Алимуҳаммад Холов, мудири лабораторияи Пажӯҳишгоҳи физикаву техникаи ба номи Султон Умарови Академияи улуми Тоҷикистон

Кашфи муштараки олимони тоҷику эронӣ ва фойидаи чандҳазордолларии он

714
(Таҷдидшуда 12:46 11.12.2020)
Як ширкати эронӣ кашфи муштараки олимони тоҷику эрониро вориди истеҳсолот намудаааст. Оидоти иқтисодии он то 100 ҳазор доллар ҳисоб шудааст

ДУШАНБЕ, 11 дек – Sputnik. Алимуҳаммад Холов, мудири лабораторияи Пажӯҳишгоҳи физикаву техникаи ба номи Султон Умарови Академияи улуми Тоҷикистон ба Sputnik Тоҷикистон гуфт, рӯи ин кашфиёт ӯву ҳамкораш Ҳикмат Муъминов ва унвонҷӯи эронӣ Аҳмад Зотии Рустамӣ ҳудуди як сол кор карда, тариқи ахирӣ ба ширкати Petro Sadid Khazar – и Эрон пешниҳод намудаанд.

"Санади татбиқи корбурдии он аз сӯи мудири омили ин ширкат ба мо ирсол шуд, ки дар он гуфта мешавад, сулулҳои хуршедии наносохтори силикони карбид, ки аз сӯи мо пешниҳод карда шудааст, дар ширкати Петро Садид Хазар мавриди истифода қарор мегирад, ки ҳангоми татбиқ дар ширкат бо арзёбии мутахассисин то яксад ҳазор доллар солона фоидаи иқтисодӣ дорад", - гуфт Алимуҳаммад Холов.

Petro Sadid Khazar як ширкати истеҳсол ва хизматрасониҳои обкашҳо, гулҳои сих (арматурҳо), дегҳои бухор ва асбобҳои гармидиҳанда, қисмҳои эҳтиётии нафту газ ва ғайра аст, ки дар шаҳри Сорӣ, маркази устони Мозандарони Эрон фаъолият мекунад.

Олими тоҷик мегӯяд, маводе, ки дар ҳамкори бо олими эронӣ ҳосил шудааст, карбиди силитсий ном дорад ва барои зиёдтар барқ ҳосил кардани панелҳои офтобӣ ёрӣ мерасонад.

"Карбиди силитсий, яъне ҳам силитсий ва ҳам карбон якҷояанд. Мо бо усулҳои нанотехнологӣ маводеро, ки дар 2700 дараҷаи гармӣ ҳосил мешавад, дар 65 дараҷаи гармӣ ба даст овардем. Агар хокаи карбиди силитсий, ба гунаи мисол, дар шишаи тирезаи манзил ҷой карда шавад, тариқи сим ва аккумулятор метавон ба хона рӯшноӣ дод", - гуфт Алимуҳаммад Холов.

Донишҷӯёни тоҷик велоэлектрогенератор ихтироъ карданд

Ба қавли олими тоҷик, Аҳмад Зотии Рустамӣ, як унвонҷӯи эронӣ буд, ки чанд соли пеш ба Пажӯҳишгоҳи физикаву техника омада, ҳоло ба Эрон баргаштааст ва дар яке аз тамосҳо гуфт, ки пас аз хатми мушкили "вируси корона" ба Душанбе хоҳад омад ва як боғи технологиро роҳандозӣ хоҳанд кард, ки барои чароғонии он аз кашфи муштараки мо кор гирифта хоҳад шуд.

"Мо кашфиёти зиёд дорем ва боз метавонем бо усулҳои нанотехнология кашфиётҳои нав кунем, аммо муҳим заминаи амалисозии онҳо дар истеҳсолот аст. Агар дар кишвари мо чунин шароит фароҳам шаванд, ин кашфиёт ҳам ба иқтисод ва ҳам некӯаҳволии мардум асаргузор хоҳанд буд", - гуфт Алимуҳаммад Холов.

Пажӯҳишгоҳи физикаву техникаи ба номи Султон Умарови Академияи улуми Тоҷикистон соли 1957 таъсис ёфта, бо пажӯҳишҳодар соҳаи физикаи ядроӣ, оптика ва электируникаи квантӣ, акустикаи физикӣ ва техникӣ, мушкилоти физикӣ ва техникии энергия, физикаи атмосфера, корбурди равишҳои таҳқиқи физикӣ дар тиб ва ғайра машғул аст.

То кунун чеҳраҳои маъруфи илми физикаи Тоҷикистон академикҳо Адҳам Адҳамов, Раҳим Марупов, Саидмуҳаммад Одинаев, Ҳикмат Муъминов ва дигарон раҳбарӣ кардаанд.

714
Барчаспҳо:
ширкат, истеҳсол, муштарак, кашф, Эрон, тоҷик, олим
Лепешки, испеченные к празднованию Дня национального единства

Кадом маводи ғизоӣ ба беморони COVID - 19 зарар дораду кадом фоида

764
(Таҷдидшуда 09:03 10.01.2021)
Пизишк маводи ғизоиеро ном бурд, ки ба ҳеҷ ваҷҳ набояд гирифторони бемории коронавирус истеъмол кунанд

ДУШАНБЕ, 9 янв – Sputnik. Истеъмоли бархе аз маводи ғизоӣ ба бемори гирифтори коронавирус, зарар дорад.

Дар ин бора пизишки терапевт, номзади илмҳои тибб Екатерина Бурляева нақл кард.

Ба гуфти ӯ ғизо худ наметавонад манбаъи сирояти коронавирус шавад.

"Ин на истеъмоли яквақтаъина балки, маҷмӯъи одатҳои бад мебошад, ки дар охир ба рафти бемории коронавирус таъсири худро мерасонад", - қайд кард коршинос.

Бурляева гуфт, ки барои бемори гирифтори коронавирус менюи вижа омода шудааст. Он аз ҷониби Роспотребнадзор омода шудааст.

Ба нафароне, ки гирифтори бемории коронавирус ҳастанд ва бо ин сироят мубориза мебаранд, истеъмоли шакар ва намак тавсия дода намешавад. 

Онҳое, ки ба маризии коронавирус гирифтор шудаанд, истеъмоли нон ва маводи нонӣ тавсия дода мешавад.

Ҳамчунин обҳои газдор ва нӯшокиҳои дорои оби мева метавонанд ба дардмандони COVID - 19 таъсири манфӣ расонанд, гуфт коршинос дар суҳбат бо "Российская газета".

Сироятшинос гуфт, пас аз 5 сол бо коронавирус чӣ мешавад

Дар баробари ин Бурляева мегӯяд беморони гирифтори коронавирус набояд гӯшти равғандор, ҳасиб, панир, картошка ва фастфуд истеъмол кунанд.

Ҳамин тавр ба гуфти коршиносон дар давраи бемории коронавирус инсон бояд бештар компот, шӯрбои мурғӣ ва кашаҳои ширӣ истеъмол кунад.

764
Барчаспҳо:
маводи ғизоӣ, ғизо, зарар, вируси корона
Мавзуҳо:
Пайомадҳои COVID-19 дар Тоҷикистон ва ҷаҳон
Медицинские работники во время обхода в госпитале для лечения больных COVID-19, архивное фото

Олим гуфт, коронавируси бритониёӣ чӣ хатар дорад

581
(Таҷдидшуда 18:47 27.12.2020)
Вирусшиноси Маркази илмиву тадқиқотии эпидемиологӣ ва микробиологии ба номи Гамалеи Виктор Зуев гуфт, коронавируси нави бритониёӣ чӣ хатаре дорад

ДУШАНБЕ, 27 дек — Sputnik. Хусусиятҳои зиддигении навъи нави коронавирус, ки дар Бритониёи Кабир дар аввали моҳи декабр кашф шуд, бетағйир монд, гуфт Виктор Зуев вирусшиноси Маркази илмиву тадқиқотии эпидемиологӣ ва микробиологии ба номи Гамалеи.

"Ин навъ бештар сирояткунанда аст", - қайд кард мутахассис.

Ба гуфти вай, набояд аз ин навъи коронавирус ҳарос дошт, балки қоидаҳои зарурии пешгирикунандаро қатъиян риоя кардан зарур аст.

Зуев қайд кард, ки ваксинаҳои қаблан сохташуда низ бар зидди COVID-19 - и нав метавонанд муқовимат кунанд.

Ёдовар мешавем, ки навъи нави коронавируси бритониёӣ аллакай дар 8 кишвар пайдо шудааст. Аввалин ҳолатҳои шакли мутатсионии сироят дар Бритониёи Кабир кашф шуд.

Олимон қайд мекунанд, ки сироятёбӣ аз коронавируси навъи бритониёӣ 70% зиёдтар аст. Ҳамзамон, коршиносон ҳанӯз далеле надоранд, ки эҳтимолияти марг пас аз бемор шудан бо ин навъи коронавирус афзоиш ёфтааст ё не.

Гирифторони COVID-19 дар ҷаҳон ба 80 миллион наздик шуд: ташвиши нав аз шакли нави он

Бо сабаби пайдоиши шиддати мутатсионии COVID-19, мақомоти бисёр иёлотҳо тасмим гирифтанд, ҳаракати ҳавоӣ бо Бритониёро қатъ кунанд.

Масалан парвозҳо байни ду кишвар Русия ва Бритониё аз 22 декабр барои як ҳафта қатъ шудааст.

Пештар дар бораи интиқоли намунаи навъи нави коронавирус аз ҷониби мутахассисони Бритониё ба олимони Русия маълум шуд.

581
Барчаспҳо:
олим, хатар, хатар, Бритониё, Русия
Рабочие на строительной площадке, архивное фото

Иҷозати Ҳукумати Русия барои вуруди муҳоҷирон аз Тоҷикистон

0
Вазорати сохтмони Русия хабар дод, ки ҳукумат низоми вуруди муҳоҷирон аз Тоҷикистон, Ӯзбекистон, Қазоқистон ва Туркия барои кор дар сохтмонҳоро тасвиб кард

ДУШАНБЕ, 22 янв — Sputnik. Ирек Файзуллин, вазири сохтмон ва хоҷагии манзили Русия иттилоъ дод, ки Ҳукумат ба ҷалби муҳоҷирон аз Тоҷикистон, Ӯзбекистон, Қазоқистон ва Туркия дар сохтмонҳо иҷозат дода, низоми вурудро тасвиб кард.

Вазир дар мулоқот бо бахши соҳибкорӣ дар Палатаи савдо ва саноат тавзеҳ дод, ки тасмими вуруди муҳоҷирон барои кор дар сохтмонҳои Русия бо усули “идораи дастӣ” сурат хоҳад гирифт.

“Комиссия бо Тоҷикистон, Ӯзбекистон, Қазоқистон ва Туркия аллакай ташкил карда шуд. Мо ин равандро бо идораи дастӣ роҳандозӣ кардем”, - гуфт Файзуллин.

Ӯ таъкид кард, ки ширкатҳои бузурги сохтмонӣ ва мақомоти маҳаллӣ бояд дархост барои вуруди теъдоди муайяни муҳоҷиронро таҳия кунанд. Феълан раванди мувофиқакунӣ ҳудуди се ҳафтаро дар бар мегирад.  

Файзуллин инчунин илова намуд, ки баъди кушода шудани марзҳо низоми вуруди муҳоҷирони меҳнатии хориҷӣ бозбинӣ хоҳад шуд.

Ин тасмим дар ҳолест, ки қаблан Владимир Путин, раисиҷумҳури Русия, ба кабинаи вазирон дастур дод, ки ба масъалаи сода кардани ҷалби муҳоҷирони меҳнатӣ ба сохтмонҳо расидагӣ кунад.

0
Барчаспҳо:
иҷозат, Русия, сохтмон, Тоҷикистон