

Ба гуфти ӯ соли 2020 ассистенти кафедраи биохимияи донишгоҳ Муътабар Зоидова дар Намоишгоҳи байналмилалии занҳои ихтироъкор "Kiwie-2020", ки дар шаҳри Сеули Кореяи Ҷанубӣ баргузор гардид, сазовори медали тилло шуд.

Дар баробари Зоидова, Мухтарова Парвина - ассистенти кафедраи бемориҳои гӯшу гулӯ ва бинии Донишкадаи такмили ихтисос ва баъдидипломии кормандони соҳаи тиб ва Маҳмудова Таҳмина - муовини декан оид ба илм ва донишҷўёни шартномавии факултети “Нақлиёт”-и Донишгоҳи техникии Тоҷикистон ба номи академик Осимӣ, дар 13 – умин Намоишгоҳи байналмилалии занҳои ихтироъкор “KIWIE – 2020” ва Форуми байналмилалии занҳои ихтироъкор, иштирок намуда, соҳиби медали тилло гардиданд.

Ин намоишгоҳ дар шаҳри Сеули ҷумҳурии Кореяи Ҷанубӣ аз 23 то 25-уми октябри соли гузашта баргузор гардида аз 17 кишварҳои аъзои Созмони умумиҷаҳонии моликияти зеҳнӣ, 441 нафар (230 ихтироъҳо) бонуи ихтироъкор иштирок намуданд.

Раиси вилоят ба наврасони ихтироъкор ва китобхон маблағ ва тӯҳфа дод

Ногуфта намонад, дар 12-умин намоишгоҳ ва форуми ҷаҳонии занони навовари соли гузашта Мавлуда Давлатмамадова, барои ихтирои малҳами табобатӣ бар зидди бемории ҳассосияти пӯст соҳиби медали тилло гардида буд.

Ҳамчунин 11 декабри соли 2020 як нафар ординатори клиникии соли дуюми кафедраи ҷарроҳии кӯдакона дар олимпиадаи байналмилалии Донишкадаи давлатии тиббии Самарқанд иштирок намуда, аз ҷарроҳии кӯдакона сазовори ҷойи дуюм гашт.

Се медали тиллои занҳои тоҷик дар озмуни ҷаҳонии бонувони ихтироъкор

Ёдовар мешавем, ки соли 2018 се бонуи ихтироъкори  Донишгоҳи давлатии тиббии Тоҷикистон барои ихтироъ дар соҳаи тиб сазовори медалҳои тилло ва нуқра гардида буданд.

113
Барчаспҳо:
ихтироъкори тоҷик, ихтироъкорӣ, нишасти хабарӣ, Ҷопон, медали тилло
Мужчина совершает молитву на кладбище

Даргузашти Фотима Ғуломова, ҳунарманди тоҷик пас аз як моҳи марги шавҳар

518
(Таҷдидшуда 22:08 01.03.2021)
Фотима Ғуломова, ҳунарманди номии тоҷик, модари коргардони тавонои тоҷик Барзу Абдураззоқов ва ҳамсари Ҳабибулло Абдураззоқов аст

ДУШАНБЕ, 1 мар – Sputnik. Фотима Ғуломова, ҳунарпешаи номдори театру синамо, модари коргардони машҳур Барзу Абдураззоқов ва ҳамсари Ҳабибулло Абдураззоқов, ҳунарманди номии театру синамо пас аз бештар аз як моҳи марги шавҳараш даргузашт.

Фотима Ғуломова, ҳунарманди номии тоҷик
Акс аз саҳифаи фейсбукии Хуршед Мустафоев
Фотима Ғуломова, ҳунарманди номии тоҷик

Аз даргузашти ҳунарпеша корбарони шабакаҳои иҷтимоӣ, ҳаводорони саҳна ва дӯстони фарзандаш Барзу Абдураззоқов хабар додаанд.

Писари дигари ҳунарманд Шаҳбоз Абдураззоқов ин хабарро тасдиқ карда, гуфтааст, модараш дар пайи беморӣ ҷон ба Ҷонофарин супурд.

Фотима Ғуломова 87 сол дошт ва бештар аз 40 сол дар саҳнаи Театри давлатии академии драмавии ба номи Лоҳутӣ фаъолият карда буд.

Фарзандонаш Барзу Абдураззоқов, коргардони тавонои тоҷик, корманди идораи Созмони Милал Шаҳбоз Абдураззоқов ва проффессори Консерваторияи Шветсия Ниссор Абдураззоқов ҳастанд.

Ӯ дар намоишҳои "Бой ва ғулом", "Шоҳ Лир", "Рӯдакӣ", "Рустам ва Суҳроб", "Мо аз боми ҷаҳон" нақшҳои асосӣ ва хотирмонро бозидааст.

Хомушии ситораи дигар: нақшҳои беҳтарини Ҳабибулло Абдуразоқов – видео

Марги Фотима Ғуломова дар ҳолест, ки ҳанӯз бештар аз як моҳ қабл, 19 январ ҳамсараш, ҳунарманди тавонои синамо ва театр Ҳабибулло Абдураззоқов даргузашта буд.

518